串 (Closed)

尖沙咀行到累了買點東西返歸食=)夜晚緊係最好食串燒😁E間串燒款式挺多，另外仲有餐紙上無既推介，選擇困難既我有點難選😆最後，揀左：燒秋葵 燒得剛好，還是爽口的，唔會淋哂，調味方面有小計辣椒粉，挺不錯👍燒韮菜加左辣椒粉，還有點麻辣感覺，不錯=)燒茄子 原條茄子，切開左兩段，放左蒜蓉同辣辣粉，配埋茄子一齊是絕配😍秘製豬頸肉 口感跟味道都不錯👍蒜蓉生蠔配左蒜泥，好濃蒜蓉香，跟平常差不多燒孜然雞髀大大隻雞肶，配埋孜然，大啖肉咬👍燒蜜糖味台灣腸&黑椒味台灣腸沒多小調味，但燒完出來也不錯👍

今日放假同老婆去尖沙咀行街😁行到差唔多有啲攰😝即刻去openrice睇下咩食😬見到一間新開嘅串燒店都幾吸引,因為自己鍾意食香口嘢,所以特登行去試下,地址喺尖沙咀漆咸圍2至4號金時商業大廈地下5號舖, 串 ❤️ 去到舖頭環境都好整潔😌而且坐得幾舒服, 氣氛都幾啱我,因為鍾意自由啲😁燒虎蝦,虎蝦燒到香噴噴,入口感覺非常爽口彈牙😉因為本身好新鮮😉蝦燒完又有個燒香味😌令到蝦肉都特別鮮甜,已經唔使加醬汁配料,口感同味道已經好足夠😍真係做得好出色😙燒雞腎😍雞腎做到爽口多汁真係唔容易,而且好有嚼勁🥰加上佢嘅調味令到雞腎嘅鮮味更加突出,有咬口有味道, 送酒真係一流。燒雞泡魚乾😗雞泡魚乾口感非常煙韌,而且肉汁豐富,一上枱已經聞到好香嘅味道,入口完全保留到魚嘅鮮味, 除咗有咬口,而且仲係好惹味。呢個簡直係必食嘅推介☺️燒生蠔,生蠔分量都比較大,而且加上少少配料,燒完味道特別鮮甜,入口食到好新鮮嘅蠔味,真係好正😝招牌蜜味叉燒王, 自己燒出嚟嘅叉燒特別好食,而且肉汁非常豐富,入口有燒香嘅味道,加上叉燒嘅香甜味,配搭一齊真係天衣無縫😝有機會大家一定要去試下,好少喺度咁樣推介一間餐廳,鍾意食香口嘢嘅人一定會愛上佢😍

難得聖誕節staycation，點都要買宵夜開party 啦！酒店附近這間新開串燒店，$8 起，種類算多，難得店內無油煙味，夠乾淨。祕制豬頸肉肉質厚身，肉質夠淋，加左少少孜然粉好惹味招牌蜜味叉燒王一件叉燒，食落有香甜蜜味，肉質彈牙厚燒韓國午餐肉 完全無油膩感孜然雞中翼雞翼嫩滑，孜然粉好惹味鹽燒全雞翼 成隻食更滋味鹽燒雞皮 燒到脆卜卜鹽燒京蔥熊本牛熊本牛牛味濃，肉質彈牙，配京蔥食更香燒茄子 多蒜茸，加上辣粉、調味勁惹味多春魚、燒冬菇、燒翠玉瓜、蜜糖臺灣腸燒得外脆內嫩咖哩魷魚 咖哩味香而不辣，魷魚爽滑麥樂雞和日式餃子香脆可口

