荳子 (大埔超級城D區)

Open Now

Now Closed

一向都有去荃灣BEANS食飯(不過一向比較多人排隊)，因為與朋友慶祝生日去大埔超級城，就去了BEANS (事前都唔知原來他們開了新分店)，而且大埔分店很大，不會太擠迫。我們被安排坐了在近門口的位置，都具私隱度，同朋友傾計，環境較靜。食飯前，我們去了行山，所以勁肚餓，點了很多嘢食！這個小食拼盤真是唔錯！(唔知是不是我地太餓 > . < )全日飯，只是這個墨魚汁飯麻麻，其他都好有水準！同荃灣BEANS味道一樣。我去了蛋糕櫃那邊同待應讀我地有朋友生日，他們就可以幫手在碟上寫上Happy Birthday或主指字眼！之後我地都點了幾款蛋糕一起食，跟餐只是加$25~ 咁樣計，好像低食過出面買蛋糕，而且我們試了多款口味！待應還寫了生日卡，真是好Sweet! 

二人brunch, 嗌左黑蒜 蜆肉 帆立貝白酒意大利粉，上碟好香蒜味，蜆肉帆立貝都足料，食落意粉唔乾，整體都唔會好油。再食左開胃既avocado crab meat benefict，個人係benedict愛好者，流心水煮蛋正正正！配埋牛油果醬，提升蟹肉鮮味。小食就必嗌單骨雞翼，單骨方便食，雞翼入味juicy!

大埔啲食店一到周末就鬼咁多人，呢個beans反而唔係好洗等位，變左我同男朋友既食堂了上星期又去左食，一如以往咁好味黑松露軟殼蟹意粉影之前唔記得要相機食先哈哈，撩開左先記得要影相，佢本身好靚架！意粉沾滿黑松露同忌廉，又香又creamy。意粉煮得岩岩好，彈牙得黎唔會太林。今次呢碟好多菇啊，食整都仲有軟殼蟹炸得香脆但唔油膩，高質燒豬仔骨伴薯條 （半份）其實半份都好多！豬仔骨食落啖啖肉，juicy唔乾身。火喉岩岩好，唔會燒到好老，反而好林。個燒汁同啲肉好夾，酸酸甜甜。薯條值得十個like! 新鮮炸出黎，熱辣辣好脆，仲好香薯味添 比起點茄汁，我覺得點肉上面啲燒汁仲好味哈哈。下面墊底既沙律有驚喜！本身以為係普通配菜，但佢加左黑醋，變左食多個沙律咁。反正隔離個沙律就麻麻地，得酸味冇甜味。飲品揀左跟餐既熱黑糖薑母茶同凍檸蜜檸蜜有啲甜，不過我ok今次個豬仔骨太大份，太飽啦！所以冇叫到甜品，下次叫返先

大埔這塊地終於有一家還不錯的輕食店了。畢竟這邊還是以茶餐廳為主……最喜歡就是在有空的時候吃個brunch。早上好像是11點半還是12點才會開門，週末一般都需要等位。味道：Allday breakfast：擺盤好看，配一杯喝的，還能加錢配小食和蛋糕。窩夫形狀好得意，有韌性，不會死甜死甜。唯一缺點就是培根太硬，過油了。炸軟殼蟹意粉：小小的螃蟹好香，隨便點的也好吃。漢堡牛肉：配薯條，漢堡肉有點焦，但是味道也不錯，就是吃漢堡會很狼狽……舒芙蕾：需要等半個鐘，顏值也是好看的，香，容易膩。蘇打飲料沒有咖啡好喝，下次還是咖啡好！

我偶然就想食下西餐, 尤其是creamy嘅意粉, 間唔中就會口痕🤪 我覺得beans 係唔錯嘅選擇, 一來環境都算舒適, 最緊要價錢抵食, 而且staff態度幾好, 係同friend傾計食飯嘅好地方, 所以我都成日嚟!半隻黑松露焗釀燒雞, 半隻都咁大隻, 焗完嘅雞肉唔乾, 嫩嫩的, 仲有薯條伴碟!黃金蟹肉意粉, 呢個賣相一流, 見到都流口水, 蛋黃醬同意粉個味道好夾!如果餐廳可以定期推出一啲新口味嘅意粉 or pizza等, 保持餐廳新鮮感, 就perfect!

係工業邨工作無啖好食只有公司嘅難食 Canteen所以，路途遙遠都出去食 約同事出去大埔中心附近食個靚 lunch 揀左呢個餐廳因為是日想食西式野呢度嘅好處係唔洗點等，啲位又唔迫，坐得舒舒啲返工都係為兩餐，想食好啲呢呢度杯咖啡☕️係支持下午工作嘅動力來源講返碟意粉，味道係唔錯嘅不過份量就少左啲下午四點左右就餓了可能係我太大食啦性價比就一般啦男生應該唔夠食呢個午餐都要$80架而且附近有好多餐廳選擇黑松露軟腳蟹意粉

