霸嗎拉麵 (Closed)

週末休息, 飯都唔駛煮, 一日三餐都在出面食肆解決,今天在將軍澳新都城的商場裡面食了個超好味的拉麵,午飯時間一家人唔知食咩好, 見到這間叫”霸嗎”的日本拉麵店就鑽了入去, 估唔到食到我認為是最好食的拉麵. 我order了一碗醬燜雞叉燒辛辣雞湯拉麵, 因為呢排天天濕熱, 諗住食D辣辣地的嘢醒下個胃, 當嗰麵來到我面前時, 聞到香蔥味, 見到碗面是濃湯湯底, 仲有紅色的辣椒油浮在湯面, 仲有一隻完整的紅辣椒在麵湯裡,紅湯綠蔥仲有兩大舊厚厚的雞肉叉燒, 非常吸引, 我先飲了一啖豬骨濃湯, 湯好溶好香, 帶有少少辣味, 令人非常開胃, 而拉麵的軟硬度適中, 我一啖麵一啖湯, 真的超好食呀! 厚厚的醬燜雞叉燒好淋好入味, 無骨又啖啖肉的雞叉燒配上這開胃的辣湯, 它這醬燜雞叉燒辛辣雞湯拉麵認真好味! 湯底又香拉麵又好食, 真的好鍾意!   仲有辛口燒餃子, 五個煎餃子放在碟上, 底部朝上, 因為底部有一層薄薄地超脆的脆底, 脆底上面鋪了一層日本辣椒醬, 點上他們的餃子豉油來食, 又香又脆又辣, 我們一家個個都食到津津有味, 辛口煎餃子都唔錯! 仲有飲品綠茶可樂, 我食到辣辣地再啜上一啖綠茶汽水真的

每次於晚餐時段經過霸嗎拉麵也需要大排長龍，這天早了放工便打算提早去排隊吃拉麵，可能時間尚早的關係，恰巧不用排隊便可安排入座店內環境裝修很有特式，讓人有在日本吃拉麵的感覺期間限定的極上原隻龍蝦味玉拉麵很豪華！不過這次還是想吃傳統的豚肉拉麵，下次一定要試試濃厚豚骨湯的炙燒豚肉味玉拉麵，可以自選拉麵的軟硬道，少蔥走筍等也能夠自己選擇，適合十同口味的人，十分貼心。湯底味道香濃但不油膩，麵條軟硬適中，很彈牙，豚肉上的辣醬香辣惹味，與拉麵混在一起令味道更有層次日式溏心蛋蛋黃半熟流心，大愛~炙燒豚肉非常厚！豚肉油花肥瘦適中，入口即溶，更帶點火炙的味道羽根燒餃子超脆皮的日式煎餃，一咬肉汁四溢，不會過份乾身及硬😋😋

在新都城中心閒逛期間突然肚子餓，走進這間裝修吸晴的日本拉麵店。湯底只有兩種，濃厚豚骨湯（有辣有不辣）和雞白湯，喜歡它的簡單直接，就各選一碗。拉麵硬度有三款選擇是基本，較特別的是它有「少油」的選項，正合我意。野菜雞白湯拉麵，少油。野菜有芽菜、木耳、甘筍絲，堆成一座小山，湯底清甜，油份不重，拉麵硬度適中，青蔥和炸蒜為味道增加層次，不想吃太濃味者可考慮這款。濃厚豬骨豚肉玉子拉麵，玉子隱藏在湯內，但吃下去夠滑也流心。叉燒經炙燒過，外層口感脆脆的，油脂更香，不錯。麵掛湯能力頗高，啖啖都充滿著濃厚豚肉味，麵和湯一啖也不留。羽根燒餃子是加了一層薄皮的日式煎法，果真外脆內軟，肉汁飽滿。

一個人食lunch食咩好？我首選拉麵！我好鐘意食拉麵架，每次去日本旅行差唔多餐餐都係食拉麵。香港有海量既拉麵店，我對霸嗎拉麵既評價非常高！當中又以雞叉燒最為吸引。我lunch time黎到已經要排隊，等左30分鐘先可以入到，我馬上叫左一碗雞白湯雞叉燒拉麵，再追加一碟羽根餃子。雞白湯完全唔油膩，濃郁鮮甜，雞叉燒厚切入口鮮甜滑溜，口感非常豐富滿足！雞肉肥美加上蒜粒，更是令人滿意！溏心蛋必食，蛋黃味濃滑溜，溏心度極高。拉麵彈牙有咬口，掛湯力極高。餃子即叫即煎，香口充滿肉汁！

