包包傾老趙越南餐廳 (Closed)

雖然話而家確診數字回落返，但認真都未係可以鬆懈。今日去呢間餐廳食，被安排坐坐正出菜口嗰張枱。落左單坐係道等野食嗰時，見到廚房入便有個伙記個口罩淨係喺咁易遮下個嘴，鼻就完全無蓋住。明可能廚房焗，可能想抖下氣，雖然我覺得都唔應該係廚房入面咁樣抖，但我等出餸等左10幾分鐘，佢全程都無戴返好，即係佢其實就係打算咁戴。最離譜係我同個樓面講叫佢提一提返佢個同事，佢竟然理直氣壯咁同我講話佢係清潔，唔係煮，唔關事。佢係咪會落手煮我就唔知，但我見到佢就係出菜位行出行入，會企係出菜位，之前另一個商場入面個餐廳群組都係由清潔員工開始。有案例嘅情況下，加上我講到明個樓面都可以咁應我，可想而知呢間餐廳有幾“高”防疲意識。我諗大家係呢個非常時期，都真係諗清楚仲去唔去呢間，佢啲外賣都係同一位出，大家小心啦。

我本身就唔太好越南風味，所以幾乎每次食里類餐廳都係叫香茅雞扒飯或撈濛(雞翼有骨都唔太好😂😂，題外話，近年好多餐廳都只做雞翼唔做雞扒😤😤)。今日亦唔例外，黎一客香茅雞扒飯~~套餐黎講價錢正路，五十幾六十蚊連飲品，雞扒份量都大，係稍嫌葱油同炸葱都唔夠味，漬蘿蔔嘅紅蘿蔔比白蘿蔔比例高岀太多，叫做食餐飽嘅都算可以啦。。。朋友叫左咖哩，咖哩帶甜，比起我嘅雞扒飯岀色少少~另外仲追加左個小食，蟹肉焗蛋金磚，價錢定位同產品present岀黎嘅樣都幾唔匹配，味道似越南春卷嘅餡~

有些餐廳不介意以用地獄來標榜自己，歡迎賓客踏進鬼門關。舉例就如佐敦澳奶以惡劣態度聞名，但未曾改變始終如一，仍有人慕名而來。又比如深水埗紅豆壽司，仍許多饗客鍾愛。地獄也是叫一種餐廳文化。這間老趙越南餐廳竟將地獄發揮得極致，竟同時做到地獄廚房及地獄服務。不信？歡迎來一試破地獄之滋味。先說服務一範。餐廳樓面侍應有二，都是國內阿姨，對她們服務沒甚要求。座下時，旁枱兩位西裝阿哥正向侍者投訴，他的湯河牛丸是冰的，咀嚼一下即吐出另一細碗內。但侍應只將細碗收走，漠視湯河尚有其他冰凍牛丸。同枱另一西裝哥兒見侍者沒什反應，便即時要求連他的食物也取消罷了，埋單不吃走人。侍者竟敢收足全價，分毫不減。其實經營餐廳樓面服務是重要一環，她們不是單單只作落單收銀上菜等門面功夫，更要與廚房溝通推介今日菜式，也要監察廚房守緊品質，將不合格之餸菜退回廚房重煮。這宗凍牛丸事件，廚師師傅是大錯，連基本功都沒有。牛丸熟否很簡單知道，浮起即熟。樓面處理方法亦簡單：全碗收回，為賓客轉食物，再送贈熱飲或前菜抱歉。既能致歉，客戶也歡喜更能重建雙方關係。此店明顯沒有培訓，是地獄也。自己不敢與侍應溝通，她們不像知道自己任何過錯，亦不曾嘗試阻

心血來潮想食越南河，所以就去左老趙喇。諗都冇諗就叫左個生牛肉湯河，午市套餐52蚊包熱飲。整體而言，只可以話價錢同野食都係中規中矩。湯底黎講，太油太咸。生牛肉還好，份量ok,唔會話得兩三塊，都夠食。河粉唔差，夠熟夠林，但又未至於出色。調味方面好似爭咁啲。除左生牛肉，成個感覺係似食緊港式河粉咁。但食lunch黎講，52蚊仲有杯野飲，的確冇得要求咁多...野飲我叫左熱奶茶，都係普通茶記質素吧。但至少真係食得飽嘅～

