Beerliner German Bar & Restaurant (朗豪坊) (Closed)

生日飯，朋友選呢間，我係openrice search完發現原來我食過愉景灣分店，當時叫左盤腸超好食，份量多到食唔晒，但好食到連盤都想食埋，可惜貴租執左，今次難得重遇，好開心食完之後同朋友一致負評，原因係唔好食我地一人叫一個lunch set,講真個磨菇湯足料都幾好飲，好願意添水，同埋地方好坐，其他冇樣好啦⋯⋯腸腸肉質鬆散，就算冇咁散果隻又唔見得好惹未，同我兩年前食嘅兩回事，卡邦尼好杰好漏但係又唔係多汁好乾，最驚係炸魚，魚肉唔係一片片，個炸粉仲要厚好似食餅咁，食一啖，就好似食夾心餅咁送嘅甜品反而好少許，係椰茸蛋糕，本身一般，佢配埋個雲尼拿醬令佢味度提升一句，一次就夠了

pizza 皮又脆又薄 中間仲有熱辣辣的芝士 真係要熱食豬手卷好足料 配埋啤酒飲， 好夾 ,一流fish and chips 朋友薯條每一條都粗粗的 香香的 沾埋佢個他他醬 停唔到口其實仲有好多菜式想試但2個人真係叫唔到d 咩菜岩一大班人食一邊飲酒 一邊吹水 好chill

朗豪坊頂樓有個假天花令到呢度嘅餐廳好好氣氛，今次揀左Beerliner試下德國菜😛識坐一定係坐出面😆首先嗌左個匈牙利肉湯😝好濃肉味，不過覺得就咁飲太鹹，配湯塊麵包又太細塊，飲到後期會覺得好漏😨3人食飯緊係嗌反個拼盤😁食物種類好豐富，炸雞槌炸得夠脆幾好食，煙三文魚卷配搭得唔錯令人覺得唔會死鹹，魷魚圈略嫌粉厚左dd不過味道ok，仲有個撻同肉批一般般啦食德國菜點可以冇豬手😂今次嗌呢個係燒豬手，外皮脆脆的，肉好嫩好多汁，好味😁不過配菜就唔多岩我胃口😂最後仲有個龍蝦汁意大利飯，實物同圖片實在差太遠，泥到個色完全唔似平時食開果隻龍蝦汁，食落更加覺得中伏😖飯粒中間好似未熟曬咁，個汁味道又怪怪地，呢個真係要black list💔

在旺角朗豪坊商談業務, 傾完正事, 就緊係要輕鬆下, 大熱天時, 當然不行出去了! 近近地, 坐 lift 上 13樓 Sky Lounge 揾間 bar 嘆杯啤酒先靚靚啤酒小姐 推介德國生啤 Kellerbier: 含有焦糖、蜂蜜和梨子香味, 我個人是喜歡生啤的,可能不是隨意買到 感覺高貴 d, 嘻嘻, 事實也是好好喝的!友人喝 Vitamin C, 增加免疫力, 祝願病魔遠離她! 咪做夜猫子,早睡早起,去運動下啦!扒烤菇釀德式小麵糰及藍芝士 Portobello Mushrooms ~ 菇味十分香濃, 加上藍芝士, 好吃好吃

同兩個朋友相聚搵個輕鬆啲嘅地方食下野，飲下酒傾吓計，來到餐廳我選擇左餐廳露天的地方，氣氛不錯。我們6:30到，是happy hour 時間，飲品有優惠，我叫左紅酒x2,兩個朋友不飲酒的，叫左冇酒精嘅雞尾酒各x2，佢哋話味道都幾好。食物方面我哋點左炸魷魚，炸豬手同埋牛扒，炸豬手味道幾好，皮脆肉滑。值得一試。牛扒叫咗五成熟嚟到嘅時候七成熟以上，有點失望最失望的是八點十五分未夠，侍應新提醒我哋8:30要交枱，由於想傾心事的原故，我哋食完飯就要急急腳轉場了。

同朋友即興約會就是但揀左間餐廳先, 雖然係平日, 但都要等一等位, 好彩都唔係等左好耐, 我地安排左坐係餐廳出而d位, 燈光就暗d但都幾有氣氛, 又唔會好嘈, 岩哂係度慢慢傾計~特色拼盤呢度有5樣野食, 份量夠哂4個人食, 整體每樣都好味, 叫拼盤感覺抵食d, 可以一次過食唔同小食黎到重頭戲-德國咸豬手呢到既店員首先會原隻上, 之後會俾時間我地影相, 影完會就會幫我地切埋tim~呢隻豬手真係好味, 個皮都幾脆, d肉咸咸地, 仲有酸菜同薯蓉配埋一齊食

無影相，因為都係普通野 - 咸豬手、腸仔咸豬手係我食過最難食既，沒有之一。作為德國餐廳夠膽賣D咁既豬手，只能講聲佩服咸豬手肉質勁UN，明顯overcook、好多根，結果要拎牛扒刀，都仲係好難切開最經典係個豬手皮，完全唔脆，又un，豬皮表面平滑沒有正常焗後起的泡泡明顯是篤豬皮洞洞時不夠，我甚至懷疑係咪無用肉針篤過。我自己煮都好味過佢十萬倍!咁易煮都可以夠成咁，no next time。結帳時同經理(?!)反映食物質素，經理話會同廚房講。其實跟鼎爺學煮燒肉都幫到佢。至於果個socalled award winning sausage，sorry，完全唔明過人之處。

