蔥仔越南包

Open Now

Now Closed

聽說這間的法包+湯，十分好味。但每次在奧海城行過去，都冇開門。有時法包賣晒就關門。難得今次見到有開，仲有位座，即刻入去。點了半份法包+湯+菜。法包是即叫即製，𥚃面的什菜+肉+醬，好涼快，味道好吃！但如果人多，要等，因為只有1個人整包。菜係100分！秋葵+特別汁，一流！湯也好味，但份量較少。店很少，只有3-4個位。眼見多是熟客居多，個個一入去已經識落order，叫外賣。試一次可以。夏天食就很適合，所以路過又見到有開門，可以再食。

大角咀呢區都不乏小店，唔少都幾高質，蔥仔越南包就係其中一間💛上次lunch匆匆買左個包就走，今次終於可以坐低慢慢食💁🏻‍♂️對於一啲店舖只賣單一食品一向都好放心 ，因為佢地一定係對佢地嘅product好有信心🤭 果然係無令我失望嘅😌 今次叫左2份4.5吋包跟2個餐湯同2份蔬菜。法包焗起後會噴水，做到外皮鬆跪嘅效果，而內裏餡料清新，好啱夏天食。湯方面，今日有南瓜湯同蘑菇湯，2款湯都好足料，南瓜湯仲有一粒粒粟米tim😚順帶一提，餐廳係採用自助找續方式收錢，相信老闆都好信任佢嘅高質食客😂

#經典越南法包 🥖睇相就知道個法包有幾咁多嘅餡料！超豐富！超吸引！超好味！😍🤤入面嘅餡料有：扎肉、烤肉、甘筍、蘿蔔、肝醬、蛋黃醬、青蔥、芫荽、豬肉鬆、辣椒😆半吋嘅法包入面有咁多嘅餡料，真係會令人食完非常飽肚！😋 一口絕對食唔晒成個包🤭 而且啖啖都好多唔同嘅口感！小編覺得個干將非常之出色！少少鹹鹹地嘅味道就會帶起左成個包嘅風味！真係好有越南嘅感覺🇻🇳 而且小編揀咗正常辣到，所以食落更加惹味！又刺激，推推😉👍🏻#升級套餐（配餐湯🍲同兩份蔬菜🥬）#南瓜粟米湯味道濃郁，加上有粟米粒粒，有口感又好飲！🥰#秋葵配椰菜面頭有秘製嘅醬料，食落係鹹鹹辣辣咁，好刺激味蕾，開胃😜.🏆 「豬」味指數：8/10📌 溫馨提示：份量實在太多啦！如果係小鳥胃嘅話，可以揀法包配個湯都OK😎另外，鋪面比較細，座位大概得五至六個，所以建議大家預咗外賣會方便啲🤓

呢間小店真係如店名 越南包 真係得越南包食 唔洗諗咁多。可以揀包size （半個4.5寸/原個9寸）同選擇配唔配餐湯或者蔬菜。舖面細細，可以睇住老闆包越南包，另外係自己比錢自己找續，老闆保持衛生唔掂錢，信任客人自律，外賣都係自行打包，好自助式。個越南包好多料，食半個（4.5寸）都夠飽。扎肉 燒腩肉 青瓜 甘筍 蘿蔔 肝醬 蛋黃醬 蔥 豬肉鬆 辣椒 （仲有芫茜 我叫走咗）包埋一齊係好有口感好豐富 唔會有一啖覺得寡 真係每一啖都會有料食 同埋醬料好夠。另外法包硬度剛好唔會硬到難咬。味道配搭超好，食完一次已經諗會再回頭！開心見到小店都幾受歡迎，如果外賣唔想排隊可以電話落定order，咁就唔洗等。

喂啊~真係有啲喜出望外呢🤩好多街坊推薦嘅蔥仔越南包抱住期望去都無失望住走大大份 餡料勁full扎肉/燒腩肉/青瓜/甘荀/蘿蔔/肉鬆/蔥/芫茜/辣椒/肝醬/蛋黃醬因為我唔食芫茜所以走茜 另外老闆會好主動問你要唔要辣🌶️法包有4.5寸同9寸比你揀 亦都可以轉set呢個包一咬落去就覺得好正 夠軟熟 越食越好味 啖啖都好滿足 而且感覺好夠fresh 好啱而家下午熱到哭出來嘅天氣食呢🤗香港嘅越式法包淨係食過呢度同佐敦好出名嘅添記 呢度係比添記更加出色

9寸長的法包$50，我就買左一個，回家切3段。真係好大個，滿晒，足料呀！真係好好好平！法包不嬲都較乾、較硬，但蔥仔的法包係軟少少，較易入口。超足料的扎肉，又大塊又多；入晒未的酸蘿蔔，大蔥，好好味，好juice。客人可以order 小辣、大辣，滿足晒不同口味的人。我唔知有莞茜，好彩外賣返屋企，慢慢拎走。店鋪裝修：乾淨企理，清新柔和！見到檔主默默地一塊一塊將材料送入法包，將法包塞得滿滿，再配合清清的油漆，份外寫意。

