串燒王 (建基大廈)

Open Now

Now Closed

Happy Friday諗住同男朋友去飲嘢🍻於是去咗附近呢間串燒店諗住食啲嘢再出發。舖頭唔算大，但係啲嘢食都幾好，所以我諗我哋下次如果口痕嘅話，都會嚟返呢間叫外賣返屋企食😚我哋叫咗錫紙肥牛、雞軟骨、雞皮、厚切牛舌心、一口牛、五花腩同埋一罐可樂。特別推介呢度嘅雞軟骨同埋厚切牛舌心，兩樣嘢食落都好有驚喜🤩整體黎講，呢間串燒店嘅食物性價比真係唔錯！如果你放工或者屋企喺附近又口痕想食吓串燒嘅話，可以過嚟呢間試試佢😉

原來北角也有串燒王，偶爾下班和同事去吃燒物好地方👍🏻 雖然小店不大，但感覺挺有人情味的，食物味道非常地道😆 即叫即製很好吃！首先是蒜蓉海蜆和麻辣花螺，海蜆和花螺都非常新鮮，加上蒜蓉和麻辣的調味，入口非常鮮美😍錫紙娃娃菜娃娃菜被包裹在錫紙中，保持了它的清脆口感，而且味道不會太清淡，非常開胃燒秋葵串和燒司華力腸串串燒燒烤程度適中，有口感🥰燒雞全翼雞翅肉質鮮嫩，燒得香脆，非常適合搭配啤酒享用😋😋

今日放左工就約朋友去行街食飯，係炮台山附近有間餐廳，靜靜地就入去試下。首先我地點左啲小食。第一款係甜蜜玉子燒，呢款蜜糖非常多，令味道更加提升，玉子燒到好滑，味道同口感都十分好，配合得天衣無縫。呢一款係鹽燒鯖花魚，呢款燒到好香，離遠都聞到燒魚既香氣，食起重有驚喜，海鹽味好鮮甜，外脆內軟，味道都好好。最後一款小食係流心芝士年糕，中間芝士非常多，厚厚既芝士味係口控徘徊，我個人十分喜愛。世界級值得一試。點咪沙律醬食另味道更加提升，食完返唔到轉頭。最後叫多個肥牛炒烏冬，肥牛剛剛好煮，非常滑而口感一流，加上烏冬非常彈牙，而且唔會好油膩，味道好。份量都好多。店樓面雖小，但食物質素同服務態度都好好。一定會返黎再食。

今日放左工又落雨買唔到餸，就叫屋企人出去食，黎到炮台山附近搵到間串燒餐廳，就入去試下啦。首先點左幾個小食。第一份係惹味燒台灣雞泡魚乾，有沙律醬可以點黎食，非常之野味，沙律醬令味道更加提升。非常香口，口感煙煙韌韌咁，非常好味。第二款係豬大腸，賣相睇見都流曬口水，食落非常有驚喜，外脆內軟，入口即溶，而且重好好味添。識食一定要試下。第三款係錫紙特級肥牛，肥牛脂肪分布平均，非常滑溜，入口即溶，有洋蔥配搭更加香。份量都算多，抵食之選。最後就叫多個鰻魚炒飯，呢道既炒飯較濕，飯粒較軟，因為有鰻魚汁，食起唔會口乾，容易吞嚥。鰻魚味好出，非常新鮮。份量都好多。非常滿足。世界級值得一試。唔知你地又喜愛邊款呢？

燒魷魚筒是一種台灣的傳統小吃，估唔到呢到都有得食，仲要都幾新鮮! 燒魷魚筒的口感韌性十足，有香料的味道，例如五香粉、辣椒粉、花椒粉等.. 如果再份量再大D更加好啦。手拍青瓜好開胃 如果有酒送就更好啦! 青瓜的口感清脆，口感爽口，且帶有微微的酸甜味道，非常開胃。 特別是在炎熱的夏季，它可以幫助消暑解渴，係我喜愛的小吃之一。花甲粉，原來係米粉+花甲。味道清淡鮮美! 米粉帶有海鮮的鮮味，柔軟滑嫩，吃起來非常有嚼勁。小小辣, 花甲又新鮮冇沙..

