Bella Shine (Moved) New Location

Bella Shine is an ideal place for dinner or gathering. Lobster bisque is very yummy 😍😍. Cod fish with beer sauce is done right. Pork knuckle is criskpy and not too salty. Soft shell crab linguine is very creative. Coffee is smooth. Thankyou Tik for second 😘 Good value for money, will definitely come again as they change menu quite often.

觀塘工廠區勁多隱世美味餐廳, Bella Shine絕對係其中一間, 之前同老婆夜晚去過幾次, 豬鞍同個招牌甜品Dancing Heart都令我地回味無窮, 次次去都必點呢兩樣食物😋今次碰巧因工作要係觀塘Lunch, 當然要上去試埋佢嘅Lunch Set啦😆 我12:00已經到, 可能太早, 所以仲未有其他客人, Lunch Menu選擇都唔少, 可惜冇我最愛嘅豬鞍, 咁唯有點牛扒試下啦. 沙律同餐包都正常, 唔差不過冇乜驚喜, 個主菜安格斯肉眼唔錯, 外層香口, 肉質鬆軟👍set lunch大部分價錢都within100蚊, 幾抵食, 不過我都係比較鍾意夜晚黎食豬鞍多d😋門牌唔似係工廈入面😁熟度剛好👍安格斯肉眼價錢合理

Book左12:45食lunch,工廈係比較舊式,但都好易搵上到去職員安排坐窗口高位,舒適又有街景。餐廳都幾大下,一大班人黎食都無問題。一坐底就有牛油擺上枱,平果好少有呢隻餐包,有乾果同提子乾喺裏面,而且焗到熱辣辣搽上牛油即溶,本人好鍾意食!頭盤分別有番茄湯同埋芝麻醬菜沙律,兩樣都分別叫咗各一因為同朋友分享。個番茄湯熱辣辣而且有蕃茄渣,酸酸甜甜好開胃！沙律都新鮮到咗主菜朋友叫嘅牛扒賣相不錯,但本人唔食牛所以無試味,我叫嘅燒春雞有半隻,皮脆多汁,雞髀肉好滑同咪雞胸都唔會好乾好硬,唔使點個汁都夠味,配菜都好新穎,好食！最後配返杯凍咖啡,奶同糖漿自己落,都幾好飲。呢間餐廳價錢同食物質素都好合理,好推薦觀塘同牛頭角一帶嘅上班一族黎試吓個比較休閑嘅午餐,放假黎食下野都唔錯

觀塘既舊式工廠大廈有好多好野食某日放工去左Bella shine食飯餐廳既格局唔錯 窗邊有幾張高枱我幾中意坐木既高枱高櫈望住街外人來人往既道路同朋友點左意大利煙腩明太子溫泉蛋闊條麵仲有軟殼蟹天婦羅咸蛋黃扁意粉加$10可以有生蠔 第三隻開始$28生蠔仔細到好似食緊青口咁一上菜同朋友仔一齊笑左兩個意粉creamy得黎唔漏幾好食佢個餐牌上其他主食都幾吸引平日夜晚都幾多人去食除左小青口 總括都係好西既一餐餐廳嗰層架𨋢個鐵閘貼左首詩幾得意

今日特登出觀塘試下新野，呢間環境都幾舒服，又近地鐵。叫左個set lunch ,個包熱辣辣，幾好之後黎左個豬扒薯容個豬都嫩滑可惜份量太少唔飽唯有叫多個串燒串燒都幾好食間餐廳都幾好，可惜份量太少番左屋企要食多個面

由於今日返中班，所以返工之前決定食個靚午餐， 見到依間 Bella Shine係OpenRice 嘅評語都唔錯，果然無令我失望！Bella Shine所處嘅巧運工業大廈喺駿業街嘅大十字路口，便利店隔離，一d都唔難搵上到去面門很簡單，但一定不會找錯地方由於時間非常早，未到中午食飯時間，所以我做左第一個客，可以好好咁影到靚靚既環境午餐set有6款，價錢由相宜的$68至到$118都有，豐儉由人。而我話左今日要食好野的嘛！唔食牛的我當然要揀E餐，扒美國黑豚肉配蜜糖芥末燒汁主菜未到之前，有熱辣辣既餐包仔，有別於一般既油包，依個有小小芝麻再烤到表面有小小脆脆地，配上牛油真係太美妙了餐湯有紫薯湯。最近紫薯十分受到追捧，好多餐廳都有紫薯食物，但多數係甜點。點知我飲第一啖就差d<喔>一聲叫出來！原來是咸的紫薯湯！質地有點像煲到起沙既紅豆沙，但更順滑。而且好香既紫薯味到主菜扒美國黑豚肉啦黑豚肉外層煎得香脆，而內面肉質爽口但嫩滑，而且好juicy ，每一口都係充滿豚肉的油脂香氣。至於蜜甜芥末燒汁味道不是坊間多數的味道，Bella Shine的不會芥末味太過重，同燒汁的味道好夾最後埋單不用$1

