不忘 (Closed)

以爲係同路人，良心店，就算離公司好遠，得兩張枱咁少，都會專程去食水餃。好在已經結業，一想起d老鼠屎真係好嘔心慶幸幫襯左咁多次我都無穿無爛希望幾位老闆高台貴手，以後不要再做飲食業。

-{黃店💛尖沙咀人氣餃子🥟}終於有機會試喇🥰嗌左個set有腸粉加餃子6隻盛惠58蚊🙌🤤香蔥肥牛雞蛋石磨腸粉🤤 份量好多😍豉油少少甜用黎吊味唔錯☺️石磨腸粉都好滑💁‍♀️有芫茜嘅話會開心啲~👖褲評: 8/10🤤雲耳椰菜豬肉餃🤤 有6嚿😆好大粒兼好多料🤩個豬肉好鮮 椰菜同雲耳都好脆 皮都好滑😋足料又夠味💁‍♀️順帶一提個湯都唔錯 清清地友人飲曬😌👖褲評: 7.6/10見佢粒餃子脹到咁就知好抵食😛性價比: 8.3/10服務: 8.3/10環境: 6.5/10🚩不忘🚩地址: 尖沙咀金巴利街1E號地舖 #fuudjai #fuudjai黃店 #fuudjai小食 #fuudjai尖沙咀 #fuudjai港式

不忘💛 由5位同路人開業，希望客人除左不忘佢哋食物嘅味道，亦提醒香港人不忘初心🇭🇰 佢哋經營嘅不單單係一間餐廳，更係一份意志💪 舖頭主打特色石磨腸粉同埋手工餃子，即叫即整👍🥟豬肉粟米餃子(轉煎餃) / 6件 $42餃子好大隻，煎得特別香脆👍 豬肉粟米餡都幾多🤤 下次嚟會想試吓其他口味，或者試埋湯餃😊🥟香蔥牛肉香菇腸粉 $36腸粉皮非常薄，而且好長好大份🤤 口感仲好滑！2個人share食都幾正👍 食腸粉就一定要豉油😋 員工仲好細心咁留意到我地食到唔夠豉油🙈 主動幫我地再添加👍 不過我地今次自選嘅牛肉同香菇口味唔太夾😂 下次會想試吓其他口味.店舖較細，空間亦較窄，只係入到2枱客人😥 雖然我地排左30分鐘左右，但入到去坐底只係食左20分鐘😅 我地都唔敢坐太耐阻住人地做生意🙈 如果大家想食嘅話可以考慮外賣👍 佢地都有接好多外賣單💛

試過不忘嘅餃子，之後食邊間都搵唔番嗰個味道同質地，真係超級靚餃。但你又知唔知不忘仲有個甜品部，有手作bagel、肉桂卷、甚至Roll Cake同whole cake生日蛋糕！之前團購試咗個bagel，屋企人都大讚好食🔥🔥🔥後來有機會就訂咗個生日蛋糕，係巧克力覆盤子，表層係濃厚朱古力mousse，入面嘅海棉蛋糕夾層有cream and raspberry, chocolate crunch, chocolate cream etc，好有層次味道又豐富，小朋友食crunch都食得好開心😃超正！大力推薦試吓各款甜品同蛋糕！

平時嘅我係完全唔掂都唔會掂餃子，因為我真係好討厭餃子皮，無論整得幾薄都好，嗰層皮就係好難食，就算餓死冇野食，都只係會liu個餡出黎，唔要層皮🤣🤣我知好折墮，所以我係從來都唔食餃子不過屋企有個勁愛餃子既人，加上有朋友極力推薦不忘既餃子，於是就趁團購買左幾隻唔同味番去。其實開初諗住睇人食架咋🤣整出黎個樣比起平時啲餃又真係靚仔好多，個皮望落晶瑩通透之後屋企人個個食左都話好特別，我先肯放入口試左一啖🤣🤣點知試左一啖我竟然仲食多左兩舊佢會令我唔食餃變成食左幾隻係因為佢個皮！個皮完全唔似平時既餃子皮！竟然一啲粉感都冇🤩點形容好呢，佢有少少似雲吞皮，個皮本身都有調味而且唔會覺得食緊一層皮，呢個真係好犀利👍🏻👍🏻👍🏻餡料好新鮮，而且量好_多，每一隻都包到滿曬咁啱屋企有啲超市餃，煮埋一齊，不忘餃個size係兩三倍咁多🤣🤣🤣呢隻餃真係好正冇誇張，鍾意餃既人一定一定要試，唔特別鍾意餃既人都絕對可以give it a try，你絕對唔會後悔🔥🔥🔥

