包包傾老趙越南餐廳 (Closed)

今日晏晝唔知食咩好, 突然間諗起上星期經過見到老趙, 諗住同渡船角果間一樣咁好食啦, 叫左個茄汁牛腩粉試下。個落單阿姐明明企o係我隔離, 但佢都重複問左我3次係咪要茄汁牛腩粉囉, 佢唔煩我都煩, 最後都係要由第二個阿姐問第四次先可以落到單, 明明果度都唔係嘈得咁勁要, 而佢又可以講出食物名稱, 唔明佢點解落唔到單。終於等到個粉黎喇, 點知一夾之下見到勁少粉囉, 大約一隻屋企食飯碗咁多。D牛腩呢, “un”到咬唔開囉, 牛筋仲離譜, 好似咬梗骨頭咁, 仲有一舊好古怪, 係鞋口架, 都唔知咩黎!食完之後好口渴, $36食碗咁既野, 唔會有下次。

一直說過，自樂師結業以後，好的越南菜館已不多。最近吃過的火車頭還算可以 (但又聽聞自有些厨過檔至同區的另一新舖後，水準已下降)，尖咀香葉又是水準不穩，le soteil太貴，甚至連童年回憶的老趙老舖，最近去吃時也是令人失望的。故此這次來同區的新舖吃，也是沒有甚麼期望的。實際上原本是沒有打算來的，只不過是來到寶靈街一帶找不着吃焗飯的新森林，有少許誤打誤撞的成份，最後來了這裏....已經沒有什麼idea，就隨便來一個有pho吃的套餐就可以了....pho水準很一般，牛肉太韌，湯不熱也不鮮，當然香葉也欠奉了....太座的特別金邊粉就更離晒大譜，只見有蟹柳、魚片及魚蛋等材料，又欠缺了炒香的肉碎及冬菜。跟從前吃的，相差十萬九千里矣....春卷太油，不過勝在跟以前一樣，仍然是自家製的，並不是用超市之劣等貨。食味已經是眾菜之最了....炸蝦餅也是太油了，且蝦膠亦打得不彈牙，可以不吃....越吃越激氣。真的沒有下次....的起心肝，下次跟太太去試試大坑的新越南店，希望心靈上有所慰籍la...

我同男朋友仔勁鐘意食越南野果日去開果頭,就有興趣試下佢個包咪沖左入去law叫左七彩撈檬,小食拼盆,蟹肉黃金磚同埋一個生牛肉粉七彩撈檬---OK,不過不失(但係撈檬既精綷--魚露,唔好味>.<酸得黎無味)小食拼盆---都幾呃錢,幾塊扎肉,薄餅同2條春卷,60大元(勁油)蟹肉黃金磚---熱既時候都OK好食,但係好油,好膩同無蟹肉味生牛肉粉---勁難食一間越南餐廳最基本既野....完全唔明點解可以整到咁難食 個湯勁濁,勁多味精,食左2啖就唔想食呢餐食左成200蚊食完呢餐,2個人飲左支1L既水都仲覺得渴.......超唔開心BLACKLIST左呢間野,以後唔會再黎!!

我是吃照牌包包，包很硬，有點脆，但很凍，餡都幾多，生菜多，幾健康既...但我唔覺得很特色，為咩越南餐廳會以包做主打?午餐吃都幾貴，幸好是老板付錢，不然，我自己唔會去吃~唔低食~

一行九人，柯打梗係多D啦！侍應無心機聽柯打不在話下（最少兩個喺咁囉！）先是聽錯兼落多柯打，算；食埋佢。再來，柯打嚟雙份。不能容忍兼食唔落，更何況它的價錢不平。唯一好處是侍應反應還算快。但我就未必會有第二次光顧囉！！重有唔知點解好多烏蠅仔飛來飛去，非常騷擾。

經過附近,想食越南野,知道"老趙"係出名既,所以放心去食~二人食,點了：1. 香茅豬扒湯濛 - 好味2. 熟牛肉湯濛 - 牛肉好靚,好大塊,唔鞋,個湯地好好味 (不過食完就知勁重味精!!!!!)3. 香茅雞翼(6隻) - 好味4. 越式春卷(4條) (連生菜) - 一般5. 可樂一罐埋單一百六十幾蚊... (唔平)- 湯粉的分量好足夠,幾好!- 湯濛個湯底好好味,夠熱,不過... 食完就知..好喉渴!!! 味精好勁!!! (唯一呢樣唔好!!)- d待應唔醒目!! 又大大聲傾計/笑, 好嘈!

行過見到呢間都好似幾好食咁就同朋友入去試下冇一人既套餐,惠顧滿廿五蚊半價加飲品點了香茅豬扒飯,等左好耐先到同行朋友點粉麵佢地食左三分一個飯先到.....五小塊豬扒,約一碗多少少飯d飯好爛,估計係岩岩煮起飯又冇汁,干巴巴咁真係麻麻地豬扒都同普通vietname餐廳冇咩分別

http://tkocell.mysinablog.com首先叫了一碗越南生牛河湯底清香肉味濃，河粉細滑再來一碗豬肉檬粉加上幾滴甜酸醋醒胃食慾立即大增配上一啖珍多冰紅紅綠綠美味無窮YUMMY-YUMMYhttp://tkocell.mysinablog.com

