牛站(駅)麻辣火鍋放題

Open Now

Now Closed

已經第二次食牛駅了～性價比實在太高～$308美國極黑和牛片套餐都已經有勁多野任食！湯底方面都好多選擇，鴛鴦湯底都只係加$48，抵！⭐️湯底推介：招牌秒製麻辣鍋🌶️+清甜椰子雞鍋🥥麻辣湯好正宗台式風味！色香味俱全！好足料嘅湯底～椰子雞湯就夠鮮甜～椰子味香濃，淨係湯都要先飲兩碗！美國極黑和牛片+美國安格斯牛板腱+美國肩胛肉+西班牙豬五花片+美國梅肉片 鐘意食牛嘅朋友叫呢個set已經好物超所值！海鮮有海蝦，帶子同大大隻嘅花甲都係任食！食材新鮮！難怪成日都要排隊等位啦！自助吧提供嘅前菜，配菜，小食，飲品同雪糕都勁多款式！真係包羅萬有！包你食得飽又滿足啊！

朋友聚會，順便提早做冬，揀咗呢間午市火鍋放題，四小時任飲任食（12：00-16：00），可以慢慢食，又夠哂時間吹水。揀咗最貴嘅套餐「#4 特上牛小排」，$318，另收加一。（雖然係平日，但因為係特別日子，所以收費有調整）湯底揀咗蕃茄豬骨湯，清清哋但又夠味，不錯。牛類主攻牛小排，海鮮主攻鮑魚、蠔。・特上牛小排，一碟三片，前後叫咗十零碟，夠軟嫩又有肉味，大部分都OK，但有三碟偏多肥膏・澳洲M5和牛，一碟三片，只要咗兩碟，雖然賣相不錯，但肉質唔太滑，好有𡁻頭，而且肉味唔多・美國極黑和牛SRF，一碟兩片，只要咗一碟，太瘦，少嚡少韌・巴黎牛脷托，好壞參半，有啲爽口彈牙，有啲好韌・鮑魚，我估每人都食咗至少半打，彈牙，唔韌，少許鮮甜・蠔，我估每人都食咗至少半打，好大隻，唔縮水，鮮味・海參仔，迷你版，一口一隻，爽口，過吓口癮・蝦，正常，隻隻都彈牙，肉身唔梅，但應該係養蝦・八爪魚仔，切件，有身有鬚，爽口，過吓口癮・田雞，腿位無俾身位，大隻，但無咩味熟食有乳鴿，但室溫唔夠熱，皮亦唔脆。今次無鴨舌（上年食過），可惜。酒類有清酒、啤酒（Asahi 係日本版）。整體用餐體驗，好似無上次咁出色，雖然唔差，但感覺有

冬天來臨，氣溫下降，最想去的地方就是牛站打邊爐。這裡的冬季限定羊腩煲鍋底令人心動，尤其搭配 SRF 美國極黑毛和牛、美國安格斯牛版腱及肩胛肉，任食的選擇讓我這個牛肉愛好者完全滿足！海鮮方面，牛站提供的蝦、蜆和帆立貝都非常新鮮，還有大隻的田鷄腿，肉質鮮甜，每一口都讓人陶醉。自助區的青桔仔絕對不容錯過，榨汁後搭配醬料，可以輕鬆分解油膩感，讓我可以毫無負擔地多吃幾碟牛肉。當然，吃了這麼多肉，蔬菜也是必不可少的。這裡的菜品選擇豐富，飲品種類繁多，甚至還有日本果汁酒，讓整個用餐體驗更添風味。除了打邊爐之外，我最愛的還有燒乳鴿，外脆內嫩，味道無法抗拒。最後來碗紅豆沙，真的是令我感到非常滿足的一餐。總結來說，牛站打邊爐不僅食材新鮮，選擇多樣，還有絕佳的用餐環境，絕對是寒冷冬天裡的最佳去處！