老趙都算係越南餐廳中比較出名既老店，以前成日食佐敦另一間老趙，好鍾意佢個牛肉湯底，今日去佐敦搵朋友，見到老趙諗都無諗就入去嗌左個生牛河，上得好快，個樣同以前食個間都差唔多，不過食落就知變左喇，個湯味係濃，不過無左鮮甜既牛肉味，牛肉細細塊，肉有d 鞋，我應該唔會再去食了。

數年前曾於佐敦文苑街的老趙晚膳，食物質素不太好，以至往後也再沒衝動光顧; 今天下午茶時段在白加士街一帶覓食，路過老趙，看見店子內頗多食客，當時正想吃一碗牛肉粉，於是步進再試一次。坐下點了下午茶~牛肉粉+凍檸茶，另加一客越南春卷; 一向喜愛越南春卷的我，每次到訪一家越式菜館也要order試試，現今很多餐廳的越式春卷也做得不好，甚至不正宗，有些是春卷皮不正宗，有些是餡料出問題; 老趙這個春卷無論外皮或餡料也做得很好，亦不會放太多胡椒粉在餡料內搶了味道，跟春卷的生菜份量亦足夠，不像有些越南餐廳生菜不夠或甚至欠奉至於牛肉粉湯底亦香濃，不過牛肉只屬一般，蘿蔔亦有少許根，但算香甜亦夠林。

叫個生牛肉粉，等左15分鐘，黎碗全熟牛肉粉，係少少紅色都無嫁片肉，湯底亦唔係牛骨湯，香葉辣椒粒一概欠奉。金邊粉亦變粗河粉果然係最簡單的事愈難做。之前喺文苑街食的時候，係好好多。

通常去越南餐廳，第一時間都會點生牛河多。撈檬已經被雪藏左N年喇難得經過老趙，又好多食客食緊凍檬，同埋見到一大樽滿滿的魚露放係枱面，一於食下凍檬喇！午市時段設有午餐，種類都算多凍檬都有4款選擇香茅豬扒凍檬凍檬好大碗份量十分足除了檬粉同香茅豬扒外還鋪滿紅蘿蔔絲，酸蘿蔔絲，青瓜絲，生菜絲同芽菜絲食落口感豐富魚露味道不會太酸或太辣個人覺得如果再酸多少少會更醒胃香茅豬扒較為失色完全沒有香茅味豬扒更林身會比較好吃熱峰蜜金桔露熱飲不用加錢凍飲加$3越式特飲加$14如選特飲略嫌太貴啊！

老趙係我中學時期成日去嘅餐廳之一 而且介紹個畀好多好朋友去食本身最鍾意食佢個生牛河 而家好多香港越南餐廳 好多都賣得好貴一碗麵 貴過老趙 但係冇老趙咁好食 最重要係佢個湯底同埋河粉質地 湯底濃郁又入味 有邊間越南餐廳可以做到入味嘅河粉? 冬天去食仲正 個湯底滾熱辣 食完成個人都暖曬 我記得以前晏晝去食 仲包嘢飲 唔知而家有冇呢 個河粉真係冇一間其他品牌可以取替 見到啲分店越嚟越少 而且啲分店店舖愈嚟愈細間 真係有啲擔心 如果大家有機會真係要試下

一d服務態度都冇，問佢攞個甜醬，佢同我講話唔比，又話冇甜醬，唔知係冇定唔比，我早幾日先食完，問佢攞左個甜醬，所以好肯定係有，但同我講唔比，個醬好貴咩？一係你同我講要加錢，正宗嘅越南菜都一定有既甜醬，佢話冇，呢d乜嘢態度？一間餐廳想攞個醬料都唔肯比。不知所謂嘅一間餐廳，所有員工係餐廳裏便都大大聲講野，影響客人，員工仲嘈過啲客，完全冇服務嘅一間餐廳，唔會再去食。。。。。。。。。。。。。。。。。。。。。