朋友見到我食串燒都好想食 今次同佢放工就去搵下邊度食串燒 見呢一間餐廳有好多人叫外賣 就入左去😉♡法式焦糖鵝肝多士$68呢個好特別 個多士整到好似bbq食既麵包 加埋蜜糖甜甜地 加埋鵝肝都唔錯♡惹味饅頭片 $28初初以為係咪d饅頭切成一片片 原來係有3個饅頭 燒左加蜜糖幾好食♡鰻魚炒飯 $70個炒飯好大盒 d飯濕濕地比較易入口 鰻魚醬好多 配埋飯就好♡雞中翼（4隻）$36都幾大隻 上面好多調味料 朋友想加d蜜糖上去 店員都有幫我地加♡深海大墨魚咀 $25我鍾意食墨魚咀 感覺好爽口♡魷魚鬚 $25煙煙韌韌咁幾好食♡沙嗲雞肉串 $28/3$28有3串都幾抵♡司華力腸 $25好耐冇食過司華力腸 同朋友share都唔錯♡牛肉串 $28牛肉串都幾大串

💙北角·串燒王💙串燒為主打嘅餐廳 周圍貼滿唔同串燒圖片環境設計採用了家庭式木系風格走簡約路線 氛圍溫馨 坐得幾舒服似係屋企咁放鬆 幾親切自在😌😉🌈扇貝 (2隻) $68用新鮮扇貝 超級超級大隻🤩🤩非常肥美又鲜嫩可口內裡肉質鮮嫩唔會乾身👍🏻仲保留到扇貝帶子嘅汁 時間掌握啱啱好🌈雞軟骨 (2串) $35燒得脆卜卜好惹味 😎如果配埋啤酒🍻應該仲正 (可惜唔飲得🫠🌈雞中翼(4隻) $36呢個雞中翼外皮燒得脆 入面肉質嫩滑內裏保持到肉質嫩滑又juicy😆✨🌈牛舌心 $45每一舊都幾厚切 仲灑上孜然同辣椒粉爽口得黎又唔韌 肉汁牛味香濃😈🌈五花腩 (3串) $42大大舊但係肥瘦適中😝好juicy油脂滿滿但唔油膩脂肪+肉互相融合 口感豐富💥💓真係仲有最靚嘅豬腩肉🐷🌈雞皮 (2串) $28雞皮燒到無晒油脂 食落好似薯片咁脆幾有驚喜 一定要再encore👍🏻👍🏻👍🏻🌈玉子燒 $28玉子燒差唔多每個日本家庭都會整嘅料理呢度都係新鮮即場製作做到又滑身/充滿鮮蛋香又挺身加埋蜜糖更加清甜 唔講以為係菠蘿🍍😂🌈汁燒火箭魷魚筒 $60燒得幾好 唔會話好乾 調味都係孜然為主再配埋自家燒汁 又更加惹味保持到鮮美味道

住喺港島區嘅我同埋朋友 不時會試新嘢食 今日就約咗朋友夜晚食下串燒 飲下野咁呢一間 串燒王距離地鐵站不遠 喺英皇道嘅串燒店 睇落都好多嘢食就入去試下啦 佢真係好多選擇有 海鮮 肉類 甜品等等 好多選擇 我就最鍾意食海鮮 我點咗一直好想試嘅 #秘製麻辣煮花螺 我就叫唔辣好清甜份量好多啲汁 濃郁美味 調味調得好鮮甜 一兜大概二三十隻好大隻 要用竹籤撩起呢食 玩味十足 另外點咗個 #法式焦糖鵝肝多士 鵝肝量多燒到好甜 一啲都唔騷麵包上面搽咗就蜜糖 都幾好易入口 一共有四件 簡直係物超所值啦 呢度鄰近地鐵站地舖 唔洗行太遠 晚上人流ok唔使等位 值得一試