間中都會去吓牛站食火鍋放題，食物選擇多，每次去都係人氣十足！.小食方面推介台灣腸、乳鴿、芝麻雞翼等等，自助區都有唔少選擇✨✨✨，湯底揀咗椰子雞湯，味道清甜夠晒足料👍🏻牛肉必點SRF美國極黑和牛片，肉質軟稔，再沾上溫泉蛋汁更鮮嫩🥰海蝦同蜆都係唔可以錯過嘅海鮮，蜆肉非常新鮮🫶🏻.甜品一定唔少得Häagen-Dazs雪糕！甜品櫃都有多款甜品可以揀👍🏻👍🏻👍🏻.📍 牛站(駅)麻辣火鍋放題 (旺角)旺角彌敦道601號創興廣場2樓

之前朋友推薦呢間火鍋店，今次終於有機會試啦😍 平日夜晚都滿座，就知幾受歡迎! 120分鐘任飲仼食😋揀咗第2貴$298 set，都已經超扺食！火鍋湯底選擇多，我地揀咗鴛鴦鍋，一邊麻辣，一邊係豬筒骨湯底！揀咗BB辣都好夠辣😝 好惹味！✅肉類、海鮮牛類選擇幾多，例如有美國極黑和牛片、封門柳、牛板腱等，牛味濃、肉質鮮嫩! 以為任飲任食會比細細塊你？錯🙅‍♀️呢度係夠哂大塊😆大胃王岩食！另外有帆立貝、海蝦等海鮮，都好好食有驚喜！✅自助配料自助區超大，大量丸類、蔬菜任君選擇😋例如：海膽丸、蛋餃、准山、芥蘭、皇帝菜、冰菜等，最鍾意食佢個芋頭丸，口感夠哂粉😋😋✅飲品同一般火鍋店一樣，有好多唔同味道嘅樽裝茶，最驚喜係有珍奶😆仲要係好好飲！最後當然唔少得生果甜品，食埋哈根大師非常滿足，十級飽🤰🏻捧住幸福滿滿嘅胃離開😆

今晚難得約到3個朋友出來，決定去好多人話好食的牛站打邊爐！揀左2號餐：美國極黑和牛片放題，價錢相宜，食2個鐘。湯底有2x種，真係好多。我覺得要揀麻辣先正，突出肉的味道！而且呢度可以鴛鴦鍋，甘就揀個豬骨湯+麻辣。不過麻辣湯BB辣都好辣~~套餐肉類可以揀美國極黑和牛SRF、美國安格斯牛板腱、美國肩胛肉，羊肉。牛肉薄切打邊爐好爽有牛味。同埋超大塊。牛舌爽脆都推薦。幾欣賞海鮮有多款，海蝦、沙白、海參、花膠、魚片、帆立貝，海蝦同帆立貝好得。朋友推薦乳鴿、話脆皮香口，都真係幾好食。自助區有熟食及醬料，好多丸類蔬菜、水果。飲品櫃包蘿萬有！推薦珍珠奶茶，茶底好滑同珍珠好軟糯。雪糕有Haagen Dazs，而且有三隻味。柚子味好食。第一次食呢間，係幾高質，難怪7點未夠，已訂位既都已經排長龍入！仲有好多人walk-in等位。

