荳子 (大埔超級城D區)

Open Now

Now Closed

荃灣嗰間就食得多 大埔呢度都係第一次大概夜晚8:30到嚟食 都唔算好多人我哋叫咗個牛油果蟹肉他他擺盤都幾靚 啲料都幾足 蟹肉喺面中間有好多菜 牛油果係最底 都幾開胃本身想食北京烤鴨嗰個包 但係話今日無就轉左去食五花腩嗰個包 有五舊五花腩都幾入味 啲薯條都係熱辣辣 好脆但係個包就麻麻哋 好似食緊白饅頭咁嘢飲真係唔係幾好 我哋叫咗杯榛子咖啡同埋綠茶鮮奶榛子咖啡係凍嘅 又冇榛子味個綠茶鮮奶 朋友話甜到一個點 佢最後放棄左淨係飲水算啦總括來講嘢食係好食嘅但係嘢飲就要慎重選擇

揀左 Beans 呢間餐廳，平日可以訂位之餘職員仲幫我預留甜品用作寫字🖋.最後預訂入座時間，我遲了，職員都有幫我留位. （二人 window seat 座位是有限的）呢間 Beans 職員服務很好，年青，仲好有禮貌，食物質素不錯之餘，環境都好舒服. 職員送上甜品還有一張 Beans 生日卡. 生日卡?? 一打開張卡.. 嘩，好得意呀!!職員係卡上寫字仲畫埋公仔係 minions 呀!哈哈，好得意好窩心難忘!!驚喜

抵食嘅下午茶今日落大雨諗唔到地方去就去食個下午茶諗住Hea返幾個鐘。咁之前都聽過有人話荃灣嗰間beans好出名，但係之前次次去到都好多人排隊，所以一直都冇機會試。點知最近聽朋友講，先至知道原來大埔都開咗一間，仲要唔係最近嘅事。我就係平日嘅下午去嘅點知去到位都唔駛等就可以入啦喎！好開心！入面裝修得好靚，好文青😍叫咗一個流心抹茶吐司，等左10分鐘都唔使就上菜啦。$42 蚊（要加一）大大個多士仲要有嘢飲，好香嘅抹茶味。原來六點前order就可以叫佢寄Lunch Menu或者tea menu,係抵過平時dinner Menu好多架，所以下次都打算再過嚟食。

食過呢間甜品+野飲覺得好正再加上上次朋友已經特登介紹呢度既軟殼蟹飯好好食今次生日就促使左我同朋友黎呢度食個便飯~一個小食拼盤 好多野呀👍👍雞翅兩款 炸薯條薯格洋蔥圈雞翅有汁既合格 乾身個款就係太乾..唔合格其他小食都係60分咁上下不過小食拼盤都係志在朋友開心食下傾住計就算啦芝士pizza👍👍不過不失無咩特別 皆因我好喜歡食pizza好多時都會叫個pizza做main course若果唔特別好pizza既朋友可以試下其他野lu軟殼蟹意粉👍👍👍👍被推介既真係特別正我地傾到凍左食都仲係好滋味熱住食一定更加分____軟殼蟹食得出有膏蟹本身幾肥美飯汁索得岩岩好唔會稀 好濃味又好入味絕對可以試下呢一味甜品環節可能我地都飽飽地唔係好比面但好精美😆綠茶味既甜品係好!濃綠茶味朋友們自行評估下自已有幾鍾意綠茶先叫啦😳生日有附送生日咭仲畫埋公仔好有心思!另外待應們都好好服務!!!!讚環境亦好舒服!!位置闊落

蟹肉牛油果班尼迪 —- 蟹肉是切碎了的，可能處理方法特別，咬下感覺另人聯想起蟹柳，牛油果是混了一種很酸的沙律醬的牛油果醬汁。食其肉而不見其身；我終於嘗到這烹飪精髓了。蛋是正常的流心Benedict，有很多沙律菜，令人滿足。很好吃！

以前成日黎呢間食，因為食物多種類，好適合朋友聚會。薑母茶: 好濃既薑味，喉嚨好舒服黑松露軟殻蟹意粉： 大失水準，無黑松露味，反而好大陣酒味，失望！軟殼蟹就正常，都幾多菇。慢煮燒烤汁手撕豬薄餅：薄餅好脆口夠熱，燒烤汁好惹味，同豬肉都好夾，加埋芝士好有口感。

