不忘 (Closed)

我係腸粉同餃嘅狂熱fans，可惜係香港一直都搵到啲又薄又好味嘅腸粉。加上見到不忘有賣水餃，兩樣都係我好鍾意食，又係年輕人喺疫症時期新開嘅，就一心要去捧場試下。有腸粉加水餃套餐，只係$55。腸粉可以揀2種配料。今次我揀咗牛肉蛋腸粉配雲耳椰菜豬肉餃。不忘嘅腸粉係石磨腸粉，即叫即整，一整好就上枱，腸粉要好食就一定要夠熱腸粉皮做得好薄，加埋蛋好滑好有咬口，配搭埋牛肉好好食。腸粉份量都幾多架，抵食跟餐嘅餃子有六隻，我叫嘅係雲耳椰菜豬肉餃，皮薄得黎餡料好足夠，啖啖肉，好夠味腸粉同水餃嘅味道暫時係我覺得最好食同最鍾意食，大廚年紀輕輕有咁嘅手藝我會多d黎幫襯架~🤣

好鍾意食手工餃既我 見到呢間小店新開 又多文宣 所以就試下!大家既畫功都唔錯☺️👍🏽講下食物先💁🏽‍♀️超值套餐(腸粉+6隻水餃) ($55) 蝦米、豬肉碎 石磨腸粉又薄又滑 蝦米份量多 豬肉碎鮮嫩!雲耳椰菜水餃🥟 湯入面有紫菜👍🏽我平時包餃子好鍾意塞好多既饀 包到大大隻😛 覺得不忘既餃子比我平時包既更加大隻🤩唔知係咪因為男店員主理既關係 餡料入面 肉既比例比菜多 我就會諗 收呢個價錢但而家d豬肉咁貴而佢地堅持咁大粒又咁多肉會唔會做到蝕架😕 大家有機會真係要支持下💪🏽🌽粟米豬肉煎餃 ($35/6隻)size一樣咁珍寶! 覺得煎餃比較似炸餃 所以好脆!豬肉餡一樣咁多 而粟米係用新鮮粟米 所以咬落幾多汁👍🏽第一次食到咁大粒咁多餡料既餃大家一定要支持下💪🏽😀

試業期間，醫護贈送小食，良心黃店，認真製作但味道有待改善.▪️肥牛雞蛋腸粉 + 韭菜豬肉餃 $55玻璃可以睇到成個製作過程，好認真石磨腸粉粉味重，唔易咬斷，同埋牛肉好硬☹️ 唯一可取既就係，個豬肉餃還可以

唔係一般傳統嘅牛肉餡，而係用肥牛片加蛋捲出黎嘅石磨腸粉，腸粉好滑好好食。有驚喜！！而且價錢仲好親民～高水準嘅改良傳統點心加十足嘅誠意！讚下次要試埋佢地其他嘅配料😋

其實店名都足夠說明一切，不忘！🔹招牌雲浮石磨腸粉 $20 + 配料 $2-10🔸香菇肉碎雞蛋石磨腸粉 $36我鍾意食呢種皺皮腸粉過多酒樓個種蒸腸粉，本身有幾款推介配搭，我揀咗香菇雞蛋再加鮮豬肉碎。2pm左右到店入面冇晒位，都幾多人等緊外賣，我都費事等就外賣算，唔使另外加錢😗個鼓油係分開裝嘅，唔會浸住浸到腍晒，自己鐘意加幾多都得，食得出係調配過，甜得黎好鮮，睇報導原來係加咗羅漢果同蝦皮去煮～同埋個腸粉都好薄好滑☺️ 加蛋勁勁勁好食，食到一半吸收晒啲豉油都唔會話過鹹，但個份量男仔可能唔夠食，加多碗麵或者餃會飽啲🤪不忘尖沙咀金巴利街1E號地舖

特登同朋友去韓國街食不忘腸粉，專賣即蒸石磨腸粉+手工餃子，質素唔錯，經過可以試吓！（舖頭座位極少，疫情期間建議大家買外賣，不要堂食）📍肥牛生菜腸粉🍥+煎雲耳椰菜豬肉餃🥟（$58）牛肉算多，腸粉唔會爛蓉蓉，個汁都好味！煎餃熱辣辣，脆卜卜，好正👍🏻🤤😋！📍香菇雞蛋生菜腸粉🍥+粟米豬肉餃🥟（$61）呢個經典配搭的腸粉超正，好味過肥牛嗰個好多，必叫🤩！餃子爆晒餡🥟❤️👍🏻，不過煎餃出色好多🤩！PS呢間係醫護人員免費有一個套餐

