荳子 (新都會廣場)

Open Now

Now Closed

主食1 ：「珍珠元貝大澳蝦醬忌廉汁燴沾麵」好咸嘅蝦醬味、食唔到忌廉汁味，同埋啲麵好硬，個心好似唔熟，難食。主食2：「喇沙蟹肉意大利飯」（辣）我地先食咗飯面上兩舊焦糖波羅、波羅就正常。之後嗶咗一小啖飯食、咸到我唔相信自己個口即刻嗶多一小啖俾我男朋友試（男朋友平時食嘢都食得濃味）男朋友即刻話：哇、好咸！喇沙味唔係好覺有，佢餐牌仲要括住個辣字，唔辣，基本上得個咸字！好似食咗一匙羹鹽咁！由於兩個主食都中伏，麵果個可以話口味問題我地唔岩食。但飯果個真係咸到懷疑人生就唔係口味問題，咁就唯有同個侍應反映個喇沙飯好咸睇佢地點處理啦⋯⋯首先個長長地攣毛嘅男侍應都好好態度嘅，話收返碟嘢問返廚房啦。出返嚟就同我地講話個飯係咁嘅味冇問題嘅，話如果太咸食唔到嘅就幫我地轉過第二樣主食，咁我地都要食嘢嘅，咁就轉第二款飯啦、已揀好第二款飯。點知過冇一陣，就有另一個金髮帶眼鏡嘅男侍應過嚟同我地講，話個飯係咁，真係太咸就叫廚房煮過冇咁咸嘅俾你，話冇得轉第二款，我就話岩岩另一個哥哥仔話可以轉，佢就走埋去同果個哥哥仔唔知講咩啦，又走返嚟話只可叫廚房煮淡啲，咁佢咁堅持，咁咪等佢再煮過囉。於是乎都唔知有冇過5分鐘啦，個飯又出現返

朋友介紹咗我去新都會廣場間 Beans 試下，話佢環境夠chill，咁我哋就決定過去食晚餐。🍽️小食🍟 黑松露醬薯條呢個薯條真係冇得輸，一上枱已經聞到好香嘅松露味，薯條炸得外脆內軟，食落去鬆化鬆化嘅口感，配埋濃郁嘅黑松露醬，簡單但好滿足！🤤主菜🍜 珍珠元貝大澳蝦醬忌廉汁燴沾麵呢個麵真係有驚喜！大澳蝦醬嘅香味好突出，配埋濃滑嘅忌廉汁，成個味道好豐富。蝦醬係大澳勝利香蝦廠出產嘅，香氣濃郁，完全唔會搶走元貝嘅鮮味，真係好好食！🦐🍜🥩 開心果烤羊架 配 薯蓉雜菜羊架烤得啱啱好，外層帶少少焦香，內裡仲保持住嫩滑嘅肉質，有羊味又有淡淡嘅開心果香，幾特別，食完感覺好滿足！🥔🥦湯 & 沙律🍄 牛肝菌湯呢個湯好香濃，牛肝菌嘅味道好突出，湯底creamy但唔會過重，飲完覺得好暖胃。🍵🥗 羽衣甘藍藜麥雜菜沙律呢個沙律夠哂健康，羽衣甘藍同藜麥加埋雜菜，口感豐富，清新又唔會太heavy。🥬🍅甜品🍊 Mandarin Orange呢個甜品好特別，係橘子果凍配埋桂花慕絲同橘子慕絲，每一啖都充滿橙橘嘅清香，仲有一層朱古力牛油蛋糕做底，甜而不膩，口感豐富又有層次，係一個完美嘅結尾！🍫

第一次去新都會分店，去過一次就會明白其他人評論所講嘅服務態度問題。有一位男職員，佢上嘅任何飲品或者菜式，全部都好大力放喺枱面啪啪聲，唔講以為自己得罪咗佢…有一位女職員，對單係會RAP咁一路行一路行去你身邊同你講，都唔緊要。有二次，品嚐緊食物嘅時候，出現空碟係枱面，佢直接係拎起之後就話你唔需要我就同你收起佢。佢唔係詢問你先，而係通知你。(前題係只食左一小時，用餐時間係90分鐘)食物其實正常，只不過係每位職員嘅工作態度行為需要去改善，進行培訓

有日非繁忙時間諗住外賣杯抹茶，落單時我指住menu話要抹茶latte(兩人平排一齊望同一張menu, 亦好肯定我指抹茶 因為coffee同non coffee 相隔好遠)然後佢問我係咪latte 我話係. 之後拎嗰陣另一個人比咗咖啡latte我，我話 唔好意思，我想要抹茶，然後嗰位職員向落單職員查詢後，佢突然間衝過黎話 :我問過你㗎！你話要latte! (然後一手拎我張單走咗)我: 我真係要抹茶…. ; 然後我等換一杯嗰陣，個店員即向另一位同事話我，指手畫腳，跟住佢過黎再印單嗰陣超悪話 你有冇張單 ！ 我超唔開心，話比咗佢…. 我: 唔要啦唔該… PS 我當刻完全唔趕，所以唔會唔耐煩，甚至反應唔切.. 仲好後悔我自己講咗唔該… 有陰影，以後唔會去呢間

