包包傾老趙越南餐廳 (Closed)

想食生牛河好幾日，老趙一向都係唔錯既選擇，是日到白加士街，二話不說就黎呢到食生牛河。生牛河，湯底夠濃郁鮮甜，跟其他分店水準差唔多，都係好唔錯的生牛河。拼盤，有豬肉蝦片，春卷同札肉。豬肉蝦片同春卷較為油，不過豬肉味道醃得幾好，稍為好一點的一樣。札肉係正常野，無咩好講。蟹肉焗蛋磚，食唔出蟹肉味，油油的，不太特別的一款。豬扒雞翼，冷冷的，豬扒過鹹，雞翼味道都係正常，醃得都唔錯，不過凍凍的，難免影響素質。生牛河還是不錯，其他的真係參差得很，唔通只可以黎食生牛河？

對"老趙"的印象不差，亦幫襯過好幾次，不過這間分店還是第一次光顧。我吃扎肉撈檬，略嫌芽菜太多了，扎肉有數片，檬粉爽滑，讚。份量普通，但要四十幾元碗，覺得偏貴，三十幾就差不多。友人吃春卷撈檬，吃了2件春卷，香口，味道不錯。

突然好想食凍檬, 朋友就介紹黎老趙。聽就聽得多, 但都係第1次黎食。7點鍾, 未算多人, 唔洗等位。不過呢到環境迫, 要撘枱既, 唔方便傾計。我揀左椒鹽豬扒檬$4x, 無野飲, 其實都幾貴。不過碗檬都好大碗, 檬粉唔算多, 最多係牙菜, 椒鹽豬扒整得好好食, 好入味 朋友叫左碗生牛肉河, 湯底好香, 引唔住飲左佢一啖, 河粉都好滑。另外仲叫左個牙車快/牙快車, 係d 雞絲,生菜絲同撈, 味道ok呀!

老趙是本港其中一家老字號越南菜。這家是主打越式法包。很自然會那添記來比較。先說menu，這裡法包除了添記的法式包（這裡叫招牌法包）外，這家還有很多口味，如香茅豬排，牛肉等等。此外，這裡也有越南粉麵，飯和小食及甜品，選擇和一般越南菜館差不多。環境和服務方面，是合格的。不能說有什麼裝修，但絕對比一般的茶餐廳乾淨企理，服務態度還好，雖不會主動提供什麼貼心服務，但員工算有禮貌，和客人叫到的話也都做到。我點了份招牌法包，配杯凍奶茶，下午茶餐價只需$32。奶茶：茶味不夠，奶和甜味太多太出。招牌法包：包很脆，加了熱，餡料也是微溫的，很香。餡料和添記差不多，有鹹肉，扎肉，紅蘿蔔絲等等。不過，不喜歡芫茜的朋友要留意，這裡的版本是有芫茜的，不要的話要預早和侍應提出。對我來說，我覺得很香，可令這份法包多加一分清新口味。滿意這頓late lunch。有機會會再來食過。

外賣：春卷檬，有2條共6件春卷。春卷多餡料，但因外賣關係，春卷檬被放進飯盒內超過15分鐘，所以春卷皮變得不脆了。檬粉有很多配料，包括大量酸蘿蔔、芽菜、青瓜絲、花生碎和生菜絲。配料和檬粉加上魚露後，很好味。環境清潔，尤其是厨房和製飲品部打理得很整潔、物件放得很整齊。 服務不錯，員工有禮貌。地址： 佐敦白加士街22-24號地下 (松記糖水店對面)

噚日出開去佐敦，一心就諗住同媽咪去老趙，因為講咗好多次都未去...一直開去都係老店，真係唔知原來係白加士街開咗分店，所以見到時都幾surprise，尤其是竟然唔駛等位添! (雖然已經係8:30pm)!一如以往，都係叫番果d嘢食，水準一d都無因為係分店而有大分別呢!咖哩雞+蒜蓉飽: 咖哩好香，好濃，薯仔好入味，配上分量都幾多嘅蒜蓉飽，一流! 蔗蝦: 好大條，蝦肉亦吸收到蔗嘅甜味，不過略為油咗d，但愛食蔗嘅我，連條蔗都食埋，好甜!牛肉三寶湯河: 包括生、熟牛肉及牛筋，湯河好味，但牛筋略為肥!總括而言，分店比老店地方好舒服，而食物質素亦ok，下次都會再來分店呢!