牛站麻辣火鍋放題——凍天氣必食之選提起火鍋，旺角總是充滿了選擇，今天就來談談「牛站麻辣火鍋放題」，這間位於旺角創興廣場2樓的火鍋店，絕對可以算是人氣食府，特別是對於鍾情麻辣和肉類愛好者來說，這裡無疑是一個理想選擇。首先，無論是湯底還是食材，選擇都相當豐富。以羊腩鍋作為招牌湯底，無論是天氣冷冷，還是想嚐點有味道的湯底，羊腩鍋的選擇都絕對值得一試。今次我地就選左呢款羊腩鍋湯底，湯味濃郁，羊肉的鮮味與香氣十足，不單止能暖身，還能提升整個火鍋的味覺體驗。這個湯底最適合現在這個季節，天氣逐漸涼爽，湯底暖心又暖胃，讓人感覺倍添溫暖。至於牛站的肉類選擇，那簡直可以讓人眼花繚亂。首先要介紹的就是澳洲羊肉片，羊肉本身質地嫩滑，完全沒有臊味。只要輕輕涮一下，羊肉的鮮美就能釋放出來，肉質鮮嫩又不膻，簡直是羊肉愛好者的天堂。另一個重點是巴西牛脷托，這塊牛肉的質地非常緊實，而且多汁，嚼勁十足。每一片切得精細的牛肉，咬下去後，會爆發出肉汁的鮮美，真的很過癮。美國牛肩胛片和安格斯牛板腱也是火鍋界的明星食材。美國牛肩胛片的肉香濃郁，質感柔軟但不油膩，吸收了湯底和調味料的精華，吃一口，肉的香氣立刻在嘴裡擴散開來。而安格

近期天氣涼爽，約朋友火鍋最好，今日來到旺角創興廣場搵食，一入商場電梯直上二樓全層，正是牛站台式火鍋，地方非常大坐位闊落坐得舒適，有期間限定枝竹羊腩鍋即刻點選，朋友就想要香濃蕃茄豬骨鍋，鴛鴦湯加$48-，一人揀一個最好。今次食SRF美國極黑和牛片2號餐，牛肉方面可任食美國極黑和牛片，安格斯牛板腱，封門柳，朋友話牛板腱比較嫩滑最好食，我就鍾意極黑和牛片，牛味香濃有咬口，另外有爽脆墨魚同花膠都幾好食，又有海蝦同帆立貝都好新鮮，熟食方面我最鍾意芝麻雞翼外脆內嫩，燒乳鴿皇媲美酒樓出品。值得一提自助區食物真豐富，多款飲品，熟食小食，甜品雪糕，火鍋配料及蔬菜，全部都好新鮮，重點推介台式肉丸質素好好，比起一般火鍋店味道好得多，經過120分鐘戰鬥食得好飽，贏得一場勝仗。

🌸不容錯失的火鍋放題🌸牛站（駅）🍲呢幾日急降到十零度，緊係去打邊爐食啲暖笠笠既野，所以我相約友人到訪了旺角一間主打放題火鍋的「牛站」享受呢餐晚餐❗餐廳員工招呼周到，裝修富特式及新穎而且餐廳座位舒適，好快就排隊入座，上餐及收碟非常迅速！⭐️120分鐘SRF美國極黑和牛套餐 $298🍲枝竹羊腩鍋：店員一拎上枱就即刻香氣四溢，而當中既羊腩肉質入口嫩滑，鍋底味道濃郁，非常值得一試。🥩肉食：肉食方面有包括極黑和牛片SRF、安格斯牛板腱和封門柳等選擇，肉汁鮮嫩！🦐海鮮：海鮮選擇包括帆立貝、海蔘、海蝦連田雞都有，每款都新鮮美味，令人食指大動。🥟其他配料及小食：仲有唔好錯過其他配料和小食例如台北鴨血、燒乳鴿皇、雲吞、麻辣雞軟骨及中華沙律等，連炸魚皮及午餐肉都有，每款都各有特色，令整餐錦上添花！🥤飲品及雪糕：在飲品方面提供自家冷泡茶，罐裝涼茶加多寶及啤酒都有，連椰青水及梅酒都係任飲。另外仲有無限量Haagen-Dazs等雪糕及雪條俾你任拎品嚐！

