Beerliner German Bar & Restaurant (朗豪坊) (Closed)

好耐冇食過德國菜，難得今日朋友生日就嚟賀一賀佢！專登揀咗呢間因爲佢都算出名，而又評價不錯，算係冇咁伏嘅選擇。準時到所以即刻就入得～不過其實都唔算滿座，所以可能唔洗book枱都可能可以好快有位。餐廳環境唔錯，偏暗嘅燈光令人心情都放鬆～難得今日假期，當然要放下壓力，好好享受呢一餐！一嚟到當然要嗌啲starter, 所以先嗌個忌廉芝士煙三文魚卷嚟開下胃啦。煙三文魚同芝士都係正常西餐廳貨色，但係佢加咗酸酸甜甜嘅瓜同醬幾特別又幾夾，要嚟開下胃都唔錯。小食仲有呢個迷你牛肉漢堡包。以小食嚟講算係噉。牛肉好好食，有肉汁又唔靭數量都唔少，配埋佢哋獨有嘅醬汁真係好好食，如果正餐都有呢款就好啦！德式香腸拼盤—冇香腸嘅一餐仲可以叫德國菜？所以一定要叫個腸嚟食！嗌拼盤係貪佢一次過可以瘋狂食晒唔同款腸。不過老實講我就真係唔太識細分每一隻腸，不過特別記得有一隻係辣辣地嘅芝士腸，係會爆汁嘅，真係好好食！下面有啲炒過薯仔，雖然係配菜都係又唔會太難食，令成個菜式都非常有味道。同香腸一樣，豬手都係德國菜必備嘅菜式，所以就嗌咗呢個秘製德國咸豬手。店員好貼心幫我哋切細啲等我哋之後切都易啲。個豬手認真大份，不過啲酸菜賣相就唔太吸

星期日同男友來左朗豪坊頂樓食晚飯，個天係藍藍既假天幕，好靚，唔記得影個天，抱歉，因為天幕既藍燈令到成間餐廳都變得藍藍的，都幾浪漫同有氣氛來到德國餐廳，緊係要點番佢地出名既秘製鹹豬手同德式香腸拼盤本來好有雅興架嘛，食物一到都好開心，但係到食個刻秘製德國鹹豬手配香滑薯蓉及酸椰菜個豬手又鹹又"孩"口, 豬手肉好乾，一d都唔juice, 酸椰菜酸酸縮縮咁，好難食德式香腸拼盤配酸椰菜及燒薯德國腸又咸又油，酸椰菜都係酸縮味，最好食係佢地既配料，薯仔總結，景靚，食物就。。。。

午餐set lunch 算有不少選擇，食物一般，服務不錯，可能要講英文，那天因為是中午，就沒有飲啤酒了。最滿意是環境，坐在外面地方比較寬闊，兩個人傾吓計不會覺得騷擾，

今次同家人嚟食德國菜🍻，食物有水準之外😋呢間旺角朗豪坊分店服務超有水準🤗，雖然已訂枱但仍需時等候，經理主動拉凳俾兩個家寶坐👴👵重奉上兩杯暖水🥛非常貼心服務，超👍👍👍#主菜買一送一😜#我地嗌二送二主菜😁 #抵抵抵🤣#德國豬手🐷🤚 #乳豬脾🐖 #德國拼盤腸🥘 #pizza🍕 #麵包籃🥨🍞

星期五晚上跟友人兩個聚會，因為之前在這裡Happy Hour，試過黑松露薯條覺得不錯，所以再來試試他們的晚餐。・每人先來兩杯1L的德國啤酒Wasteiner，入口不錯，麥味不淡剛剛好，大杯啤酒就是爽。。・頭盤是扒烤菇釀德式小麵團及藍芝士，菇烤得不錯，不過上面的無花果跟味道不太配，有點莫名其妙，藍芝士的味道不突出，對於喜歡芝士的人來說會有點失望。・然後是煙牛肉迷你漢堡包配黑醋洋蔥及辣根汁，煙牛肉入口juicy，不像有些會弄得太乾，配上辣根汁把煙牛肉的味道進一步提升，佐以啤酒更是一絕。・主菜是德國式香腸拼盤配燒薯及酸椰菜，4款德國香腸，包括: Bratwurst、Regensburger Wurst、Nëuberger及 Cheese Krainer。每款基本有兩條，分量十足，酸菜味道跟在德國吃的一樣，燒薯稍嫌有點硬，不過整體吃得非常滿足。餐廳環境不錯，位子不太擠，不過就是兩人的話桌子太小，兩個頭盤也差點放不下，要吃完立馬舉手讓服務生把碟子收起來，這個有待改善。下次有機會再來嘗試他們的招牌豬手。