昨日下午到佐敦白加士街老趙食㗎喱牛腩檬粉，及加一杯椰汁三色冰。㗎喱還可以，但牛腩就不敢恭維呢！相信牛腩是後加，然後才淋上㗎喱汁，故牛腩肉乾實實，好在牛腩肉是很少，但薯仔只有一塊。三色冰就還好。

係老趙就老趙,為何多個"包包傾"?原來這間老趙除供應一貫的港化越菜之外,另有個櫃位專整越式三文治.好多人都知佐敦渡船街附近的添記,老趙的包包傾,小弟又真係未聽過.包就包,為何叫包包?個人而言最討厭玩疊字,聽落好像好cute,其實是低能到嘔.小朋友麼?算,說回個包,即叫即整,看見店員慢不經意地,先將個包燙熱,再將所有材料放在包上.便成.包身帶點脆,吃落內裏都算軟熟,但材料就沒有添記的多元化,肉類好像只吃得出有扎肉,腩肉同燻蹄究竟在那?肝醬又好像吃不出.其他的蔬菜類,又好像味道很淡.如果本身未吃過添記,而且又覺得文英街很隔涉的話,包包傾或者會令你"傾心".

都係因工作關係經常要係左敦一大找吃... 近來就到了呢間同事介紹的老趙分店... 我多數下午茶時候去吃, 可能唔太多客, staff 都幾懶散, 而且間唔中都漏單起漏d 餐茶... 味道我試了好幾款湯粉, 傳統既香矛豬扒湯檬, 堂食就豬扒熱辣辣, 賣相都很好, 36.00 , 但試過叫外賣, 塊豬扒試完全唔熱,很dry , 其唯一好處就係外賣是湯/ 粉分開合.... 其餘都無咩可取...另一款就是沙爹豬扒湯金邊粉, 呢個味道很濃.. 由於有沙嗲, 所以就加了4蚊... 盛惠40 大元.... 而且係唔跟任何餐飲的....普遍黎講, 都算係貴了, 如果日日吃碗粉都成40.00 , 作為普遍打工仔真係太高...但今日我再打去call 外賣... 真係生意好得濟, 唔恨做你外賣生意... staff 聽電話話公司新規例, 如同一條街送外賣就最低消費50 大元, 如果其他街就要過100.00 先有交易.... 大佬唔係丫, 我恆豐中心都係落地鐵站5分鐘腳程.... 結果當時無叫喇... 1個人點幫襯100.00 外賣呀... 食7 咩....

d包好新鮮, 但我食一個包絕對唔夠飽, 所以我會食佢個麵. 同埋佢地d價錢都唔平.

越南菜老舖老趙選擇响白加士街內一個唔算太起眼嘅地方開分店，確實覺得有D奇怪...但諗深一層，老店嘅位置仲隔涉la。响呢度開，有何奇怪之有?新店主打嘅係法式三文治。講到呢樣嘢，翹楚絕對係佐敦八文樓入面嘅添記。究竟老趙嘅出品又如何呢?答案係: 都唔太差ge...扎肉、稔肉、醃蘿蔔絲、肝醬、青瓜片...樣樣落到足。包雖焗得不夠熱，但幾脆口，合格；欠缺嘅係黑胡椒及紅椒粒，所以食落亦冇元朗越式小店邦美蜀嘅出品咁惹味；多咗嘅係本人最討厭嘅莞茜，大皺眉頭...整體味道及材料平衡方面亦冇添記咁出色，但當然並不難食...可以叫食得過la...

原來包包傾就是老趙越南餐廳。餐廳門外有個易拉架，印了‘全港首創越式三文治’。就進去試了這個叫‘招牌包’的有餡麵包。根據廣告所寫，法國麵包裏面會夾有札肉、燻蹄、腩肉、蘿蔔絲、青瓜、芫茜、肝醬和‘秘製醬汁’。上枱也覺得樣樣齊全，三文治一開二，作爲下午茶，也足夠。味道不過不失，塗了肝醬部份，連札肉或燻蹄齊吃，比較好味。如果蘿蔔絲能夠腌一腌，帶點酸味，效果會更好。餐茶選了熱蜂蜜金橘茶，鹹鹹酸酸，亦算OK。

前晚師傅一條冷食晚飯, 諗下食咩好啦, 左諗右諗都唔知食咩好, 最後行到黎呢間食店門口見係食越南野, 師傅見好耐都冇食過就決定入去食碗越南河!入到去唔算好多人, 坐底睇下有咩食啦, 師傅本想簡簡單單叫碗生牛肉湯檬, 點知又比師傅見到三寶牛湯檬, 反正都未試過, 決定試一試!三寶牛湯檬係有生牛肉, 熟牛肉同埋牛筋, 先講下個湯底先, 湯底幾香幾濃幾甜, 而且好重蘿蔔味, 碗中間有一舊好大白蘿蔔, 白蘿蔔好甜好腍; 生牛肉不算嫩滑, 而且d湯太滾, 生牛肉到出黎已經變左熟牛肉; 而熟牛肉就熟上加熟啦, 所以係又老又韌又鞋; 牛筋好腍不過就冇咩味, 一般; 而檬粉份量都幾多, 不過芽菜就生左d, 麻麻地; 落少少辣醬就會好味少少!總括黎講呢碗越南湯檬唔算出色, 牛肉又老又鞋, 全碗最好味樣野係個蘿蔔, 都咪話唔攪笑! 三十蚊碗湯檬仲要冇加一都叫抵食, 下次都或者會黎試下其他野啦!