荳子 (大埔超級城D區)

Open Now

Now Closed

大埔好少有呢d悠閒既地方食野我連續去左幾日黑松露意粉個汁好味安格斯漢堡舊牛肉大大舊 咬落去多肉汁bi出來好大件連埋薯條飽到食吾晒All day breakfast都係我最愛大埔有呢間比較西式既野真係岩晒我下次想試下個甜品

下午茶近近地去beans試下平時多數食晚飯，都知味道同價錢都相當合理屋企人話下午茶都幾抵食同埋本身想去飲杯咖啡，最後點左佢杯薑母茶都很不錯一份雞翼餐炭流心吐司甜品(唔記得咩名)香蕉焦糖窩夫配雪糕以beans既質量，下午茶既價錢加份量加味道實在好ok屋企人點左呢份炭既甜點唔記得咩名不過味道幾特別，但多食幾啖開始流佢個窩夫係圓既本身睇落有啲失望因爲唔係格仔窩夫食落去又唔錯香蕉夾焦糖味道可口成份份量飽到唔洗食晚飯

我地點左pasta同小食share 仲有甜品，不過有fd個名就唔post 啦。見有新item 黃金蟹肉意粉 以為幾重鹹蛋黃味就中伏 鹹蛋黃味道好淡 蟹肉原來係2條仿蟹柳棒 🔹#黑松露軟殼蟹義大利粉 黑松露味濃亦cremy 足料有一隻軟殼蟹 軟殼蟹炸得香脆 不過過乾 🔹#焦糖單骨雞翼焦糖syrup包裹脆皮雞肉 單骨關係無肉汁 肉質乾焦糖燉蛋拿鐵presentation好可愛 淡淡燉蛋味道 -Jeng lv:🇮🇹🇮🇹🇮🇹/5#ri_taipo #ri_pasta #ri_western————————————————💡荳子 大埔安邦路9號大埔超級城D區地下670A-671A號舖————————————————

喺俾負評之前，小妹之前有食過佢哋嘅 All day breakfast 同 cake，是好食的，絕對值得推薦！但今次呢個扒⋯⋯真係苦過跟餐杯 Americano，因為成塊扒都痴滿「鑊撈」⋯⋯初頭食第一啖，已經覺得苦，但諗住可能係邊位，有少少燶都唔出奇，於是無出聲，切多兩舊試清楚。但試完都係咁😟其實有諗過同 waiter 講，但當時塊扒已經俾我食咗一半，好怕俾人當我係奧客 R 著數，於是默默地低頭食晒成個餐就算。其實 so far 成個餐其他嘢都唔差，甚至塊扒如果唔係充滿「鑊撈」，我有感覺塊扒都會係好食嘅，但呢餐埋單接近三百，作為消費者始終會覺得唔值，只好上嚟呻下。

原本甚少留下食評，但覺得不吐不快，諗住初七人日，對自己同另一半好啲，見呢到裝修不錯，坐得幾舒服，選擇呢間餐廳，都幾難忘。我先點選一個紫薯risotto ，本人最近都迷上紫薯，雞塊都還可以，但係個risotto 賣相好似湯飯，加上紫色，會有令人倒胃感覺，我食左一啖，感覺到一陣膠味，我懷疑紫薯，係中國啲調味粉包加色素，呢一啖，足以令我叫侍應收走，好難忘的味道，有時候，我覺得味道差，唔緊要，但個賣相實在太嚇人，而且性價比太低，後悔沒有拍照。

見佢開咗好耐，見唔使排隊等位終於去試下啦。門口個女仔已經黑口黑面，我諗女仔可能果幾日啦~跟住落order又系黑口黑面之餘俾人感覺系好不耐煩，但轉過頭同d同事系有講有笑，一對客就即刻黑口黑面（利申：我附近既食客包括我都好有禮貌，有講唔該）。即刻覺得呢間野俾我感覺好差，於是乎唯有期待食物啦~我叫咗小食拼盤，黑松露燒春雞同埋一個帶子蜆肉乜乜意粉，兩杯檸檬蜂蜜一凍一熱，埋單358。小食拼盤味道最無伏，雞翼稍微干身但對比另外兩個已經系非常好🙈個燒春雞，未食，切緊已經覺得好“鞋”，一食，系非常之“鞋”…伴碟既薯仔硬身既🤷🏻‍♀️可能我食慣軟身d既薯仔啦，總之，我覺得成個菜都唔啱食。個意粉系等得最耐，我個小食拼盤同燒春雞都就來慢速食完佢先到。d蜆同mini帶子都有沙🙈。兩杯蜂蜜…味道有點兒那個獨特………總之，我唔識得欣賞🤷🏻‍♀️

首先由等位開始，二人枱同二人以上同一條隊，四人以上等唔二個鐘都無位，二人就五分鐘都唔使，四人既過左廿幾個二人枱都無位。第二，D員工西口西面第三，食物極度一般，得個樣永不再去

2019年2月7日今日冇乜野做，出左去行街，行行下見到呢間，記得佢幾好食。又黎食下。點知一等就等左廿分鐘。。。由人多等到得番我地。明明四點幾嫁啦。一黎到叫完餐就比餐具。但等佢野食都等左成十分鐘。 成餐最好食係佢。但都只係普通既好味。如果佢好飲其實唔算貴。但又唔係好味。呢個連個樣都醜樣過人既。明明岩岩到我就影相。絕對唔係等佢溶溶地先影佢。點解餐廳唔可以抹一抹先出杯野飲。好普通既流心蛋糕。佢流到好似係焗完先打啲抹茶入去咁。佢個流心勁水。今次對佢好失望。落單個陣，啲員工又唔覆單，又唔比反應。都唔知佢有冇聽你講野既咁。好彩冇落錯單。下次唔再黎食佢！！

