串得起串燒專門店

Open Now

Now Closed

是日約咗朋友到大圍gthering,我哋揀咗一間好多年前幫襯過嘅串燒店，細問之下原來已經轉手，又可以當一間新嘅舖頭嚟試喇😝老闆娘都十分健談，介紹咗我哋食新鮮嘅嘢，同埋叫我哋唔好叫咁多可以試食咗先燒扇貝🐚呢個老闆娘推介一定要試，今日新鮮買即刻燒 ，唔會燒得過火，好嫩滑鮮甜 正左起翠玉瓜，三文魚腩條，燒煙肉腸仔翠玉瓜 🥗鮮甜冇渣三文魚腩條🐟外脆內軟，而且保留肉汁，正燒煙肉腸仔送酒必備燒風琴豆串外面脆卜卜，充滿豆香，入邊煙靭 很喜歡燒雞皮🐥呢個真係要必點 如果你食雞皮的話燒到好似薯片咁，一啲油分都冇 加埋佢啲辣粉（真係好辣） 令人停不了口燒茄子🍆茄子燒得香口綿密，好鍾意呢個口感燒多春魚🐠魚皮燒得脆卜卜，帶魚油焦香焗蜆蜆雖然唔係好大隻，但係隻隻都飽滿，粒粒肉都鮮甜焗金菇🍄‍🟫呢個就普通啲，同埋佢成棵燒，要慢慢分返開佢先食，有啲黐牙，不過佢蒜蓉牛油等香料都落得好足燒雞翼 🐤燒豬頸肉🐷個人認為燒豬頸肉都係必點，燒得外層甘香脆口 ，內裏Juicy，而且好夠味 好想食多幾串燒菠蘿🍍當飯後甜品很好，燒過的菠蘿份外香甜，而且帶點微酸，為整餐飯畫上圓句不過我亦覺得係因為同朋友食，覺得份外好味同開心 你們說是

啱晒來到這間小店，望落巴閉得滯，因為啱晒口味！老闆滿臉笑容迎接，隨即推介咗幾款熱門小食。開首嘅炸薯條真係正，外皮金黃酥脆，咬落去又軟又扎實，啲薯條重整整串於竹籤上，好得意！跟住嘅牛肉丸，食落去Q彈惹味，肉香四溢，咁滑嘅口感，真係嘔得出原汁原味嘅感覺！燒雞翼就唔使多講，皮薄溜溜，裹住啲香噴噴嘅肉，簡直係滋味！添上辣醬，嗌冷飲，咪就正！😋 食物之美唔在花哨，但這碟涼拌小菜配上特製醬汁，酸酸甜甜，夠開胃！再講講海鮮部分，鮮蝦我就點評佢爽口，每隻蝦彈牙，燒烤啲海鮮真系要技巧夠高超先整到啱晒火候。🍤最哂嘅係糖醋排骨，甜甜地，唔膩口又香口，啲排骨烤到啱啱好，肉質軟但仍有咬勁。我開始諗，點解平民美食可以咁吸引人？結果嚟講呢間小店真係價錢合理，物超所值嘅代表。有時食得太fancy，反而望吓普通嘅街邊小食，更能體會到飲食嘅真諦。食貨朋友，曬響街，點可以錯過咁嘅好去處？！🌟

真係估唔到個份量可以少到咁，嚟到我係O晒嘴，豬頸肉得個三舊，仲要咁細，最誇張係嗰個乜鬼嘢新疆牛肉串，啲肉細粒過我手指尾。完全唔明白點解會有人去食，等得又耐，真係食空氣飽

之前食開博康邨興記串燒，但無左之後周圍搵串燒鋪，搵到呢間 …. 點知好差！貴唔緊要，但最慘係唔好食份量又少😩娃娃菜係一串，但得4條，真係誇張😌😌蘆筍一串，但粗過枝牙籤少少牛扒好難咬，雞賢燒到乾晒第一張單黎左之後已經唔敢再叫，成為$300，食完即刻要再去食其他

老闆娘熱誠招待，親切有禮，食品美味，價格合理，尤其最新未訂名菜式，一試即喜愛，食了3碟，所以我暫叫這菜式為❛喜洋洋❜, 仲有荔枝梳打水，清涼可口。 雨後晴天的晚上，在露天座享受陣陣涼風，慢嚐美食，爽！感恩。

