串得起串燒專門店

Open Now

Now Closed

不經不覺來串得起已一年，今天食完不得不再品題勉懷介紹一番﹗與友共聚食下野飲下酒，打從去年這個五月時份開始，地點已不明文的定為.....大圍串得起，溫馨小店，吃開有感情。店子小小，鋪頭座位不到廿個，由老闆楊生兩公婆親自打理。食慣食熟關係，大鳥老威都放左支0係度﹗老闆話幫你存酒有咩所謂，最緊要你下次再來幫趁﹗飲左五六次，每次小飲，都仲未飲到半支﹗吃串燒配威士紀夠哂享受，這兒有免費食用冰供應﹗小飲怡情，睇過此食評有興趣飲威士紀的話下次同老闆講叫佢攞支野出來大家飲，我請﹗飲完即止﹗串燒數十款，價錢都係幾蚊到十幾蚊一串左右，相當抵食﹗先來個燒雞翼。雞翼雖是普通貨色，燒得火喉到家卻絕不簡單，這兒出品的醃後只加蜜糖，燒得岩岩好，外皮卜卜脆，咬落肉嫩有蜜餞甜香，每次來都必吃幾隻﹗雞軟骨及牛肋粒﹗不知打從何時開始便十分喜愛吃雞軟骨，一食就停唔到，每次在這兒必order自家兩串先﹗粒粒香脆，佐威士紀同吃，一流﹗猶記得第一次來串得起時佢地0的牛味道偏淡亦肉質亦麻麻。老闆聽完意見後再找來貨傾談，個幾月後推出這隻牛肋粒。半肥瘦下吃落甘香，肉味濃，中間帶筋有o趙口，當然未能與坊間那什麼什麼靚價牛相比，但八蚊串真係

差 D 又唔記得寫低添...哈哈哈!!呢晚同男友仔收工之後, 就專登搭車入黎試試...大概 7 點幾到達, 舖仔細細得 2 張 4 人小枱~唔想坐入面既, 可以坐街邊位, 吹住風食串燒...正架!!不過我同男友仔揀左坐舖仔, 有部細細既雪花電視仔睇嘛...kakaaa 食完個身都有 D 串燒味... (不過唔算勁) 一坐低就急不及待寫紙仔....交左紙仔之後就係等.......... (期待中~)因為即叫即燒既關係, 等左大約 30 分鐘左右, 紙仔既美食先開始慢慢上枱!! wow~舖仔有唔同既調味比你自己玩, 而枱面本身已經放左 2 樽基本既調味粉 (正!)一邊食, 一邊等, 一邊睇雪花電視仔, 一樂也! 串燒種類都唔算少, 都有 D 特色選擇~不過呢, 如果用價錢同份量對比...略貴!食呀食, 食呀食, 不知不覺.... 2 丁人竟然食左....3 百幾蚊!!! 但係味道都算唔錯, 夠入味亦新鮮, 會再黎~

鹽燒牛脷Um…食個時都唔係好知係咩…好硬的…又幾UN的…後尾黎曬D野…先可以估番出黎…我期望…係軟軟淋淋架嘛…燒牛肋骨好似粒粒牛…都幾易咬開…燒金茹肥牛卷幾大束金茹喎…個薄薄牛片…就燒到變左牛肉乾了…秘製鹽燒羊骨腩見佢地剪開都仲有3大舊喎…燒豬大腸真係可以外脆內軟喎…呵呵…一口咬下去…真係好GUILTY…不過又幾滿足…燒雞腎OK喎…幾爽口…燒雞軟骨 好多粒的…骨脆肉軟…燒饅頭外表就真係好香…不過個包好似唔係好新鮮喇…是好散…硬硬地…燒芝士丸芝士軟心溶曬架…拉OR一口咬爆開的口感好讚呀~燒日本廣島蠔雖然睇下去唔係好大只…不過脹卜卜…都幾OK喎…幾JUICY…燒日本凡立貝肥肥的…好味的帶子…燒墨魚咀唔會似擦膠…好咬感…燒原條茄子E…幾SPECIAL喎…見佢初初真係成條咁放左係度燒…正感奇怪…出到黎…係渦曬既FEEL..仲好香的蔥蒜… 牛油薯仔片燒薯片囉~有DD脆…不過又好薯同軟心喎~燒燒賣我不嬲都LIKE 的…不過…佢個皮燒得過左火…硬左D…咬下去起曬角…篤到個口…燒扎肉好咸的…海鮮炒烏冬一上台…WOW…好深色喎…食左幾啖…頂唔順喇…同佢講…佢就再多個烏冬再炒…OK 左好多喇…幾多的SEA