今晚又到觀塘工廈覓食，見到Bella Shine 係openrice 評價都唔錯，不妨一試。星期五晚全場滿坐，雖然坐得都舒服，但如果想傾計其實都有D嘈。頭盤賣相唔錯，但味道一般，反而係個包幾好味。黑松露忌廉磨菇湯 - 朋友想試黑松露忌廉磨菇湯，有濃郁黑松露香味，但質感較稀，感覺餐湯更美味。日式胡麻蟹肉沙律 - 正常沙律的味道，分量都算足夠的。炸豬手 - 分量十足，但皮炸得唔夠香脆，反而都幾韌下，幸好個肉都滑，加上特配醬汁都唔錯。軟殼蟹天婦羅咸蛋黃扁意粉 - 意粉滲出咸蛋香味，既係西式意粉，但又有中式的感覺，非常特別，而且都好味。甜品比想象中出色，各樣都唔會太甜，為晚餐畫上完美的句號。整體而言，食物質素唔錯，但性價比唔算特別高，晚餐套餐基本要$200 ，只可以話一分錢一分貨，都算係合格過得去既。

週末的不愉快用餐經歷，提醒本人以後要更加小心d search餐廳去幫襯Positive: - 因為book左枱，BB凳同BB餐具都預先擺好左，阿囡見到都好開心- 唔驚會口喝，因為成日有人留意加水- 餐湯 (南瓜忌廉蟹肉湯)、餐包 (少少暖) 同頭盤 (頭盤全部都係凍食) 都好快上Negative: - 主食(牛扒、炒闊條麵) 竟然要差不多1個鐘頭後，經2次催促後先上菜 (因為見佢出餐速度都唔快，同埋估計廚房唔大，所以好後期先催)，餐廳order/上菜個techical & manuel system，樓面之間，樓面同廚房的溝通 (或者連埋廚房入面)，存在不少問題、欠默契和合作。最後搞到阿囡冇晒用餐心情 (佢好少會出衢食嘢忟)，當然作為父母都冇心情久留- 成個頭盤仲有3分1先食完，侍應ss好急問洗唔洗收起... - 講真，味道真係無乜驚喜，只可以說是同級的中間位置，價錢無非取巧於頭盤同甜品以拼盤式呈現，所以套餐要加$88，性價比偏 low。總之，本人好耐冇寫食評，但當晚感受深刻，都係要寫一寫

悠閒周末下午又去觀塘工廈搵食今次試呢間好高排名的西餐廳Bella ShineOpenrice好多好評所以都有點期望星期六lunch time冇乜人，幾靜環境唔錯有lunch set包湯或沙津，主菜同飲品但主菜只有6-7樣揀而且唔太吸引但價錢平基本上局你揀lunch set，餐牌其他食物貴一倍仲要加$88先可以轉餐，但當然食物較吸引，但為荷包著想都係揀set lunch. 餐湯水準不錯，好濃味的蕃茄湯，明顯用鮮蕃茄做👍🏻 麵包都值得一贊，新鮮焗出，麥包好香外脆內軟，不錯！我點左最平的意大利肉醬螺絲粉，有驚喜地附上溫泉蛋。整體夠哂味，溫泉蛋煮得啱啱好，但講真肉醬意粉都好難煮得太難食既..朋友揀左雞扒配珍珠飯，認真一般，雞扒味道較淡亦唔太嫩。整體麻麻。豬扒set冇配意粉或飯，份量相對少，以圖所見只得薄薄3片咁大把，唔太夠食，水準亦係一般。整個lunch感覺比較名過於實，可能晚餐會有更多選擇，平價set lunch質素就一般。

今日入左觀塘買手機套，剛好到午餐時間就去食個飯，中西料理餐廳？中午原來供應西餐，晚市主打日式食物。時間尚早人客唔多，等一陣餐廳已經滿座午餐選擇都算多，仲要免加一粟米忌廉汁。粟米蓉香甜粟米味濃香，忌廉幼滑唔會好膩，香滑好岩我胃口。香草麵包。香草味香香的味道重，麵包暖暖鬆軟。咖哩吉列豬排飯。咖哩汁濃香辣度不高，甜甜的非常滋味。醬汁份量多拌飯非常合適吉列豬排保持脆口，炸粉不多肉質爽嫩不會乾身。喜歡豬排不會太油膩

今日同男朋友去左觀塘食飯，特登坐車去觀塘搵佢，佢就帶路食好東西工廈入面都有餐廳，今日去間中西料理餐廳。假日都有午餐仲要免加一。另有散叫餐牌。我要左個黑醋汁沙律。沙律爽脆唔會好乾，黑醋汁酸酸甜甜好開胃。咖哩吉列豬排飯。咖哩汁好香好濃，醬汁份量好多入口唔會好辣。吉列豬排脆口唔會浸到好霉，外層炸粉夠薄豬肉爽嫩唔會乾身，好驚喜咖哩汁送飯好正呀白桃乳酸汁。白桃味香甜，乳酸味道酸酸的好突出，非常開胃甜度剛剛好。

