B‧B 海景餐廳

Open Now

Now Closed

本人從來沒有去過離島，跟香港人一樣最近經常北上，內地既野雖然種類繁多以及便宜，可惜味精太重，不適合我這種清淡既人😂😂，這個月開始嘗試唔北上，去一吓離島，誤打誤撞就入左來南丫島，然之後到了南丫島有一位高大靚仔既服務員介紹了他們本店既招牌菜，我就比佢既誠意打動就抱着平常心態去試! 全程那位侍應生好好服務，又主動跟介紹每一道菜式以及話我知道南丫島有什麼好去處！當日我叫左個日式芥末海鮮墨魚麵我認為這份意粉好有誠意，裏面有蝦魚青口帶子魷魚以及蠔相當豐富！個忌廉芥末又唔會好澀，同埋又唔會好辣，味道啱啱好！值得推介👍！下一次會再來

在國慶假期前一日的星期一，閒日去離島無咁多人。中午同老婆大人入到南丫島榕樹灣都快2:00，行咗去北角新舊村返到榕樹灣食野補充體力。見到近海邊有一間餐廳，有不少名人相片貼在門口位，想必應該不會差。因爲當時還未到6:00，所以未有人在內用膳，變相我跟我太太包場食飯🤭。呢間第一次食，唔知食乜好，上OpenRice 睇下有咩推介，估唔到，有不少人都讚個男侍應好禮貌、好招呼，又真係喎，全程都好好招待我地，直頭同宣萱拍既廣告「好客之道」一樣咁好。我點咗兩個餐，鵝肝牛扒和闊條麵，都有跟白湯、包和飲品，好滿足😋。日落餘暉影照入餐廳內鵝肝牛扒，牛扒份糧大，肉汁夠juicy ，口感一流，鵝肝油份差少少，唔夠香醬汁味道剛好，麵身比想像中硬，可以淋返少少更好 餐包香脆，味道很好

今日本來諗住去長洲睇飄色，可惜喺中環碼頭等咗兩個鐘都未上到船，實在太多人了，咁就近近地去咗另一個碼頭就係南丫島啦，南丫島都好多人，但係都冇辦法啦，既然都出咗嚟唯有照去，入到南丫島行行吓見到一間唔錯嘅西餐廳。入面坐晒人門口都排曬隊，咁就嘗試等位入去食！ 叫咗個羅勒醬菠菜意粉， 意粉好彈牙食得出係手工製作，唔似係出面食個種味道，好重麵粉質味道，同埋個羅勒醬好重香葉味道似都係手工製作，值得推介👍另外那位侍應靚仔推介我食佢哋嘅Pizza佢話都係用日本麵粉製造叫我一定要是試吓，我就相信佢叫咗個外賣拎返出去食！呢度嘅侍應生都好有人情味道，仲送左個免費甜品比我食😂😂

明白餐飲業招聘非常困難，仲要離島區。見叔叔帶住位生手小朋友工作都顯得十分吃力，全場只得兩位侍應，還要照顧室內、室外、水吧、酒吧、廚房。蒜蓉牛油焗法包，食凍的嗎？用微波爐叮叮去都好一點，味濃少少脆少少韌。忌廉粟米湯，罐頭味道強烈霸道，水水忌廉的感覺，有零星幾粒粟米點綴。要加入大量辣椒仔汁提味，勁酸勁辣舒服許多了﹗芝士菠菜焗半殼蠔，新鮮出爐滾熱辣飄著輕煙，厚身脹卜卜一咬爆汁滿意的鮮蠔味道，焗到表面金黃而內裡濕潤，夾著芝士菠菜十分滋味。黑椒汁香煎雞扒配炸薯條，黑椒汁還是黑椒汁膏？杰到一舊舊，現成李錦記？沒有味道的雞扒，要點茄汁食的雞扒，澀味雞皮脆脆，雞肉乾硬鞋烚烚。燒汁牛柳拼扒大蝦伴扃意粉，苦澀味燒汁，放棄﹗血淋淋牛柳沒有閒置足夠時間就送到食客面前，要點茄汁食的牛柳，幾乎沒牛甜味的牛柳。我要5成熟變7成，而且兩邊有9成熟，給多一點牙力吧﹗要撈茄汁的白烚扁意粉，粉粉黏牙乾爭爭無味室溫扁意粉。雪蔵虎蝦大大隻帶甘香蝦膏，肉質嚥韌蝦味濃，比牛柳更美味。熱齋啡，明顯不是即磨咖啡，似7-11蒸餾定的咖啡。