又一次來到Beerliner german bar & restaurant。我之前已經喺奧海城同屯門試過依一間德國餐廳啦。究竟係乜嘢原因令到我一嚟再嚟呢？就係因為佢個買一送一嘅優惠真係好抵。依度必食就係秘製德國豬手，圖中就係侍應幫手切開嘅樣。另外有一款水煮豬手，其實我每一次都想試試，但係相比起個秘製豬手，每一次朋友都會係挑選秘製的！下次同多一些朋友去，就可以利用買一送一優惠食晒兩款豬手啦另外我哋透過買一送一優惠食咗嘅就係呢一款三文魚薄餅。薄餅上面有一啲火箭菜、芝士同埋洋蔥。我本身唔係好食洋蔥但係佢撈埋個薄餅，我食落去呢就唔係好覺有洋蔥味，係可以入口的。最後因為有朋友生日，我哋就叫咗一個甜品拼盤。雖然就唔係話好特別，但係甜品就有一啲酸酸微微嘅莓。食落都幾開胃。啱啱食完豬手，有啲飽飽濟濟嘅感覺，食返啲甜品就啱啱好。提提大家記得食依家一間德國餐廳一定要訂位，因為佢地嘅booking 都係好full。

今日同朋友去朗豪坊呢間餐廳食飯。因為想食豬手所以選擇Beerliner。呢度嘅氣氛唔錯， 餐廳暗暗地 ，好適合情侶傾計拍拖 。我同朋友兩個人首先叫咗個廚師沙律， 個沙律好特別，有無花果同埋其他雜菜， 沙律汁好fresh ， 跟無花果好開胃 ! 是個不錯的前菜。主菜我哋叫咗個烤豬手同磨菇意大利飯。個豬手份量好大，兩個人真係要諗下食唔食得曬 個豬手上枱嘅時候，侍應會體貼地幫你切開幾份的。個豬皮烤焗得好脆口啲肉味道剛剛好 ，好多餐廳的猪手會好鹵鹹，呢個0k唔會鹹 個豬手好大，我哋食咗好耐哈哈! 因為個皮都好硬淨，而且把刀唔係好利 ，之後我哋又要請侍應幫忙再將舊豬手切開。侍應哥哥都好好人幫忙處理 。豬手偶爾食一次都不錯 ，而且呢度處理得還好。之後個蘑菇risotto就到啦，risotto係我最鍾意食嘅飯之一! 個飯軟硬度ok ，味道有濃厚 嘅cream味 ，喜歡 cream cheese 既我覺得味道好好食，食得好滋味。 另外我叫咗杯咖啡，問侍應呢度有咩咖啡選擇，原來只係得普通咖啡，但是$36的，通常西餐都會有個多幾款選擇不過呢度就欠奉了 ，咖啡就真系非常普通。總括嚟講食物係ok的，服務也可以

星期五出旺角食飯..真係到到都未必等到位。搵啊搵，最終搵到黎朗豪坊呢間德國餐廳，一去到岩岩好有位～位於朗豪坊頂層，天花板有藍天白雲既投影，環境一流，又唔會話好嘈，都接受到。環境同氣氛都絕對係適合吹水既地方。不過..可惜食物就比較一般💦呢個拼盤係我地叫既食物入面最好食既。拼盤可以每樣野都試下，每樣食物既味道都唔差，最值得提及既係個炸雞，夠脆，肉質都好滑，好味。黎到德國餐廳，點可以唔叫豬手。不過可能我地唔慣口味，覺得隻豬手偏咸，一般般，無咩特別驚喜。呢個意粉就真係...啲意粉汁好‘杰’，杰到好似..放左好耐凍晒啲意粉痴埋一舊咁。同埋佢有陣香料味，我唔太喜歡。最後因爲慶祝生日叫左碟甜品，餐廳有幫我地點埋蠟燭。個蛋糕就...蛋糕囉😂 仲想點？🤭