老闆好好客 舖頭環境好食物質素不錯！下次會再幫襯！菠蘿鎖汁鎖得好好 面有焦糖 十分惹味一口牛 雞翼都好推介全部野食都好唔錯！宵夜好去處！各位大圍街坊都可以試下會在回頭！不錯

夜晚難得去開大圍，雖然食左晚餐但都忍唔住入黎叫兩串雞全翼同豬頸肉返去做宵野都好，好耐冇黎，又同老闆娘傾下計，點知佢地話做到廿幾號就唔做好唔捨得，咁耐冇黎，一黎就得返十幾日，希望可以唔做前黎多幾次

晚上10點11點左近，同朋友係顯徑食下野咁，揀左好耐，就決定試下呢間串燒店，一直都無特別幫襯過，每次經過都感覺，舖頭細細地，係一條村入面被幾間茶餐廳圍住有一間串燒店，周圍節奏就比較快，而串燒店就維持自己既節奏，是有一種慢活既享受。店舖既氣氛我覺得係唔錯，雖然係簡陋，但都坐得舒適，而食物方面就平平凡凡，唔可以話好有特色，但係就不過不失，唔會話難食。點左以下食物：海鮮炒烏冬：個人感覺幾入味。牛舌：偏韌茄子：咸左少少燒魚皮鮫：又ok，幾有咬感燒牛柳粒：無乜特別不過食物熱度方面除左烏冬，其他就暖暖地，唔係咁夠熱，感覺放夠一碟先拎出黎，始終可能覺得食串燒，要熱辣辣先入味整體黎講，如果想朋友傾下計，搵d野咬下，間唔中幫襯都可以，但就未必會係我首選。

生日飯竟然食串燒話說中午去左飲茶，之後下午茶又食左pizza，2老都話好飽，再食成餐晚飯好重負擔，不如食小食，一於去屋企附近間串燒店試下（其實串燒咁多肉唔重負擔咩...哈！）住左咁耐，平時經過無數次，終於第一次幫襯，舖頭細細，平日夜晚7點半左右一行5大1小，唔駛等位剛好有枱！入面一枱2位女士談天說地，內容不斷走入耳，應該都係熟客，的確，一邊食串燒一邊飲野傾計確實係好地方。整體來說串燒價錢合理，最推薦燒牛脷！評分如下：5星：好好味！一定要食4星：唔錯！可以一試3星：不過不失！肚仔有位先試另外有用汽水罐改裝簽桶俾客人放簽，好細心！又多個近屋企既食野好地方

第一次寫食評就由呢間做開始 間中都會黎大圍做野，靜係會來食串得起，燒雞全翼同煙肉車厘茄每次都必點，今日仲食左兩串車厘茄又想食下魚，叫老板娘揀魚，揀左條黃立倉，好正，燒到勁靚，燒起熱辣辣，又多肉，全部野都好有心機，真係好抵食，好滿足，都幾中意呢度，穩世小店咁，黎食都係熟客咁

這是在顯徑邨內的一間店，平常也有不少人九時後來。吃著串燒。吹吹水，喝著啤酒。感覺就像去了日式食店。就像深夜食堂那樣。將一天的辛勞慢慢洗去。燒腎爽脆，魷魚味道深厚在店內有成排調味自取，當然用後要好好放回。做個有公德心的市民秋癸很多人不喜歡，但我很好那種糊糊的口感。配著硬朗的雞軟骨一起吃。再喝一啖啤酒。只能說再苦的生活也是甜這個是鑊仔炒菇，鮮，若醬汁再淡點更好，反正食材不錯。最後來一份餃子。外皮脆脆的，咬下爆汁千萬要注意小店不可能很華麗，但有種舒暢感。和安心的感覺。衛生沒有問題算很乾淨。當然燒物不是做定的話。那大家也要等等了。但來燒物店，就應好好享受，要快，去菜記便是。

