Beerliner German Bar & Restaurant (Closed)

8月10日星期六，我哋訂咗下午6點半3位食生日飯，去到攞位時，一位應該是經理嘅人講述用餐時間個半鐘要7點50分交枱，就算食梗都要埋單交枱，並且態度非常惡劣咁講淨係得依個餐牌OpenRice 訂位先有7折，其餘啲餐牌係正價，仲要講咗好幾次，態度極度差，好似我哋冇錢俾同埋坐喺度坐到佢哋收工都唔會走咁樣，我哋叫咗兩樣嘢食，驚叫得多嘢食唔切就被人趕走，嗱嗱聲食完就走，最後7點25分就埋單走，真係冇下次😤😤😤😤😤

早前在網上預訂了一張枱, 準備為朋友慶祝生日, 當天到來, 不用等位, 有充足位, 另朋友巳order 了食物, 並叮囑用餐時間只有90 分鐘, 直至7點45分左右, 待應在前來叮囑 8 點前要交枱, 我知道這規定, 但我個人認為, 因當時店內仍有十分多位, 且我問可否埋了單, 再坐一會, 他們說不能, 這點其實可否有商量餘地, 例如只能再坐 15-30 分鐘, 但如店內, 外都有人排隊等位, 我們當然會即走喇, (我地都識做的), 但他們堅決否定不能, 我們只能再到別的店,其實規定是人定的, 放且當時仍有十分多的位, 我們坐著, 當做充餐下場面也好, 也不會有太大影响, 不明為何不能彈性處理????

Happy friday 同同事尼過幾次食lunch，今次尼見佢轉左餐牌，lunch set多左好多野揀頭盤有2款野揀，揀左個蕃茄水牛芝士，味道唔錯主菜就要左牛排，不過不失，肉味唔濃，唔夠味甜品係雪糕，好食過以前的甜品

Went to beerliner for lunch today, started off with a salmon and egg salad with creamy mustard and extremely flavoursome appetiser which was a good start to the meal . The next dish was the soup of the day which was chestnut soup pleasant surprise as it was quite enriched in flavour the main dish was a Spanish risotto with snap with grilled snapper. The risotto is slightly too creamy for my taste, however the snapper was fresh and grilled exactly right.

今日公司有gathering event，大家一齊黎食呢間餐廳，我叫左個燒春雞配鮮菌白酒意式燴飯，薯仔沙律同熱檸水，隻雞燒得好香，但我就唔係好覺有味😂，不過我幾鐘意個飯，雖然食唔出有白酒味，但我食到濃郁嘅忌廉味😋個薯仔沙律普普通通但又唔算太差嘅，但係杯檸水雖然有好多塊檸檬，但飲落就冇咩檸檬味啦，整體感覺都唔錯，環境舒適，見到好多人都係一大班人黎食野傾計

黃埔區有好多靓餐廳今次黎咗依一間德國餐廳試一下味道.餐廳環境相當舒服，好適合一班friend一齊happyhours，而且菜式、飲品種類都好多。德國豬手，會喜歡要水煮或是燉的，水煮德國豬手配酸椰菜及薯蓉感覺上是沒有太多油，外皮膠原豐富，內裡豬手肉嫩滑，豬手不太鹹，满满的胶原蛋白。蘸些特備醬汁最合拍，配上酸椰菜是慣常會用的，更可以消滯解膩，薯蓉亦很軟滑。沙律菜基本上都算係新鮮，芝士味道，夠豐富。另外仲有啲烘到脆卜卜嘅麵包粒，相當唔錯。

平時好少去食德國餐 今次就黎咗依一間德國餐廳試一下味道都幾唔錯架！我哋三個人叫咗四樣嘢 黎到德國餐廳當然要試吓豬手啦😆叫咗一隻豬手 一條龍利柳 一個煙三文魚pizza 同一個飯 （好彩食得晒）😆🤫個德國豬手可能燒得燶左啲 啲肉有少少un 不過係幾好食嘅 啖啖肉😆黎到德國餐廳必試個龍利柳都好好食 個汁好match 加少少檸檬好開胃！成條魚好滑好大條👍正Pizza可以分到四至五分 三文魚都好大塊好薄身 個海鮮飯啲蝦都好大隻 個飯都唔會溜 都算幾好食嘅意大利飯👍整體都滿意啦

同幾個食肉獸朋友食飯，今次揀咗Beerliner，順利試吓新出嘅豬手食肉前食個沙律打底，啲菜都好新鮮，風乾火腿又唔會太鹹。之前試過松露炸薯條夠熱氣，今次就試魷魚圈。分量幾多，炸得幾鬆脆彈牙，唔蘸醬都ok喎。點龍蝦湯係想試吓味啫，share試少少都幾濃海鮮味呢個好好好邪惡!但好好好好食! 原本以為中間嘅香焦厚切午餐肉已經好正，點知喺底用薯絲整成嘅薯餅又脆又香，下次要再食呀終於都到豬手出場喇，煮到好軟腍同好膠質。醬汁唔會太濃，食4-5嚿都唔膩喎。乳豬非常大件，皮勁脆，成件啖啖肉咁咬真係好開心呢粒棉花糖好有心思，表面燒過，入面仲包住雲呢拿雪糕，好!鬼!正! 可以雜莓偏酸，呢樣睇個人接受程度喇。食呢款嘅時候先發現呢度嘅意大利雪糕質感有啲似雪葩，好滑又唔易溶，又冇咁多空氣，如果出多啲味就好喇!我好鍾意黑啤，呢杯都好重黑啤嘅咖啡味，好香吓，面頭仲有粒咖啡豆添最後試咗細杯烈酒，真係幾「烈」，初初唔覺，後尾嚟料😂正