今晚要在將軍澳返工，返工前同同事黎呢度搵下有咩好食，霸嗎拉麵開正係地鐵站上黎的位置，所以唔想揀的我地就入左黎！湯底方面湯底有豚骨同雞白湯，又有得揀少油，岩曬我呢種怕滯的人！兩種分別有得揀跟唔跟玉子，跟雞叉燒定豚肉，仲有分辣同唔辣！小食同飲品方面都多選擇！雞叉燒味玉雞白湯拉麵我揀左硬麵同少油，的確湯底比較清，無咁滯！仲好有雞湯的甜味而麵就剛剛好，少少彈牙！不得不讚雞叉燒的嫩滑，用左做豚叉燒做法去炮製，保留左雞肉肉汁！炙燒豚肉拉麵呢個湯底就濃厚，如果喜歡豬骨濃湯，係不錯的選擇！而豚肉的脂肪都比較厚，食耐左會有點滯羽根燒餃子用左冰花餃子煎法去做，餃子饀以菜多肉少去製，口感比較清新，無傳統全豬肉餃的油膩感

去新都城找朋友食晚餐，真的方便而選擇多。也很羨慕朋友住這，在地鐵上蓋，商場又翻新好，落雨不記得帶遮也無問題!霸嗎拉麵在H&M 對面，再加上其外觀標緻，好易找到👍店內也很有日本的拉麵店舖感覺，很地道。有bar 枱，也有4人枱。壁上的裝飾畫令這拉麵店的地道感更加強烈。這裡的不是义燒拉麵，而是很特別的炙燒豚肉。食材比一般拉麵店的選擇較多，有雞肉!仲要有期間限定 - 龍蝦😍😍極上原隻龍蝦味玉拉麵 - 原隻及大隻，而且多肉及鮮甜😋😋加上櫻花蝦猪豬骨濃蝦湯底😍😍炙燒豚肉拉麵很厚很大塊，肉跟肥膏分明而平均，很軟熟。而湯底也是很濃郁的豚骨湯😋😋當然拉麵的軟硬程度也是可以自己喜好而定，另外，多葱也是我喜愛的。朋友點了兒童餐給她的小孩，一般拉麵店都是义燒拉麵，但這有雞肉义燒，是把雞肉卷好再扎成如义燒的形狀，也有大大塊的紫菜，還要有橙汁，結賬時還會送一個日式小玩具給小孩🤗食后感: 真材實料，食材超新鮮，但價錢又不算貴，又坐得舒服🤗🤗

剛剛開店要排30分鐘至1小時的拉麵店，現在分店多了不用等，將軍澳新都城開有一間。炙燒豚肉味玉拉麵 $88招牌拉麵之一，湯底濃郁，豚肉是兩大塊厚切，肥瘦適中，表面經火燒烤後形成薄薄的一層脆皮以鎖住肉汁，味玉即是糖心蛋，熟度剛好，加上不同的蔥花以吊味，非常之香。辛辣炙燒豚肉拉麵 $88辣味的辣店有小、中、大可選，第一次試了小辣，味道也不錯，個人感覺辛辣味更好吃，但小辣好像不夠，下次可一試中辣。拉麵各加$10選了粟米粒及味荀。

拉麵之旅繼續來到將軍澳，原來霸嗎拉麵連這裡也有分店，非常厲害，裝潢設計風格和其他分店一樣，店員幾多笑容和上菜很快，可能因為下午茶時間比較少人，即叫即製，不用5分鐘就有得吃。濃厚豬骨豚肉玉子拉麵，炙燒肥叉燒依然超好吃，啖啖肉，脂肪的焦香非常惹味，一塊其實不夠喉。溏心蛋夠入味，雖然外表走樣了。湯底幾濃，厚重脂香，油而不膩，配合軟身幼麵條好夾。辛口燒餃子，一向很愛吃這裏的餃子，薄脆外皮，不過這個辣椒醬汁太辣，沾少少已經吃到我出汗。燒汁唐揚炸雞熱辣辣脆皮配中間鮮嫩多汁雞肉，作小食好開胃。信州蘋果汁不太特別，就像蘋果汁溝梳打水。霸嗎拉麵永遠都是我最愛的之一。

呢間野我見尖沙咀分店都成日排曬長龍啲人又講到好好味咁而將軍澳呢間 我身邊朋友都話伏身為試伏專員今日就約咗成日食尖沙咀分店嘅朋友一齊食將軍澳呢間叫咗我地都叫咗辛辣炙燒豚肉味玉拉麵🍜同埋一個羽根燒餃子🥟-拉麵🍜湯底得啲辣味麵底佢叫硬 我叫適中 但都差唔多啲麵一舊舊 分唔開豚肉就 好乾身 而個玉子我frd咬咗啖就鬧 從來未見唔流心嘅流心玉子-餃子🥟個皮太粘 肉無味 -總括而言就係唔好食我frd話尖沙咀完全唔係咁可能我要去尖沙咀試一次