今晚過佐敦做完物理治療後，突然諗起老趙，一間很久也沒有幫襯的越南菜館，因為好想食大頭蝦的關係，所以就九秒九秒行去老趙。第一道到的是生牛肉河，湯底不過不失！生牛肉尚算不錯.春卷每碟2條，沒甚麼特別，反而生菜卻出奇地新鮮終於主角出場，黑椒粉絲大頭蝦煲，說實在真的好失望，兩隻蝦肉質非常霉，好唔新鮮，粉絲加埋洋葱黑椒一起煨，味道卻很好！可惜隻蝦已扣哂分！明爐青檸鱸魚真是值得一讚👍👍鱸魚肉質嫩滑，好新鮮，配合個青檸汁一齊食，真的很美味，用來拌飯一流😋最後來了一杯滴漏越南 coffee, 入口帶苦但有濃濃的 咖啡味，飲完後口中還有餘香，值得一試！埋單 507, 其實如果唔食個大頭蝦！其他食物價錢都算Ok!

平日行去佐敦食Lunch，好多餐廳都會比上班族佔滿左，晏少少到都唔太揾到位。趕時間返去學校上堂嘅我唯有揾間冇咁間咁多人嘅餐廳求其食下。最近天氣真係好凍，雖然撈檬真係好吸引，但食撈檬真係好似雪上加霜咁，所以都係要食D熱熱地辣辣地嘅野暖下肚先得！於是我就叫左呢個咖喱雞檬粉。呢個完全係一個邪惡嘅食物 ，都幾重口味但味道都OK。佢呢個"湯"係介乎係真嘅湯同醬之間，唔算好流質又唔算太稠，比起沙嗲王嘅沙嗲肥牛粉絲流質一D，但都係比較重口味之選。個人唔係好食得辣，一開始食得幾爽，但後來就會開始感受到辣，不過慢慢食都ok。雞肉就正常啦，唔會特別鞋，不過都幾多骨下。野飲叫左熱蜂蜜金桔，但其實佢上面個塊係青檸？佢味道同我expect嘅完全唔同，佢似咸柑桔嘅味道，朋友飲左一啖就冇再飲落去，但我都ok嘅，因為屋企有沖開咸柑桔。但係如果唔係特別鐘意呢陣味就唔好亂叫。

星期五晚上辦完年貨，拎住大包細包，想搵個坐得舒適既地方，係佐敦行左幾間都好逼人，入一入老趙本來見到咁多人都想走，但收銀阿姐叫住我話可以將我的年貨放係收銀處，仲要唔係擺地下（個人有些少潔癖），即刻加左好多分！可以舒適享用晚餐叫左個二人餐$218有蟹肉焗蛋金磚- 蛋味好香，食到有蟹肉越南春卷- 應該即炸，好香脆炒雜菜生牛肉湯濛中規中矩，湯底都甜但唔夠香！感覺總店好味的，白蘿蔔林甜入味甜品係椰汁斑蘭膏呢個好正！軟糯煙韌加左錢要杯三色冰好味！我見之前好多食評都鬧呢間餐廳服務欠佳，但今次用餐發覺夥計手腳快而且有禮貌，可能舊的夥計都轉晒人吧！個人覺得值得一試

我今日同朋友食晏晝共享咗一碗生牛肉粉，上湯扎肉粉同加錢叫咗個蟹肉焗蛋金磚，跟餐配上桂圓紅棗茶～先講呢兩碗粉，生牛肉堅少得可憐，只有3塊半仔，但竟然要俾$52，感覺就好似俾$52蚊食碗齋河粉～上湯扎肉既肉就多啲啦，唔理厚薄都叫做有6塊，不過個湯好麻麻，但唔差既～至難頂係個蟹肉焗蛋金磚，朋友叫我形容個味道我真係唔知點講好，因為只食到咸，到佢食咗一口我就反問佢點形容好時佢都話只食到咸～呢一味可以改名做蟹肉焗蛋鹽磚～到底係咪想用鹽塊蓋過唔新鮮既蟹味呢？我都唔知，反正我只覺得怪同咸～全餐唔值，難食又貴～個桂圓茶幾好，但偏甜～呢度環境就唔錯既～裝修有落下錢～職員做事都快手～

🍝香茅豬扒凍濛🍝豬扒好大塊 香茅味岀 又淋又入味👍🏻仲有芽菜 生菜 蘿蔔絲 為平凡既濛粉加添口感個汁同一般既冇大分別 酸酸的好開胃-----------價錢:$54