秋至冬來，食串燒除咗去居酒屋，何不支持返本土啲嘅港式串燒店呢？嗰種風味同連結，居酒屋絕對比唔上老細有時會推介啲menu冇寫到嘅特別菜式，韓式五花腩就係其中一樣，燒得油香而乾爽，肉汁鎖得好好老細問大胃對手撕雞有咩意見，但太出色喇，後勁嘅辣同醬汁配上香嫩嘅雞肉，實在唔知仲有咩改善空間燒蠔蒜味濃郁，燒得香噴噴蜜汁叉燒非常彈牙，又肥美。一口羊都係第一次聽，其嫩口程度不亞於一口牛翠肉瓜同香菇燒得爽口又不失水分，真係唔簡單燒茄子燒得十分唔錯，調味料落得恰到好處，筷子夾起輕易一捆捆咁拉起，入口即化原本仲唔知點同胃民分隻雞髀，點知老細好細心咁切開幾份，一嚟易燒得透，二嚟容易開心些牙魷魚醃得好入味，火候控制得好好，非常鮮嫩大胃唔好鴨胸，但都覺得呢間嘅鴨胸好綿除咗燒物，仲有煎餃子，可以點醋或者沙律醬大胃就揀咗沙律醬，比較適合煎炸嘢

因為喺尖沙咀返工成日都會喺附近搵嘢食，行街睇戲，今日去尖沙咀行完街，就同朋友搵啲嘢食下俾我發現一間串燒店，啲嘢食都好好味，而且價錢仲好公道，性價比好高地址係尖沙咀漆咸圍2-4號金時商業大廈地下5號舖.串 BBQ Skewers 舖頭雖然唔係好大但係光線充足而且偏向整潔，枱上面仲放有乾紙巾同濕紙巾給客人用，老闆真係細心坐低望下餐牌廚師推介都有10種左右而其他串燒都有大約二十幾種除咗串燒仲有其他熟食今日仲推介我咖喱魷魚雞泡魚乾 48 元 雞泡魚乾平時喺串燒店都唔係成日見到，燒完上枱味道好香，配埋特色沙津醬汁一齊食入口非常惹味而且仲多咗一份鮮味咀嚼時口感外脆內軟，口腔充滿魚香油脂熱作為下洒小食真係一流。燒虎蝦虎蝦size非常大隻，而且蝦身滿香料調味，令到蝦味道特別鮮甜而且蝦非常新鮮，口感非常爽口彈牙，呢個簡直係必食嘅推介燒豆卜 12元一串 豆腐卜燒到好乾身，入口香口惹味非常香脆外皮帶少少焦香，令到味道更加有層次。燒生蠔生蠔連殼一齊燒，完全保留到蠔嘅鮮味，而且入口仲係好Juice加埋少少香辣粉，蒜蓉，將蠔嘅鮮味迫晒出嚟，真係好好食，簡直就係極品。燒雞腎呢個真係我最愛，雞腎燒到啱啱好，而且邊位帶

見雙11酒店特價同朋友訂左尖沙咀酒店住一晚宵夜去酒店附近搵野食經過見到新開既呢間串燒店幾吸引即刻外賣番酒店食店舖細細 但無串燒店既油膩感而開放式廚房 · 見到師傅即叫即燒🍢食得安心又放心💓兩位師傅好有熱誠會主動介紹食材Menu選擇好多除左串燒烤物連涼拌小食同烏冬粉麵都有♡雞泡魚魚干（$48）串燒店必點烘到脆身 · 送啤酒一流🍻♡蒜蓉娃娃菜（$26/份）大愛呢個娃娃菜🥬高湯湯底配娃娃菜而上面牛油蒜蓉超香🧈超級惹味♡燒翠肉瓜（$12）厚切既翠肉瓜🥒咬落仲帶少少脆身 唔會淋哂♡燒冬菇（$14）燒到外面乾身但咬落juicy💦♡鹽燒厚切牛脷（$22）牛舌厚切 · 口感爽嫩♡秘製豬頸肉 （$24）師傅特推呢個大大舊既豬頸肉 · 啖啖肉🍗唔點任何醬汁已經好夠味🤤♡招牌蜜味叉燒王（$18）切到四四方方肥瘦均勻 · 配秘製醬汁一流♡鹽燒大虎蝦（$38/2隻）虎蝦好大隻 · 肉質彈牙🦐38蚊2隻真係好抵食♡蒜蓉燒生蠔（$48/2隻）生蠔雖然細細隻🦪但飽滿juicy不得不提下佢地個秘製串燒醬汁辣辣地 · 超惹味