✨黃到金既腸粉店💛✨—————————————————💛#littlefatwest良心小店 💛#littlefatwest尖沙咀黃店 .聽個店名都知係黃到金 小店叫「不忘」想大家不忘佢地嘅味道之餘亦不忘2019年抗爭既畫面🔥不忘同路人一直既付出雖然2月先開張 但老闆6月已發聲 表態多次參加遊行 自資捐物資 (source:和你pay)提供場地作藝術品/手作品嘅寄賣/交收店內有貼文宣 聘請手足💪🏼亦支持醫護 提供免費食品—————————————————🔸套餐: 腸粉+餃子6隻 ($55)腸粉可自選兩餸 揀左香蔥肥牛同蝦米米漿係用石磨 皮非常薄又好滑溜🤤餡料好足 牛肉加蔥花好香 蝦米增加口感.🥟可選煎/水煮 揀左韭菜豬肉雞湯好出色 清甜唔味精餃子皮薄餡靚😍仲有紫菜一齊食—————————————————📍不忘 (尖沙咀) @bat_mong 尖沙咀金巴利街1E號地舖.

石磨腸粉 有口感！不似傳統腸粉咁，食完又飽又濟架感覺！已經試左兩款：豬膶配芫茜、牛肉配蝦米；都覺有特色！讚 另 試左手工湯餃（雲耳椰菜豬肉），亦值一讚（食完先記得未影相）不過，我個人更愛同款口味架煎餃！餡料鮮爽、外皮亦煎得香脆！最愛推介：石磨腸粉、雲耳椰菜豬肉煎餃！激讚！

尖沙咀新開黃店，主打腸粉同餃子，抗疫期間，一定要支持同路人🥰超值套餐：腸粉（豬膶，香菇）+ 水餃6隻（雪耳椰菜豬肉餃） $55尖沙咀黎講好抵食🤪🤪🤪腸粉即叫即整，香菇勁香，帶到豬膶鮮味出嚟。豉油出色，食到停唔到口😆水餃都有驚喜。雞湯入面有紫菜，好鮮甜，餃子皮唔太厚，好索湯。雪耳椰菜好爽口，有咬口。重點係，隻隻餃子大大隻，好想嗌多份🤣再嗌多份煎韭菜餃($35/6隻)。可能因為外賣關係，唔係即食，無咁熱辣辣，同唔太脆。不過韭菜味好出，亦都大大隻，好滿足。一定會再encore腸粉同湯餃😚😚😚大大力懲罰！

店子小小 位置不多當晚都等左太約15分鐘左右 疫情關係呢一間黃店都好細心全店使用即棄餐具，消毒濕紙巾令每一位食客都可以安心享用美食👍🏻薑蓉豬膶粟米石磨腸粉腸粉即叫即整十分新鮮😍豬潤滑唔會太老 粟米粒超級甜👍🏻👍🏻👍🏻評分：9/10肥牛芫荽石磨腸粉喜歡芫荽的朋友一定要試吓超級好的配搭 評分：9/10套餐跟嘅粟米水餃啖啖肉嘅水餃充滿粟米嘅甜香值得一試😋評分：9.5/10

黎到韓國街，本來一心想食韓國野竟然俾我見到一間新開既腸粉店鋪頭唔大 得3張枱 見係黃店價錢唔算好貴就試下套餐最抵食 2餸腸粉加煎餃$58 湯餃就平3蚊叫左2個套餐 一個係雞蛋蝦米腸粉 一個係肥牛生菜腸粉雞蛋顏色搞到碟腸粉好靚 肥牛生菜 食得出生菜好新鮮爽口加埋佢地秘製豉油 好易就食哂落肚！豉油唔夠仲可以叫店員添加！餃子有3種可以選擇店員話最後果個韭菜雞蛋餃暫時冇左得返 雲耳椰菜豬肉餃 韭菜豬肉餃 粟米豬肉餃特別要講一講 店入面呢個自家炒既辣椒漿 好香口 但係要小心 唔食得辣既人要落小小就夠加埋落腸粉同餃子到超好食！ 最後叫左佢一個牛丸紫菜湯$28有5粒牛丸 好彈牙 同會爆汁 超有驚喜！