今天下午下班後，我前往佐敦的九龍公園泳池游泳，之前當然是要找個地方"醫肚"了。我在佐敦的白加士街不斷地找，最後便選擇了老趙越南餐廳坐下。我從餐牌選擇了一會後，最後便選擇了香茅豬扒河粉及桂圓紅棗茶。過了十分鐘，桂圓紅棗茶及香茅豬扒河粉終於端上來了。我首先喝香茅豬扒河粉的湯底，覺得它的味道特別鮮美，與爽滑的河粉配搭，可說是相得益彰。接著吃另碟奉上的香茅豬扒，口感相當煙靭，但也不"鞋"。再加上鬆脆的香茅，更是加倍滋味。吃完河粉後，再喝桂圓紅棗茶，味道十分清甜，當中的桂圓，吃起來也相當煙靭。總體來說，這一餐算是物有所值的。

晚上在附近上完堂，是醫肚的時候了。不知不覺行到過來，記得以前去過山林道的分店參加飯局， 印象不錯, 就決定來吃。既名為包包傾，出名的應該是越南法包三文治，但店員阿姐給我那本有點溶溶爛爛的餐牌裡又不覺有供應，我又不知為什麼沒有抓著阿姐來問，是吃完之後在門外拿外賣紙才醒起，激死。鹵水排骨是上次吃過不錯的一味, 今次就來個鹵水排骨湯河...但，竟然夠膽賣 $50 一碗囉!那次的鹵水排骨的汁底是很濃和很甜的，現在放到湯底裡稀釋了一些，效果就剛好了；香料味相當突出，味道介乎肉骨茶和柱侯醬之間。排骨件預先炸過仍然入味，只是肉地不夠。河粉比中式河粉幼身，可以多吸湯汁，還好了。這裡的地方和招呼其實挺一般，洗手間也不算太清潔。吃不到法包是有些失望啦，今次先給 OK。

自從兩三年前自越南回港後, 一直都在找尋正宗的越南口味, 可惜大部分都只是有其名而無其實. 聽說老趙的越菜水準不俗, 於是去了一試, 希望可以吃到較好水準的食物. 踏入店內的第一印象, 以為自己入錯快餐店, 因為其裝潢實在太像一間快餐店了, 丁點的越南風味也沒有!! 安頓後, 便拿起餐牌點菜. 由於想試些不同的食物, 所以我們點了招牌三文治, 香茅豬扒飯和扎肉河粉. 最先來的是扎肉河粉. 很欣賞廚師把扎肉排成塔形, 先不計味道, 起碼看起來較美觀! 扎肉切成薄片, 肉質香滑, 肉味十足; 至於河粉也很滑, 粉條比中式的河粉幼身, 而且不會浸至腍身, 就算吃到最後也不會成糊狀, 可說是對板之作.招牌三文治, 是看到店外的海報後才點的, 因為看起來材料豐富, 而上枱時的賣相也與海報的差不多. 外型就像一般的法包baguette. 三文治已經預先切開四件, 拿起來吃十分方便, 也方便與人分享. 一口咬下去, 三文治的外層十分香脆, 而且還是熱騰騰的, 應該是新鮮焗好.用料也很豐富, 有青瓜, 鴨胸肉, 扎肉, 生菜, 煙肉, 紅蘿蔔絲等等不同質感的材料, 口感十分豐富, 蔬菜味道帶點酸甜味,

極度失望, 唔會有下次,又貴又唔好食,D野更加唔見得人食!! 我好耐未食過越南野,經過佐敦咁就入去食午餐. 聽聞老趙好出名就試吓啦!! 點知....我哋二人叫咗兩杯奶茶,第一碟越式炸軟殼蟹--熱辣辣但唔脆又冇味:第ニ碟越式拼盤----香芧豬肉蝦片@@ 嘩嘩嘩 油到爆...我真係未試過食春卷又淋又油最利害D蝦片上的豬肉又乾又冇香芧味扎肉好些少..唉!! 唔知自己食近乜!!第三碟係香芧豬扒飯.... D豬扒又乾又冇味加白飯咁就叫服務員俾D沙爹醬,佢話要加HKD10..咁冇味都要加啦!! 硬食啦!!! 只可用(差)字嚟形容!! 老字号喎!! 笑死人啦!!