今次黎到呢度都係因為openrice的緣固結果出黎真係唔錯今日試左十一樣野食有串燒牛柳---肉質好好，配埋辣粉一流雞軟骨---我覺得麻麻地~雞脾姑---雖然燒到濕濕地，不過我覺得好好食司華力腸---冇想像中果隻咁大條，不過肉感唔錯燒豬頸肉---勁好味燒饅頭---個人黎講覺得一般，感覺上都幾硬下燒粟米---推介食品之一，食過翻尋味燒芝士丸---冇想像中咁好食~不過好煙韌下口感唔錯金姑肥牛卷---好味過好多日本舖頭，金姑沾滿了牛肉味燒蠔---好有鮮味~~日式海鮮炒烏冬---好好味，最重要係配料多總結大部份食物都係中上好味重要係我覺得老闆好細心咁係度燒唔會馬虎了事不過如果你地係唔等得既~就唔好咁大期望有得好快就食啦!!因為好味既食品制作需時的~~

晚飯後... 便慢慢步行到串得起，食埋 09 年最後一餐，實行黎個早宵夜。叫左幾樣小食，因為多人，都等左半個鐘先有得食 ~ 佢 D 串燒係落得比較多孜然粉，如果鍾意孜然粉陣味既，呢度會係個唔錯既選擇。 牛肉: 肉質唔錯，幾好味，同埋都幾稔。羊肉: 靭左少少，有 D 都咬唔開... 佢 D 羊冇乜羶味，因為被香料蓋過了。芝心丸: D 芝士真係成條咁拉起，好足饀料，最鍾意佢呢款。雞軟骨: 一般啦，覺得日式料理果 D 炸雞軟骨仲好食過佢，同埋人地 $20 左右便有好多粒，感覺上抵 D。牛油粟米: 成條上，新鮮的，都幾鮮甜.. 有牛油味，但唔會太濃。雞批菇: 呢個都幾好味，都係靠孜然粉去突出雞批菇既鮮味。如果同三五知己黎吹吹水，呢度會係個幾好既選擇。不過，最好就食左少少野打底先 ~ 如果唔係... 我相信都幾難會食得飽。

涼風凜凜，同食家兩個去左串得起。自試過佢地既出品之後，要食物穩陣好食又要有得飲番杯，都會來呢度晚飯，簡簡單單叫幾串串燒，飲下酒傾下計是一樂也。食家話羊架依然係燒得咁juicy，羊羶味濃郁，不會燒得過老，香嫩好食﹗我就最愛佢地既蜜汁雞翼，皮脆肉嫩，蜜味香濃，一人兩隻一定嫌少。餐牌上無的燒蒜粒，要問下老闆佢有冇貨先有得食，蒜頭即叫即剝，味道濃烈至極，真係唔係個個都受得起，我就覺得相當好食了﹗之前彈過佢地既牛出品質素一般，今晚再試佢地既牛肋粒，今次呢串肥瘦適中，肉味濃亦軟熟少筋做得好了很多，同老闆吹水佢都話0的來貨真係一水水，未必次次都食到好野，只有食之前就問下佢先啦﹗佢都話最近0的羊肉串來貨比較韌，寧願賣少樣野都唔俾0的客人食，怕客食左覺得唔好食，呢種態度相當正確。燒花甲夠大隻，一客六隻，加蒜蓉及醬汁同燒最美味。牛油粟米講左好多次好好食，水準依舊保持，牛油味香濃粟米夠脆夠甜，新鮮貨不是雪藏貨可比，老闆娘話整一條粟米要燒成大約半小時，相當費時及考功夫，來到唔叫真係對唔住自己﹗最後來個海鮮烏冬，烏冬彈牙好食，用料有青口、蜆、魷魚、蟹柳及椰菜等，乾身好味，作結最滿足。食咁多野埋單都係百幾蚊，抵食

秋風起.....想吹吹涼風,把酒言歡之時,適逢友人牛一,便決定來這小店聚聚，一試之下便發覺食物有非常不錯的水準,每樣食物都能吃出原有的鮮味，不油也不膩,不似某些串燒連鎖店般調味料多得令你受不了，在此小店開餐，便會發現老闆、廚房等人樣貌長得非常親切，因為不少小店都是小本經營，食物及服務做得更有心機、更用心。此外，相比其他有規模的食店，在此小店會令你感受到人情味分外濃厚，待食客態度如家人般親切，食得特別窩心。其待下一次的來臨......