本想坐outdoor 但撞著下雨天，唯有坐室內。餐廳不太大但室內環境舒適，set lunch 選擇頗多，有幾款肉和意粉🍝。3個人點了1個扒1個意粉還有fish and chips 😋😋😋正

今日4月9日天氣不錯，我記得以前經常和家人一齊來南丫島家庭樂，現在大個咗啦，想回憶下就一個人自己入左黎南丫島，一出碼頭發覺南丫島都變左好多，連個碼頭都改建咗，畢竟我都已經好耐冇入過嚟啦～我回想起都成10年冇嚟啦，我發覺現在南丫島都有好多餐廳，特別好多外國人開嘅餐廳，我回想起以前只有三-六間餐廳，我還記得有一間叫B&B餐廳我之前來食過幾好味，以前有一個好熱情嘅大叔接待我，介紹左我，呢度嘅食物當時我就信咗佢就入咗去食，估唔到今次重來間餐廳仲喺度！可惜個大叔已經唔喺嗰度啦但是味道一樣咁好味我今次點咗個西冷牛扒食，味道不錯，和以前一樣都是主菜類都包湯包蒜蓉包同埋一杯凍飲😃重回這個舊地，回想起好多以前同家人既回憶希望日後再來的時候這間餐廳還在～

今日星期一打算入南Y島chill吓 由中環4號碼頭搭船入榕樹灣30分鐘就到 一出碼頭行5分鐘就到 餐廳望入去見佢戶外座位好鬼正 又見佢有 lunch menu 所以諗住入去試下 平日真係冇乜人 可能我比較早未夠12:00已到可以坐出面 吹著海風食著lunch 食物唔錯 店內叔叔態度友善 有機會一定會再嚟

不知不覺有4年沒有來南丫島了，疫情期間，大家都在家工作，現在又回到正常軌跡了，我又重回南丫島走走～我記得四年前我和朋友去過一間西餐廳不錯，而且擁有海景嘅餐廳在香港中不是那麼多，所以印象深刻～所以當我每次想去到南丫島的時候都會想起這間餐廳，當日我去到南丫島的時候，原來這間餐廳還在，香港疫情期間好多餐廳都倒閉，我都擔心這間餐廳會唔會還存在，幸好當日去到南丫島的時候，這間餐廳還在聽說間餐廳已經擁有20多年的歷史，真是一間懷舊的餐廳四年前我去過的時候那一個店員還在我仲問佢一些這間餐廳嘅歷史！今次只有我一個人所以點了他們最出名嘅自家製pizza以及一杯懷舊嘅生啤Chil 😃日後我希望將來20年後餐廳還在跟以前一樣沒有變，再重回看看😄

長住南丫島卻從來沒有試過這間餐廳，有一晚鬼使神差嘗試。菜品價格overpriced，質量很一般服務更一般。燈光昏暗好多蚊蟲（戶外）。前菜湯難食過大家樂⋯⋯不會再去。兩人埋單700+食不知味長。

今日一支公南丫玩，經過見老闆幾熱情招呼，就試一試。Ordered左一個lunch set咖喱腩飯，雖然價錢略貴，但畢竟旅遊區，可以接受。大約等左20分鐘，試左幾啖，出奇地高質。咖喱夠香夠料，完全唔似平時快餐店果種行貨，吃得出好有誠意。牛腩夠爽，部位夠咬口。 Overall出奇地好吃。餐廳有老歌BGM，望出去就係海景，環境一流。Set跟一杯coffee，不過不失。In conclusion食物品質、環境完全對得起價錢，推薦！