之前同同事食過沙田果間 覺得幾好尋日家人生日 壽星又想食牛排 咁就近近地 諗住去大埔果間點知…接待員 態度好好 呢間可以拎飛 唔使係門口企定排隊等 知道有小朋友亦盡快安排適合位置 但入到去 其他侍應 態度 服務就麻麻 扮睇唔到 同 唔將餐放係點餐果位度 是但放 落餐又等人接 唔放枱面食物方面 飲品叫凍嘅 黎到室溫 冰都無粒牛排叫7成熟 黎到熟到硬架 意粉份量亦比沙田稍少豬手就係全餐大家一致認同最好嘅所以下次去都揀返沙田 雖然無飛拎 要企定排隊等 但食物同服務都唔錯 值得再去

呢到一直都係我係大埔最中意食既餐廳之一 價錢雖然唔算平 但食物質素好好 最中意食佢個黑松露軟殼蟹意粉 個汁唔會太水 痴住意粉食好正 意粉又唔會太淋 有咬口 軟殼蟹炸得香脆唔油 真心推介

喜歡這間小店，舒服又可以好hea 。 食物選擇算多，份量都好足，賣相吸引，價錢也經濟合理，服務不錯。我們點了手撕豬肋骨漢堡、溫泉蛋肉醬長通粉和牛肉漢堡。 兩款漢堡各有特色，份量大，炸薯條亦相當脆口。 肉醬長通粉汁粉比例ok，不算咸，亞女很喜歡。 還可點檸檬蜜糖作餐飲，很是不錯👍🏼最後點了伯爵茶吐司，流心熔岩流出，配上雪糕和多士吃，很美味！蛋糕雪櫃擺放著幾款甜點和蛋糕，賣相很吸引，可惜太飽試不到，唯有下次再來吃了！

平時我就鍾意食佢嘅軟殼蟹意粉，荃灣總店食開都幫襯過好多次。一試難忘我成日都食架，仲有佢嘅蛋糕。但除咗荃灣我發現佢其他分店嘅味道真係麻麻地。我喺將軍澳馬鞍山大埔都試過，最難食係大埔嗰間分店，佢嘅意粉勁硬，all day breakfast 係正常味道。蛋糕都正正常常，荃灣嗰間通常都要排隊，但大埔坐滿三份一人都唔夠，當時我都覺得好奇怪但係都好想同朋友食野傾下計 ，入到去就伏了 ，好失望呀點解爭咁遠，希望可以改善唔好影響個招牌啦

價廉物美，而且工作人員服務態度友善，環境舒適，雖不是高級食府，但食物質素絕對物超所值。 尤其是甜品，值得推介。 Good food and good value for money.

大埔好少有呢d悠閒既地方食野我連續去左幾日黑松露意粉個汁好味安格斯漢堡舊牛肉大大舊 咬落去多肉汁bi出來好大件連埋薯條飽到食吾晒All day breakfast都係我最愛大埔有呢間比較西式既野真係岩晒我下次想試下個甜品

下午茶近近地去beans試下平時多數食晚飯，都知味道同價錢都相當合理屋企人話下午茶都幾抵食同埋本身想去飲杯咖啡，最後點左佢杯薑母茶都很不錯一份雞翼餐炭流心吐司甜品(唔記得咩名)香蕉焦糖窩夫配雪糕以beans既質量，下午茶既價錢加份量加味道實在好ok屋企人點左呢份炭既甜點唔記得咩名不過味道幾特別，但多食幾啖開始流佢個窩夫係圓既本身睇落有啲失望因爲唔係格仔窩夫食落去又唔錯香蕉夾焦糖味道可口成份份量飽到唔洗食晚飯

我地點左pasta同小食share 仲有甜品，不過有fd個名就唔post 啦。見有新item 黃金蟹肉意粉 以為幾重鹹蛋黃味就中伏 鹹蛋黃味道好淡 蟹肉原來係2條仿蟹柳棒 🔹#黑松露軟殼蟹義大利粉 黑松露味濃亦cremy 足料有一隻軟殼蟹 軟殼蟹炸得香脆 不過過乾 🔹#焦糖單骨雞翼焦糖syrup包裹脆皮雞肉 單骨關係無肉汁 肉質乾焦糖燉蛋拿鐵presentation好可愛 淡淡燉蛋味道 -Jeng lv:🇮🇹🇮🇹🇮🇹/5#ri_taipo #ri_pasta #ri_western————————————————💡荳子 大埔安邦路9號大埔超級城D區地下670A-671A號舖————————————————

喺俾負評之前，小妹之前有食過佢哋嘅 All day breakfast 同 cake，是好食的，絕對值得推薦！但今次呢個扒⋯⋯真係苦過跟餐杯 Americano，因為成塊扒都痴滿「鑊撈」⋯⋯初頭食第一啖，已經覺得苦，但諗住可能係邊位，有少少燶都唔出奇，於是無出聲，切多兩舊試清楚。但試完都係咁😟其實有諗過同 waiter 講，但當時塊扒已經俾我食咗一半，好怕俾人當我係奧客 R 著數，於是默默地低頭食晒成個餐就算。其實 so far 成個餐其他嘢都唔差，甚至塊扒如果唔係充滿「鑊撈」，我有感覺塊扒都會係好食嘅，但呢餐埋單接近三百，作為消費者始終會覺得唔值，只好上嚟呻下。