發观有好多地方都有這間拉麵館分店每次看見這間日本拉麵館都好想試一試，原因個名好有霸氣， 今次經過將軍澳新都城中心，發現這間霸嗎拉麵， 一於同朋友入去食碗拉麵先。 這間拉麵館都好有日本味色彩， 我選擇了炙燒豚肉味拉麵，朋友就叫雞肉拉麵， 原來這裏可以自己選擇少油，小辣和麵質軟硬度， 又幾細心喎。這兩碗麵上枱時都好吸引，豚肉是一件厚切的五花腩， 口感軟滑但不覺很肥膩，最喜歡蔥花多多濃湯底， 拉麵軟硬度適中，雞肉都好嫩滑配小辣湯底好夠味道。

同朋友仔冇食早餐去睇戲，睇完戲大概下晝一點幾好肚餓呀，就喺附近是但搵一間醫肚。見到呢間Lunch set幾抵喎！ $68就有一碗炙燒豚肉味玉拉麵+3隻羽根餃子連埋嘢飲！呢度嘅叉燒係厚切，大約都有2cm咁厚，而且唔會太肥，啖啖肉！燒過之後好香，個湯底好濃豬骨味。平日食拉麵都要另外加溏心蛋，呢度已經包埋！重要煮蛋既時間拿捏得非常準確，一咬開蛋黃就啤啤聲流晒出黎！而且蛋白部分醃得好入味！超正！拉麵雖然無得揀軟硬度，平日食開偏硬麵質既我都幾滿意！餃子係後上，佢加左啲生粉水煎到有個脆卜卜底，將佢地三隻連埋一齊，皮好薄，啲餡唔會好鹹，肉同菜比例平均。野飲除大可樂個啲汽水之外重有雀巢檸檬茶揀，不過我唔飲汽水呢類甜野凍野，建議有茶揀會更好。

今天晚餐，我同媽媽都特別想吃拉麵，不過將軍澳專門吃拉麵的食店選擇不多，所以最後我地來到寶琳這一間「霸嗎拉麵」。得知這間拉麵於香港開了不少分店，而且每次都需要大排長龍才吃到，寶琳這間尚算人不多，可以慢慢享受。媽媽一看餐牌，已被這期間限定：原隻加拿大大龍蝦吸引住，二話不說便點了這個。由於我已了吃他們店的炙燒豚肉拉麵好幾次了，所以今次決定要一試雞叉燒雞白湯拉麵。我這個叉燒雞肉拉麵以雞湯烹煮，雞湯味道尚算重，不過不肥膩，真的既清澈又濃郁，而且同拉麵亦很夾，對於我這經常吃豬骨湯的，感覺彼清新，別一番風味，不錯不錯👍🏻。至於個雞叉燒，非常特別，是由一層雞肉一層雞皮所卷製而成，厚厚的雞肉卷著薄薄的一層雞皮，口感豐富，而雞肉還有啖啖的酒香味，此雞叉燒肉彼新穎，在其他食店未能吃到呢😋！

每次經過尖沙咀也一直想試一試人氣拉麵店霸嗎，但每次也大排長龍，令我這個急性子的都不太敢排隊光顧。幸好，霸嗎原來在將軍澳有分店，當然將軍澳分店不像尖沙咀一樣大排長龍，我和朋友在中午時分到來，雖然座位不多但馬上就可以入座。我們各自都選了炙燒豚肉味拉麵拉麵是豬骨湯底,跟正宗日本地道拉麵一樣湯底濃厚,豚肉入口肉味豐富.另外因爲炙燒豚肉曾被炙燒過，有炭烤香味，而且肉塊有小量油脂,入口香口肥美,肉質細嫩。拉麵很爽口彈牙，而且客人在點單上可自選硬,中,軟身拉麵,還可要求少油或走蔥及走筍。我們當然認為蔥筍都是能令整碗拉麵味道更豐富的主要配菜之一，所以都依照原本的配搭去下單，不出所料，配菜令整碗拉麵口感增加不少。和朋友都很喜歡整體來說，無論店內裝修和拉麵味道都跟日本正宗拉麵餐廳一樣，很值得再來一趟。

叫左個B 餐，個飯一般，有好多炸乾蒜，食落好硬，搞到個飯更唔好味，個鹽味芽菜，係冇味，最正係罐可樂......其實已經好耐冇黎食了，見到有新餐，先再黎試下，但都係失望......餐廳連基本清潔都唔足夠，枱面好污糟，好多一粒粒既食物，水杯都有污積我坐對住麵檔既位，一抬頭望到枱面又係見到好污糟......

呢度嘅期間限定極上龍蝦拉麵，真係原隻龍蝦放喺拉麵上面，當日我哋叫咗兩個，應該一隻係母蟹一隻係公蟹，所以其中一隻係比較肉質鮮嫩同有膏，令一隻就冇蟹膏。個湯好濃，蟹嘅大小亦係正常size ，麵質可以自己揀軟硬度，糖心蛋亦都包埋喺呢一個龍蝦拉麵裏面 ，所以唔需要加錢要。真係手掌咁大㗎提提大家用新都城MC P手機應用程式內有電子優惠券全單八八折，另外申請會員免費嘅，新會員仲送招牌餃子一客，記得留意貼係牆上嘅優惠提示。