平日三點去到堂食唔洗等位✌🏻兩個人食個下午茶剛剛好👍🏻但舖位真係好細好細😂冇乜堂食位$58超值套餐😋兩餸石磨腸粉+水餃六隻🥟+$18三粒潮州福合埕牛丸😍豬膶菜脯石磨腸粉😋份量多，有四條足料皺皮腸粉🤤一塊塊豬膶軟稔，係有一兩舊熟咗少少😋菜脯爽口，配腸粉食好夾！牛丸大大粒非常爽口彈牙🤤咬落去鮮牛肉汁一口都係🤤🤤$18/3粒真係值呢個價！👍🏻！！我最期待的芫荽餃終於出場！！本身諗住+$8轉煎餃香口點，但最後聽取員工建議食煮荽餃🤤入口充滿芫荽味🤤🤤餃子足料，包得實淨，煮得剛好，唔會散或者爛皮🥟食落有肉汁唔會油🤤👍🏻整體黎講味道唔錯，唯一唔好係冇電腦單(?)因為menu其實冇芫荽餃🤔埋單條數唔識計番😂最後估可能芫荽餃貴幾蚊就走咗😂但有機會一定join佢ig地區團購定幾打荽餃放雪櫃慢慢食🤤🥟

Lunch time唔知食咩好ಥ_ಥ 每一次都好苦惱既時候 我就會選擇食呢間💛💛💛#尖沙咀黃店 鍾意食石磨腸粉同埋餃子一定要黎試吓！ ！ ！點解我咁鍾意食呢間係有原因㗎(≧▽≦)因為每一次都係即刻整俾 所以需要等一陣 不過其實都好快㗎咋😋- - - - - - - - - - - - - - - - - - - - - 相信尖沙咀嘅朋友都會食過呢間舖頭 佢哋啲腸粉有好多唔同嘅配搭我通常都會叫套餐兩樣材料 再加四隻餃子 🥟(≧▽≦)可以揀六粒餃子㗎 或者其他材料啲餃子全部都大大粒ahhhh(好食到要尖叫) LOL餃子啲魚湯都好好飲㗎 熱辣辣^ ^餃子仲有唔同嘅味道添近排新推出左芫荽餃子 我都仲未去食TvT我自己最鍾意嘅材料就係肥牛加生菜同埋雞蛋生菜😋😋😋份量啱啱好 配埋佢哋舖頭特製嘅豉油 又唔會太鹹有啲甜甜地 成日都好想問啲店員到底點樣整啲豉油😋😋🤣🤣 配落啲腸粉度真係好正 啲腸粉好滑脫脫 入面嘅材料通常都會好滿 絕對唔會偷工減料😋😋 腸粉皮又唔會太厚 好薄！👍🏻👍🏻👍🏻 不過我通常都係外賣返去食 舖頭唔算太多位大概有六至八個左右 可能坐得唔係太舒服( ･᷄ὢ･᷅ )但啲職員都好有禮貌㗎(^

已經收藏咗好耐 終於食到啦果然冇令我失望雖然舖仔細細 得2張堂食枱 要等位但係值得等嘅好多combination 有餃子+腸粉餐 有餃子米缐 有淨餃子 有牛丸麵叫咗個輕怡超值套餐 ($50)有自選2餸腸粉+ 4隻餃子 (可以揀味)我揀咗生菜蝦米腸同雲耳椰菜豬肉餃全部大大份😍冇諗過腸粉都咁多先講腸粉腸粉係即叫即整 超新鮮手工整得超好 皮勁薄 可以見到入面啲料而且皮食落超級滑 仲要捲咗好多層 好有層次感🦐餡料又足 勁多蝦米 食落唔硬 唯一蝦米冇乜味 🥬生菜食落清脆👍🏻口感凸出豉油味道調較得唔錯 鹹度啱啱好 而且腸粉好索豉油 好入味至於餃子🥟超級好食!!! 係人手包 新鮮製造每隻大大隻架一咬 超正❤️爆餡椰菜超級脆 又甜 雲耳質感幾爽 豬肉有味雖然豬肉間中有啲韌嘅位咬唔到但係佢好新鮮👍🏻最好係調味好 唔會好重麻油味胡椒味或太油咁先可以品嚐到餡料味成曬成個餐 已經夠飽 好滿足😋好少可簡單嘅一餐可以令我咁開心!好欣賞佢小店但好有心 用足料 好有水準-味道一流!! 超級好食環境就差咗少少 可惜舖頭太細 只能容納4人堂食 有啲逼服務唔錯 啲員工好chill😂起㕑房唱歌 好正衞生做足 食具用即棄CP超好

這小店賣的是腸粉和水餃，選擇的餡料不多，腸粉主要有肥牛，豬肉碎或猪潤，再加一些其他配料如蛋，虾米，生菜，䓤及莞茜等等，可自由配搭，水餃就只有三四款口味。食物是即叫即做，但製作用心及有水準。當天試過肥牛雞蛋腸，豬潤莞茜腸和粟米豬肉餃，都不錯。地方很細，只得幾張細枱，所以都有很多人叫外賣，價錢都算合理。店內幾個年青人的服務及態度幾好，如果喜歡食腸粉及水餃的人，這店值得推介。日後希望可多一些餡料可供選擇。