同一班朋友的聚餐，但真心失望。叫了很多的燒物，但都燒到又乾又燒焦曬，扇貝超級多沙，炒麵甘普通的食物都炒到乾爭爭，完全無辦法入口。唯一全晚覺得食到的是烤金菇和烤魚。店內一位中年男店員亦十分無禮貌，埋單後我們想反應一下扇貝太多沙沒有辨法食到都吐了，但男店員態度十分趕客。反問我們埋單後為什麼好意思反應呢？我們覺得好無禮，因我們都知小店經營困難，所以沒有要求取消不付錢，所以埋單後只想略為提醒他們下次能將食物改善。但得到的是惡劣回答。真心失望。只此一次下不光顧。

上兩個星期同老婆又去左串得起食串燒一如往常首先叫左支冰凍大獅威啤酒，我覺得啤酒同串燒係分唔開，兩者一起享用真係好配合之後我地開始叫野食，今次都係由好nice既老闆娘坐陣。。。要推介比大家既串燒首先係燒魚皮餃同燒燒買，老闆娘燒得好有水準！魚皮餃內裡概唔會太乾，魚皮餃表面燒得又脆又好味，咬下去仲有d汁，所以一定唔會覺得乾！而燒燒買個陣時間亦控制得好好，表面仲好似塗左少量蜜糖，食起來就更加有風味之後推介既就係燒雞皮，尼個都係店長推介之選，我覺得唔係有好多地方可以食到，都算係幾特別！雞皮燒完之後好脆，但又唔會硬身，而且仲有好香口既雞皮味可以食到，我諗尼d都係老闆娘燒既秘方之一平時真係唔易食得到。燒菠蘿亦係好味推介之一，因為經過咁高溫既燒烤程序，但菠蘿肉汁同本身香味還可以保存返，實在係技巧之作其他如燒雞中翼，燒豬腩肉，燒墨丸都係我每次去到必食的整體黎講，店舖既環境都幾舒服又整潔，在這裡用餐坐得舒服，加上老闆娘既用心制作同對客人既友善，價錢都合理，真係一個食串燒既好好選擇！

唔知點解好多人都會對我有誤解，講俾人聽我做老師，冇乜人信，梗係覺得我個樣唔夠老實唔夠有愛心，就連工作上嘅老細都係咁講，真係傷心。話我平時為人舉止大癲大肺，估唔到做起事黎認真俾貨，真係無奈。 去餐廳食飯不嬲都鐘意試新野，今次揀咗大圍顯徑邨屋村樓下嘅一間自家小本經營細餐廳。我哋都係唔志在人燒野俾我哋食，唔洗成身油煙味，最緊要可以舒舒服服嘆番幾杯吹下水。雞泡魚乾燒到微微熱及焦焦既，加埋蜜糖芝麻，惹味!荔枝煙肉呢個有驚喜，上桌，一串串脹滿既，個荔枝燒左特別甜，連埋條煙肉食，一d都唔覺肥膩，反而好清甜，滿口荔枝汁!燒白果一D都唔苦呢燒雞軟骨個雞軟骨痴有d肉，唔係淨骨，食落較易咬，多左趙頭鑊仔蜆蜆係鮮甜，但我覺得咸左d魷魚鬚炒面外表似買左街邊既炒面撈埋d魷魚鬚一齊面炒得乾而不油燒羊架羊架一d都唔蘇，滿佈香料味，而且一層肥膏一層肉食落更感油脂香金菇牛油好多俾料廣島蠔俾想像中細....失望整體食物中上，小本經營，得兩公婆地方細架，坐20個人到架炸不過可以吹吹水，有人燒埋，真係一大享受！

<相識五年 – 串得起>不經不覺，原來在大圍「串得起」已吃了差不多五年。小店兩夫婦經營，親切友善，座位才十來個，由寂寂無名至現在每晚總擠滿食客，不少更是我們這等每月也來幫趁的熟客。無他，兩夫婦用心去做好每串燒烤，所有出品都即叫即燒。出品有水準，食物價錢亦便宜。更顧及客人感受，接納不同意見推陳出新﹔再者食物種類多。由肉類以至海鮮及蔬菜等近六七十樣選擇，總有幾樣食開有感情。自佢地五年前開業，沙田大圍到處仿傚開業者眾。但綜觀不出半年又是結業大吉，只有串得起能捱出生天，就是那份對客人的情，令熟客等總常惦記。收工來吃兩串，開枝啤酒談談天，是賞心樂事。