《串燒王》香港人宵夜同埋夜晚特別鍾意食串燒~ 今次到訪咗北角一間地道串燒😝▪️▪️▪️▪️▪️▪️▪️▪️▪️▪️▪️🔸椒鹽海蜆 （$58）海蜆份量唔少~蜆肉味道都算鮮甜😍椒鹽調味亦都非常入味！值得一讚🔸蒜蓉金針菇 （$42）蒜蓉金針菇嘅配搭配合度好高😝蒜蓉牛油同埋金菇嘅味道相互混合~熱量又高又好食😍😍🔸雞軟骨雞腎（共六串）（$88）六串串燒88蚊算係幾實惠~整體嚟講雞軟骨同雞腎都幾爽口🥳值得一試🔸薄牛舌 （$35一串）厚到唔似薄牛舌嘅薄牛舌😂牛舌味好濃😍作為牛舌控嘅小編就好滿意~😂🔸牛肉串（$28一串)有啲估唔到牛肉串比薄牛舌更加平😂價錢相對算係幾實惠~🔸麻辣海蜇 （$35一串）海蜇係勁麻勁辣😂喺其他地方好少食完落去真係有麻嘅感覺~🔸鰻魚炒飯（$70）炒飯幾入味,鰻魚份量都畀得好實在~ 算係意想唔到嘅驚喜😂▪️▪️▪️▪️▪️▪️▪️▪️▪️▪️今次幫襯📍北角英皇道99號建基大廈地下2號舖

［宵夜好選擇！］口痕同朋友去左 串燒王 食幾串串燒叫左雞翼 $36/ 四隻🐓韭菜 $16🥬沙嗲雞肉 $36/ 三串牛肉串 $28魚腐$15呢類既串燒都係有大量既孜然粉，好香。其中我最鐘意粒魚腐，外脆內軟，好正。另外大份既叫左🍆蒜蓉燒茄子$38，真係超多蒜蓉，多到可以用黎掂其他串燒，好正。🧅🧅🧅🧅秘製麻辣煮花螺 $65 上菜時好熱辣辣，一粒一粒慢慢了出黎，好過癮，秘製醬汁好辣，但唔算麻，幾好一路食都出哂汗，嗌多兩罐嘢飲🧃開心🥳

🌸食開串燒個排就會上癮🫢小編繼幾日前食完串燒覺得唔夠喉，今日放工又再食喇🙆🏻‍♀️因為咁岩約左朋友係北角見面，所以就係附近搵串燒店食😂比小編搵到間唔錯既舖頭😍-𝐅𝐨𝐨𝐝 𝐑𝐞𝐯𝐢𝐞𝐰 食評 🍆 蒜蓉原條茄子 $𝟹𝟾一大條茄子鋪滿蒜蓉送上黎，茄子𝚜𝚒𝚣𝚎比起其他餐廳要大🙆🏻‍♀️💕調味都岩岩好，推薦！👍🏻-🐮 厚切牛舌芯 $𝟺𝟻一串三塊牛舌芯，塊塊都好厚身，而家都真係好大塊，但係完全無影響到佢鬆軟既口感😍辣味粉亦都唔會令到牛舌只有粉嘅味道 𝙶𝚘𝚘𝚍!-🐷 五花腩肉串𝚡𝟹 $𝟺𝟸呢個價錢有三串真係好抵，而且雖然話係五花腩，但係唔會淨係得肥肉，食完會好膩咁，可以再𝚎𝚗𝚌𝚘𝚛𝚎😳-🐚 花甲粉 $𝟼𝟻小編本身唔算太餓，諗住花甲粉𝚜𝚑𝚊𝚛𝚎食岩岩好，點知黎到好大碗，好足料🫢 花甲數量好多，粉絲分量都完全唔吝嗇🙆🏻‍♀️ 小編最後捧住個肚走😂-店舖嘅生意好好，見到老闆娘接外賣單接唔停手🫢 店內亦都坐滿曬人。連住係北角嘅朋友都介紹小編食呢間👍🏻📍 串燒王 @kingbbq_jonkernightstreet 北角英皇道99號建基大廈地下2號舖-環境：🌸🌸🌸🌸味道：🌸🌸🌸🌸服務：🌸🌸🌸🌸衛生：🌸🌸🌸🌸性價比：

