Beerliner German Bar & Restaurant (朗豪坊) (Closed)

久聞這餐廳大名，碰巧於旺角完成學車課程報名，於是便到訪Beerliner。由於我們的目的是談天說地，食物方面只要了特色拼盤，下酒一流！份量原為三至四人，共五款食物每款各有四件，再加上各一杯飲品，份量絕對足夠。五款食物個人喜愛排序：一. 燒豬手肉絲卷 （頗有特色，豬手肉絲偏鹹，適合送酒）二. 香脆魷魚圈（還可以）三. 蘑菇酥盒（還可以）四. 德式香草炸雞鎚（還可以）五. 煙三文魚泡芙（泡芺配搭有新意，但味道反為弄巧反拙）

呢間野其實食過好多次, 都食無咩好食, 因為個MENU好似無咩點變過, 十年如一日.今次叫左個香腸併盤, 一個三文魚PIZZA加一杯啤酒.杯啤酒係德國啤酒黎, 容易入口, 唔會太苦. 用黎送食腸一流.個香腸併盤就有款香腸, 另外仲跟左D酸椰菜, 可以開胃解油膩, 香腸好香口, 有肉味. 另外個PIZZA完全係失敗之作, 上面D菜係苦既, D菜一PAT野軟林林, 唔完唔夾個PIZZA, 唔好食.座位方面亦都偏窄 (2人台), 叫左2樣野都放滿張台, 再叫唔到其他野.

冇幾耐之前先同朋友食過屯門分店，用AE卡幾抵食，所以我今晚再泥朗豪坊店如果你坐13樓窗邊座位，是甘的，十分高全層都以藍色燈光照明，除左盞燈同屯門店一樣，整個環境都唔同，暗暗地，有情調d炸蝦串冇上次甘大隻彈牙，芥末醬繼續酸酸地，好普通啤酒唔介紹，happy hour至8點（憑記憶），抵上次個得獎冠軍肉腸一般，今次呢種腸偏辣，芝士會爆出泥，好重口味，偏咸，食得重口味先好叫薯蓉就同上次唔同，冇甘重薯味同牛油味。豬手唔夠咸，咸多一倍就差不多。豬皮唔夠脆，得一塊脆，好彩豬肉唔算乾。酸椰菜都係有d太酸。最後當然會有menu今次只提供drink menu，main menu請參考屯門店食評。如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️

晏晝喺朗豪坊行完街，順便食個lunch，試試呢間 Beerliner 德國菜，呃，好失望沙律個菜超級苦，又無汁調味，乾到喊；牛排個汁同塊扒一點都唔夾，唔討好；勢估唔到最唔起眼的配菜薯仔係最好食唯一優點就是卡位大，叫坐得舒服。

我哋叫咗個拼盤，入面有幾款野：有魷魚圈、煙三文魚泡芙、炸雞鎚，仲有個類似鹹牛肉咁嘅卷。個泡芙幾特別，因為通常都係食甜嘅；鹹牛肉卷呢就用一個類似酥皮嘅包住，幾好食；其他就正常啦。仲叫咗個炸豬手，配左酸菜同芝士薯蓉。豬手幾香脆，但有啲鞋，如果覺得太heavy可以陪啲酸菜食。仲叫咗個蘑菇意大利飯，呢個幾好食，好香菇味，煩嘅質感唔錯，值得推介。咁啱我哋撞正happy hour，叫酒類嘅飲品可以平啲，我哋叫咗啲cocktail就有少少伏啦，幾重藥水味。

12月真係忙到抽根，公事、私事都非常忙碌，連好友嘅生日飯都要押後補祝。正當我尋找邊間餐廳可以帶cake又唔洗額外收費 or 有整個蛋糕order嘅餐廳， 壽星女話想食beerliner，咁我就上open rice訂位啦，再打比beerliner問，回覆要額外收費，建議我可以order一件甜品，可以免費整生日牌及蠟燭，甜品都係五、六十蚊，又好ok wor，幾十蚊就解決了，呢間餐廳服務真係好好，一早打來提我入坐時示意邊個生日，令壽星女都好有驚喜。當日一共叫了五個午餐，有餐湯or三文魚他他多士，牛扒、德國香腸、鷄胸肉、白汁長通粉、蕃茄意大利飯，樣樣都普普通通，不過味道已經唔重要，最重要係餐廳服務好好，令餐飯氣氛好好。

餐廳位於朗豪坊13樓，位置十分方便，跟港鐵站相連。這裏的環境十分有氣氛，即使時間是下午，但燈光效果令到客人感覺身處黃昏的感覺。這間餐廳主打德國的食物，今次點了腸仔拼盤和小食拼盤。腸仔拼盤方面，有不同腸仔可供嘗試，其中一款是有芝士， 十分好吃。小式拼盤亦有驚喜，不是一般的小食，全部都是有心思的。因為是happy hour 關係，飲品亦有了折扣。整體來說，價錢十分合理，環境亦十分出色，食物就十分可口。在旺角區來說值得一試的餐廳。

