Video
2-min walk from Exit C2, Jordan MTR Station
continue reading
Telephone
23622378
Introduction
巴蜀烤全魚採取先烤後煨的方式烹製，先將活魚用獨家秘方醃製一段時間，再放在炭火上烤至九成熟，最後放入特製湯底中邊吃邊以小火煨煮，既有魚的鮮味又有配料的醇美，一嘗便無法止筷。
continue reading
Opening Hours
Mon - Sun
10:30 - 00:00
Above information is for reference only. Please check details with the restaurant.
Signature Dishes
本來一向對烤魚冇乜興趣，但可能天氣寒冷，在店門前內望見到熱騰騰的烤魚，香氣撲鼻，被吸引入內一試，竟然有意外驚喜，對烤魚改觀。魚可以選全魚、大邊、細邊。有大中小辣之外，還有各種唔辣的。選了小辣，對我來說剛好。下次打算試試唔辣豆豉味。鲩魚鮮嫩美味，怕魚骨的我竟然輕易把魚骨撿走，使我可以安心食用。加上大量辣椒葱芹，十分惹味開胃。自選加了菜和豆卜，送飯最佳。套餐送兩碗白飯，竟然食晒。原來此店由紅磡搬到佐敦，幾日前再搬到蕪湖街66號，新張期間以十年前的價錢優惠街坊，令人難以置信。好食抵食，會邀朋友再來吃烤全魚。
continue reading
一條友無無聊聊行街，噤啱又到午飯時候，一於尋找吓有乜好地方可以覓食先俾我見到呢間巴蜀烤全魚，横掂未食過烤魚又見佢店內冇乜人入去試吓先見餐牌都有好多選擇，不過一個人叫唔到太多嘢，一個人食一條魚又好似太多而且夏天冇乜胃口，想找d濕濕地容易入口，好在呢間有泡飯食就選個五香牛展泡飯，等左大約十分鐘左右，新鮮熱辣既泡飯就送上，好在有冷氣先唔會越食越熱個泡飯真係好熱，食飯前緊係試吓個湯先啦，講到噤犀利話冇味精，點知飲落去真係唔覺味精而且好香魚湯味豆卜和飯索左個湯好好味好易入口，五香牛展好有水準，冧滑得來牛展入晒味，好甘香食得出好用心去做，呢間店原來唔係冇食客，係好多人留左枱，我一路食既時候就好多人進來，而且好多人留左魚咀和魚卜，應該好好味，因為唔係好多份好快賣晒，下次要試吓先，食完呢個泡飯真係好滿足
continue reading
服務太差1. 一坐低就問你係咪人齊，想攞番張枱2. 一支可樂叫左5次先黎3. 未人齊想遲啲上魚（主菜）就係度催，話唔可以食咁耐，有第二輪客要交枱，咁點解有限時，訂枱/入座果陣唔講？我地一路都有不停叫野食，咁都算阻你做生意？4. 自己伙記上錯菜，就怪我地食左隔離枱啲野，我地已經即刻話入番我地單照俾錢，阿姐仲要話我地唔係自己點既野就唔應該食。這就是服務，無言～～最後朋友黎到未食飽我地都要轉場，唔想再係度食，亦唔會再黎呢度食
continue reading
一路由紅磡幫襯到而家,每隔一排都會去依間烤魚店,味道都保持到水準。但可能因為烤魚做到成行成市，令到依間水準唔錯嘅烤魚店淹沒左喺其他烤魚店中.一入到去店員就極力推薦食套餐即係烤魚加幾碟小食,但因為當日胃口一般,只係叫左幾乎每次都叫嘅豆豉魚(全魚)-中辣就算.最最最主要嘅原因係鍾意佢多豆豉,而且味濃,芹菜,大葱又好香,未試過失手.我自以為食得好辣但都係中辣就止步,大辣留待勇士挑戰.魚上枱時唔係全熟,要等一陣先食得,幾生幾熟都可以自己決定,唔使怕佢好快煮老.而且用來烤魚嘅蠟燭火力唔大,可以慢慢食,自然更加可以品嘗到味道.店員認得我哋係熟客,主動同我哋寒喧.仲話送小食畀我哋,我哋推辭左幾次後就多謝啦.點知佢一次送左咗幾碟小食上枱.我哋都只係心諗乜咁客氣呀,最後變成好似套餐咁既份量,到埋單嗰陣先至知道原來佢只係送咗其中一碟小食,其餘我哋根本冇order到嘅小食要我地自費.味道咁好,何必呢.
continue reading
有套餐嗌 $390 有2個小菜加一碟大全魚同埋菜湯.揀左麻辣味之小辣 骨多左d 但麻味一流 小菜又好食.加肥牛做配菜一流 .皮蛋都正.豬耳就ok la.10個人 每人$100零蚊就搞掂 .開心
continue reading