上星期三位好朋友請我食生日飯，好想食德國豬手就諗起朗豪坊這一家美味的菜式。他們的happy hour 時段由六點鐘至到九點鐘, 每一杯飲品差不多有八折, 精美又美味必食的招牌德國豬手加上他們特制的薯蓉和酸菜，真是不能錯過。跟着order有六款不同的德國腸，味道不是一般餐廳媲美的，雖然食幾舊已經覺得很飽，但忍不住又再食多幾口更加喜歡他們的凱撒沙律，配上新鮮的無花果清甜無比還有皮薄香脆的三文魚Pizza飽也不能錯過朋友們點了甜品tiramisu 作為我的生日蛋糕， 帶一點咖啡的酒香，怎能忍口不吃她呢！四個人share一份甜品真是大滿足

今日朋友約我來慶祝生日！呢次係第二次嚟喇！好鍾意呢度嘅環境！因為可能六點幾食，唔會太多人，又可以靜靜地可以傾吓計！前菜叫左幾隻雞翼，還不錯的！豬手一樣保持水準！德國腸大件抵食之選！因為朋友買左蛋糕，要叫一個甜品先唔會收切餅費！不過個甜品都不錯的！係蘋果批加雪糕！當然係影相影到個雪糕都溶咗啦！順帶一題，有個男待應影相好專業！一次影好多張！張張都靚！是日仲有主菜買一送一優惠！全單先$500幾！超抵食！又唔會趕你走！可能當日唔多人啦

星期六約咗兩個朋友聚舊，有人提議3個女人不如嚟個貴婦high tea﹐於是我諗起朗豪坊Beerliner，因為之前見過佢有tea set﹐都想試下。Beerliner位於朗豪坊商場頂層，因為只有食店，所以少咗一批行街shopping嘅人，唔使同人逼，加上樓底高，地方寬敞，檯與檯之間有足夠空間，傾計都唔會嘈到人。下午茶係冇得訂位嘅，2:30pm左右可以入坐。我地點咗1個悠閒三重奏下午茶套餐，價錢$188已包2杯無酒精飲品，再加1個House Sausages同1杯野飲。我飲嘅係Hula Hoop﹐熱帶風情嘅感覺，荔枝、菠蘿、芒果、蘋果，仲有兩粒Raspberry係面，夠晒靚靚。朋友飲Ginger Lime 同埋 Berry-licious, 佢地都話好味。主角high tea套餐係三層嘅架，頂層放咸點，中間放pizza﹐底層係甜品。除咗個pizza幾好食，其他都唔係特別好食，可能始終係德國菜嘅餐廳，所以整呢d小點甜品野唔係佢主打。另外點嘅House Sausages反而幾好味wor﹐有3條腸，有d酸椰菜、薯仔、一隻甜椒、一條煙肉露筍卷，如果份量大多少少就更好啦。下次嚟都係點返d德國菜式好

今日一收工就好肚餓..所以六點幾就食晚飯餐廳做緊主菜買一送一..見好似唔錯就試下啦..啤酒happy hour有折..不過唔記得幾多折..餐廳話呢兩款啤酒係獨家架仲有德國餐廳必嗌豬手.. 侍應上菜之後問我哋需唔需要切開同埋影相先..好貼心呀..皮有d硬但係唔脆..隔離係薯蓉同酸菜..味道唔錯.. 德國腸拼盤..有芝士腸有辣腸同傳統德國腸..上面d伴菜有草青味唔好食..成碟野好油膩好飽..差d食唔哂...

同一大班朋友食飯一係放題邊爐 食都食到悶其實德國菜都係一個唔錯既選擇因為份量多 多d朋友食仲可以叫多d試多d tim一早訂左位 不過到左都要等一陣先入得～呢張墊枱紙幾得意一開始睇餐牌 樣樣都好似好好味好想食服務員都有主動介紹最後揀左呢幾款德國香腸拼盤 好味德國菜唔少得既豬手 個皮好脆 服務員提議將手機開住閃光燈放係啤酒標底影影得好靚呢個牛扒好好味唔會太韌同乾 好juicy不過好大份 真係要多人先食到呢間餐廳 環境好 上菜又快值得推介

特意上朗豪坊這間德國餐廳，燈光微暗，天花投射天空影像，播放著音樂，氣氛一流，現場不少人點了啤酒，促膝談心。我們沒有點啤酒，但點了不少菜式，每款味道都不錯。飯：口味香濃德國香腸：一盤香腸有多款味道，外皮脆，肉味濃，熱辣辣，好味道豬手：超大份，侍應會幫忙切開一部分豬手，一切下去，聲音清脆，果然一吃，外皮很脆，配酸菜，味道匹配，不油膩麵包配火腿、酸菜：眼看平凡，但味道不錯，口味清新雞翼：味道香濃可口，外皮稍脆

比起葵芳果間差我之前係葵芳食，覺得好好食，所以就食多次，不過今次係旺角朗豪坊食，味道就差好多。我地叫左招牌腸，以為應該好好食，點知好乾，一啲都吾juicy ，我仲要點大量茄汁令佢juicy d，所以好失望，之前葵芳果間係好juicy 㗎。又叫左沙律菜，味道一般，sauce 吾太夾。啲菜都算新鮮嘅，所以都有繼續食。仲叫左白酒忌廉青口，味道算吾錯，青口都入味，連忌廉食，又吾會太濟。2個女仔賣單食，就4百幾，價錢中上，但味道就真心失望

第一次约会网友，到此聚餐。原打算慢慢食，消费差不多六百多元。味道不错，但服务差劲！每碟食物，我们吃不到三分二，便急急收下，趕客人走。上座時並没有说明時间，實質用餐時间不到一小時。那天也没有客人在等位，閒日晚上星期二。不吐不快！！！