Bench Cafe

Open Now

Now Closed

佢個menu 真係好簡單，同我想像中好唔同，因為佢其實食的話係得一頁😂😂😂平日的晚上黎到真係好似包場咁，因為7點去到差唔多8點都係得我地一台客，如果想同朋友傾下計都幾唔錯要講一講呢個店員，都佩服佢，因為佢一個人做曬落單，沖野飲同煮食，manage 得好好，勁～拿坡里辣肉腸意粉（$90）味道唔算好濃，辣肉腸粉量都幾多。有唔同調味料，黑椒、芝士粉、洋蔥同埋車厘茄，所有野都幾夾。黑松露貝夏媚白醬蟹肉手工千層麵 ($98)份量唔係好多，一個正方形咁，岩胃口細的人，因為如果share 的話，2－3啖就應該食完蟹肉係有鮮味，肉料都幾豐富，佢焗出黎的人手製作意大利皮岩岩好，會係想食完再食。 Greentea latte 雖然佢個樣唔太討好，但一飲就有surprise~抹茶好香，同奶ge 配搭好好～飲完其實即刻飽左。

睇錯左11AM先入得 結果係門口坐左半個鍾 好傻仔 記住平日係開8半呀 假日先開11~今次黎係睇中呢到食物,唔係環境環保唔係大架 得幾張台 不過野食覺得唔差,不過無咩人就幾舒服食咁多野 埋單先290蚊 好抵食!!!2飲品2MAIN1甜品MATCHA LATTE好淡好希 唔濃郁~LUNCH SET+$20MENU上係LONG BLACK,但個人喜歡AMERICANO,所以叫哥哥轉左~LUNCH SET 免費的傳統的TIRAMISU 是最近最喜歡的甜品蛋味唔算濃厚 但酒味好濃 CREAM亦好滑身 唯一係手指餅唔夠淋但都好好吃~黑松露手工千層麵 $110芝士真係比得勁大方  上面都包住好厚既芝士!好溜 哈哈反而入面既蟹肉白醬幾好 唔溜 加上上面既黑松露 好夾!煙三文魚牛油果全日早餐 $110牛油果好新鮮 又淋 好吃 原本以為係普通吐司原來係橄欖油意式番茄包 烘烤得脆脆 好好食!!中間係手工蛋沙津 有別於既炒蛋 好吃~~

-傳統意式卡邦尼意粉 $82-雞蛋布甸配酒香糖漬櫻桃 $58-朱古力(凍) $43-位於荃灣廣場附近日系工業風café,簡約舒適.窗口位好適合幫食物打卡,尤其係下午時分太陽既自然光真係無得頂( ´▽` )ﾉ 就算係夜晚,店舖入面既燈光效果都非常好👍🏼(仲有free wifi提供喔)-卡邦尼意粉/ 意粉質地咬落偏硬,醬汁方面只係用蛋和芝士製作,所以比較黏韌.配菜加上咸咸既煙肉粒,令味道更加豐富.(煙肉粒真係好香ꉂ(ˊᗜˋ*)。)-雞蛋布甸/ 見好多人都話係必試,終於試到🥰布甸口感滑溜( ´▽` )ﾉ焦糖糖漿好甜但又唔會蓋過布甸既蛋香.仲有微微酒香🍮-凍朱古力/ 好濃郁既朱古力,表層仲鋪滿朱古力粉,但又唔會甜得滯.超級冰凍,好好飲ꉂ(ˊᗜˋ*)。

今日約左朋友係荃灣廣場附近等，荃灣廣場就連鎖食肆為主，我們興趣不大；行出門口大壩街，成條街都係食肆小店，比較岩我地一路行，街頭行到街尾，好物尋歸底，我地就揀左街尾轉角位既呢間「bench cafe」裝修乾淨簡單，文青風，感覺舒適店內既枱唔多，但唔知係咪因為係街尾，開頭以為6點鬆尚早所以少人，但食到七點幾都唔算多買咖啡門口坐既會多d但咁樣反而可以食飽坐一陣傾下計，無咁大壓力，最怕門口一班人等，想坐多陣都唔好意思開放式廚房，落單即煮餐牌款式簡約，主要係全日早餐、意粉、咖啡及甜品本菇雞肉配溫泉蛋意粉$90意粉係扁意粉，份量都幾多，雞肉都唔少，配搭洋蔥及本菇，幾惹味牛肉醬手工千層麵$110即點即焗，非常香噴噴又夠熱班戟配糖煮雜莓及movinpick雲尼拿雪糕$90名牌子雪糕味道不用多說又香又滑雜莓份量多，班戟份量大，邊位好香脆，味道