串燒王北角英皇道99號建基大廈地下2號舖喺砲台山附近開完會，有啲肚餓，行過聞到好香串燒味， 入去試下先。😆蒜蓉美國大生蠔蒜蓉鮑魚美國大生蠔和鮑魚煙韌彈牙、鮮甜爽口夠Juicy。即叫即燒，大廚將海鮮連殼一起烹調，保留鮮味，必食。😎👍很喜歡大廚調配的蒜蓉醬，香氣四溢，我把蒜蓉醬汁吃光了。😸燒原隻魷魚🦑魷魚口感煙韌，沒有味精，份量十足，加了孜然粉的醬汁，很開胃。😁燒8吋大虎蝦🍤香濃的醬汁，少辣，夠惹味，不會太鹹。燒雞軟骨醬汁處理得很好，甜度和鹹度適中，一份有六串，過足口癮，餸啤酒一流。😍燒雞中翼大廚處理得好，皮脆肉滑，沒有雪味，每人兩隻剛剛好，推薦！👍🏻串燒皇即叫即製，真材實料，沒有味精，還會再來。🤗

平時行過都見到新開呢間串燒王，一直都好想試，今日Happy Friday行過終須留意下價錢，又唔係貴於是入去試吓。裝修都有d似日本嘅居酒屋feel ，所有食物即叫即做😋👍🌟美國特級牛小排🌟牛小排非常適合作日式燒烤，肉質結實，燒烤嘅時候，牛嘅脂肪受熱會慢慢溶入牛肉之中，燒到剛剛好，牛嘅香氣四溢😋🌟豬頸肉🌟豬嘅面頰部位，日式燒烤過後，外邊部位蕉香可口，裏面軟滑爽彈，比起其他部位不一樣嘅口感，啖啖肉，非常美味🤩🌟鰻魚炒飯🌟上枱熱辣辣，炒飯很香口乾身，帶一點飯焦香味，饅魚亦夠入味，肉質鲜嫩肥美，一啲腥味都没有，搭配上甜甜的鰻魚醬汁，超級好味😍🌟大雞髀🌟忽然有啲童心，勾起童年滋味回憶😂，拎起墜手、咬落燙口、雞皮脆卜卜、食到滿口油香，和肉汁滿滿的感覺，非常滿足。

北角串燒王 🔥☄️突然想食串燒又唔想行咁完，睇一睇OpenRice唔講唔知原來炮台山有間串燒😄咁耐都冇發現到🤩有大大隻燒茄子，我兩隻手咁大🖐🏻🖐🏻食咗好多唔同款串燒，有厚燒牛舌心，鴨舌，多春魚👍🏻佢仲有好多其他嘢選擇，但係我哋食唔到咁多最後仲叫咗個，喺甜品類嘅法式焦糖鵝肝多士😋大大塊鵝肝🥰正推薦度（10👍🏻滿）：7.5👍🏻滴汗度（10😅滿）：不適用衞生（10⭐️滿）：7⭐️環境（10⭐️滿）：7.5⭐️賣相（10⭐️滿）：8⭐️味道（10⭐️滿）：8⭐️價錢（10⭐️滿）：7.5⭐️服務（10⭐️滿）：8⭐️地點（10⭐️滿）：8⭐️［串燒王 (建基大廈) (北角)］📍北角英皇道99號建基大廈地下2號舖#晚餐#晚市 #食飯 #推介 #美食 #美食推薦 #美食日記 #堂食 #食好西 #吃貨 #hkfoodpic #hkfood #topcitybiteshk #香港美食 #美食推薦 #食評分享 #美食博客 #美食分享 #美食しい #食左先講 #852ig #foodiegram #instagood #winsomelai

餐廳：串燒王地點：北角英皇道菜式：串燒餐牌：簡單一張紙，包括海鮮，是日海鮮厨師推介，燒活魚，錫紙系列，蔬菜，肉類，特色丸腸類，牛鴨豬，主食，鐵板系列，麻辣香鍋，甜品，飲品。可選辣度。蒜蓉粉絲燒大蟶子皇 $58一隻叫左兩隻大蟶子皇，大蟶子皇連殼上枱。都唔細隻，味道都好鮮甜，有咬口。面頭加上大量粉絲，滿滿孜然粉同蒜蓉，好香。秘製麻辣煮花螺 $65一份秘製麻辣煮花螺用個錫紙兜上枱，份量好多，足有25隻左右，都幾大隻，質感都頗有咬口，叫左小辣，味道好惹味，仲有翠玉瓜吸汁。鹽燒白鱔魚 $55一串鹽燒白鱔魚一串三件，燒得皮脆肉彈牙，味道係滿滿孜然粉。今餐主打海鮮，總括而言，調味係唔錯。