串燒王 (建基大廈)

Open Now

Now Closed

時間過得好快，仲有一個月就上完堂，所以趁住呢個機會發掘一下附近既食物😝估唔到舖仔細細竟然有燒生蠔食，作為愛食生蠔之人，二話不說就點咗兩個隻😍燒生蠔面層鋪滿了蒜蓉，好有誠意！😆基本上將生蠔既鮮味覆蓋，對於好重口味既我地，味道幾好👍雞翼嘅表面用香粉調味， 味道唔太鹹但夠濃味， 配合淡味既雞肉，做咗一個鮮明對比👌🏻雞皮充滿油脂，然後燒到部分脆口，香脆得來又唔會乾真真既感覺😙阿拉伯羊肉串差唔多係每一間串燒店既考牌作，呢度嘅羊肉串正常發揮，用孜然粉調味料烹調 ，羊肉串有淡淡騷味，好易入口☺️牛肉串同埋豬腩肉串都不過不失😉另外，仲有錫紙特級肥牛😀好惹味，如果叫多碗白飯就真係超級好送飯🤤對於需要快脆填飽個肚上堂既我地，呢一餐都幾滿足👏🏽

離港在即，臨走前決定於家附近來一趟港式串燒作宵夜店內用了木色枱椅，裝修平實，充滿傳統居酒屋風味座位不多但坐得舒服，牆上掛着各種必食推介有日本浮世繪裝潢，天花上是的燈飾光線明亮有朝氣有各樣串燒菜式的照片作參考，方便食客作出選擇進食期一直有不少外賣員出入，相信此乃附近街坊的宵夜首選韭菜味道清甜，不會有太嗆鼻的韭菜味，份量實在鮮冬菇香熟而不乾，燒烤的方式增添食材的口感與香氣墨魚丸一串三粒，入口爽彈，除了本身的鮮甜味，還多了一股炭香是日海鮮廚師推介秘製麻辣煮花螺超香口，讓人不自覺地吃完一粒又一粒

以串燒店黎講堂食範圍都大枱櫈唔會油笠笠食完走個身都唔會成陣味-燒脆香魚腐第一次見串燒店有得食魚腐原來唔伏仲要幾好食外皮燒到微乾但食然大大粒咬開入面居然又保留返平時食魚腐既微軟口感好新鮮既食法味道又很不錯-土豆片土豆片大塊好開心佢地既出品唔係油泡個種係真係食得出係燒過既🥹因為好多串燒舖為求快就會將所有嘢都拖油再沈啲粉喺上面就算所以食到呢個土豆片好開心-原條牛油粟米🌽-燒翠玉瓜呢兩款算係比較清淡嘅串燒唔一定要樣樣嘢都全部係孜然粉味先叫食串燒嘅食吓食材本身嘅味道其實都好好味-蒜蓉原條茄子🍆落蒜蓉落到唔使錢咁食到最尾茄子食晒都依然仲有一大堆蒜蓉呢個價錢食整條嘅茄子串燒店嚟講呢間價錢唔算貴了右下角可以揀唔辣小辣中辣大辣深夜時分都幾多人叫外賣

Friday night，一放工即刻走左去按摩，之後走左天后搵野食。聞到呢到幾香，原來有燒烤，諗都無諗就入左去。一睇menu，發覺都幾抵食! 菜類既串燒都係先$10幾，肉類既都係$20幾，係香港仲要係係天后黎講，個價錢都幾相宜👍麻辣滑豆腐: 個湯有少少似麻辣燙既味道，好惹味，配埋滑嘟嘟既豆腐，幾surprise地好食😍蒜蓉原條茄子: 茄子上面超多香蒜，啖啖都沾到，好好食!雞軟骨串: $35已經有2串，雞軟骨椒鹽幾鹹香，外脆入面又唔多油，唔會覺得有油膩感。雞中翼串: 用左孜然粉，食落香脆滑嫩!肥牛金菇卷: 有3大件，肥牛入面包左滿滿既金菇，正呀五花腩肉串: 五花腩肉肥瘦岩岩好，$42有成3串，真係抵食!個人覺得宵夜想同朋友食下野傾下計，呢間串燒王都幾高性價比🥳

🔸串燒王🔸炮台山🔸串燒🔸同朋友約左去炮台山食飯，想食串燒，就約左去「串燒王」食番幾串！餐廳都幾闊落，一直有唔少外賣員出出入入，都係大家宵夜之選！🔺清酒花甲酒味同蒜蓉味好濃，份量亦都好多，好適合兩個人分食，大大隻花甲都幾新鮮，呢個幾推介！我見呢度唔少海鮮都係佢嘅皇牌，例如美國蒜蓉大生蠔、汁燒火箭魷魚筒、味噌蟹蓋，都好似幾正！今次無叫到，但好想下次試試🔺鹽燒白鱔魚每次食串燒都必叫，因為本人真係好鍾意食白鱔，呢一度嘅白鱔有脆皮，肉質亦都唔會太乾爭爭，但係就細舊少少，加上孜然粉，都好好食，好想encore多一條啊～🔺 雞軟骨調味唔會太重手，所以你食到軟骨脆卜卜之餘，亦都有雞肉味嘅香味，孜然粉好正！🔺 午餐肉燒午餐肉並唔易，厚薄大小都係一個學問！我覺得呢份唔會太厚，加上有足夠調味料，令佢有少少脆邊同香口！🔺 牛舌牛脷就比較冧身，但係勝在大大塊，敲完之後香脆！🔺豬頸肉我哋亦都叫咗豬頸肉，同樣係細細塊，令到油脂嘅接觸面更加多，更加香脆，食落脆卜卜！整體黎講都幾抵食，推介花甲！串燒王 (建基大廈) 網址: https://s.openrice.com/QrbS0iIeB00~uZ5MGAA地址: 北角