荃灣區真的食肆林立，不但有很多大型或小型的食舖，也有很多新派的，年青人創業的小舖 cafe. 頗有文青感覺。荃灣芙蓉街也有一間頗有風格的小店舖，售賣輕盈的食品，種類雖然不多，主食有意大利粉、全日早餐，其餘也有自家手工甜品。我們點了2份意大利粉： 本菇雞肉溫泉蛋意大利粉 - 雞肉調味適中，肉質鮮嫩，配以珍珠菇及泡製得合到好處，不會過熟的溫泉蛋，襯托著粗粗意大利麵條。日式拿玻里辣肉腸意粉 - 意粉軟硬度非常適中，辣肉腸煙煙韌韌，辣味不錯配以新鮮車厘茄伴碟。還有一點了兩杯飲品，鮮奶咖啡，咖啡味濃郁拉花圖案很美。另外一杯是薑十檸檬茶.薑味十足配以檸檬味的清新再加香濃的茶味，絕配！最後還點了一款甜品法國檸檬批！檸檬味入口清新軟綿綿的吉士醬再配以鬆脆的餅底。為這一頓美味的晚餐畫上句號。

💛Bench Cafe 開左唔算好耐，見到佢呢度有千層麵食，所以就一路都好想黎試🤤lunch menu 選擇唔算好多，基本上都係啲意粉、千層麵同All Day Breakfast咁。唔係間間cafe都有千層麵食！所以好開心黎到呢度有得食。同埋呢度既甜品menu好多😍見到佢既tiramisu、雞蛋布甸同埋pancake都好多人推薦，所以都嗌左個甜品食！午餐嗌甜品可以減十蚊，同埋包一杯三十蚊既飲品，仲冇加一，cafe黎講都算幾抵食。1⃣️黑松露貝夏媚白醬蟹肉手工千層麵（$110）聽到隔離枱見到我呢個千層麵都係度講，好似好好食咁wor😂千層麵既面頭有好多蟹肉，黑松露都比得好大方！啱啱焗出黎熱辣辣好好香🤤切開入面層層都夾住好多蟹肉！超有驚喜😳芝士同白汁香味都好夠🧀第一次食用白汁整既千層麵，而呢個千層麵我好鍾意！  2⃣️拿坡里辣肉腸意粉（$90）辣肉腸粉量都幾多，味道唔算好濃，食落唔會覺得濟。有啲黑椒、芝士粉、洋蔥同埋車厘茄，食落味道唔錯👍醬汁唔會好多，個意粉會偏乾身少少，如果唔想食太膩既話呢款就啱曬。  3⃣️Matcha Latte（Oatmilk）（午餐+$20）呢間好好，有得免費轉脫脂奶或者燕麥奶

近年咖啡店林立，荃灣區內都引入不少新面孔，Bench café 正是其中一間。店內裝修用木系配水泥風，帶有簡潔文青風的感覺。平時假日人客都多，每次想吃時都見到人龍而棄之。今次晚上人流較少便和友人相約一嘗究竟。餐牌非常簡單清楚，一共3頁，前菜及主菜、甜品及飲品。Dirty漸層層次非常好，即使杯紋有少許阻礙到視覺，仍清楚看到分層效果，入口EXPRESSO 甘醇，而混合凍奶後更香滑入口。LatteLatte 似乎係每次到Café 必點飲品之一。當中LATTE ART 亦是考驗咖啡師功力之處。拉花簡潔有力，入口會發覺奶泡跟EXPRESSO融合得不錯。Slow Cooked Herbs Chicken Breast and Mixed Berries All Day Breakfast慢煮香草雞胸肉配雜莓全日早餐特製果物包，硬度低於法包，味道不錯及鬆軟。而雞胸肉沾滿了香草，配上沙律雜莓都非常開胃!Crab Meat Truffle Bechamel Lasagna黑松露貝夏媚白醬蟹肉手工千層麵Bench的千層麵有意外驚喜，面及底都有一大層芝士覆蓋，而芝士亦有拉絲效果，底部就超級香脆。通常千層麵都