收工已經夜一夜，想食個宵夜同同事吹下水，但好多舖頭都收10點。附近呢間新開嘅串燒店開到凌晨2點，就算收工收得夜都仲可以有排坐。佢有一排L型6個位圍住個廚房坐，隔塊大玻璃就係廚房，一覽無遺。始終係燒烤，油煙都比較大，玻璃上有不少油漬殘留，而且煙霧好多時直接由廚房出到黎舖面，通風同環境都有改善空間。呢度menu嘅串燒種類好多，但就未必樣樣有，點餐之後如果缺貨佢都會通知一聲。不過因為選擇多，好容易就可以揀到其他想食嘅，哈哈。仲要有季節性menu，可能每次嚟都會有新嘢食。就好似今次我哋嗌咗一個麻辣手撕雞烏冬都係Special Menu嚟。佢嘅湯底麻味好夠，但又唔會好辣，烏冬同配菜全部都好掛湯，雞脾肉又好嫩滑。重點係份量好足，唔止宵夜，當做一餐晚餐都得。講起雞，佢哋嘅雞翼燒到好Juicy，一咬落去啲肉汁咇晒出嚟，必叫呀！雞軟骨串燒連住少少雞肉，爽脆嘅口感無疑係我最愛。燒雞腎就彈牙有咬口，調味做得好好，一啲內臟腥味都冇。但雞皮就有少少可惜，燒得未夠脆，不過雞油都正嘅。至於其他肉類，例如一口牛同埋牛舌都燒得出色，唔會燒到全熟同乾身，仲會見到中間係粉嫩嘅顏色，但因為都係厚切，所以都有啲難咬開。串燒有連

串, BBQ Skewers尖沙咀漆咸圍2-4號金時商業大廈地下5號舖Shop 5, G/F, King's Commercial Building, 2-4 Chatham Court, Tsim Sha Tsui同男朋友食完拉麵, 因麵質一般同湯頭重味精, 我一喝便不舒服只吃了幾口，所以沒有飽架感覺,再轉場填滿個胃同空虛架心靈。串燒有堂食外賣, 買左外賣返屋企, 就可以一路食一路睇劇啦!大部份都係鹽燒, 回歸基本用鹽已帶出肉味。見十幾蚊起一串，我同男朋友狂剔左好多野食。$14 鹽燒雞肉 簡單好食 $16 雞中翼皮又香$14 雞腎爽口得來無怪味, 同樣$14 雞軟骨燒完出曬酒好咬口。$56 五花腩油脂豐潤, 咬入口富豬同油脂香 $18 蜜味叉燒王推薦, 甜甜地個醬好開胃男人點架 $22鹽燒京蔥熊本牛 $22 鹽燒厚切牛脷好咬台灣腸令我想起夜市，甜甜油池池架腸，正$48 鱔又係佢摯愛, 皮厚肉多一大袋返屋企食得幾開心又飽, 而價錢同我頭先食碗劣質低水準拉麵差不多, 好彩有間串燒拯救左我。呢度開夜晚架, 都好多人外賣做宵夜, 好多客都係酒吧飲完野落來食宵夜。

📍 餐廳：串 (尖沙咀)地址：尖沙咀漆咸圍2-4號金時商業大廈地下5號舖經開尖沙咀，搵到一間新開嘅串燒店，主要做外賣，亦可以堂食。整體味道唔錯，價錢合理，上菜速度夠快，而且夠大份，以響尖沙咀區嚟講，絕對係性價比高👍👍👍1️⃣孜然雞中翼$20/串孜然味道包圍住香脆可口嘅雞中翼2️⃣鹽燒京蔥熊本牛$24/串熊本牛燒到Medium Rare嘅程度，牛味濃郁🐮3️⃣黑椒臺灣腸$18/串最鍾意食臺灣腸，口感紮實，煙韌多汁4️⃣招牌蜜味叉燒王$18/串肥瘦均勻，夠曬Juicy5️⃣鹽燒雞軟骨$14/串外層甘香，內裡爽脆6️⃣重量級黑椒牛仔骨$58/份三大件牛仔骨，真係重量級，肉質夠鮮嫩，食落亦輕易做到骨肉分離🥩7️⃣雞泡魚干$48之前響韓國食過，餸啤酒一流🍻8️⃣鹽燒雞全翼$16/串勁大隻嘅雞全翼，燒到外脆內軟🐔9️⃣蒜蓉牛油金針菇$28/份非常邪惡，好似食緊撈麵咁🤣🔟燒茄子$38/條蒜香味濃郁，加埋辣粉特別惹味🍆1️⃣1️⃣鹽燒雞皮$10/串卜卜脆，油脂豐富1️⃣2️⃣日式餃子$26/份好抵食，有8件炸餃子🥟