最近心情都好沉重。 同閨蜜決定輕輕鬆鬆食個下午茶轉換下心情💕 Beans 一向都有唔少支持者。有時見到大排長龍都會令人卻步。而家竟然唔洗排隊直入令我地都有d 懷疑🤨 安排左我地坐係窗邊二人枱，雖然出邊落住毛毛雨，但係都無阻我哋食甜品嘅決心。我叫左杯法式焦糖燉蛋拿鐵，朋友仔叫咗一壺荔枝玫瑰花茶 （重點係花茶可以免費添飲👍🏻）我哋仲叫咗一個流心綠茶吐司share.🍞 法式焦糖燉蛋拿鐵☕️☕️好香，甜甜的。啱晒我又想飲咖啡，又怕苦嘅人😋 荔枝玫瑰花茶🌹🌹 好清香，好啱怕食完吐司怕好漏ge女孩子們👧🏻👧🏻流心綠茶吐司🍵🍞切開真係會流晒啲綠茶汁出嚟。切開個陣未準備好😔😔，所以影唔到佢流出嚟嘅澎湃感。 因為冇人等位，職員都冇計我地用餐時間，不經不覺坐左好耐，同閨蜜傾左好耐計，過咗個愉快又輕鬆嘅下午。💕🍯

由Beans 得荃灣一間總店食到佢依家有咁多間分店，水準依然，人氣亦依然....今日約左朋友係大埔食晚飯，但見未夠鐘就去cafe shop 坐下啦，唔太想去連鎖咖啡店同學生迫，咁就去左久違既beans 坐下... 本身淨係諗住飲杯野，最後叫左個「流心綠茶芝士撻」 同earl grey latte (為左個拉花叫左熱飲🙈）。Beans 既甜品係擺盤上花左唔少心思，不過大家唔好掛住打卡喎，個雪糕會溶嫁😂。earl grey latte 都唔錯，個貓貓拉花超Kawaii nei! 😍

友人一向好喜歡荳子BEANS 貪其可以傾計閒坐 早排相約見面飯聚閒聊 當然意屬第一位 環境開洋寬敞 舒適有格調 跟友人親蜜閒聊談心的確不錯 牛肉漢堡 意料之外漢堡頗大份 牛肉厚身肉汁豐富 食落牛味濃唔鞋口 配埋芝士的確讚 剛熱溶既芝士拼上牛肉 一口咬下做到拉絲效果 薯條係新鮮即炸 脆卜卜口感十足 整份質素之高 非常不俗牛油果蟹肉班尼狄蛋 蟹肉跟蔬菜結合 意料之外特別 酸酸鮮甜層次豐富 個人略嫌口感較為單薄 雖然特別但整體味道並不融和黑糖薑母茶 當然不能指望跟台灣的相比 味道口感確實是有不同 黑糖味道不算鮮明 飲到的就只有強烈既薑味 有點失望Lychee Lover 質感幼滑 味道是清甜既淡淡荔枝味 味道討好 不過就是價錢高了點 性價比值不高雲呢拿吉士拿破倫 質感結實不過帶香脆鬆化 配搭酸酸地又帶點甜味既紅桑子同充滿雲呢拿香的軟滑吉士醬口感味道多層次 非常滋味

知道假期實多人，6點左右已經黎排隊，都已經好多人開始等位啦～燒豬仔骨、薯條、新鮮沙律 （Half) $182啲肉一咬就甩骨，好有肉味👍🏻炸薯條舖底，係粗薯條，都好味配埋小小沙律，Balance 返黃金蟹肉意大利粉 $ 98真係有唔小蟹肉，個汁好Creamy, 雖然有啲漏，但會不自覺地追住係咁食帆立貝菠菜意大利飯 $112個幾粒帆立貝幾彈牙，但唔太食到波菜味依個普通左小小P.S. 我地有位小朋友，感覺職員唔太友善，依到會扣左好多分土

