包點先生 (Closed)

包點先生宜家同「蘇太名醬」合作推出4款新產品 🫶🏻：「麻辣菜肉包」、「麻辣鮮肉燒賣」、「麻辣鮮蝦餃皇」同「麻辣馬蹄肉餅飯」！岩哂鍾意食辣嘅你！-1️⃣「麻辣鮮肉燒賣(4 pcs) ($22)」🆕超好食，麻辣好香，有口感又大粒🙈🥢～Spicy minced pork (siumai)👍🏻-2️⃣「麻辣鮮蝦餃皇(3 pcs) ($22)」🆕呢個都不錯，蝦肉爽口🔥 ～Spicy shrimp dumplings👍🏻-3️⃣ 「麻辣菜肉包($10)」🆕熱辣辣，包都幾鬆軟，最緊要係個餡約香麻辣味，唔會太辣～Spicy pork and veggies bun👍🏻-4️⃣ 「麻辣馬蹄肉餅飯($32)」🆕呢個飯嘅肉餅大件抵食，偏辣dd，想食飽肚d嘅可以叫呢個！～Spicy steamed minced pork with rice

平時食開唐記$26元章魚/咸魚肉餅飯/北菇滑雞飯，今次買包點先生的$20元蠟腸滑雞飯，因為新開張，下午3點後由$23變$20，好平的蒸飯，食落d飯似泰國米，佢加了油在飯內，這是唐記沒有的，在沒有醬油的情況下，很好吃！另外，買了叉燒包、榨菜豬肉包和香菇雞包，下午3點後$16/4個，有待品嚐！

在10月初在該店訂購2個子母壽桃，每套＄328共＄656。並全數以現金清付。到期日到店中取貨，首先，一名店員說已經有人取貨，再三查證，原來店員錯誤將我訂購的壽桃給予其他客人。最後，我只能獲退回款項。此店職員，疏忽大意，辦事糊塗。各位顧客小心！

每次想買點心返屋企食個陣都會選擇去包點先生買～點心足料得黎又抵食！😋😋 每次都必定食魚翅餃同咸水角！魚翅餃同咸水角都啖啖肉 好抵食😍😍 不過今次因爲熱氣所以無叫到咸水角 但佢平時真係炸到熱辣辣 清脆爽口～今次買咗3個砵仔糕🤣🤣🤣 甜度適中、多豆，不過味道唔夠傳統砵仔糕般地道

一連三天以包類做早餐。澱粉質多變又細緻，價廉，在香港早已是早餐必備。今日光顧的是中式包點先生。早幾個月才完成裝修，增設堂食座位，相信以其價錢來說會相當受歡迎。今天買的是雞球大包。年少時有幸經歴一元一個雞球大包，童年回憶。從前師傅用下欄貨尾做餡成包，志在清貨宣傳，一元一個賣大包，現在指益街坊，大包也不在用下欄，餡料各有各做。今日買到的，靚仔飽滿。飽種用舊式叉燒包發種，不知道各位有沒有發現？現在的叉燒包沒有爆開的，這就是分別。但舊式多用老種，和以大量糖以及臭粉，較繁複，所以另一連鎖包點店早已棄用。包身有老風味，略痴牙。餡料豐富，臘腸不是靚貨，但腸衣也不靱。鹹蛋黃半只，豬肉餡混香菜，馬蹄，冬菇，雞肉大堆頭，調味稍重雞粉，到尾口渴。整體而言，售價16元，飽肚，早餐來說有點多，但久不久一次相當滿足，現在舊式茶樓也不一定有的了。建議當早午餐來吃。

今晚我們喺荃灣附近探完朋友之後，去咗川龍街嘅「包點先生」買外賣自取返屋企食！我們買咗鮮肉燒賣嘅肉質好爽滑彈牙，肉汁都算多，而且都幾大粒！潮州粉果嘅外皮都算幾煙韌，餡料嘅份量都幾多，味道亦好惹味！魚翅餃嘅餃皮好薄身，包著豬肉、紅蘿蔔絲等等等等⋯⋯口感相當豐富！糯米鷄嘅糯米都幾煙煙韌韌，味道相當惹味，但就略嫌餡料唔係太多！缽仔梅菜肉餅蒸飯同缽仔香菇滑鷄蒸飯嘅飯比較硬身，唔係好軟熟，梅菜肉餅嘅質感比較軟腍，梅菜嘅味道都幾香甜，而鷄肉嘅肉質就好鬆軟嫩滑，唔會又乾又「嚡」！

晚餐唔想煮，見到缽仔蒸飯咁多人買，一於平平地解決。熱辣辣起個大蒸籠入面，時間唔早所以選擇唔多了。鳳爪排骨缽仔蒸飯 $22飯既口感唔錯，佢稱係頂級泰國香米。唔會太硬幾有水份，d米大大粒，幾有口感。以為個缽仔睇起來細，結果飯嘅份量都唔少。鳳爪大大隻幾入味，排骨入味得來都算滑，整體算多餸嘅。章魚肉餅缽仔蒸飯 $22肉餅幾大片，唔算厚，章魚肉唔多，幾彈牙。有d 冬菇片 。調味OK, 唔算濃味。有樣可惜係，飯盒無配到菜，如果有2條菜更好。但整體cp值高