每個星期學完韓文行到落黎都聞到好大陣串燒味今日想食串燒嘅每個星期學完韓文行到落黎都聞到好大陣串燒味今日想食串燒嘅心好雄厚，終於的起心肝去探索下究竟啲串燒味係邊度嚟😂原來喺係漢城隔離條巷仔傳入嚟嘅！大概係街嘅中間位置，係一棟住宅附近店舖應該主要都係做外賣為主入面都有幾個座位供堂食用餐牌種類都算多元化要有嘅基本嘢食都有🥰今次要咗虎蝦🍤爽口彈牙 有蝦嘅鮮味茄子🍆正常發揮雞腎醃得唔錯叉燒🥓好味呀！ 醃得好之餘，叉燒爽脆連肥膏一流🥰🥰雞全翼🐤一定係必食之選！冬菇🍄唔會太有草青味，有冬菇嘅香京蔥熊本牛🥩牛粒入口軟腍好味😋 佢哋仲話如果下次唔想等嘅話，可以WhatsApp定佢哋 落定order同大概時間就ok喇！

有frd同我講話去尖沙咀食串燒，原本個心諗串燒咪度度差唔多，洗乜特登去尖沙咀呀，不過frd叫到就去啦！去到行左幾間，見呢間價錢都算親民，所以就行左入去。去到一定係叫串燒啦，食落好似質素比其他地方好少少（個燒雞翼有少少唔夠入味，但可以接受），但都唔係話好特別啫（不過佢呢度有我鍾意食個樣泡椒鳳爪有分加,同埋有兩隻醬汁dim串燒食幾正）之後d師傅話有個新出品比我地試，係個鴨湯烏冬黎。嗰陣我都食到半飽，諗住都係食兩條試下味，但食落個烏冬真心唔錯，特別個湯底幾特別，出面好少食到呢隻味，結果我同個frd share一碗反而係我自己食左大半😂🙈整體黎講我覺得野食幾有水準，同埋串燒黎講唔算太貴，會有下次

我同女朋友係尖沙咀行過呢間新開既串燒小店，突然好想食串燒又平平地，所以入左去試。店長好貼心地介紹我地隱藏餐牌—未出既新菜式。首先我地試左佢地既泡椒鳳爪，做到出面食川菜果陣既味道，亦都有爽口既感覺，但係可以再淋多少少，等咬落去果陣可以容易分離啲啲。之後就係雞泡魚乾，我係第一次食，但係呢隻雞泡魚乾完全做到好爽脆，點埋個沙律醬簡直係一流。兩樣前菜都十分有誠意，令人對之後既串燒抱有好大既期望。墨魚咀略嫌有少少凍，可能係堂食既冷氣太大導致食緊其他野既途中就已經凍左，但係口感非常爽口；燒茄子就相對失色，調味唔夠，未做到一入口就有好香既味道果種；燒生蠔同扇貝都係同茄子有同樣既問題；燒雞髀做得好好食，十分香口而且啲肉都好滑，非常唔錯。最令人驚喜既係燒韓式五花腩，佢地既五花腩係厚切，而且同個韓式醬好夾，一放入口完全係令人為之一嘆，我同女朋友都十分滿意呢道菜，聽講佢地仲考慮緊呢道菜（未正式推出），希望之後會有啦～。燒雞翼就不過不失，唔會話好有驚喜亦唔會話好失望，燒四季豆同燒秋葵十分之好食！佢地燒既蔬菜都唔錯，連我唔係好鐘意食蔬菜類型既人都會鐘意食。最後仲食左芝士年糕，又係一個令人好滿意既一道菜，外面燒烤酥