葱仔越南包，大概係我每次喺大角咀附近都必食嘅食肆，舖仔細細好似唔太起眼，但門口有個好顯眼嘅白底葱仔招牌舖頭內座位唔多，但裝修清新簡約舖頭專心做好一樣野，就係越南包，原個同半個包，散叫同單點都有，喜歡嘅甚至可以剩係買個包攞走，而另外有湯同菜配搭，價錢都非常親民
呢度係菜兩份，每次黎都有唔同選擇，通常都會有西蘭花同有出面比較少有嘅秋葵，而且好新鮮，加上XO醬添上一份香氣
湯品有粟米南瓜湯同磨菇湯，兩樣都係誠意之作，磨菇湯有菇蓉加上菇粒，好足料，而南瓜湯嘅南瓜係足料南瓜煮出黎
食葱仔始終係越南包先係主角，呢度係半個包，好細心咁用袋袋好唔怕啲汁滴到周圍係
個包真係好足料，多到唔記得有無數漏，有烤肉、芫茜、蔥、肝醬、醃甘筍絲、醃蘿蔔絲、蛋黃醬、辣椒、豬肉鬆，最底有扎肉加起黎嘅味道就係豐富嘅層次感同足料嘅咬感，但又唔會因為過多嘅餡料而甩到周圍係，而個包都唔會太大太乾太硬，成個越南包都好平衡好出色
之前黎有檸檬水可以自己斟，今次黎有好似羅漢果味嘅茶，有心意
葱仔越南包呢度舖仔細細但的確成間舖頭做得所有野都好出色，而另外值得一提嘅係顧客通常都會主動幫手清返乾淨自己張枱同放返個盤係出餐位，同埋顧客係自行

一個字 好正係呢個衞生物資短缺情況下 小店免費提供康鈣C比顧客 用心經營包款方面就冇選擇 我唸要唸多D菜式加左特辣嘅包都只係小小辣 對於喜歡辣嘅人黎講真係微辣配料好fresh 芫荽同酸蘿蔔絲真係配出個水準來 有蘑菇同南瓜湯 揀左南瓜湯 粒粒粟米肉 唔係開粉沖 正但最值得加分嘅都係....你懂的

自從舊年去過越南，一直對美味嘅越南包念念不忘，當知道大角咀有間 Bahn Mi 專門店後，就立即趁到附近工作嘅機會走去試一試。小店 12：15 開門，我未夠 12：30 去到已經 full house，門外仲有唔少等緊買外賣嘅人，好誇張😮。推門入去，老闆即刻話最少要等半個鐘，好彩唔趕時間，等咪等囉🤗。呢度嘅越南包可以 order 半份或者全份，入面嘅餡料包括：扎肉，烤肉，甘筍，蘿蔔，肝醬，蛋黃醬，青蔥，芫茜，辣椒同豬肉鬆，係最正宗嘅越南包風味。我仲想試下佢嘅蔬菜同埋湯，所以叫咗半份。個包一咬落去就覺得非常正，麵包夠脆，餡料夠多，調味適中，係我食過喺香港暫時最好食嘅越南包😍。是日供應嘅係蘑菇湯，蘑菇味既新鮮又濃郁，而且可能加咗唔少 cream 或鮮奶，口感細滑，非常高質👍。蔬菜我揀咗秋葵同西蘭花，兩者都係先烚熟然後再加上芝麻，蝦米仔，蒜，醋等調味，既清新又唔會乾噌噌淡茂茂，好食😙。除咗食物質素之外，小店仲有幾樣嘢令我覺得非常窩心，第一就係有萬樂珠放喺度畀人食，仲有越南帽擺喺度畀人試戴；另外，放水嘅地方有一句我好鍾意嘅梵高嘅 quote "What is done in love is d

大角咀的一間黃色小店 越式法包整得好有心機 雖然標題係邊行邊食 但我地係坐係舖頭堂食的可以單點/配湯/配蔬菜/套餐我套餐咁叫：$65 包一個9寸越式法包，是日餐湯南瓜粟米湯，兩份蔬菜：秋葵&娃娃菜招牌越式法包：法包烘得熱熱地 咬落外表香脆裡面香軟餡就好似menu上面寫的 全部都好足料咬落清新 蘿蔔絲酸甜爽脆 香蔥芫茜將味道再昇華 辣味係用指天椒碎 成個口腔都有辣味但又唔會好辛苦果種 好正！ 係香港食過正的法包是日蔬菜：秋葵&娃娃菜個菜係涼吃 上面有咸咸香香的醬油 少少的櫻花蝦調味 微微的辣食落更開胃（適逢呢幾日市民搶菜搞到d菜貴晒，店入面的菜都無加價，只係選擇少d）南瓜粟米餐湯非常正路 將d南瓜打爛加粟米粒而成的餐湯 不會好似水咁稀 足料👍🏻👍🏻呢間係一個心機黃店 舖頭細細食物好味 而且四圍貼滿文宣 老細咁神心 一定令黃色經濟圈長做長有 越做越旺手足經過入來幫襯下 邊行邊食係種小確幸

