蔥仔越南包

Open Now

Now Closed

黎大角咀終於食左呢間，叫左全個法包套餐B，套餐B包餐湯一碗蔬菜兩款，法包即叫即製。經典越南法包店長幫我地切半方便食用，法包非常香脆約9吋長，我地叫左少辣多蔥，餡料飽滿有扎肉、烤肉、甘筍、蘿蔔、肝醬、蛋黃醬、青蔥、芫荽、辣椒同豬肉鬆，多菜少肉口感豐富，如果醬汁更多更滋味。餐湯係南瓜湯，有粟米粒令口感更豐富，湯濃厚杰身香甜可口。蔬菜有西蘭花🥦、冬菇同椰菜，唔係白烚用上蒜、醬油、蝦米調味，咸淡適中有誠意

蔥仔越南包其實我已經食過3次🤣但食極都冇厭到4.5吋 $30 ，9吋$50，非常抵食。-當日我2點去到得左一陣就有得拎啦，唔洗排隊。正啊一樣即叫即整，法包香脆唔會戒到口，內含扎肉、烤肉，醃甘筍蘿蔔、肝醬、蛋黃醬、青蔥、芫荽、辣椒、豬肉鬆（如果唔需要配料可以提早同老闆講）同埋呢度係自己找續講個信字而且出品一d都唔馬虎，食完真係會再回頭嫁！！！

大角咀必試人氣小店之一 -----蔥仔越南包喺大角咀雖然已經食左幾間餐廳，已經好飽，但對麵包無法抗拒嘅我，番到屋企仍然可以一個人KO全個包，就知佢有幾吸引我~~ 😆 雖然隔左7個鐘先食，但番到屋企氣炸返熱，法包即時變脆。我平時唔食子天椒，但第一次食呢間小店，緊係乜料都有齊，估唔到子天椒唔會好嗆好辣，反而令個包更好味😋。法包雖然唔係即整即食，但我覺得咁樣反而令所有配料互相吸收左大家嘅味，而變得溫和、融洽，唔會出現搶味嘅情況。呢個法包材料豐富、足料、性價比高，識揀一定揀全個!!😏 當日我係佢隔離間日式牛肉丼餐廳等位，等左2個鐘，每位等緊牛肉丼嘅人，都會有個指定動作-----入去買個法包食住等🙊小店只賣一款越南法包，所以出餐好快，平均2分鐘出一個包。當日紅日，有好多人都係第一次黎，唔識點餐(包括我自己)，所以我係度簡單講下：首先喺店內近玻璃門位置痴左一個紙手巾SIZE嘅盒仔，內有黃色嘅Number牌仔，一個法包一張，即係如果要買2個包就要拎2張，之後就等師傅叫Number。由於每個法包整作大概2分鐘，客人就可以喺店外等候，預時間先入店等叫Number，可以避免店內人群聚集。

真係行過路過唔好放過！呢區其實都有好多高質小店，相比起一大群連鎖式經營嘅餐廳，喺呢波疫情入面，小店真係好難捱！如果唔支持下，都唔知佢哋仲有冇機會比你下次去支持佢哋！入返正題，成間鋪頭比你選擇嘅野唔多，就只係得越南飽同有沙律湯，再加幾款飲品，主打嘅就係越南飽。呢個飽真係好好食！👍🏿足料之餘，就算比你食個9吋都真係可以再黎多個！入面嘅料會有蔥芫茜肝醬扎肉酸蘿蔔等，個法飽脆但唔「吉」咀。個老闆都好nice😁，店舖只收現金，記住帶錢！

幾年前去越南旅行，念念不忘越式法包嘅滋味。前排見到個post介紹呢間小店，講到香港最好味，專程同朋友入大角咀試下有幾正宗。一攞上手已經覺得個包頗贅手，打開包裝紙一睇，餡料塞爆成條包！我講唔出有邊款食物味道最出眾，因為一啖咬落去，蘿蔔絲嘅酸甜，札肉嘅鮮味，雞肉嘅油香，加上芫荽獨特嘅香氣，完美地係口腔融合 🤤 食得辣嘅朋友唔可以錯過指天椒！佢嘅指天椒好細粒，冇越南食嘅咁辣，連埋其他食材有畫龍點睛嘅效果！總括而言，佢絕對fulfill到我係烈日當空行咗15分鐘+bookmark咗成個月嘅期待！如果可以開近啲地鐵站一定會成日食 🥲