一大班白領都只會工作至星期五， 但對我公司來說， 星期六特別需要人手。忙完一個早上， 下午下班后已經是下午茶時間。 已我都幾享受這段時間。今天約了一個好友去 嘆下咖啡 食我嘅午餐。都已經好耐冇見，傾下屋企嘅嘢，傾下社會狀況，傾下將來嘅嘢... 傾下傾下就已經兩個鐘喇! 我今日食咗個deluxe full english all day breakfast plus 黑松露軟殼蟹意粉玫瑰梳打水 Rose latte👍👍👍 立體咖啡 好可愛😍呢個地方係傾計嘅好選擇， 又唔會太多人，又唔會好嘈。👍

當日假期朋友話想食間有窩夫既餐廳，於是我地一行四人就揀左去大埔既beans大埔既beans 都開左一段時間，但每次去都會有人排隊等位，今次都唔例外。大約等左15-20mins 就可以入去果日叫左黑松露軟殼蟹意大利麵、千島醬蟹棒蟹籽帆立貝薄餅、The Backyard Breakfast、Caramel Banana Waffle同埋四杯飲品(凍檸水、荔枝玫瑰梳打、藍柑檸檬梳打同泡沫鮮奶伯爵茶)兩杯梳打都好靚而食物方面黑松露軟殼蟹意大利麵唔會好乾身仲好重黑松露味薄餅鬆軟，每塊都食到啖啖餡料薯條因爲有肉醬所以比較林身，中意食脆薯條要諗下叫唔叫The Backyard Breakfast 好大份 如果唔系share自己應該好難食晒最後就系甜唔Caramel Banana Waffle，蕉糖香蕉超級好食，但自己本人就唔中意食面頭既爆珠下次會再去，食完仲可以系超級城行街

今日想係屋企hea，但又想食all day breakfast. 就試下用外賣自取功能，叫朋友過黎玩時順便拎埋外賣哈哈用master card 有20蚊discount拎開兩袋野，見店家個外賣pack得咁靚就忍唔住影左呢張相打開係咁樣熱法式焦糖燉蛋拿鐵($37)本來以為會好甜，點知又唔會喎，飲落有燉蛋味幾得意Deluxe full english breakfast(跟餐配美式咖啡)用料豐富新鮮，有半個蕃茄， 炒香菇草菇， 肉腸，煙肉，黑松露炒蛋好香，沙律菜， 煙三文魚，茄汁豆，推薦跟餐加多個薯條，就夠曬兩個細食既人share了窩夫(跟餐)鬆軟又有蛋香味，肥嘟嘟咁好可愛，推薦肉醬薯條(跟餐加25蚊)味道不錯，但因為牛油紙包實曬，雖然拎到番黎仲熱但已淋淋地，so sad總結黎講，今次既外賣自取體驗非常滿意，店家比原定時間快準備好，app又會即時提你食物準備好，又有discount，有機會會再試下其他店的外賣，但唔會再叫薯條了

2019年6月6日咁岩約朋友大埔食飯。唔知食乜，最後又係食荳子p凍檸檬薑蜜。勁細杯。即磨咖啡卡邦尼意粉。pizza. 每一次食完佢。我都覺得唔好食又唔抵食。但每次係大埔諗唔到食乜又食佢。唔知係咪其他人都係咁既心態。所以佢仲係度？個卡邦尼意粉。又硬又唔夠味。真係好失望。個pizza 仲衰。勁怪。佢個味道超怪。個味道超唔夾。最後我地都係冇食曬啲野。去左幾次，發現佢地啲員工愈來愈無禮貌。明明唔多人。明明同我有眼精接觸。但都仲可以扮睇我唔到。

一向都有去荃灣BEANS食飯(不過一向比較多人排隊)，因為與朋友慶祝生日去大埔超級城，就去了BEANS (事前都唔知原來他們開了新分店)，而且大埔分店很大，不會太擠迫。我們被安排坐了在近門口的位置，都具私隱度，同朋友傾計，環境較靜。食飯前，我們去了行山，所以勁肚餓，點了很多嘢食！這個小食拼盤真是唔錯！(唔知是不是我地太餓 > . < )全日飯，只是這個墨魚汁飯麻麻，其他都好有水準！同荃灣BEANS味道一樣。我去了蛋糕櫃那邊同待應讀我地有朋友生日，他們就可以幫手在碟上寫上Happy Birthday或主指字眼！之後我地都點了幾款蛋糕一起食，跟餐只是加$25~ 咁樣計，好像低食過出面買蛋糕，而且我們試了多款口味！待應還寫了生日卡，真是好Sweet!