德國菜普遍份量偏大，適合同一大班朋友食，今次朋友聚會更專誠早一日book枱。德式香腸拼盤 -呢個拼盤有三款腸仔， 肉質唔太淋，外表有少少爽，芝士腸爆汁大條, 另外係白肉腸，較為細條多汁。三文魚薯餅， 唔係脆個種，食落似pancake 多，但係都幾有口感，不過份量唔太夠。另外點了個魷魚圈同炸雞槌，魷魚圈賣相吸引但入口太硬太乾。炸雞槌就炸得非常香口招牌菜~秘製德國鹹豬手，份量很大的豬手，表皮脆口，味道都ok，皮脆肉嫩，仲要好大件呢個扁意粉 汁少啲，較淡口，我中意，因拼盆腸，味濃，食番淡口既意粉，佢既意粉汁吾夠香味，味道都好淡薄pizza,餅底好薄不過唔係好脆，可以改善一下

正如標題所言，環境正，但食物令人失望。成晚最好食就係個拼盤！拼盤有5種食物，當中炸雞好好味，好脆而雞肉好滑，其他就普通。煙三文魚意粉。佢都算係食我食過數一數二內難食的意粉好乾牙！d面痴埋一齊，食左幾條都五想食落去！話明德國菜，甘係叫德國豬手。豬手個皮五多夠脆，d肉乾，幾難切開！認真麻麻，個配菜薯容正常！ 環境雖好，但應該五會再反轉頭。

今晚來到了朗豪坊頂層嘗試這家Beerliner，門口站着長曲髮的男侍應，態度一般，有點傲慢。但食物不錯，推介羊架肉眼龍蝦餐，龍蝦湯有蝦肉。黑松露薯條醬汁不足，可以向他們索取醬料。

已多次光顧了, 但質素已經同年半前有差距。。服務就更差。說限時90分鐘。我們6:00入座,但到7:00, 只用餐60分鐘, 一名女侍應已夾坐住個Menu問我地仲叫吾叫野食?! 我地碟薯條都未食完想 , 佢就想收碟!最奇是: 門口沒有人等位的! 莫非侍應趕收工?

同屋企人慶祝生日今次啊揀咗呢一間德國野食，環境係幾好嘅，入到去先happy hour吓先啦，先來個黑松露薯條如果多番啲芝士同黑松露會好啲..之後叫咗啲德國鹹豬手配酸菜，個德國鹹豬手層皮超厚超硬，搞佢唔掂...德國香腸拼盤係正常好食嘅，都係鹹酸菜最好食，仲有一個好奇怪嘅餸菜有隻煎蛋係一塊很大的餐肉上邊，其實真係唔係咁好食，另外叫咗個Pizza同意粉，味道不過不失啦。甜品令我有啲失望...

閒日夜晚8點半去朗豪坊搵野食，原本諗住食八月軒，貪佢用AE白金卡星期一至四2個人6點後食飯主餐牌有半價，申請左兩年比足兩年年費都好少用，去開旺角就去享用下優惠，點知咁晏仲要等8張枱，所以轉移左去13樓依間餐廳。其實年幾前都食過一次，食過德國腸、German style 小粉團等都記得味道一般，但係因為口痕想食下炸薯條、creamy野同「唔洗等位」所以又黎過。今次叫做健康返dd嗌左份<German style 鮮果沙律>、<German style 小粉團>（忍唔住又嗌）<黑松露薯條>同Tiramisu 。沙律同薯條好快到，<黑松露薯條>暖暖地、唔脆、唔香、芝士味同黑松露味都欠奉☹️，當時仲比左個藉口佢：可能因為兜亂，即係黑松露同芝士撈哂入薯條度先上碟，所以算吧。 <鮮果沙律>有好幾種生果：青蘋果、啤梨、無花果、橙、提子等等，每樣兩三粒咁，仲有少少芝士同合桃，$98比個人refresh一下都還可以啦，不過老實生果就唔多新鮮，橙更加係有陣變左嘅味，明顯係切定嘅... 之後上埋<小粉團>，份量好

去朗豪坊食飯要等位是常識吧，今日去朗豪坊本身想食壽司，但好似要有排等，我哋都係退而求其次，去咗頂樓呢間德國餐廳， 10分鐘唔使就入得。一坐低冇幾耐，朋友就叫咗兩杯德國啤酒。送啤酒嘅最佳良伴，就梗係薯條啦！我叫左我最鍾意食嘅黑松露芝士薯條，雖然芝士味都唔係太過濃，但係黑松露味道嘅清香搭救，真係好邪惡！不過呢個薯條份量超級多，幾個人share先好order啊！三文魚薯餅都幾特別，個薯餅係用煎嘅方式烹調，都唔錯幾好食，但我就覺得同三文魚唔係太配襯。我哋仲叫咗一隻豬手添，店員仲會幫我地切埋，啱晒我哋呢啲懶人。個味道都唔錯㗎 ，不過層皮就可以再脆啲。