前幾日想去大角咀食拉麵，點知排到抽筋，驚Youtuber嘅魔力，十分非凡。揸車經過大角咀當然有其他心儀嘅選擇，蔥仔越南包，相對應該最簡單唔使排隊，又夠快。呢間傳說好過渡船街全港最佳越南包嘅小店深受好多朋友嘅愛戴，幸好今日唔使點排隊就食到。以多種唔同嘅配料如札肉、烤豬肉、酸蘿蔔、甘筍，醬料方面有芫荽、青蔥、辣椒、肝醬、蛋黃醬等，較特別嘅配料就有豬肉鬆，痛之前詩歌嘅好似有少少分別，但係最重要最出色係嗰個脆到一個點嘅法包。三十元半件，五十一件，冇理由唔食一件，印象中好似平過渡船街。可惜當日有下一站，所以冇加到佢嘅湯品餐同埋其他野食，下次一定有機會再會。當然如果你喺呢度食得唔夠飽，附近仲有大把好嘅選擇。

呢間係食過好多次，食極都唔厭既一間餐廳，第一次食已經一試難忘，當然要寫番個食評支持佢😎😎（5分為滿分：🌕）味道：🌕🌕🌕🌕🌕無得彈..💕💕💕💕💕就算外賣番到去個包都係脆，餡料係爆滿，蘿蔔酸酸地搭埋啲小辣椒係超級開胃，扎肉同雞肉既味道就濃番啲，成件事好balance🥴加埋啲芫荽同香料成個包既口感真係好正（小編今星期已經食左三次🤣）另外佢地既蘑菇湯都係足料到傻🤤，蔬菜加左少少麻油同櫻花蝦，味道清爽得黎又唔會太淡🤪女仔食半個應該都夠飽，男士就可以食佢個set包埋湯同蔬菜都有八成飽🥰價錢：🌕🌕🌕🌕🌗全個九吋法包就50蚊，4.5吋就38蚊，絕對係合理價錢（我覺得直頭抵食添🤣）set就加多15蚊包一湯一菜，通常都會飽架喇，除非你地好似我咁大食架姐😂交通：🌕🌕🌕🌘🌑位於大角咀，唔算近地鐵站，都要行十分鐘左右，揸車可20分鐘前whatsapp落定單再泊附近咪錶/內街位，去到就可以即刻拎🙉環境：🌕🌕🌕🌘🌑鋪頭細細主要都係做外賣，亦都有3-4張枱可堂食，之前試過堂食仲有花茶可斟黎飲🤤性價比：🌕🌕🌕🌕🌕50蚊價錢買到個水準極高既法包，健康有營養得黎又唔會太heavy🤤有時無咩胃口唔想大魚大肉食呢個就perfe

呢間小店雖然門面細細，座位都係得幾個，但係你一行入間舖頭，就會聞到一大陣香味。本人本身對越南法包冇咩興趣，但見到咁多人推介真係唔試唔得。我揀咗A餐半個法包配兩種配菜，先講個法包，個包面焗得好，我本身都好鍾意法包偏硬呢種麵包，然後裏面個餡真係冇得彈。醃料調味調得好好，醃蘿蔔嘅酸味，配肝醬同蛋黃醬，同埋少少辣椒，（我走咗芫荽），講出嚟好似好普通但係食落去同聞上去嗰陣香味真係超水準。個包夾住扎肉同埋烤肉，食完好滿足。加左配菜令到成件事好健康，調味就用咗麻油，都幾惹味。

蔥仔越南包 位於 大角咀富多來，新九龍廣場對面。店內有少量坐位供堂食，大約6-8個位，其中有兩張2人枱靠牆坐。小店由兩人用心經營，一人負責製作法包，另一位負責湯，飲品，小食其他部份。小店拿手越南法包，材料新鮮，即叫即做，由於用焗爐焗過，所以帶有微温。店水必食之選仲有蘑菇湯每啖都幾乎有蘑菇片，味道濃郁，又足料。今日叫左個4.5寸套餐已經好滿足。留意番小店現只收現金，暫未有其他電子付款系統。另外可以WhatsApp 外賣落單 5449-8562.有嚟開大角嘴，真係可以一試。行過路過，唔好錯過！

之前睇過有幾個YouTuber都介紹過呢間🤣 見佢唔太貴就求其試吓啦～ 🫔 經典越南法包（半個約4.5寸）$30呢間越南嘢主打「經典越南法包」，入面嘅配菜非常豐富，以下包括：扎肉、烤肉、甘筍、蘿蔔、肝醬、蛋黃醬、青蔥、芫荽、辣椒同埋豬肉鬆。入到去店員會先問你要一個定半個然後再問你要唔要辣同埋加唔加套餐～ 因為唔太肚餓所以淨係叫咗半個走辣（約4.5寸）雖然唔係即刻食但法包仍然保持到脆卜卜，唔會好似出邊嘅餐廳咁硬到咬極都咬唔開🤣 小妹最鍾意係佢酸酸地嘅蘿蔔絲同甘筍🙈 非常之開胃～ 另外扎肉同燒肉嘅份量都唔算少！感覺上唔係好覺落咗好多醬但勝在啲肉本身夠濕潤，唔會話食兩啖就覺得好乾😬 唯一不足係如果個法包係暖嘅可能會好食啲（純粹個人喜好，正常出邊食嘅發包應該係溫/凍(?)）不過整體來講非常不錯～ 經過嘅真係要試吓！⭐️ CP值：🐘🐘🐘🐘⭐️ 打卡able：🐘🐘🐘⭐️ 舒適度：🐘🐘⭐️ 再食指數：🐘🐘🐘🐘