牛站*真係我既最佳打邊爐放題🩷冬天簡直經常黎食～120分鐘大快朵頤一入去自助區有大量特色火鍋配料同蔬菜、生果、前菜飲品、甜品任攞～飲品種類超豐富，有基本罐裝飲品之外自家製茶類～仲要有無限既啤酒🍻清酒🍶梅酒甜品最正一定係Haagen-Dazs任食，仲有細細件既cake,布甸，乳酪，豆腐花 簡直會選擇困難我地點左$298 SRF美國極黑和牛套餐，牛肉碟碟食澤好靚，油脂分布好平均和牛好大一塊😱，湯底簡左椰子雞湯，用咁清甜既湯底黎食牛，簡直正🫶🏻仲突顯出牛味，肉質柔嫩又juicy必叫既乳鴿同芝麻雞翼✌🏼真係超多食炸得香脆，全部熱辣辣上枱

天氣開始又凍返，係時候再出動打邊爐，講起小編嘅打邊爐三甲，一定會有牛站，佢哋除咗湯底正之外，食物同飲品選擇多到一個點 😍 而且啲款式間唔中都會轉下，所以次次食都好滿足 🤤凍凍地就揀咗胡椒豬肚湯底，一如以往湯底夠香夠濃，胡椒味超重，未落食物之前飲一碗，成個人都暖笠笠 😍肉類今次就主攻牛肉，牛板腱同埋美國極黑和牛肉質新鮮，係咁意淥一淥已經夠晒香滑，值得encore再encore 🤤 除咗海鮮之外，鴨血都好吸引，淥完之後吸收咗胡椒嘅香味，勁好食 😍出邊嘅自助區更加係非常之精彩，除咗好多嘅醬料俾你Mix and Match之外，亦都有生果同埋冷盤，而且丸類同埋蔬菜都非常之多，最鍾意就係豆卜串，吸晒啲湯勁正 😆 而且仲有水蓮食，好新鮮，淥完之後仲係好清甜 👍🏻 而且佢個炸櫃入邊嘅炸芋頭、魚皮同埋炸午餐肉都refill得好密，所以非常之香脆 😍除咗打邊爐之外，佢嘅熟食都好好味，例如自助區入邊有好惹味嘅小龍蝦，同埋仲可以食到燒乳鴿，但佢哋嘅黑糖麻糍，勁高質，每次去都食兩三舊 😍 飲品嘅選擇更加係花多眼亂，除咗冷泡茶之外仲有好多汽水同埋啤酒，仲要有埋珍珠奶茶同埋梅酒清酒等等，每次去淨係飲嘢都要飲幾ro

天氣開始涼啦，又係時候要打邊😋今日去咗旺角行街，見到有四個鐘嘅自助火鍋放題，可以慢慢食😌有幾款set 嘅放題，我地揀咗3號餐，而湯底就揀咗清甜椰子雞湯3號餐包括咗5款牛肉、2款豬肉、羊肉同牛舌，而我哋最愛嘅係美國極黑黃牛片、美國特級肩胛肉眼片，充滿牛香又嫩，當然唔少得牛舌！牛舌大大片又爽口嫩滑😋仲有竹笙釀蝦滑都幾好味，出面比較少有，脆肉鯇魚片大大片，爽滑鮮甜、花雕酒雞翼有驚喜，因為淥耐咗但係都好嫩滑，同埋好濃酒香👍🏻外面自助區超多款小食！每款都好好味，推薦魚皮！香辣好惹味😋仲有好多新鮮嘅蔬菜、炸魚皮、響鈴，仲有滷肉飯！滷肉汁超香，每啖都充滿骨膠原！好好味😋👍🏻最後梗係要食甜品啦，雪糕超多款，而且都好多出邊好少見嘅韓國嘅雪糕😋