在尖咀飲完野，決定帶友人來串得起食串燒﹗1號風球下，整天下雨，客人沒有平日來的多，但反而老闆有時間出來同我地吹下水﹗老友第一次來吃，試左好幾味串燒，佢覺得味道很不錯，推介以下幾樣:1. 羊骨腩肥美而帶羊香，嗜羊者必愛2. 超甜牛油粟米，粟米不是雪藏而是每天新鮮貨，牛油味濃而厚，吃得出的新鮮惹味3. 雞肶菇，燒得不會太乾身，咬入去仍有豐富肉汁，甜美本來想試下魚、牛及炒麵等，不過實在太飽吃不下，友人話下次一於再來試哂佢﹗水準依舊保持同埋而家燒野食條理左好多，以前或會有漏單情況而家都改善埋，食物供應速度亦都快左，抵讚﹗呢晚第一次買外賣俾工友食，買完之後跳上的士，返到屋企仲係熱呼呼的，工友當然吃得開 心啦﹗

經朋友介紹下當日3人行去試一試,其中的朋友本人極之為食~於是叫的份量係over晒,食唔晒之餘.返屋企真係飽到嘔(加上飲左少量啤酒)值得讚的食物:1.蠔 (新鮮)2.墨魚丸 (夠惹味)3.雞翼 (燒得唔錯)4.冬菇 (好食)5.雞脾菇 (好食)6.粟米 (可以加少d蜜糖因本身粟米已夠甜)7.芝士丸 (溶化既芝士心,正)普通質素的食物:1.炒烏冬 (略咸, 汁太多)2.豬軟骨 (ok)3.牛丸 (咸左d,牛丸本身質素麻麻)4.羊架 (ok)5.帶子 (太乾身,唔夠新鮮)6.芝士腸 (ok)7.龍蝦丸 (ok)略差的食物1.牛脷,牛肉 (好乾身,好韌o趙唔開)2.墨魚咀 (腥,唔夠新鮮,加汁燒會好d)3.魷魚酥 (腥,唔夠新鮮,加汁燒會好d)4.豆腐卜 (太乾身,因本身豆腐卜冇味應該加汁燒)5.多春魚 (有點腥)另外的見意就是某d食物應該要加汁燒某d可以不用,但如果提供秘製醬汁(辣or唔辣)給客人選擇會更好~ P.S.(老闆員工都好nice,抵讚^^ 會再幫襯)

見食評唔錯就去試下,點知冇樣掂,所有食物水準以下除串燒外,我叫0左碟豉油皇龍鬚炒麵同炒椰菜我估佢煮完碟豉油皇龍鬚炒麵獲都唔洗就煮椰菜碟椰菜唔係炒,係豉油汁水煮,仲有條龍鬚0係碟菜度燒大腸un到爆,冇辦法咬得開"留"單情況嚴重唯一值得讚係"牛油燒超甜粟米"

而家呢間店紅左個日我同媽媽去.都要訂位食物勝在新鮮我點呢幾種食物....最好食就係碟烏冬..足料.好味不過媽媽系無耐性的人....成日都話等咁耐.so...食好耐.要有耐性服務不敢說他好...老閣同熟客先有計傾