雖然位置有少少偏離天后嗰堆餐廳但行多幾步又俾我試到隱世串燒店😋呢間串燒王除咗基本食物好味之外，有兩樣嘢好。1) 出菜時間快。食串燒最怕要等好耐……有啲鋪落單後，等廿幾分鐘都未有得食。呢度出菜時間快，十分鐘內已經有得食雞軟骨。都未食完又已經上牛肉串等，扇貝茄子等慢慢燒嘅都跟住一邊食一邊上，無空場2) 價錢合理。 食咗十串加兩個扇貝兩件羊架同一條茄子再加一碗紅薯粉，兩個人都係$400！ CP值好高！食得開心又好味！一定要keep 住嚟！諗起又掛住陣孜然味😋正！

最近氣溫急降，最適合食串燒！餐廳無論食物、裝潢都有回大陸食地道串燒的感覺~餐廳食物種類很多，亦有不同辣度以供選擇；位置都坐得舒服，走簡約懷舊風🥢整體而言，每種食物的調味各有不同，份量很多，價錢大眾化，CP值超高😋味增蟹蓋 $45/隻入口啖啖蟹膏，加上少許鮮甜的蟹肉，鹹甜適中，蟹味濃郁，非常滋味錫紙金針菇 (蒜蓉) $35/份一上菜時份量令我們都驚訝了，沒想到這個價錢份量那麼足金菇燒得剛剛好，蒜蓉味很出，好抵食厚切牛舌心 $38/串肉身厚，重牛味，完全不韌有口感，爽口濃味雞軟骨 $28/2串口感鬆脆爽口，調味香口，越嚼越香濃蒜蓉燒原條茄子🍆 $38/條茄子厚嫩軟諗，燒完不會太濕口，加上滿滿蒜蓉香，以及小小辣味，整體偏重口味，好惹味燒流心芝士年糕(兩件)🍡 $30/份 個人推薦以芝士年糕為甜品作為一個完滿結束~芝士年糕煙煙韌韌，外脆內軟，芝士味濃郁，加上小小甜味，十分滿足花甲粉 $58花甲粉份量超多好大碗，花甲的份量算足料少少蒜加小小辣味，整體不錯-總體評分-環境：7/10 食物：8.5/10服務：7.5/10抵食：8.5/10-

今次試左錫紙花甲粉，花甲份量充足，粉既份量都算多，但menu無寫明原來係辣湯🥹由於本人食吾到太辣，所以覺得味道還可以另外，仲點左燒雞中翼，錫紙肥牛，燒韮菜，味道都吾錯，肥牛大大份48蚊，本來以為燒烤份量一般都係偏少，出乎我意料之外既多，值得再去❤️

好失望！串燒王應該改名做炸物王，所有串燒都係炸，完全冇串燒嘅感覺，而且啲食物炸到乾晒。五花腩串竟然有魚腥味，可能係啲油之前炸過魚，之後再炸五花腩吸晒啲魚腥味，物非所值，唔會再幫襯！

第一次寫食評，真係幾好味又好食，雖然店面簡陋，但出品真心唔差，唯一唔好的就係要用紙碟外賣筷子，同埋冇酒賣，食串燒當然想嘆下啤酒啦，咁就要自己出去買，聖子太好味，唔記得影，厚切牛舌，元貝，大虎蝦，墨魚嘴，蒜蓉生蠔，秋葵，值得一試。有辣道隨你自己喜歡。唔夠辣就有辣椒粉提供。我6點食。得我一枱客，唔使點等，好快就有得食，最後追加鵝肝多士4件$68，好味又唔貴。

起抵食嘅串燒店，港島又一新分店。知道有好多分店，聽朋友分享過之後，一直想試吓。款式超多又抵食，熱湯產品都一啲都唔遜色——花甲粉、辣酒煮花螺～冷盆青瓜海蜇，全部都好大碗🫣好足料👍🏻最值得讚揚係，就算唔同款式，都會有唔同嘅味道，唔似果種用同一款醬料煮晒咁多款嘢食比客人嘅嗰一種感覺👌🏻我地兩個人嗌咗500幾蚊，最後都食唔哂。串燒好有風味，香口惹味，加埋辣粉係停唔到口🤭性價比好高，分店又遍報唔同地方，應該會係我之後串燒首選啦～👍🏻