喺荃灣滿滿係維修車行既街道上，居然再轉角位有一間文青Cafe，雖然裏面店面不大，但是有一便是向着街上的高枱，坐在高枱上看着路人經過享受着微風嘆咖啡也是一大享受。食物方便，千層面賣相和味道都不錯，滿滿的芝士鋪在面層，焗爐焗接半溶，千層麵加上肉醬真經典。而甜品方面我很喜歡招牌的布甸和檸檬撻，兩款賣相都很好打卡，味道亦不錯。這裏還有多款咖啡和特色飲品，特濃朱古力真的非常濃厚，而且是用外賣杯上的，喝不完還可以拿走。

今日同家人行完愉景新城後經過一間Bench cafe,感覺幾好就入左去食埋個晚餐先回家。入到去個環境都唔錯，感覺幾好。睇完餐牌就點了日式拿玻里辣肉腸意粉，黑松露貝夏媚白醬蟹肉手工千層麵，荷蘭寶貝班戟配手製糖煮雜莓，cappuccino。日式拿玻里辣肉腸意粉：辣肉腸口感味道都好好，意粉軟硬得宜。加上黑椒帶出香味，配料都不錯。黑松露貝夏媚白醬蟹肉手工千層麵：店員窩心提醒小心熱，果然入面好熱。焗既食物就係需要熱食，黑松露香口又不會過搶味道，焗面脆口香口好正。材料都好多好味道。荷蘭寶貝班戟配手製糖煮雜莓：好多新鮮好味道既生果，配合果醬，加上cream去食熱辣辣班戟真係滿足甜品胃口。Cappuccino:香濃好味道。

前排發現荃灣有間小清新cafe，即刻book mark 定，呢日終於有機會試啦。Cafe 座位不多，但木系簡約裝修給人舒服的感覺，餐廳播著柔和的音樂，令到工作了一整天的我們可以放鬆下。黑松露貝廈媚白醬蟹肉手工千層麵肉醬千層面食得多，黑松露蟹肉千層面真係第一次食，我地都係為咗呢個千層麵而來的，果然冇令我地失望。送到的時候已散發著香噴噴的黑松露味，令人迫不及待想試。每層麵之間都夾着很多的黑松露和蟹肉，亦有濃濃芝士，切開有拉芝的效果，口感軟綿綿，每啖都非常滿足。溫泉蛋本菇雞肉意粉扁意粉非常彈牙，把溫泉蛋撈勻後令到意粉帶點蛋香，亦更加creamy。雞肉粒很嫩滑，分量亦不少，加埋爽口的本菇，口感豐富。荷蘭寶貝班戟配糖煮雜莓Pancake 放在鐵板上，熱焫焫焫焫焫焫送上。薄薄的pancake配上藍莓，草莓和紅桑子，感覺很健康，是一道吃了都不會有罪惡感的甜品。酸酸甜甜的雜莓，令人胃口再次大開，很快就俾我們吃光光了。

有日搭車行經芙蓉街見轉角位置開咗間咖啡店, 店內裝潢走工業風, 而且透過摺窗可以望到街外人來人往,視野比較開揚呢度餐牌主要有全日早餐、意粉、意大利飯,甜品和撻類等飲品方面有咖啡、茶、朱古力等我同友人叫咗2主食+1甜品1️⃣黑松露貝夏媚白醬蟹肉手工千層麵🍝我一向都喜歡食千層麵,但呢家越來越少見,難得呢間餐廳有當然要試吓呢碟麵上枱時已聞到好香黑松露的味,千層麵內結合蟹肉、白醬和大量芝士,材料十足, 麵皮質感唔錯, 整碟造得出色2️⃣煙三文魚配原粒牛油果及手工蛋沙律🥗賣相非常靚, 啱晒愛美的女士食, 沙律菜新鮮、牛油果軟硬適中, 煙三文魚大塊咸香, 手工蛋沙律蛋香十足, 麵包也脆口, 飽肚又美味3️⃣荷蘭寶貝班戟配糖煮雜莓班戟鬆軟棉密,蛋味濃郁, 加上順滑忌廉中和咗雜莓醬的酸酸甜甜, 幾樣加埋配搭得好, 值得一試😋