親愛的籬笆話個腦飄過德國鹹豬手 🇩🇪🐷而我地又好耐都無食過👉🏽👈🏽👉🏽👈🏽👉🏽👈🏽所以就決定去左哩間餐廳到食野喇😊☺️秘制德國鹹豬手 隻豬手都幾大的 兩個人絕對夠食😍🤩配菜係香滑薯蓉及酸椰菜 薯蓉超級好食呀👍🏽👍🏽豬手肉質好嫰 都幾淋下 塊皮焗得勁脆啵🔪切嘅時候係嗦嗦聲😂😆超正 但略嫌過硬😅😅德式雜菜沙律 🥗材料有紅菜頭 青瓜🥒洋蔥 蕃茄🍅新鮮無花果同埋香脆松子仁 佢個sauce嘅味道都幾特別 撈埋一齊食都幾fresh又健康架😉☺️不錯喔！！！但係洋蔥粒就太生 食唔到喇👎🏽👎🏽

不是第一次來了，因為除了食物飲品不錯外外，服務也很好。但這次有個新發現覺得很不錯。原來如果這間餐廳沒有位，是可以去隔離的酒吧的，只要每人各叫一杯野飲便可以叫所有這間餐廳的食物的。這次的食物只叫了豬手和腸拼盤，豬手是必叫的，不會太燶乜不會不脆，但值得一提的是他的配菜薯蓉，好食到想另外叫多兩份。腸仔也是值得一叫的，不過配菜是酸的蘿蔔絲，個人覺得太酸了。如果人多的話可以叫雜錦拼盤。Cocktail我叫了餐牌沒有的Snowball，啤酒可選支裝或渣裝的。Happy hour時段來最抵。

環境好舒適，當晚坐位在餐廳內，比較清靜，餐廳外的環境，感覺亦很舒服食物味道好好，上菜時間快，豬手好好食，皮脆肉滑，炸魷魚圈好鮮味及脆口，意粉亦算 ok。下次會再幫襯

小學同學聚會，想搵間適合傾計既餐廳，呢間的確唔錯既。食物都幾好食既，特別係腸。但無服務可言，坐低連杯水都無，要自己問侍應，但係有收服務費既。總括黎講都可以既，如果坐出面有天幕就更好。

一班女仔gathering最中意bili bala咁傾計！所以要揀個坐得舒服同坐得耐嘅地方~因為我地都成7個人，所以侍應哥哥都好好地介紹d拼盤俾我地share, 仲有話happy hour野飲平d, 叫我地可以order左野飲先，又會主動幫我地影大合照野食方面，每樣都好大份同幾高質，脆皮豬手好正個小食拼盤都好多款，啱晒多人share! 仲有個黑松露薯條，我仲以為佢都係一pei醬淋上面，但原來唔係，佢係比較乾身嘅黑松露，但又可以做到條條都食到黑松露味，不得了~

見完客和同胖老公本來想去tonic食晚飯，但是一去到又說有最低消費又說改了餐牌(餐牌一點也不吸引)坐了一會起身就走，轉去吃對面的德國餐廳一去到感覺良好因為位置很寬闊，我們點了沙律松露薯條還有最出名的鹹豬手🥗廚師沙律: 份量超大的！我不喜歡吃火腿的，但這個煙燻的火腿很不錯，沙律菜也新鮮整體配搭很好👍🏻黑松露薯條🍟: 黑松露份量略嫌太少👎🏻薯條偏硬, 但是好像只是$58也抵吃同胖老公教我去任何地方旅行就是要飲當地的啤酒(其實是爸爸教的) 所以他特別點了德國🇩🇪牌子的啤酒🍻我以為黑啤會很苦但這個很易入口，女士也啱飲Wow 😮 ~ 終於等到這個德國鹹豬手！一來到很震撼因為真的很大份！侍應幫我們切開個皮chopchop聲的10分脆！但吃下去發現有點硬，略嫌燶了一點和同胖老公，很隨心的，想吃什麼就吃什麼，說說笑笑又一天😊❤️

同朋友一齊去完徳國旅行之後，返到香港就一直好掛住徳國黑啤同脆豬手，所以就約泥beerliner 食。 不過之前去左其他分店食過，水準麻麻，但旺角朗豪坊呢間就好有水準，不過夜晚book 枱時間有啲不方便，得6:30 pm 同 8:30pm 揀。呢間脆豬手我唸今年已經食左4,5次，每次都係覺得好似去左徳國咁 呢度的龍蝦湯我每次都會叫，比好多主打龍蝦的餐廳好飲好多。 煙三文魚pizza 好大，兩個人食有啲吃力 今次冇飲黑啤，飲徳國啤酒都好正。

即興既家庭飯局,遇上星期日....本身係打算去一間開業無耐既中餐廳食,但去到勁多人等位.我地就邊等邊諗下SECOND CHOICE食咩,哥哥就話黎朗豪坊頂樓食.貪呢度唔洗等位.結果是真的! 哥哥話同朋友食過呢間幾次都唔錯,咁就一於試下啦,反正無咩點食過德國菜.德國咸豬手又點少得呢!爸爸又無肉不歡,所以點都要嗌返隻食下!影完相,店員就幫我地X埋,唔會搞到好狼狽,正*可以UN UN腳唔洗做每人都分到好多件,個皮都脆.不過伴碟既薯蓉我地就MA MA地.MOCKTAIL-HONEYMOON,比較淡口.橙汁味為主牛尾湯,太重味,齋飲會有點兒那個.所以我都係飲左2啖就無飲落去,不過跟湯既麵包係超好味!!!真係想食多幾個,因為個包夾住既蒜蓉牛油好似流心咁,好鬼正白汁煙肉麵糰 勁飽肚,個汁既味道煮得好好*HAM PIZZA, 餅底好薄,又足料,入口好豐富👍🏻