舊店是常出沒的地點,山林道亦時有光顧.唯獨這店倒是第一次來,原因是和泊車問題有關.這天沒駕車又牛河癮起便終於想到這裡來了.只有這間是第一次來.特別牛肉河粉----三間之中以這裡的湯底顏色最深,但其實味道分別不大,蘿蔔也同是軟淋無渣,盡吸湯的精華.越式炒金邊粉----看似豐富而金邊粉炒得夠散及乾身少油著實亦炒得不差.問題是出在這些配料上.蝦肉質地極霉仲有送埋蝦腸!雪藏雞胸肉嚡過紙皮.連加一$70多元一碟,可唔可以唔好咁呀?越式拼盤----香芧豬肉蝦片蔥油下得太多浸淋了托底的蝦片,香芧豬肉的味道本是不錯但軟淋的蝦片影響了口感.扎肉出事的機會率極低!除非是變壞了.春卷炸得外皮不脆,像吸飽了油似的變得極韌.可算是失望之作!山林道以大頭蝦菜式作招徠這邊以法包出擊,但吃完一整條法式三文治還有胃口吃得下其它嗎?比起其它兩店感覺就是差一點點.

環境,服務,衛生,食物都幾好員工都有禮貌,做事須有效率地方都衛生清潔不過食物太多味精, 令到食完之後個口好干, 令到晚上訓唔到如果改善一下, 落少d 味精咁就更加好啦!

朝早去開佐敦，見到呢間野門口有好多雜誌介紹，就買外賣返屋企食我叫左《素菜三文治》($20)媽媽叫左個《招牌三文治》($38)可能係午餐時間，好多人，不停有人走入黎，有些逼，我們等了大約十分鐘返到屋企，個法包仲熱辣辣，我的素菜三文治包著一些蘿蔔絲、青瓜、生菜....有D酸酸地少少SPICY既汁，很開胃，我很快便把整個包食哂!媽媽的招牌三文治，佢都話好好味，裡面有鴨胸、扎肉、煙肉、蘿蔔絲、青瓜、生菜......都係有個D汁，佢話食完好飽，不過佢覺得辣左D!!我諗堂食仲正!!!!!!!!!!!!!!!等候期間見到好多人叫撈檬，下次可以試下總括黎講，除左服務慢左D之外，呢間餐廳都唔錯，可以encone!!!!

吃罷傳統的細蓉當然不夠飽~轉身走多幾步~又走進老趙吃碗粉~過往都只到總店~這次是第一次光顧分店~看看質素如何~~人很多~門口也有人等~但我倆推門進去卻剛好有張臨時二人加檯空了出來~~當然第一時間坐下~這個頗為isolated的位也認真不錯呢~~雖然凍檬較為馳名~但大比還是以湯檬為主導~~叫了碗香茅豬扒湯檬~~另外叫了蟹肉焗蛋金磚做小吃~~想回味牙車快卻經常有種不太值的感覺~就算了~畢竟$60可以吃到很多野了~一碟炒菜都只是$3x蟹肉焗蛋金磚 [$18] : 2件裝的小吃~每件除開要$9件~乍看外表尚算吸引~有煎蛋皮作底~~再將蟹肉~蛋~粉絲~木耳等填滿後焗製而成~~面頭灑上炸蔥炸蒜~但食味其實不怎討好~有點像雞蛋焗魚腸的質感~加上蟹味實在下得不多而無啥蟹味~unit price似乎太貴香茅豬扒湯檬[$36] : 豬扒剪件分碟上~同樣灑上炸蔥蒜配以醃蘿蔔清一清油膩的感覺~豬扒不夠入味也不夠惹味~只屬普通水準~檬粉量多~湯底有點咸而複雜~不太滿意~最後只好下了魚露醋去增添食味~最後也吃不完整體水準不夠總店來~但論方便程度當然勝一籌~~不過同街太多要試的食店~~下一個cycle可能又要待上好

放學經過, 決定食碗生牛肉河就算!好野...生牛肉圓片形, 但是滑的.湯超熱, 食完碗湯依然係熱既...湯超咸超濃, 咸到震, 初初我想俾個佢. 但一食D河粉, 就放過佢啦....嘩....原來佢D湯咸到0甘係因為佢要令D河粉吸左D湯既味.D河粉好食....有湯既味, 又滑. 又薄, D河粉真係好得!一心諗住D湯0甘咸, 一定勁口渴.通知冇事WOW.....勁!