忙到甩轆，返足十三日工未放過假，難得抽閒放工相約朋友去食串燒﹗食串燒就梗係去大圍串得起﹗呢度已經變左我同朋友既飯堂，一兩個星期就去幫趁一次吹水一番﹗最近佢地仲俾新假期訪問添，生意一定好左啦﹗沙田大圍區串燒店不多，所以地區報都搵佢地做訪問﹗一坐低先來串燒燒賣同紅腸先﹗最愛燒賣的外脆內軟，自在這兒吃過後我都不再吃街邊的蒸燒賣了﹗呢條就當然係食家話一定要點既烏頭啦﹗今次條魚黃油不多，不過佢地話燒得岩岩好，三個人異口同聲大叫好食，仲叫我寫好佢，我都唔食鬼知點寫咩﹗食串燒最好梗係飲啤酒﹗黑啤去對面士多就有得買喇﹗老闆話今日出土瓜灣街市入左新貨，就係大蜆同埋貴妃蚌，我梗係每樣叫番碟試下啦﹗燒大蜆一客四隻，好香呢﹗貝殼只要新鮮就點整都好吃﹗燒得不乾身，隻隻肥仔飽滿出哂水，加入蒜蓉令吃落更鮮甜味美，一人一隻唔夠喉﹗貴妃蚌好鬼大隻呢﹗加入左少少自家醬汁作調味提鮮，吃落多汁爽口﹗呢樣又係新野，燒原隻荷包魷﹗好鬼大隻，由於成隻魷魚彎多不平所以都幾鬼難燒好考功夫﹗睇住師傅一路燒一路搽上醬油，吃落味道相當鮮甜，魷魚味出眾未吃已陣陣飄香，魷魚怪吃了大半條﹗我地切了幾粒回家給大狗，佢吃得相當開心﹗除了新野外，舊既依

早前看到某集誌介紹這間燒烤店因為自已亦喜歡BBQ,所以跟老公去試下.這間食店唔算太大,店內只能放了三張的四人.不過門外亦有多張細小的..一入店內老闆好客氣地招呼首先叫鹽燒秋刀魚.(夠新鮮).牛肉(一般).羊架.(無乜so味及好腍),雞中亦(普通啦).D味道都算ok....之後再叫帶子,,日本廣島生蠔(兩樣都好新鮮.好甜..,)魷魚鬚較為舜息..最後食多幾樣食物都有同一味道,,原來老闆每樣都會加D五香粉..而令到我回家後狂飲水不過整體都算合格嘰!!

食過好幾次之後，今日終於提起勁寫返篇食評同大家分享下喇!!!環境，呢度係一間好細既家庭式小店，店內雖設有冷氣(最近仲安裝埋電視，大家可以一路食一路追劇集喇，哈!!)，不過當多客多order時可能會焗少少，皆因廚房係正隔離，但如果唔怕熱既朋友可以選擇坐出面，門口都設有烤爐，風味十足，而且坐出面仲岩哂吸煙人士(p.s.吸煙危害健康)…服務，佢地個老闆同師傅仔真係好俾心機做，閒時仲會問下你地d食物夠唔夠味，問下你意見，好有誠意，不過由於係舖頭仔加上係即叫即燒(即係唔會煮熟左先燒返熱俾你食個種)，所以唔好諗住食快餐，同朋友傾下計飲住野等就最好不過啦，加上老闆係唔介意客人自己買酒黎飲架(不會另外收費)，不過講到底食好野等下又有咩所謂。食物，差唔多樣樣都試過，但我同朋人每次去都必食既有：薯仔片叉起軟熟但咬落卻爽口，味道亦恰到好處，誠意推介!!!燒饅頭外表睇落乾乾的，但食落係外脆內軟，饅頭表面塗上既蜜糖味道唔似平時去bbq用個種蜜糖味，個人覺得個味道就好似平時沖黎飲個種好清香既蜜糖味，超好味!!!!燒粟米雖然要等比較耐，但同烚熟先燒完全唔同，超香超好味，咬落一粒粒咁，勁爽!!!烤羊架+羊肋骨愛羊朋友

開左account起碼兩年，我都不寫食評的，只是想睇kc gouermet食左咩，參考下! 但串得起叫我忍不住要寫一寫!我住係沙田，有一次想食燒魚，上網search到就來試試，去到時又無客, 當時 網上更無笑面...不過意想不好有heart，慢慢燒出來的，沒有過份的味粉, 原汁原味, 好好食! 介紹了為食的友人來食，個個都上癮! 一個月都會來幾次，係村屋串燒店一邊傾計一邊又食又飲, 好開心! 朋友們都住好遠架，肯入泥只係因為好味又平又好坐，不會因為生意好左就催人快走!!串得起可以再好d的就是牛粒、西冷! 不過金菇肥牛是好食的(大件唔肥又香)，而且考慮到佢咁抵，其他所有丸類、羊、豬.、魚、炒龍鬚麵都十萬個好食，就無咩所謂!