Cp值高既西餐廳價錢上比較抵 但食物質素唔錯 好鐘意食佢既豬手 抵食又大份 另外burger都好好味 啖啖肉 以呢個價錢黎講 絕對抵食 而且同朋友叫幾樣一齊share 真係唔錯既選擇

2018年9月25日呢間Beans 不嬲甜品既傳言都唔錯！見今日得閒就黎試下佢。完全無失望。佢兩個甜品都非常出眾。佢地唔只甜品吸引，佢地既咖啡都好吸引！我地有叫咖啡又有叫茶。我都係覺得佢個咖啡吸引啲。但佢個茶都有個優點。就係佢用茶包。個燶淡可以自己選擇。佢既甜品係需要時間整。唔會黎到好似放左好耐既咁。好明顯係即刻整。會令人更唔介意去等佢。佢個配搭非常好。食落去唔會太過甜。又唔會搶左大家既風味！而且綠茶粉有小心思。令客人一定影到名字。

哩間係大埔來講算係一間唔錯嘅西餐廳/Cafe，環境唔錯，而且睇餐牌都有唔少選擇今日就同左一班中學同學聚會，我哋幾個女仔叫咗3個主菜同小食，味道全部都唔錯，有d仲有驚喜架，等我遂一介紹啦首先係肉醬薯條，份量中等，味道一般，不過佢叫主菜就可以價錢，都幾抵食值得一提既係蜂蜜紫薯燒雞意大利飯，佢比較特別，第一次食甜既飯，不過佢好香好濃味之後仲有千島醬蟹子蟹棒帆立貝薄餅，熱辣辣好有海鮮味，加上我鍾意食千島醬，所以都好欣賞，不過如果多人食，份量就有啲少不過講到我最鍾意食嘅一定係黑松露軟殼蟹意粉，佢個軟殼蟹都幾大隻，而且黑松露味好濃，真心唔錯而我覺得最唔抵食嘅就係叫咗個燒乳豬同蘋果酥，份量好少，五個人其實唔夠分，味道都一般，有少少失望我哋仲叫咗甜品添，三個蛋糕都各有特色，鍾意食甜品嘅朋友都可以試吓㗎

5個人去食叫左豬手、全份的豬仔骨、蜂蜜蕃薯意大利飯、小食拼盤 & 牛扒！豬手不過不失，可以簡切埋隻豬手，蜜汁量少；豬仔骨叫全份得兩小碟醬（沙律 & 有蜜糖味的燒汁），肉柴到爆沒汁直情吞唔落，重點係碟汁真係好細兜，要求加汁第三次，個收銀哥哥居然話要收錢$25。牛扒叫五成熟，黎到係接近全熟！其他的都還可以，不過不會再光顧！門口的服務人員，好好服務好禮貌！

知道呢間野有生日寫字服務，就揀左佢同fd慶祝生日1點去到，等5分鐘就入得越晏就越多人。啲座位密密麻麻，有啲迫，好容易就聽到隔離位的對話內容我點左熱門食品-伯爵茶流心吐司。由於制作需時，我食住frd個all day breakfast先試左donut同煙肉。煙肉比一般食開的厚，而且無煎到乾曬。用donut夾住來食，幾好味個donut唔會整到死死實實，幾鬆軟熱門推介出場-麵包好脆，烘到好乾。個流心就有啲稀，但伯爵茶味都夠的。見佢細細個，但食一個都飽曬叫cake可以幫手寫生日祝福語，仲送上customised生日卡驚喜

去大埔超級城食lunch，試下呢間beans，之前都食過係荃灣嘅另一間分店，覺得食物質素唔錯安排我地三人坐長枱，中間有條引水道，睇見有小朋友玩石仔玩得好開心，一人叫一份餐，我叫左呢個意粉，鮮茄酸酸甜甜好開胃，配埋牛肉味道好夾，食到清碟跟餐叫左一杯熱飲薑茶，好辣飲完成個人暖曬

兩人去食午餐, 眼見有兩張無人既4人枱, 亦有一張4人枱的2位食客好似就來埋單走, 於是拎飛等位, 2個號碼就到, 門口又無其他人, 理論上可以即入, 但唔知門口個 STAFF同入面用WALKIE講咩, 又係咁望來望去入面D枱, 之後同我講話可唔可以長枱6人枱搭枱, 問佢佢話D 4人枱留番俾4人既客入.....午餐時段都過左大半(已1點幾), 門口又無其他人等緊(連我前面號碼個人都喺度), 都唔能夠知道佢留嗰幾張陀地位有咩用.......真係低佢生意比起岩岩開嗰陣差左咁多.........不過睇得出唔關D STAFF事, 係上面D人既管理既問題....我最後走左...題外話 : 我喺佢開張時食過一次, ok, 大埔區有呢D餐廳算係咁, 但睇住佢D客一日比一日少,都反映到佢係差左, 食物定係價錢定係咩我就唔知, 但呢間餐廳既裝修排場係SELL整體用膳體驗, 如果淨係SELL COFFEE/CAKE好食既, 咁用SELF-SELVE 好似STARBUCK咁就得, 學咩人攪埋午市晚市