好好食😋好有街坊味道嘅小店。店內得2張枱所以要有耐性等位。我lunch一粒鐘老遠9衝出去都要撐，要企門口等咗2個字先有位。等嘅過程都有其他人外賣自取。我揀咗個超值套餐牛肉+芫茜腸粉、🥟韭菜豬肉湯餃6隻。個餃子湯冇乜味精連湯飲晒👍腸粉好滑，牛肉芫茜都好多。今日餓住嚟，套餐2樣份量女士啱啱好，食完暖笠笠😋。一路食一路聽住廣東歌，啱channel更開胃。建議大家食完就最好快d埋單，因為門口又有人等梗位啦😄#lunch老遠9衝出去都要撐#店內得2張枱要有耐性等位#不忘#撐手足#堅好食#冇味精

聽朋友講尖沙咀韓國街有間食即蒸腸粉，咁岩經過就入去試下。舖頭比較細，最多坐到八個人到，比較適合外賣或者自私食，每枱都有酒精搓手液都幾貼心。叫左輕怡套餐（$50），有兩餸腸粉（香蔥肥牛、薑蓉豬潤）+水餃4隻（雲耳椰菜）。睇介紹話呢間主打雲浮石磨腸粉，因為係即整，大概等左十分鐘左右就上枱，腸粉皮熱辣辣又滑又薄，肥牛同豬潤都幾足料，加甜豉油都好食；至於雞湯手工雲耳椰菜豬肉餃，好彩淨叫四隻，大大隻仲要餡料足，雲耳椰菜爽口，十足屋企包果種手工餃子，都幾抵食。

下午路經尖沙咀，看到眼前出現「不忘」兩隻字，份外有共鳴。正所謂「念念不忘，必有迴響」，既然是知音人，當然要出錢支持！「不忘」名副其實是間小店，只得兩枱座位。由於好味，門口排滿了外賣或堂食的人。所以，各位要快食快走，唔好阻人做生意！小店主打石磨腸粉和手工水餃，最後想了想，我點了50元的輕怡套餐！石磨腸粉：即叫即蒸，配料勁多，我就偏愛香蔥肥牛和蝦米。一份四條，非常足料，真不知道自己正在吃肥牛還是腸粉！粟米豬肉餃：套餐包四粒水餃，全部人手包製，每一粒都非常豐滿，好味！小店由幾位20多歲的小鮮肉主理，禮貌認真，各位要多多支持！

每次喺不忘道食野都好糾結，水餃、煎餃、牛丸、腸粉樣樣都想食，無奈胃就得一個，今次就帶埋男朋友去食，咁就咩都可以食啲瘦肉雞蛋腸黎到不忘緊係要叫番份腸粉，即叫即整，熱辣辣又滑嫩既腸粉，配上秘製豉油，食得辣嘅朋友可以加番啲炒辣椒醬，落足心機整嘅腸粉特別好食豬肉粟米水餃手工水餃係老闆每日新鮮自己包，仲有得外賣返屋企自己煮！水餃皮做得好薄，好易就會整爛，而且餡料超足！咬一啖就跌晒跌哂啲餡出黎牛丸紫菜湯手打牛丸粒粒彈牙，鍾意食牛丸嘅朋友一定唔好錯過！行開尖沙咀一定要支持小店～

在《不忘》剛開業時來試了煎餃子，之後一直是吃湯餃。這次來到時，心血來潮想吃熱氣的煎餃子，但因為店裡的爐正用了來煮湯，所以沒得吃。.這是套餐石磨腸粉+餃子6隻 ($58)，配可樂 +$8。👉🏻很多人喜歡《不忘》的超薄腸粉，不過我比較喜歡配雞蛋的腸粉，整體感覺會厚身一點點，又不會過厚，好味道。腸粉會很快吸光醬油，可以自由按個人的重口味另加醬油。.再來是餃子配湯，6隻餃子都是超大顆，咬了不少口才吃完 1隻！雖然本來是想吃煎餃，但吃著這配湯的美味「雲耳椰菜豬肉餃」，還是覺得湯餃才是這裡的no.1下次我會試吃其他款式的腸粉

這間小店連店面也很細，就只有兩張二人枱，另外有兩張枱正在包餃子呢，希望他們繼續努力，搬去更大的店舖，不想等的朋友當然是whatsapp落單再外賣自取，值得一讚的一定是年輕大廚的手藝，即叫即造的腸粉真的太出色了🍱 輕怡套餐 $50這個套餐包括一份自選兩餸的石磨腸粉，還有4粒水餃，如果加8蚊選超值套餐，還可以多加2粒水餃🐮 香蔥肥牛+雞蛋肥牛肉味濃，味道跟自家製豉油很夾，石磨腸粉超細滑，十分高質🍄 香菇+蝦米雖然原本想試的是豬潤，但香菇的味道也很好，只是自家製豉油在這個組合當中太突出，但分開吃，每個材料的味道也很不錯🥟 韭菜豬肉餃一隻餃子比膠匙羹還要大隻，超級滿足，而且皮薄餡靚，韭菜味濃但跟豬肉平衡，比超市買到的牌子還要好味，我差點就買生餃回家煮了🥛 豆漿 +$10香港製造的原味豆漿，還可選擇黑豆豆漿