必食之選之前喺大角咀返工咁耐，一直都冇試過越南葱仔包，今次居然係因為停咗晚市走咗去買外賣入到去好簡單，唔需要揀餡料，只係需要揀半份包定一份包，再睇吓自己需唔需要配餐湯或者蔬菜今次揀咗半份包， 4.5吋法包，店主會幫你將個包烘過先，唔會係凍冰冰，包嘅餡料亦都係指定左，我建議全部要晒，唔好有加減，咁先可以食到原汁原味，佢有扎肉，烤肉，肝醬，蛋黃醬，芫荽，辣椒等等，非常惹味至於餐湯，我就加咗$8要咗一碗試吓，嗰日係南瓜湯，味道非常濃郁，食包有陣時會覺得比較乾，加碗湯就啱啱好啦女仔食半份包加個湯我覺得都足夠，如果男仔就最好要晒全份包必定要再食

成間店得一樣主打食物，就係越南法包。叫咗全個套餐（約9寸）（$65）越南法包（法包外脆內軟，材料豐富，食落十分清新）、餐湯（蘑菇湯，味道都算濃郁）、蔬菜2份（雞脾菇 + 西蘭花，正常味道）。大角咀良心小店，食物質素不錯，要多多支持。

一直都好少嚟大角咀搵食，但係最近呢就聽講呢頭有一間越式法包幾好食，跟住就專登嚟試吓啦我哋大概係週末晏晝2:00去到，咁都唔係好多人排隊嘅我哋嗌咗一個經典越式法包（全個），同埋加配菜同埋湯。但係因為我哋係買外賣嘅緣故，就唔可以即刻享用啦咁返到屋企，試個法包其實都仲有少少餘溫嘅，雖已經冇咁脆口，但係都好好食！我同女朋友都讚不絕口haha 佢個餡調味做得十分之好，鹹酸辣嘅平衡我覺得拿揑得幾好：鹹嘅有魚露同豉油汁調味，而青辣椒、辣椒等配料就帶來辣嘅惹味，酸方面又有酸菜蘿蔔等等酸料令到更加清爽，再加埋佢嘅越式扎肉，我覺得十分之好食！再加上佢份量剛剛好，我覺得半個對男仔唔係好夠食，食成條完整嘅法包先爽另外想講嘅係佢嘅配菜雖然係簡單嘅一啲蔬菜，例如冬菇啊椰菜咁，但係其實佢調味落咗少少豉油同埋蒜蓉都已經幾好食再加上佢個湯係一個好濃郁嘅蘑菇湯，所以整體來講我覺得呢間小店嘅出品都高，值得一試再試！下次堂食應該會更加好食

呢間蔥仔越南包係我地既To eat list入面好耐，因為佢係一間黃店，而且我地好鍾意食呢d酸甜開胃既嘢，佢鋪面好細只坐得落五六個人，好多人都係外賣，同埋佢都係主打個越南法包，選擇就一定唔多㗎啦😀主要都淨係買越南包或者套餐A同套餐B💁🏻‍♂️套餐A包一碗湯或者兩個蔬菜、B就有齊晒湯同兩個蔬菜😀咁我哋兩個今次就揀咗A啦🤭分別就有蘑菇同埋南瓜湯，講真佢既食物真係好有驚喜😍比我地想像中好食好多，價錢更加係好平⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫🌯經典越南法包 ($30半個) 8.5/10個包冇得揀配料嘅，全部都一式一樣，你只可以揀半個/全條，要唔要芫荽或者辣椒等等，佢上到嚟嘅時候個份量都唔會話太差啦，個包烘到脆脆地，咬落去呢個口感都幾清爽啦可能因為有蘿蔔甘筍嘅存在😌而且佢嘅肝醬同埋蛋黃醬呢令到個包更加昇華😀成個越南包嘅配搭都好好啦好快就食晒🤭有機會嘅話呢我地會再嚟食多次～🥣南瓜湯 & 蘑菇湯 ($38 Each) 7/10佢哋係自家製造嘅，南瓜湯同蘑菇湯都十分出色，濃厚度適中，配料都好充足🤪🍴環境：6.5/10🌯食物：8/10🤵🏼服務：6/10💰價錢：8/10

之前朋友介紹過 大角咀蔥仔又平又好食仲要係黃店 今日我終於試到個包真係好新鮮 好香脆餡料多多又好味我唔食芫茜蔥所以走哂點知佢連肉鬆都走埋😆😆下次要記得提佢落返磨菇湯好濃好creamy 勁正蔬菜加咗秘製汁 好醒胃推薦！！外賣記得用WhatsApp落單唔使等