未食早餐行過包點先生 ，聞到浸浸嘅蔥花香味， 熱熱嘅蒸籠， 令我回憶起細個屋邨間上海舖， 於是入去望見各式各樣嘅中式包， 全部大大個都係幾蚊雞。今日揀左葱花包， 熱辣辣 、隱隱約約都食到鹹香嘅味道，想食輕盈早餐都可以考慮一下。$7香葱包，用料充足

今日唔想出街食飯，屋企人買左外賣畀我食，完全是平、靚、正，我有點懷疑，甘落去，酒樓又多左競爭對手，會唔會影響生意呢？買左4樣，分別係燒賣、潮州粉粿、鳳爪和春捲，先$48，無加一無茶錢。潮州粉粿最鍾意食潮州粉粿，因為潮州粉粿點都好食。不過呢份粉粿皮有點太軟，一挾皮就穿，不過味道不錯，有花生、白蘿蔔同韭菜，花生是脆。燒賣鳳爪燒賣同無失手，啖啖肉，而且大大粒，無偷工減料。春捲春捲就普普通通，炸得老，放左一陣已經凍曬，唔好食。鳳爪就色素好誇張，顏色呈呈紅色。價錢勝在夠平，食得飽飽，兩至三個人都夠

包點先生這麵包點是沒有堂食, 所以我們都只能夠買外賣.然後自己去附近找地方坐下來吃, 或者邊走邊吃.又或者是買回家吃.這些包, 當然是盡早吃, 才不會變質.我就買了一份燒賣, 每份都有4大粒.味道是不錯的.但可惜是穩定性不足, 有時都吃到不合格的燒賣.就是燒賣中的豬肉可能會有筋.不過今次的沒有問題.而每份燒賣都會附上一包甜豉油.除了燒賣, 我還買了一個菜肉包和叉燒包.這兩款包做得很好吃的,份量也很足.基本上吃2個都已經覺得飽了.一個大妁7元, 是十分划算的.(比市面上的一旌麵包店)

爸爸向來對西式蛋糕沒有太大興趣，於是他今年的生日，我們訂了一個大壽包來為他慶祝。子母盤桃(大)$138: 大壽桃內藏有一個中壽包及4小壽包，旁邊也圍著12個小壽包，中小壽包夾埋17包。 一切開大壽包，就看到一個個壽包仔係入邊，賣相夠曬美觀。大壽包包身較乾較硬，但吃下也有略略的麵粉香。中壽包除了包著黃蓮蓉外，入面還包著一個咸蛋黃，可惜的是中壽包被大壽包壓破了少許。小壽包size細細個，入邊的蓮蓉餡料不算太多，甜度不會過火，蒸熱來吃‧包身散發麵粉香氣，蓮蓉變得較輕身濕潤，不會像月餅的蓮蓉餡般厚身。第二朝蒸翻做早餐一樣好吃。想走傳統路線，孩子也不試試計壽包做生日蛋糕呢。

都唔知幾耐無以中式包點作為早餐啦😕咁岩琴日媽媽經開包點先生 就幫我買左個「綠茶紅豆包」俾我今朝做早餐今朝我將個包擺入微波爐叮完 一拎出黎就聞到好重既綠茶味 拎上手度下 仲睇得出個包有我3/4隻手咁大 都算幾大個同埋呢 包表面有d一點點既穀物 感覺好健康☺️搣開個包一睇 好多紅豆蓉湧哂出黎啊一咬之下 鬆軟既綠茶味面包 配搭埋甜甜地 軟綿綿既紅豆蓉☺️成個feel甜而不膩 好清新 好似食緊日式和菓子既feel啊 但估都估唔到 呢種味道 竟然可以係一個中式包點入面搵到 的確係好創新 但又完全融合到👍同埋呢 個包隔左成晚再俾我叮翻 依然一啲雪藏味 或者硬邦邦既感覺都無👍好正

平時食包點先生都係食甜包，但見到香菇雞包幾靚，就買左一個哩食，第一次係包點先生食咸包。香菇雞包，佢個皮包得好靚，入面有雞，木耳，菜(不同種類)。個包既味有啲似茶樓既鮮竹卷，唔係好咸，清清地。但冇咩菇味，同埋餡唔多，主要都係白色包皮，不過整體味道係唔錯。

流沙包一直係我最愛，包點先生既流沙包一向唔錯，今次既流沙奶黃包亦不例外。流沙奶黃包，咬入去入面既餡好多，十分有蛋黃味，亦唔會太甜太"流"，真係好好食，而且果然真係流沙，貨真價實，冇令我失望。但亦都因為餡好多，皮簿，所以食一個唔係好飽，但哩個價格都值既。

平時啲早餐好多時都會係包點先生買，因為包點先生既包既皮好好食，唔會好似其他店既蒸包咁又乾又硬。今次食流沙芝麻包同蓮蓉包流沙芝麻包，表面有啲黑芝麻，咬落去第一淡已經有芝麻流出哩，入面啲餡好夠！而且好有芝麻味(唔知點解係黃色)，個包皮都有芝麻味，成個口都充滿芝麻，好好食，亦唔會太甜，岩我哩啲唔中意太甜既人。蓮蓉包，第一次食，入面啲蓮蓉都好多，但對我哩講啲蓮蓉餡太甜太"流"，一路食一路飲水，唔係好岩我。