約了舊同學在這間豆子餐廳晚飯，6時左右，距離正常晚飯時間尚早，所以餐廳內食客不多，服務員帶領我們二人到一角落坐下，坐下不久已傳來一陣陣不好的異味（可能太近那飯菜剩盤（收集客人用餐後的殘餘飯餸））經店鋪經理同意下，我們轉到另一二人枱。二人枱的枱面太細，本身已經擺放了餐具籃而和兩杯水已佔用了餐枱部份位置，我們點了兩個主食、兩杯飲品、薯條及蛋糕share吃，先送上來一個薯條，加沙律醬，再來就是兩杯飲料，不久，那個All day Breakfast也送到，因菜份量足，盛菜的碟也頗大，但那張二人的餐桌面實在太細，用來分食物用的小碟只能勉勉強強放在餐桌的角落，而碟的邊緣已超出餐桌外，生怕若不小心輕輕一碰便會掉在地上，向服務員反映，他竟然毫不考慮就把餐具籃放到我坐位旁邊（沙發上）！！這是什麼操作？幸好另外一碟主菜因為我們下單比較遲，所以亦延遲了上菜的速度，否則所有菜上齊後，很可能要把食物放在大腿上吃！這餐晚飯吃得一點也不舒心，而且壓迫感強烈，店鋪經理說二人吃飯只能坐二人枱，但店鋪的二人枱那麼細，食量大的客人，想點多一點菜也沒位置擺放，這個不會變通的安排是否在為難食客呢！！埋單差不多$400 ，服務員

噚日（6-7-2024 Sat）晏晝，同老公特登去葵芳LOGON買嘢， 買完嘢都食個下午茶 ，由於新都會都冇乜茶餐廳，行經呢喥，我見有窩夫，於是就食呢間。入到去，帶我哋去一張方形枱，但由於我覺得嗰喥太擠迫，於是指住單邊圓枱，問可唔可以坐嗰邊？店員答可以。咁我哋就去坐。坐低睇完menu，就決定要：2. 跟餐嘅凍檸蜜，少甜少冰係做到少甜少冰，唔錯嘅。3分4. $18.00嘅凍十字牌鮮奶老公見佢話叫一樽十字牌鮮奶，BEANS就捐$1.00去兒童癌症基金，所以佢揀呢個。2. $98.00嘅法式吐司呢個配煙肉，希臘式乳酪鮮果杯同BEANS烘焙湯種吐司兩件。佢哋已經唧咗啲糖醬喺吐司，夾埋鹹嘅煙肉食都幾好食；鮮果乳酪杯就有蜜瓜，火龍果，青蘋果同菠蘿 ，呢啲正常冇問題。4分1. $94.00嘅焦糖香蕉早餐窩夫配炒蛋同煙肉睇到窩夫唔係我想像中正方形格仔嗰隻，而係圓形，食落口感係大不同，唔係脆而係軟綿綿。老公讚佢嘅忌廉好味，我食落係甜啲，似桂花嘅甜。炒蛋就全熟但好彩過火而變得粗嚡。4分同UNIQLO合作，出示UNIQLO APP會員就可享買一送一優惠，$42.00一件嘅Polo衫造型蛋糕，咁我哋就要兩件：

平日經過荳子見到有提供早餐，就去試試。葵芳分店設計明顯不同，有一排小小竹林，平日人流不算多，大概坐了五成座位。我點了炒蛋牛油果醬酸種吐司炒蛋牛油果醬酸種吐司HKD48 +10%炒蛋的油份比較多，使整個吐司顯得油膩。牛油果醬的味道並不明顯，很難品嚐到牛油果的風味。另外，沙律醬的份量過多，影響了整個吐司的口感和味道。看似好細份早餐，但實在太油膩，所以食完後都好飽肚。小總結❤️❤️📌炒蛋過油膩📌牛油果醬味道不明顯

好耐冇食荳子，中午葵芳分店都好多人食，環境用咗商場冷氣唔太夠，見佢午市套餐都ok抵食，佢上菜都算快，餐具污糟換咗，不過今日呢份黑松露軟殼蟹意大利麵令我極失望，以前都算成日食，依家佢hea過之前太多！軟殼蟹炸到黑色，真係唔講都知系軟殼蟹…入口乾扁完全食唔到…意大利麵份量少過之前，午市冇擺盤可以理解，但黑松露少得可憐！成個感覺一個字形容：頹！將近100蚊呢個價錢實在晤抵食！另外手撕豬漢堡都算發揮正常，就係手撕豬太甜，味道有啲怪。

