荳子 (海壩街) (Closed)

口碑甚佳的Cafe Beans荳子近兩年於各區開多了分店， 門外還是長長人龍，Cafe環境舒適，食物和甜品款式多樣， 但外界對cafe甜品的食評好壞參半， 今日一試亦認為不過不失🙆🏻‍♀️ 不過，疫情下身心俱疫，到Cafe放鬆一下也是不錯的。🍞 #oreo流心麻糬吐司 $58▸吐司烘至微脆，入口散發oreo味▸輕輕切開，内藏暖暖的流心朱古力醬一湧而出▸一大塊煙韌麻糬﹐配搭雪糕或吐司享用，口感多一層變化💬流心朱古力醬質地較稀身，沾到吐司後容易過於「濕潤」🍰 #拿破崙 (跟Lunch set +$25)▸一層疊一層的酥皮鬆脆，甜度適中💬夾層的紅莓醬酸味略蓋過吉士醬香味

荃灣出名多美食，價錢又親民，平日除了去貓之茶房玩玩貓外，附近而間beans cafe都十分之出名，整體而言，CP值算高。cafe位置大概分2邊，加埋約十幾張台，當日排隊都等了約20分鐘。見服務員都好努力翻台，所以有限時間用餐是正常的。黑松露軟殼蟹意大利粉 （$74）冇得輸組合，黑松露醬很多，混合意粉整體感覺很好，很香，炸軟殼蟹稍為有點油。手撕豬仔骨漢堡，太陽蛋，焦糖洋蔥，車打芝士，薯條（$86）一上到真係wow一聲，勁大件，材料多到放唔到一起，什至不能夠用手揸住食，手撕豬仔骨食落啖啖肉，但醬汁落得重手了，導致個包有點太濕，蕃茄片生菜新鮮，食完個包都冇咩位置食薯條 所以我覺得佢係cp 值最高。卷.山政小山園（主食+25）我本身唔太好抹茶，但眼見10台有8台都order而款甜品，跟風的我都試試，果然係王牌，味道甘香，牆上有塊大黑板仔細畫上有什麼成份，解剖圖似的🤣。

🦀黃金蟹肉意粉 Lunch:$68/set 包飲品每次去到都必食嘅意粉🍝一食落口，會食到佢嗰鹹蛋黃醬喺起沙㗎，要知道鹹蛋黃醬炒到起沙唔喺一件易事😌😌而且入面仲有D真•蟹肉，同埋條蟹柳都好大條吓🤤—————————————————🍵🍰卷•山政小山園 $42/pc 或者 Lunch加$25其實Beans Café D抹茶甜品真心冇得輸，嗰抹茶cream甘得嚟，食落去仲好輕身🙊🙊—————————————————🍵🥧抹茶流心芝士撻 $58呢個都係真心推薦🏆特別喺鐘意打卡影相嘅朋友，不妨叫呢個📷 張相唔係好影到，但其實上菜嘅時候，會見到乾冰所散發嘅白煙，令到甜品有種矇矓嘅美感🌫️而且嗰流心撻帶有抹茶嘅甘味之餘，仲帶微微嘅芝士味，而且嗰撻皮亦唔會太重牛油味，唔會蓋咗抹茶同芝士嘅味道🤪🤪—————————————————

🍵🍞流心抹茶吐司 下午茶:$58/set套餐包$40以下嘅飲品千祈唔好睇佢細細個咁，食完其實都好飽吓🤨而且嗰吐司外脆內軟，入面全部都係抹茶醬，一切開，D抹茶醬流哂出嚟😌同埋嗰抹茶醬食落去有微微嘅甘味，所以身為抹茶控嘅朋友可以一試🤤—————————————————☕ Crème Brulee Latte $37/cup其實飲落去Crème brulee嗰味唔太出。反而另一款 Home made French vanilla latte 會好飲D~溫馨提示：落單時可以同職員講話要3D拉花㗎！每次嘅拉花都唔同，好有心思💕💕💕—————————————————

今次去左呢間係荃灣Bookmark左好耐嘅餐廳~終於有機會過去緊係要試下最多人介紹嘅All Day Breakfast 😋🍴Deluxe Full English Breakfast($112)餐廳淨係All Day Breakfast 都有好多款可以揀~趁機放假比自己chill下今次就揀左豪華英式全日早餐😋有窩夫、煙三文魚、煙肉、豬肉腸、蕃茄、茄汁豆同黑松露炒蛋~窩夫造型好cute成個donut咁🤣配埋cream食都幾正😋炒蛋唔算好重黑松露味但炒得幾滑😋🍴黑松露軟殼蟹意大利粉($98)軟殼蟹炸得好香脆唔會好多油~黑松露味同樣唔算太重但幾creamy😋🍴Pearl(唔記得價錢🙊🤣)一入餐廳見到呢款白桃嘅甜品已經心心眼~但係得個樣靚味道就真係好一般🙊冇桃味之餘配搭唔係太夾🤣📍 荳子 (海壩街) (荃灣)荃灣海壩街99號地下