今日去左Beerliner 食飯去慶祝我的生日d野尚算ok, 侍應生服務態度好好但係 我見到一個帶眼鏡嘅經理對自己員工態度可以話係惡劣，我去完廁所聽到佢同個員工講d難聽嘅說話 講真嚟得食野都想開開心心 現家仲影響埋員工嘅士氣同餐廳氛圍 我成日覺得if you treat your employee well, you will win loyalcustomers 希望..下次嚟食吾要再見到呢位仗勢凌人的經理欺負員工吧。家人也對這位經理感到氣憤

講起食德國豬手，當然會諗起呢間德國餐廳。因為食過幾次都覺得呢間餐廳性價比好高。所以耐唔耐都會同朋友黎呢度享受美味嘅德國菜。餐廳環境相當舒服，非常適合一班朋友一齊happy hours，而且菜式、飲品種類亦相當豐富。特色鮮菜沙律配風乾火腿及自家制香草汁一開始當然點一個沙律作前菜，沙律菜相當新鮮，配上香草汁酸酸甜甜十分醒胃。薯餅配鄉村肉批及煎蛋這個菜式相當推介，因為真係超級好食。雖然材料簡單，但配合一齊真係天衣無縫，薯餅香脆、而肉批類似超厚身嘅午餐肉、配上煎蛋，三種不同口感係口裡交溶相當滿足。和風味噌豬手剛剛睇餐牌發現呢個新推出豬手菜食相當新奇，所以朋友一致決定一齊試吓啦。呢個豬手菜式有別於傳統德國用一隻大豬手，反而選用較為幼嫩的豬手BB。每隻豬手都肉質相當幼嫩，配上特式和風汁一齊食相當惹味。特色德國黑麥啤燒乳豬平時我真係超鍾意食乳豬，所以每去到不同餐廳見到燒乳豬菜式都會流晒口水，而今次都唔例外。而且今次真係冇點錯呢個菜式，乳豬皮相當鬆脆，而且肉質相當嫩，最正嘅地方係食咗幾件亦唔會覺得油膩，不錯。已全場第二個吸引嘅地方就係佢哋嘅甜品，餐廳全部都係用呢隻2/3 Dolci雪糕，當中我哋叫咗棉

此間食店是第二次去了，今次選址在黃埔。一行都七人，點了好多食物果度地方暗暗的、食物相影得2張，掛住食冇影到但真的不錯的，我們點左豬手及小食併盤。其實仲有海鮮併盤，燒雞，意大利飯⋯⋯仲有龍蝦，牛、羊，薯條⋯下次都要再encore 質素及服務員態度都不錯👍🏻

之前經過發現午餐幾扺食，已經同屋企人食過一次午餐，今次就帶女朋友來試一試晚餐。是次晚餐點了一份德國豬手，一份德國白肉腸及一杯黑麥啤。 德國豬手水準仍然很高，外皮很脆，內裡有肉汗，配上美味薯蓉令人很滿足。至於肉腸，熱辣辣之餘濃味又多汗，都幾值得推介。然後，我最愛的就係黑麥啤，麥味好香，比起一般飲開啤酒更易入口，與豬手肉腸更係好配合。不過今晚消費就不低，兩人兩款食品一杯酒就超過$500，久不久一次尚算可以的。

見到最近有優惠 想食豬手好耐嘅我睇準時機！都幾出名幾多分店嘅德國菜餐廳裝修幾靚 豬手都幾多款唔同味兩個人嗌咗一份豬手 一杯啤酒 飽飽地了叫咗最招牌嘅秘製德國豬手試吓先！仲有其他水煮豬手等等六折價惠百幾蚊就食到真係好抵！仲要係好好食嘅 皮好脆 又多肉配菜有薯蓉同酸洋蔥但配菜都好細心 薯蓉好好食！比平時嘅煙韌酸洋蔥就唔太酸 啱返港人口味啲但夾埋豬手食無咁膩 正！有芥末醬同甜甜地嘅蜜糖芥末籽醬點 鍾意甜味醬多啲 份量都好夠 唔會唔夠點

食到好飽 真係好抵食 因為叫到OpenRice 訂座有5折 所以約左朋友豬手好大隻 兩個人最後食唔哂 皮好脆。而個拼盤好抵食 咩都可以試下 魷魚圈好好食 Honey moon 都幾好飲 唔會話太甜。

話說我之前都試過喺Beerliner食晏，嗰次見到餐牌上有款香腸拼盤就已經想叫，不過最後冇叫到，今次就有機會了。餐廳一如以往都係咁抵食。首先嚟咗份沙律，沙律菜基本上都算係新鮮，芝士味道亦到板，夠豐富。另外仲有啲烘到脆卜卜嘅麵包粒，相當唔錯。(今日)餐湯係南瓜湯配塊小多士，南瓜湯唔算好濃郁，但南瓜味都夠嘅，同埋有少少南瓜絲都幾好。多士夠脆口，味道OK，冇乜特別。德式香腸拼盤睇落唔大份，但食完都好飽肚。香腸超級Juicy，熱辣辣，每啖都爆唒啲汁出嚟。整個拼盤，尤其係帶微辣嗰款特別好味。除此之外，燒薯都唔錯，薯味十足。最有驚喜嘅係酸椰菜，酸酸地，超級開胃，完美地平衡整個拼盤。