大角咀終於有得食越式法包😍仲要係好！好！味！講真，我食過不少越式法包（包括越南的），要求不低，但這間一食真係食到誠意。傾落幾句，店主果然係由包，到扎肉，以至各項配料都係試過揀過先用，甚至特別訂製，每個包堅持新鮮製作，希望讓香港人都可以食到佢食過的滋味。我吃過很多越南包，味道是OK，但包太脆和硬，吃得不舒服，但這個剛剛好，每樣食材的味道也很出，又可以走辣，很合口味。不止越南包，仲可以配湯和堅新鮮的蔬菜小食，簡直價錢超值。尤其推介蘑菇湯，有家的味道和溫暖。老闆是個很努力、很有心的人，會不斷改進，認得你還會問你意見。我就係有份親身見證蘑菇湯進化的人。午餐時間不時會迫爆，老闆做不來也不會叫你白等，可能會叫你下次先黎，我的經驗係可以遲啲去，例如1:20pm，人潮就會散咁啲，仲可以慢慢吃，享受小店的清幽，青檸水仲要任飲，實在係大滿足！ 好人的老闆知道你等得久，有時還會請你吃小菜，真係超有人情味。請大家多多支持小店！（細細聲講：店主仲係靚仔一名hahahahaha☺️）

以前係澳洲讀書嘅時候開始愛上食越南包返到香港一直好想，但無奈未有一間能夠滿足我..今日因為要食個quick dinner又想幫襯黃店，所以就決定試試蔥仔越南包店鋪雖然都幾細，但6pm去到店裡已經有四五個人；menu 雖然得一款包（半份/全份），但十分合適有選擇困難嘅我；由於真係太肚餓，所以order咗成份；由first bite till last bite，每一啖都好足料，每一啖都充滿幸福嘅感覺蔥仔越南包，終於俾我遇見你啦！好味又係黃店，仲有咩理由唔幫襯

山長水遠搭左一個鐘車出來，就係為咗喺假日四出支持💛小店（係呀，我哋可以好癲㗎😂）。鋪面只有約10個座位，12:30啱啱開門，人流不多，不過見證住佢唔使一個鐘已經滿座😳。餐牌只係賣一樣野，就係佢哋嘅主打-經典越南法包。你可以選擇再加餐湯及/或蔬菜兩份。既然一場黎到，就梗係乜都試晒啦！ 餐湯可以選擇南瓜湯或蘑菇湯，而蔬菜可以四揀二：西蘭花/娃娃菜/雜菇/秋葵。因為一開始冇咩客，所以唔使10分鐘已經陸續上齊。賣相唔錯喎！先喝蘑菇湯，好creamy! 裏面仲有粒粒洋蔥及蘑菇加強層次口感正！跟住就到蔬菜，我叫咗雜菇同秋葵，食落去似係白烚，上面再加芝麻及麻油，呢個我就覺得普普通通啦。最後就係主角出場啦！其實我本身麻麻哋法包，因為通常外皮太硬我咬唔開，不過呢個又有啲驚喜喎！首先外皮唔厚，同埋係脆面嘅。其次佢啲餡料醃得好好食，雖然裏面有酸蘿蔔，不過係輕微嘅酸作吊味用，整體來講係好清新嘅！（可能配菜太多，扎肉嘅味又唔算係好出）另外，我同老闆講要小辣，但turn out好似都食唔到有咩辣味😛，所以下次來可能要返正常辣度啦！食到一點鬆啲，間鋪已經塞滿晒人啦！期間仲聽到有啲客打來留位、同埋搭緊車來叫外賣添！😜

成日都見依間鋪咁多好評，今日經過終於決定買個包試下。裡面店鋪比較細，位置唔多，不過都見keep住有人入黎幫襯。成間鋪嘅主打就係越南法包，見香港都唔係好多地方有賣，所以今次都係我第一次食。法包有分半個或者全個，我今次買左半個試下，見到佢裡面都夾好多配料，如果有唔食嘅可以叫佢走，我就走左芫荽同埋辣椒。因為落order之後先即刻整，所以如果前面咁岩多人嘅話就要等一等。不過都算快手，焗完個包之後加入配料就完成，我買外賣就用紙袋裝住。打開見到個包真係幾多配料，食落口感豐富而且好fresh，加上裡面搽左蛋黃醬同個包好match，令佢更加好食，連我依個平時唔中意食蔬菜嘅人都覺得個法包好味。食過一次肯定會再encore，唔怪得咁多人讚。

經過這幾個月 應該冇人會唔識依間食店蔥仔越南包係年青人或者支持香港喺大角咀必去嘅地方越南包裏面嘅配料十足以及多種不同味道的蔬菜與肉類和醬料 選用瑪莎嘅法式麵包 用焗爐烤至外脆內軟 老闆製作十分衛生會戴上手套時 只會掂食物 唔會掂其他嘢 所以俾錢嘅時候需要自行找續