Beans - 好特別嘅All  Day  Breakfast😲最近見到好多朋友都有去食呢間黃店，趁今個weekend得閒，一於約班friends去食個靚lunch😆呢間餐廳果然真係好hit啊，我地lunch都排咗成廿幾分鐘🙊 焦糖香蕉熱烘窩夫全日早餐 $78一上到嚟同想像嘅好唔同，佢嘅窩夫整到好似冬甩嘅形狀，配料除咗焦糖香蕉仲連埋一啲忌廉同蜜糖，鹹食就只有炒蛋同煙肉，甜食比鹹食多～雖然同期待嘅有啲分別，但係識落每一樣嘢嘅質素都唔差，味道唔錯🙌🏻盡量都夠飽。下次嚟再試吓佢啲意粉啦！😁味道😋：7/10價錢💰：7/10服務💁🏻‍♂️：7.5/10環境🪑：7.5/10

荃灣📍CP值極高Cafe☕️好耐冇見大家啦😝今次想介紹嘅依間餐廳 大家應該都好熟悉就係beannnnnns 黑松露軟殼蟹意大利粉 $74 （包一杯野飲）大家冇睇錯！係$74包埋野飲omggg 味道總要非常之好～雖然黑松露味道尚欠 但佢總有令人想繼續食嘅魅力 軟殼蟹都算大隻 不過有少少油 飲個檸檬蜂蜜就balance番 解到膩🌸黃金蟹肉意大利粉 $68 （包一杯野飲）依個冇黑松露果個咁出色 冇乜鹹蛋黃味嘅香味 🥺 味道正正常常 有啲失望😢 車打芝士薯條 (Lunch Set +$25)依個好邪惡呀！濃濃嘅芝士 忍唔住食完又食🤤 佢唔係脆脆果隻嘅薯條 而係厚實嘅薯仔🌞I like it!!!以依個價位嚟講💕可以包嘢飲嘅套餐真係好難得 同埋佢都幾多選擇 總括嚟講 值得推薦💛Beans - 荃灣分店地址：荃灣海壩街99號地下食物：👍🏿👍🏿👍🏿👍🏿環境：👍🏿👍🏿👍🏿價錢：💰💰服務：👍🏿👍🏿👍🏿👍🏿性價比：👍🏿👍🏿👍🏿👍🏿*滿分=👍🏿👍🏿👍🏿👍🏿👍🏿*

呢間Cafe係荃灣都幾有名氣，次次經過都一定有一條人龍，今次我都參與埋一份排下隊，比想像中快，排左三十分鐘，值得一讚係個店員唔洗手寫，佢憑住驚人既記憶力黎落單😎🦀🍝《黃金蟹肉意粉》$98賣相非常有意境，份量唔少，雖然唔知蟹蓋會唔會環保用🤣但的確非常有食慾，有睇頭，蟹肉同蛋黃味非常夾，順口，蛋黃既油香配以蟹肉既鮮甜，對味蕾產生左微妙既衝擊力，意粉質感剛好，掛汁能力高，每一口都滿足到視覺與味覺。🥑🥙《牛油果他他》$78睇個名已經聽到佢叫我叫佢，森林系牛油🧈&清新沙律菜🥬少少黑醋帶黎些許溫和刺激，又要一讚佢既賣相令人快樂，不同材料交疊，砌成層層疊，配上金黃色澤，外脆內鬆軟，比各大連鎖麵包更出色麵包，微溫麵包，疊上他他送入口🌮每一口都「唔唔」聲牛咁叫。🍟《黑松露薯條》加配$25黑松醬非常香，松露味好出，份量亦不吝嗇，最後醬還剩，實屬非常難得，價錢亦超值，熱呼呼的薯香，包覆松露香，令人意想不到，欣賞用心做。☕️熱法式焦糖燉蛋拿鐵$29個名改到好浪漫，好吸引咁，好細杯但好精美，焦糖表面，入口相當有層次，脆甜香滑，咖啡味順滑而香，雖然無蛋，但整體味道而言，享受十分。🍋🍯凍檸檬蜂蜜，跟餐$0跟餐無須加錢

政府要大家唔准食晚餐，六點前要走 食個Tea當係晚餐就算。呢兩個值得再試，黑松露軟殼蟹意粉、芝士薯條同埋oero麻薯流心吐司雖然係下午茶嘅價錢但係保持住一貫嘅水準，如果政府繼續唔俾大家出去食飯可以嘗試一下

