犇 (Closed)

可能係最好食嘅豬扒友人共聚，無肉不歡，朋友介紹了(犇）話牛扒超正，本人不吃牛，心想食個pasta陪坐吧今晚係星期三，客人不算多，只有兩枱外籍客店內有一男一女，應該是老闆及老闆娘，女的介紹了牛扒和燒豬仔肋骨是招牌貨，見到外籍客吃的豬仔骨，相當對辦，已想一試，但老闆娘話美國極黑豬鞍扒，㚈面較少餐廳有，就試下啦，跟著她問我幾成熟，我話豬喎，可以唔駛熟晒老闆娘微微一笑再耐心解釋見她很專業的，試八成啦第一次吃唔熟嘅豬，心驚驚見到奉上來的豬扒，超正，其他三人圴只有「嘩！嘩！嘩！因他們採用慢煮方法，切開肉少少pink,juice 無比，跟住收聲，慢慢感受這塊豬扒，很感動地方雖少，但乾淨舒適，很有家的感覺，會再介紹朋友來

兩點食晏好處就是唔怕人多，想食西餐來到呢間牛牛牛，原來兩點後仲有85折，抵食我叫左個豬肋骨配薯條沙律，可以選配意粉，賣相好吸引！薯條好香脆，灑左少少辣粉，好好味，想再追加多啲。豬肋骨肉質岩岩好，唔會太韌太淋，配啲醬汁都好好，唔會太鹹。個沙律配醋汁好fresh，好match。不知不覺就食哂全部，好飽，份量亦都好夠。好驚喜係套餐有新鮮石榴汁，好新鮮好出色 咁既質素都係74蚊，下次會再來食，意粉好似都唔錯！

晚餐時份，路過鰂魚涌揾食之際，被餐廳名字“犇”吸引，抱勇士心態，試下呢間！意想不到的驚喜，廚師老闆年青，食物有酒店級水準，價錢合理，老板娘親切有善。果然英雄出中年，值得推介的小店

於鰂魚涌工作完畢後，正值午餐時間見餐廳有座位與同事入內光顧，大家都叫同一菜式接近評價，餐湯要加9元，叫了南瓜湯我地都覺得比較唔夠濃，另外主菜叫了西冷牛扒(見相)加涷飲 每位160，用膳完畢收據即出現枱上，望望門外~明白。

平時嘅我好少寫食評，但喺呢個俾大型連鎖餐廳壟斷嘅環境，如果遇到好嘅食店都唔為佢地發聲，讓多啲人知道佢地嘅存在，咁佢地就更難經營了。尋晚約左朋友，第一次去呢間餐廳。小店型式，接待烹調嘅都係兩個人。我相信佢地係兩夫婦，自己開店做老闆，為自己嘅理想進發。佢地好有笑容咁招呼我地，好好禮貌，又唔會催促我地落單，更加冇限用膳時間，淨係呢啲都已經比好多其他餐廳好。叫左好多野食，特別值得一提嘅係鵝肝多士，煎得好香，但又唔會太油，凱撒沙律啲菜好新鮮，羊架食到羊嘅羶味，但又唔會太濃烈。食物份量不大，但價錢合理。香港租金高得太可怕，以致好多食店，尤其連鎖餐廳都要將貨就價。有時候同朋友聚會，想傾耐啲講下大家近況，卻只有1.5小時嘅用膳時間，本應係享受食物放鬆詳談嘅一餐飯，換來嘅係轟炸式的急趕用膳，甚至被不禮貌對待，有啲貼錢買難受嘅感覺。。。作為食客嘅我地選擇越來越少了。所以經過開又有時間嘅，不妨去幫襯支持下呢一類嘅隱世小店

周日11點的鰂魚涌商業區, 冷清清。大部分的餐廳都是「預備中」。揀無好揀下見到有間「犇」(Ben' Deli)營業中, 入去試下! 店子不太大, 裝潢簡約, 沒有大亮點。店內有位男廚師, 樓面有位女店員。直覺告訴我他們是情侶/夫婦, 莫非男的就是Ben? 如果小妹估計正確, 這店子真是充滿幸福。午餐有多款選擇, 價錢$68~150 非常合理的定價。午餐只包括餐飲或餐湯, 只需多付十多元可以有意粉、沙律或薯條。是日餐湯: 南瓜湯。這湯結身, 是我喜愛的質感。南瓜味香濃, 但是湯裡頭欠缺一絲絲的南瓜蓉。另外, 這個湯沒有跟1片餐包。紫蘇醬忌廉田螺意粉$78 // 前1天在觀塘的「八月天」食了個百多元又超難食的意粉。幸好這個意粉味道不錯, 醬汁香濃而且有質感, 醬汁包裹著每條意粉, 美味。用田螺做主角的意粉不太常見, 田螺味道不錯, 只是有1粒田螺肉有腥味。紐西蘭羊扒$100 // 2件羊扒加上薯條及鬼佬菜作伴菜, 賣相尚且對辨。相比之下, 這羊扒有些失色。2件羊扒偏瘦而且沒有一層脂肪。肉質不太嫩滑而且缺少份羊肉的特別穌味。相比田螺意粉, 這羊扒有些失色。份量不太足夠, 多加$12點了這迷你