我都係TVD介紹咪來會吓個午餐，希望不會太中伏！工厰大廈的特式是無外在美，是常識吧！餐廳內有自然光照入，如果坐近窗望出街外風景也很悠閒，except 星期一至五lunch 繁忙時間！佢星期日都開嫁！先來個煙肉忌廉湯，足料煙肉有嗌口，配個香草包包，味道👍！order 左澳洲黑安格斯肉眼扒配燒汁，7成熟，雖然澳洲安格斯是不及美國安格斯咁有牛肉味，但勝在夠琳，配菜也豐富！但朋友前天來試過，投訴說有肉根😓仲叫左6成熟！燒鯖魚ok juicy , 飯軟綿綿的飯含3成珍珠米、7成絲苗米。加$18有的甜品，不知是什麼餅配白葡萄酒雪芭，無味！上面呢個waffle $58 再比＄10額外多一球雪芭，脆卜卜waffle, 回味無窮！上面兩幅圖名叫＂心動一刻＂，係將熱騰騰的朱古力溶槳淋到白朱古外殻上，溶化了外殻便見內𥚃有少量生果丶朱古力蛋糕丶白葡萄酒雪芭⋯⋯⋯⋯中伏，超甜耶耶，為lunch 打一個絕號，食完反胃！

第二次再來位於觀塘工廈內的餐廳也是週末的下午時分先食飽飽再出發塊影相環境是頗開揚的 而且光線充足感覺很舒服 適合假日時來休息一下以嘗新的心態點了set d首先來的是附送的餐湯與餐包加了半片牛油於餐包內吃味道已經很好 餐包鬆軟這次的提子餐包 偏甜我更喜歡上次普通的餐包～終於等了大約15分鐘左右主菜來了外型不錯 用上了類似陶瓷的碗盛着雞件大約有5,6件左右 雞煮的時間剛好 肉質都夠腍亦有少量配料薯仔 瓜類等以泰式青咖哩來說 是偏咸 而且不夠辣另外印度烤餅有三小塊上菜時是微熱的烤餅是偏脆 冷了後變得硬身點上了咖哩後 味道與口感較好最後喝了杯熱Hazelnut latte(+$12)味道較甜了點～但在這樣舒適的環境來享用午餐是頗放鬆的這樣才是我的good holiday!

今晚要去觀塘攞玩具，行過駿業街，係街上收到傳單望望都ok，便上去食過晚餐，餐廳都好大，最特別係有兩個人咁大嘅盔甲放了在餐廳內，好有氣勢！餐牌內食物有套餐同不同食物選擇，而較彈性係可以係其他主菜上加錢後變套餐！反正一個人晚餐點了個輕煎日本帶子黑松露意大利飯$128，加多$88變套餐，有頭盤、湯、甜品、餐飲，雖然同個飯差不多，但都比個原本餐牌內嘅套餐便宜！買完玩具要食便宜D!頭盤係日式先牛蒡沙律配泡菜豆腐同士多啤梨配藍芝士醬，最突別係個士多啤梨配藍芝士，個味道濃但有新鮮感！而個湯就係白松露泡沫南瓜蟹肉湯，南瓜味道濃郁，入口感覺到南瓜容，蟹肉鮮甜！主菜係輕煎日本帶子黑松露意大利飯，一對大大隻嘅帶子放在飯上，帶子肉質彈牙爽口，另外飯中就充滿了黑松露嘅味道，加上個汁，入口時感覺到飯身香滑軟熟，真係一個唔錯嘅選擇！最後甜品係一客三款不同嘅，日本麻薯、紫番薯雪糕、抺搽和果子，一次有齊三種口感，唔怪之得套餐要加錢啦！真材實料！嘆埋杯餐飲凍香滑咖啡！又一餐！

朋友一直想試因為見到OPENRICE 好多好評雖然見唔平都去試一試啦咁因為性價比實在太低 唔值我都忍唔住打出人生第一次食評因為本人無影相習慣所以信不信由你無所謂叫左豬手, 意粉 , 豬助骨 同特價生蠔總括黎講生蠔最好食( 唔洗佢地煮既野 )豬手同豬助骨都完全無肉味豬手唔知做咩會成隻拎去炸, 只有唔新鮮既食材先會咁做個人認為你地可以過去澳門參考下人地點整仲平過你地好多唔知你地哪來的自信去收LI 個價錢 可能因為請得太多行行企既人意粉就係一個普通既意粉同殺你亞差唔多所以性價比唔高另外服務態度有待改善老實講你地個MENU 寫得好唔清楚 應該再整合下其實唔係有問題我都唔想問你地我唔係真係搵野黎做我唔好同朋友屋企人傾多陣享受晚飯我地都只係問多一句都無兩句你個樣就唔耐煩果位上左年紀既男員工如果你係老板, 咁算啦, 你改唔改善由你, 間餐廳係你既如果你係員工, 你收得人工, 唔該俾返工作崗位既態度, 每一個崗位都好重要特別係工廈 服務態度 環境 特別重要 商場咁多餐廳人地點解要特登行去你到食工廈餐廳口碑比一切都重要人地先會返轉頭唔係就一試無回頭如果你唔明白一個顧客既終身價值好難再經營落去BTW 上左