Video
Read full review
2000-12-04
31 views
先講下呢間餐廳個大廚,名叫Joeri Schreurs. 年行19~比利時人,年紀輕輕可在一間高級餐廳任總廚,的確唔簡單...活生生比利時的"味吉陽一",~~~來頭唔細,曾在歐州,越南等地酒店擔任廚師.19歲之齡成為大廚可算異數,等同16 歲在愛立信方程式排頭位的盲亨之子詹家圖.,16 歲的Rain 已走紅娛樂圈,仲有當然唔少得十八歲就踢英格蘭仲入波的奧雲啦~~(離題喇)Belgo,s East 不是可能...,而係直頭是全港唯一一間打正旗號比利時菜餐廳,更可能是全亞州唯一的比利時餐廳,所以話香港不愧為美食天堂呢~靜靜地坐落在太古坊的Oxford House 地下,~環境幽美落地玻璃,但係個view 真係沒有睇頭.~記得年頭小弟在London 亦品嚐過比利時美食,個名亦都係叫"Belgo" 相比香港這一間,環境非常地mau,在地庫密不透風,黑沉沉仲要搭檯,好在果日尚算人強馬壯....好似Everfree 都在場架~哈哈!比利時以我所知有三種國食mussel,朱古力,啤酒),講開啤酒小弟在London 飲過一隻士多啤梨啤酒,一直念念不忘~看看這處可否重拾舊歡? 好不幸地昨天是周五,一早俾
Belgo,s East 不是可能...,而係直頭是全港唯一一間打正旗號比利時菜餐廳,更可能是全亞州唯一的比利時餐廳,所以話香港不愧為美食天堂呢~靜靜地坐落在太古坊的Oxford House 地下,~環境幽美落地玻璃,但係個view 真係沒有睇頭.~
記得年頭小弟在London 亦品嚐過比利時美食,個名亦都係叫"Belgo" 相比香港這一間,環境非常地mau,在地庫密不透風,黑沉沉仲要搭檯,好在果日尚算人強馬壯....好似Everfree 都在場架~哈哈!
比利時以我所知有三種國食mussel,朱古力,啤酒),講開啤酒小弟在London 飲過一隻士多啤梨啤酒,一直念念不忘~看看這處可否重拾舊歡? 好不幸地昨天是周五,一早俾大量酒鬼喝光~下次吧....
個外籍manager 個樣有點似....唔識講~有機會睇下歷史書,睇番二十世紀初的歐州男子個樣你就會明架.~
不過來到沒有可能唔叫啤酒呢~聽個waiter 推介便點左一杯酒精比較少的Bel Pils,入口淡淡地有點像Budwiser.
其實對比利時的認識局限於安德衛普六子,小弟最愛之一Martin Margiela,...等等~W< 我真係唔buy.!仲有都記得安德烈治在歐冠爆大冷首名出線...............不過比利時菜,今晚又曉一點點..
奉上新鮮出爐的豬仔包,任添..o岩o岩出爐梗係好好食,隨麵包上的...........唔知係乜野醬.味道有點似沙甸魚..搽上熱騰騰的麵包,就係咁refill o左兩次,不過點好食都好,請留肚食其他美食..
對我這個"湯王" 來講,沒有湯好像不像樣,點左客"Shrimp Bisque"..看外表好像龍蝦湯,但只不過係得大蝦一隻.落酒份量好重!唔飲得酒的人仕最好點個daily soup好喇~
未到mussel 先奉上剛剛炸起的薯條,若果唔好食得過老麥,該抵打,好在幸不辱命...薯味比老麥重得多,size 都粗過老麥.
點o左一pot regular size 的mussel ,用白酒煮,一揭改蓋,唔多對路.??
我在London食過,又或者在Baby Blue,再或者Orange Tree..mussel個殼係全黑,但係這處的青口....真係青色????心想是否非比利時入口,而是本地薑?不過也沒有所謂.~味道四個字爽,甜,無沙),入口真係同本地有點分別~~莫非今天時運高? 個白酒汁若果用來點麵包都不錯
主菜:Belgos East Crevettes"是一個大蝦帶子墨汁闊條麵,大蝦中間灣位釀o左粒大大粒帶子~好爽口,唔錯,墨汁闊條麵真係一絕,闊條麵做得非常出色唔甩色仲好彈牙,個汁用左少少酒黎煮,結果係我要再re-fill多一客麵包.....
女友點o左個"Stoemp Saucisse", 係一個野豬腸做出來的菜式~做法是將野豬肉搞碎,撈上大量材料來,之後就"jit" o左條野豬腸出來.味道都好特別但係不似食緊野味..女友對此菜讚不絕口,個汁係用啤酒做出來的芥末汁..都好特別~難道比利時人真的無酒不歡?雖然女友對此菜讚不絕口,不過一見伴碟的紅菜頭和mash potato 就面色都變晒......
地理位置比較吃虧少少~太古坊平日仲旺過假日呢~四周都是office~好多在這兒工作的人在放工後都會因利成便在呢頭晚膳,happy hour,呢~假日佢地唔會返o黎架~一星期做足七日咩?若果在soho 開的話~假日一定大收旺場~
V.V兄~周五飯局多一處好地方選擇喇.有幾張長檯,可坐十個人~適合一大班人來剝剝青口隊o下啤,但係最好下次叫埋自稱對table manner 好有心得的俊男飯局,我真想看看食青口的fine dining 版係點樣食??
Post