午市時間12點幾到，餐廳係開放式廚房，一個廚師2 個侍應，餐廳當時只有10個客，一坐底侍應即刻送來檸檬水，之後介紹一輪餐牌，我點了燒豬仔肋骨伴薯條，我同事點了紫蘇醬田縲意粉，同事意粉先到，上面有約莫10粒田縲，比想像多，同事話意粉唔係茶餐廳意粉，彈牙好多，醬汁亦炒至乾身先，唔會淋Bap bap。等多一陣我的燒豬仔肋骨就到，先講伴菜有沙律薯條，沙律菜一睇就知係手切，估唔到餐廳仔會用甘多心機係好多人都唔食既伴菜到，上面再加醋汁，入口感覺新鮮﹔薯條有加鬼佬餐廳愛用既辣粉，熱喇喇即炸上碟，就甘食都已經好好味，另外一隻小碟裝左茄汁，相信係配合香港人口味﹔到燒豬仔肋骨，BBQ醬料加上嫩滑既真正BB豬，真係超正，唔怪之得個女侍應話係招牌。埋單無加一，有餐湯或餐飲，比起茶記都係多十元八塊，絕對超值。 P.S. 餸到既時候已經全餐廳滿座，仲有人排緊隊。

平時到海光街都係食沾麵多, 但同事唔太啱食。行過見到呢間有位唔使等, 又見到呢D小店間局, 諗住可能有驚喜...入到去坐低, 枱頗窄, 裝修簡單。午餐餐牌約由$60 - $100可選餐湯或餐飲, 加一份主菜。餐湯係雜菜湯興趣不大我揀咗羊架而我朋友揀咗猪肋骨等咗一陣主菜嚟喇, 個羊架放底時我個心真係一沉,唉一陣間又要食下午茶先掂。$100換來嘅只有兩件頗細嘅羊架,我Order五成熟但嚟咗一塊四成一塊六七成熟。羊架應該係醃過嘅, 但D黑椒好唔平均地聚埋一堆，其實醃咗就唔使落Gravy啦, Gravy又太多而且已淋咗頗多係羊架上, 令整體過鹹。薯條正常, 上面落咗D少少辣嘅味粉, 但又再俾茄汁, 情況有D混亂。沙律勉強。感覺上成碟食物係冇乜Synergy可言, 唔太好食亦唔夠飽。豬肋骨朋友話唔錯, 份量亦較合理餐飲熱咖啡唔錯, 但我Friend叫嘅凍檸茶少甜就超甜整體上個人認為有好大進步空間。

早晨8到9點的鰂魚涌太古坊一帶,趕著返工的人流如注,附近的早餐檔,多是外賣自取。穿過人流,找到這家BEN’’S DELI西餐。 已過9點,客人不多,一進門就有位坐。負責落 order的店員笑容可親,一坐定就上來一杯清爽的檸檬水。C)招牌奄列餐配多士$35 雖要了全熟蛋,但一切開,還是很嫩滑。多士跟牛油,藍莓果醬。餐飲可選咖啡、奶茶、檸檬茶、檸水。D)雞扒配多士$35雞扒略為硬身,汁就夠味。沙律菜賞心悅目，增色不少。加$4就可跟餐的雜菌大大碟,新鮮雜菌製作，濃濃的菇味。超值!跟餐的即磨咖啡老闆娘介紹說是托人自家烘焙的豆子。熱飲有即磨即沖的新鮮咖啡香,易入口,輕盈。攤凍後,香味消失。唯一不稱心的就是餐具:硬身塑膠碟,太過重身的叉，每次用完叉想擺在碟上它都滑落檯面。

這間餐廳的亮點是可以舉辦私人派對，它的空間足夠搞20人內的派對，而且重點是包場費非常合理，想想可以和三五知己在𥚃把酒聯歡，一樂也！食物質量非常了得！四月份一行十人去了犇食晩餐，一星期前已經和廚房溝通好Menu如下：1. 芝士碟2. 巴馬火腿伴蜜瓜3. 黑松露磨菇湯 (我特別喜歡哪個蘑菇湯，真的好香及creamy)4. 美國安格斯肉眼扒 或 扒大蝦拼慢煮三文魚柳5. 意大利芝士餅6. 咖啡或茶

Lunch 和同事一起去試新餐廳，點了午餐 雜菜湯加燒春雞跟紅米飯$108。來時伴碟有菜沙拉，紅米釀入己去骨的春雞內，切開內部溫度仍然很熱，味道方面，由於 廚師張紅米醸入春雞內，飯已經吸收了春雞本身的肉汁和酒份，令到食落去有雞飯的香。值得 推介。