荃灣人好難唔識呢間Cafe，唔係第一次食，之前試過佢all day breakfast都唔錯，今次想食得健康啲👆🏻 Benedict egg蟹肉牛油果汁😼賣相好靚可惜蟹肉唔夠，蛋汁流出嚟撈埋一齊食的確係幾正，略嫌下邊個包太乾👆🏻卷.山政小茶園😻呢個抺茶蛋捲不得了！外面嘅蛋糕口感好軟熟，加埋濃厚面唔苦抹茶cream，中間夾埋啲紅豆同蒟蒻，你會想極速清咗佢，鍾意食抹茶絕對不能錯過👆🏻pearl😼有白桃幕絲加白桃果凍既雲呢拿蛋糕比較失色，柏圖味唔算好出，加埋雲呢拿蛋糕有少少好似唔知食緊乜咁.⚠️非進食時記得帶口罩⚠️除左口罩再消毒雙手

第一次去食，出乎意料之外。朱古力迷可以去食下雖然個toast入面賣相有啲搞笑😂😂但好食既👍🏻👍🏻👍🏻杯朱古力奶味比較重，重過朱古力味又或者係其他朱古力味太勁😂心太軟適合唔食太甜嘅朋友仔，有少少似75%Tiramisu份量好足，兩個人嗌一份都夠😂會有下次👍🏻👍🏻👍🏻👍🏻#afterlunchtea

難得入到荃灣海壩街一定要食一下呢一間好出名嘅餐廳。如果你去到附近，應該已經會見到出邊有一條長長嘅人龍，就算係疫情之下，仍然都有唔少人慕名而來嘅。🌸蟹餅🌸軟殼蟹松露意粉🌸黃金蟹肉意粉🌸Green Tea Combo食後分享：1️⃣兩個人點兩個意粉、小食、甜品，其實係食唔晒嘅，結果最後都係夾硬食。所以，奉勸大家無論幾想試多幾款都好，都要忍下口，最多下一次就再黎過啦2️⃣呢間餐廳，長期都好旺場，喺門外排隊等候的而且確係好考驗耐性嘅，閑閑哋都要排30分鐘以上。如果撞正食飯時間就可能更長添。所以如果真係想試嘅話，可以試吓考慮下午茶時段，可以避開人潮就更好啦！

今日收早同同事去了beans 食個下午茶，呢間都不是第一次去，諗住食dd野當收工充下電甘，所以叫了個焦糖單骨雞翼配薯條，配了杯玫瑰latte，野食同latte正常水準，都幾relax😌滿足🥰

-《荳子Beans》🐐一間又愛又恨的cafe、事緣一睇到beans有呢個冬甩包包就好想去、一睇啲分店⋯⋯⋯⋯⋯荃灣、沙田、將軍澳、九龍灣、大埔、馬鞍山、即刻勁嬲😂😂小妹住柴灣！完全冇一間係就腳😒算啦、谷氣地去左荃灣分店🤫🥗豪華英式全日早餐 （$112）黑松露炒蛋、腸、煙肉、茄汁豆、蕃茄、菇、煙三文魚、比利時窩夫（即係冬甩包包）、真係幾大份、除了冬甩包包其他都平平無奇、包包是現烤的、外脆內軟、牛油味同蛋味都好香、配埋忌廉食👍🏻🦀黃金蟹肉意大利粉 （$98）原隻蟹蓋非常吸睛👀望落以為份量細但原來碟好深！有唔少蟹膏！蟹味幾香🤤意粉都煮得夠腍身！都好掛汁！但略嫌醬汁可以再濃一啲🤏🏻超推薦法式焦糖燉蛋拿鐵🤙🏻一定要點！#japjapjapcoffee #japjapjap荃灣______________________________score:8/10地址：荃灣海壩街99號地下

星期日既下午唔太肚餓, 想同朋友輕鬆下食個tea, 就揀左間有甜品同輕食既餐廳Raspberry Mille Feuille紅桑子醬/ 雲尼拿吉士拿破崙@$42好精緻既甜點(о´∀`о), 用泥打卡係一流哈哈, 連beans logo也是精緻的擺放~ 本想跟朋友share食的, 但由於表層太脆, 切開少少都會散開, 最好係一刀砌(*ﾟ▽ﾟ*)吉士醬在中間是恰到好處, 配上脆口酥皮,是個大滿足(≧∀≦), 不過略厭份量少了一點Caramel Banana Breakfast with Beans Waffles 焦糖香蕉熱烘窩夫全日早餐@$78窩夫, 焦糖香蕉, 炒蛋, 煙肉另外也點了個鹹甜點set, 好特別! 未試過鹹甜一起的breakfast set , 意想不到的鹹甜的味道沒有違和!!(´∀｀=), 份量也是剛好~