餐廳係鬧市中，彌敦道既創興廣場120分鐘放題，自選食物花多眼亂自助吧範圍好大，超滿足(⁎⁍̴̛ᴗ⁍̴̛⁎)當日揀左2號餐，SRF美國極黑和牛片🐮✨牛肉包左：🇺🇸SRF美國極黑和牛片，美國安格斯牛板腱封門柳，美國牛肩胛片呢個set 性價比好高，肉類質素好好👍🏻又有勁多款食物同飲品選擇仲有燒乳鴿皇😻🤤湯底有多款選擇～仲有麻辣火鍋揀，我就食左香辣沙嗲鍋其實吾辣🤣好夠沙嗲味吾點豉油都好夠味～～✨仲包左海鮮🦞：帆立貝，脆鯇魚片，美顏花膠爽脆墨魚🦑，海蔘👍🏻👍🏻，沙白，海蝦仲有麻辣小龍蝦🌶️🦞自助吧有多款涼伴小吃💛火鍋配料有好多款特別食品：士林豬血糕，台北鴨血，鮮雞子，芝麻雞翼佢地既飲品種類超豐富：🥤有基本嘅罐裝飲品，樽裝飲品自家製茶類，仲有港式奶茶波霸珍珠奶茶🧋仲要有無限既啤酒🍻清酒🍶梅酒又有椰青水，豆漿(⁎⁍̴̛ᴗ⁍̴̛⁎)甜品又係勁多款🍰有雪糕櫃🍦有韓國多款雪條又有haagen dazs 雪糕🍦❤️之後會有一個大大自助甜品櫃好多款蛋糕，又有楊枝甘露😆真係試吾曬～～😹

講起打邊爐，我一定最推薦牛站‼️已經同朋友食過N咁多次🤣🤣事關價錢親民，但不輪食物、火鍋配料、飲品同甜品種類都超多❗️重點，仲要好食😋⁡同朋友今次只係叫咗中價位，$298嘅SRF美國極黑和牛片套餐，已經包埋美國安格斯牛板腱、美國牛肩胛片，仲有海鮮、同多款小食炸物等～飽到爆呀!!😋之前叫過最貴，都係$300幾蚊，包更多款海鮮，生蠔、聖子等都有😍😍仲要大隻新鮮✨其中有朋友平時唔特別鍾意食生蠔，試食咗都覺得好食好正🤤⁡分店📍旺角彌敦道601號創興廣場2樓📍尖沙咀加連威老道2-6號愛賓商業大廈1樓102號舖📍觀塘觀塘道414號1亞太中心6樓📍銅鑼灣駱克道463-483號銅鑼灣廣場二期11樓

冇諗過平日嚟到會座無虛席，仲諗住唔使排隊唔使book添，好彩朋友醒目，一早預約😆天氣開始凍，打邊爐最適合開心聚會，這裏人頭湧湧，老少咸宜，香港人打邊爐係開心嘅🫶🏻一嚟到，首先揀咗湯底，鴛鴦鍋：麻辣湯底和椰子清雞湯，有辣有唔辣，啱晒唔同口味朋友😆之後就係揀說牛肉嘅時間，牛肉一定要點美國極黑和牛牛片，脂肪比例佳，淥幾秒就食得，柔軟入口即化，即刻連續食咗三片🤤美國安格斯牛杉腱，肉質紮實，牛味出眾，不用醬料都好好食👍🏻澳洲羊肉片臊味不重，肉質嫩滑，朋友讚不絕口✨另外，美國牛肩胛片和牛舌，品質好，打邊爐有流😋除咗牛肉和羊肉，仲有不同的海鮮：沙白，大蝦，海參，花膠，帆立貝很棧，鮮味十足👍🏻田雞髀用嚟打邊爐原來都好正，鮮甜嫩滑🤤熟食方面，最鍾意呢度的乳鴿王，芝麻雞翼，燒得外皮薄薄的，肉質嫩滑，香氣十足✨不得不提這裏的自助區，地方夠大，醬料形形色色，選擇非常多，打邊爐食品應有盡有，水果蔬菜，熟食飲品，甜品雪糕，一定要食埋Häagen-Dazs，作為圓滿的結束🫶🏻