最近呢3年，每年都會嚟一次南丫島，每年都會要求坐返出面張高枱，每年都會嗌返同一碟煎鵝肝。 出面食鵝肝好細舊，大大舊煎得外脆內軟好好食😋 另外仲嗌咗碟芝士焗蠔飯，一上到枱相都未影就𢳂嚟食咗🤤 大量芝士包住三隻大大隻嘅蠔，輕鬆ko一碟環境好正，坐出面對正個海，涼涼地吹下海風飲下酒，好chill。不過始終喺南丫島，坐得耐會有蚊咬少不免，同埋室外環境裝修上同出面嘅西餐廳會有距離。服務有heart，好casual 好親切，成餐飯好放鬆食得好開心💕。

與好友從索罟灣行山至榕樹灣，個半小時的行程，沿途風景美麗。到達榕樹灣，剛好是午餐時間，榕樹灣街道簡潔，兩旁有不少餐廳選擇。經過B•B 海景餐廳時，站在門口的職員立即向我們推介， 並讓我們先參觀餐廳環境再決定是否在此午餐。餐廳環境昏暗，彌漫濃濃的油煙味道，但後門外有沿海的露天座位，豁然開朗，很自然地便坐下來了。午市套餐有多個選擇，食物水平不錯，可惜除了門口的職員比較有熱誠外，其他的侍應態度佛系，全程落單、加水、埋單均要重複兩三次，才有反應餐湯一般，非常稀溜溜蒜蓉包溫度剛好，蒜味濃郁意粉煮得剛好al dente，配料不過不失，幾款套餐中，一致認為意粉最可口鴨胸雖不是高級食材，但煎得皮脆肉嫩全日早餐十分普通，朋友吃不到半條司華力腸便將它遺棄凍餐茶不會預先加糖水，值得加分雖然侍應態度一般，然而用膳沒有時間限制，很適合三五知己風花雪月

見到評語好 所以入去試下食。第一次去南丫島 畀我遇到 一生難忘 嘅餐廳， 不單止 食物難食 樓面仲要全程黑面， 唔想幫人客落單， 同佢講嘢就扮聽唔到。加埋我哋五個人 另外仲有兩張枱 （唔相識嘅客人）。一齊都唔想再食 問佢哋可唔可以cancel畀未出嘅餐 因為嘢食難食都食唔落。餐湯 - 完全無味焗蠔 - 好腥 又梅 一啲都唔新鮮椒鹽魷魚 - 炸粉好硬 硬到咬唔到 魷魚都係好乾好硬 切都切唔斷。闊意粉 - 完全冇味 兼唔熟煎魚 - 好鹹好多鹽豬仔骨 - 好耐都冇嚟 見到隔嚟枱 叫侍應拎返入廚房 因為切開入面係全生嘅。 我哋嗰隻就refund左。 不過隔離枱就唔好彩 佢哋refund唔到 因為我哋嗰隻就畀咗佢哋。最後埋單 打咗個9折畀我哋 另外加咗 10%服務費。等咗十分鐘 問咗兩次 先至肯找錢 由我哋買單開始 全間餐廳 只有我地同另外一枱 樓面就有三個。

適逢復活節假期，5年前曾到南丫島榕樹灣，今天假日便再次去南丫島享受一下，今天假日特別多人，只好搭加班船，大概25分鐘便到達榕樹灣，下船再行10分鐘左右便到BB海景餐廳，記得幾年前曾到過這餐廳，門口這待應十分好態度，叫我入去吃個餐。這麼好的態度待應我沒理由拒绝入去。一坐低這待應就给我一杯温水，十分體貼，值得一讚服務態度👍他便推介我吃帶子蝦羅勒醬闊條麵同埋芝士焗西蘭花。我只好試試，很快這麵就到，賣相很漂亮，蝦同帶子都很足，至於西蘭花就不得了，芝士非常濃郁西蘭花口感非常好不淋不硬，適中值得試👍👍👍同埋有一碗餐湯同蒜茸包，一杯免費凍飲的凍檸檬茶少甜，非常超值，下次記得打個電話去訂台，今次再重遊南丫島覺得十分開心🥳😄🤟

2023年4月7日首先店員服務態度奇差！上菜果下，又唔執走飲完湯啲碗，同埋唔夠位上菜就（嘖嘖聲）一臉厭氣！塊牛扒唔值3舊水，雖然係大塊，但係真心好韌，好難咬。黎呢間之前，先要諗一諗！服務態度勁差呢一樣，已經令我以後都唔再黎！我好少寫食評，係今次忍唔住都要上黎寫下！