出開葵芳又諗唔到有咩好食 又想食cafe既話一定係諗起beans 每次都唔會失望 今次星期日晏晝四點左右去到餐廳 唔洗等位 直接可以入座 平時多數要等一陣 今次見佢地餐牌有少少唔同左 多左啲新野食同野飲我地叫左焦糖香蕉熱烘窩夫全日早餐 每次都會揀佢地既窩夫 夠特別 同出面餐廳個啲唔同 食落熱辣辣好香好鬆軟 會俾埋忌廉同埋糖漿自己落 不過窩夫食落已經甜甜地 全日早餐有煙肉 煎蛋同埋焦糖香蕉 呢個份量岩岩好夠一個人食仲叫左個法式吐司煙肉希臘式乳酪鮮果杯 製作時間預返二十分鐘 一上到枱好香熱辣辣 望落去勁多糖漿 上面個塊吐司還好 但下面個塊吐司俾啲糖漿整到成塊濕晒 食落勁甜 如果啲糖漿少返啲就啱啱好 希臘式乳酪鮮果杯既生果好新鮮 有好多款生果 幾好味小食叫左個焦糖單骨雞翼 每次都會必叫呢個雞翼 次次都係咁好食 炸到金黃色脆卜卜 甜甜地 好好味 單骨雞翼食落好方便 仲會有埋沙律菜 好新鮮 飲品叫左杯凍飲小蘋果玫瑰伯爵茶 好似係新出既凍飲 之前唔見有 細細杯 賣相好靚 岩晒打卡 飲落好香伯爵茶味 有淡淡既蘋果香味 好清新甜品叫左個卷山政小山園 係一個抹茶卷蛋 賣相好靚 係一件好香好濃抹茶味既卷蛋

見一路咁多人排隊 前排就諗住試一次點知啲服務態度差到我食唔落當日排隊排到入去嘅時候咁就諗住搵服務員介紹吓有咩推介當時就有一個女仔sr barista但係回覆得超級唔耐煩咁我當時就同佢講請佢搵經理過嚟經理過到嚟原本都幾有禮貌咁我都諗住算啦點知俾我轉個頭聽到佢同返個女仔講唔使理我啲西客係咁我自問態度好好 亦冇啲咩無理要求如果你唔想介紹唔緊要我亦唔覺得你呢啲服務值得我俾10%服務費當下我即刻嬲到唔食走咗我知道可能對你哋嚟講大公司冇所謂咁都做到經理 你哋公司係咪冇人材

中學時期嘅好友要結婚啦，特登約佢哋出嚟食飯派帖，諗唔到食咩咁就去食Beans啦反正嘢食一向都唔差叫咗兩個意粉、意大利飯、薯條，仲有甜品黑松露雜菌意大利飯，Beans嘅黑松露意粉或者意大利飯都係我嘅最愛，貪佢嘅黑松露味夠味但係又唔太濃烈，好香口，忍唔住一啖接一啖咁食另外仲有卡邦尼煙肉意大利闊條麵，白汁濃烈有奶香味，我覺得個調味啱啱好不過其實我當晚最鍾意係焦糖番薯條，自從喺外國食過番薯條之後就返唔到轉頭，每次見到有得叫番薯條都一定會叫，又甜又脆好好食但係好可惜我唔記得咗影相The taste of summer芒果慕斯蛋糕外型好得意不過我就覺得個味道不過不失啦

已經係點個最貴的午餐，牛扒應該冇難度，點知可以整到又乾，又冇味的，埋單都要180元，比d垃圾牛扒比人食，唔怪得啲人要北上啦，差到冇得再差了！去食大家樂牛扒好過！😡😡😡

自從海霸街果間結業後就冇食過，果間無論個Feel 同食物質素都好高質，有種高質小店feel。但今次響新都會依間嘅體驗真係喊出黎🥲-1600 左右入座，成間鋪6-7 成滿，兩杯嘢飲等咗25分鐘，叫人跟一跟先上到第一杯…-杯玫瑰Latte 揀咗走Cream 冇走到，重做等多10分鐘…-換咗杯走Cream 嘅玫瑰Latte 出黎個份量少咗1/5，仲要走埋啲玫瑰花瓣，外觀同杯普通Latte 0 分別…其實好小事，但真心對間嘢有少少失望…都係鐘意以前果種Cozy 嘅小店Feel 😗

之前喺荃灣嗰間食過一次 記得佢啲意粉都唔錯 見到新都會新開咗 所以就同朋友一齊過嚟慶祝朋友生日😋新都會呢一間嘅店舖好大 而且裝修都好靚平日嚟都仲需要排隊 而且都唔少人生意真係好好 所以想食嘅朋友真係要預足時間等位見到隔籬位食蟹殼黑松露意粉好吸引所以就跟隔籬位叫咗呢一個🤣黑松露味好出 而且夠多汁每一啖都有本身鍾意食黑松露嘅人應該都會鍾意食🤪🤪另外再嗌咗個芝士pizza 芝士好夠 而且同啲蕃茄味都好夾最後再嗌咗個Homemade甜品心太軟同朋友慶祝生日🎂因為係即整嘅關係，所以都要等一陣建議大家可以預好時間提早嗌定最後都食得幾飽 Cafe價錢嚟講都算正常合理 有機會會再去

egg benedict無啦嘛搭生菜落去係咩玩法 $96火箭菜都冇 你唔搭條菜心落去？搭埋條芥蘭落去呀嘛 個汁又酸 煙肉好明顯唔係煎 而係叮熱或者烚出嚟 成件事極難食仲要$96 食過咁多次beans都冇今次咁難食 早知行遠少少去葵廣