餐廳面積唔大，裝潢走木系風格，簡單舒服，都啱同朋友吹下水。本菇雞肉意粉配溫泉蛋 $80即叫即煮，由於餐廳採用開放式廚房，整個餐廳都充斥著令人垂涎欲滴嘅香氣🤤意粉係幼扁身的，炒得乾身，每條都已上了色，入味，調味亦剛好，我覺得意粉煮淋啲會更好。記得將溫泉蛋和意粉拌勻，蛋香和滑溜口感都會升級。雞肉切成粒，嫩滑爽口。🤗黑松露貝夏眉醬蟹肉手工千層麵 $110賣相非常吸睛，賣相就好似一轉長方形嘅焗蛋一樣。新鮮焗起熱辣辣，小心燙手。外層嘅芝士焗至脆身，面頭有蟹肉碎同黑松露醬，千層麵之間仲夾住好多一絲絲嘅蟹肉，同千層麵融為一體，感覺好滿足，趁熱食就最好食。傳統意式Tiramisu $70一場來到，當然要點返個甜品，我揀了最愛的Tiramisu。口感好有層次，面頭有香脆嘅honey crumb, 手指餅，酸甜覆盆子，至於主角質感好軟滑，底層嘅手指餅索滿酒，好醇好香💓

上面係黑松露貝夏媚白醬蟹肉手工千層麵太多芝士，同千層麵唔岩比例好似每啖都食成口芝士咁好在有黑松露同蟹肉點綴千層麵份量細，女士都唔夠飽下面係本菇雞肉意粉配溫泉蛋直程差👎🏼失望無論賣相同味道都似乾炒牛河唯一係蛋有蛋味囉甜品叫左traditional tiramisu一杯70蚊，偏貴而且冇特別坐得唔舒服，全部木櫈假日晚餐時段得2枱客，感覺中伏要求客人人均消費$100以上但選擇少，餐牌唔係全部供應味道一般，賣相亦唔岩打卡整體性價比低

見好多Foodie推介 門口有幾靚曬住等咗一陣之後入去叫咗三樣嘢食1.慢煮香草雞胸配雜莓及手工蛋沙律($90)2.本菇雞肉意粉配溫泉蛋($80)3.iced latte($40)第1，佢個名係all day breakfast，但佢只係得雞胸，包，菜，雜莓，蛋。成個餐得手工蛋好食，其餘個雞係勁鞋又無味，差過出面七仔買嗰啲即食雞胸。第2，意粉裡面有雞粒咬落去好咸，好重紹興酒味🤷🏻同個意粉完全唔夾，意粉份量好多但本菇好小，只有圖片上面既份量 裡面就無菇了⋯第3，iced latte幾好飲，係唯一可取嘅。另外廚房係open kitchen，望入去衛生情況都麻麻，整嘢食嘅時候成個餐廳範圍都幾大陣味。整體性價比唔高 環境仲要好污糟 如圖

今晚同朋友黎左呢間bench cafe....見佢外表簡簡單單，好簡約，門外有張長椅子。推門入去，入去有幾張座位，仲有個望住街外既座位，都幾chill幾寫意。由於係平日既晚上，食客唔算好多，可以靜靜地享用下美食，傾下計。呢度入座後可以睇下menu，睇下有咩岩食，食物種類唔算好多，但款款都幾吸引bor...基本上cafe既意粉、all day breakfast、coffee、dessert都會有的。揀好食咩後就自己出去點餐，店員收到order後，都好快為我地準備。有種即叫點製既感覺。食物製作好，店員會送到檯上。我同朋友點了一堆食物，一齊開心share....先講一講呢杯matcha latte....賣相好靚，飲下去好濃郁既抹茶味，餐牌上仲註明了用了小山園青嵐抹茶。難怪會咁濃郁咁香。正主食上我們點了一份本菇雞肉意粉配溫泉蛋。大大粒既溫泉蛋放置於意粉堆正中央，好吸引。先把溫泉蛋拌勻意粉，令意粉更creamy更香意粉份量都不少，意粉味道唔錯好惹味的，調味上都做得唔錯，仲有好多菇。好好味。呢個意粉都幾吸引，同埋即點即製熱辣辣好新鮮，所以記得都要趁熱食，唔好打卡打太耐了。我跟朋友只點了一份正餐