尼間黃店係新開的位於尖沙咀韓國街，聽個名都已經夠黃，睇埋餐廳牌匾大家係咪覺得要狠狠懲罰尼間鋪頭先得呢😤🌟餐廳試業期間救護醫護人士免費一份指定食品✨超值套餐: 腸粉+ 水餃($55)今次我嗌咗香蔥肥牛+雞蛋腸粉配栗米豬肉餃(6隻)第一次食石磨腸粉，味道不過不失，腸粉豆漿味唔太突出不過食落都算幾滑，每條腸粉都好多餡。其實食完4條腸粉都飽飽地，所以細食既朋友可以淨嗌腸粉食。水餃湯底係紫菜湯味道正常，餃子size 正常餡料飽滿，栗米餡超多，咬落好有口感，而且幾清甜，不錯。

其實今朝一早睇fb就彈左呢間野係飲食男女既介紹，睇到少少內容講90後膽粗粗開店賣石磨腸粉，心諗呢啲時勢開食店，仲要係腸粉咁平凡既小食，點做得成啊？點知放工落尖沙咀行街，突然遇到兩個朋友，摘日不如撞日，佢地話去食豬膶芫荽腸粉做晚餐，我就諗咁熟既？原來就係我朝早睇到果間，咁整定我去試下呢個石磨腸粉啦！今次我同朋友都揀左set，有石磨腸粉同餃子兩味！我就揀左肥牛芫荽腸加韮菜豬肉煎餃；朋友就揀左豬膶芫荽腸加椰菜雲耳豬肉煎餃。盛惠$55蚊一個set，煎餃加$3，加飲品就要$6，最尾埋單$128。石磨腸粉好薄皮，而且有充足芫荽同多餸，搭上甜甜鹹鹹既豉油，重點係蒜蓉辣椒醬，嗜辣者必試，超香同食唔停！煎餃係煎到金黃，皮薄加煎得好，個皮脆到好似食薯片咁，入面啲餡係大大舊加好juicy，韮菜超香，雪耳椰菜又有口感，兩款餃子都好正！腸粉加餃子兩樣加埋絕對夠女士當一餐正餐！真係好正，大推！😋唯一要挑剔係地方真係窄啲，但香港地既根本問題好難解決，希望小店長做長有！重點係佢地12-5可以送外賣到尖沙咀地區，呢個非常好啊！

見到成日都會經過嘅尖沙咀呢頭有新開嘅黃小店，緊係要支持下啦🥰仲要係我最鍾意食嘅石磨腸粉！！小店位置係韓國街，可能要花小小時間搵，不過見到成條無乜邊幾間唔係食韓國野就知係佢喇～整體來講，佢嘅腸粉比我成日幫襯嘅濃姐更加薄，我以後應該會想食腸粉同餃子嘅時候就係呢一度，想食蒸麵嘅話就去濃姐～兩間都值得支持🥰.this recently opened steam rice roll shop in TST is definitely going to be my new fav steam rice roll shop 😋 it is a bit hidden, located in korean street 😆 overall the steam rice roll is thinner than most out there! you can kind of see the reflection of yourself on the steam rice rolls 🤣 and they also serve really good dumplings 🥟 a bit oily but i

經過韓國街果頭發現多左間腸粉鋪就入去試試。入面位唔多，主打外賣，後生仔經營。主要賣皺皮腸粉、韭菜豬肉餃子仲有牛丸，有d肚餓就三樣叫曬。腸粉底廿蚊之後逐樣餸加錢，價錢唔高，最啱放工口痕買番歸嘆下。腸粉整得快，嚟到見到碟腸粉有成4條，料都好多，性價比高。佢d豉油有落過心思，食落同出面比多左d鮮味，配落腸粉好夾。餃子就見到係店員自己手工包既，d餡包到一粒粒唔會散，算係唔錯。牛丸好彈，咬落去入面d汁爆出嚟，出面小食店好少食到咁既質素，好值得一試。