別府駅前料理 (Closed)

由於連放幾日假, 所以提早至星期三出街食飯, 今次唔係我帶隊去食飯, 係跟班同事去「別府」,因為有四送一優惠, 所以夠人數就走過嚟幫襯吓啦!本來幾鍾意食拉麵既我, 唔想成日, 決定跟班同事轉口味,五個人全部都係叫呢個「西京雞扒便當」, 我就跟杯熱檸蜜,個麵豉湯普通, 唔太差既! 飯一般, 啲沙律都係普通, 三件刺生雖然切得幾厚, 但唔夠新鮮, 不過算啦! 呢度既質素都預咗啦!至於啲雞扒, 個人覺得肥膩咗少少, 同埋啲雞肉好似好假咁, 我諗係雪藏肉既問題啩~最後個甜品算係最好食既, 不過比起他地方食到既都係普通啫~杯熱檸蜜都冇咩特別, 同一般茶餐廳差唔多啫~不過埋單有得四送一, 即係每位都係 $46 左右, 咁就抵食既!整體嚟講, 如果 keep 住有得送一就會嚟食, 如果唔係就冇乜吸引力囉......更詳細資料及圖片請看 : http://hk.myblog.yahoo.com/joycewai616/article?mid=7354

其實唔係話咩唔好既我個人覺得50蚊一個set lunch真係幾唔抵我叫左個蛋豚肉飯餐有面鼓湯,餐飲,沙津,同埋甜品(係類似tiramisu的)個飯不過不失d湯同餐飲(我叫左柑桔檸蜜)都一樣,只可以盡人士叫做ok囉個tiramisu都預左唔會係d咩好好味既..不過如果會係d日式甜品會比較好,襯d 同應該會好味d?個沙律係好正常既都係=.=係有保證既一個餐...但,我覺得絕對唔值要50蚊,因為無乜邊樣野係特別好味~~同金太郎味道差不多-.-....

2月23日, 埋數日子返工, 真係好唔願.............................以前二點就走得, 而家? 一定冇可能啦! 搞到我梅窩都返唔到..........唯有Lunch 食好少少, 等個人開心啲啦!結果我哋去咗本來想星期五已經想去試既「別府」,不過星期六食嘢真係好唔抵, 冇Set lunch, 全部食物散叫!等埋班同事一齊嚟食嘢, 結果成兩點先開餐,我同另個女同事叫咗個「血地獄拉麵」($40),而其他三位男、女同事都叫咗個「滑蛋豬扒飯」($48),初時大家都覺得無論個麵定係個飯既碗都細, 但食落都OK 既,不過如果夜晚食, 或食量大少少既人應該會唔多夠囉~講噃我個拉麵, 三片日式叉燒比較多肥膏, 但呢啲地方, 又同埋同事食飯, 不過已經食咗落口, 唔好意思將肥膏啲吐噃出嚟...而個湯底............ 好唔得, 冇水準既味精湯, 而且我哋雖然叫小辣,但佢真係小辣到好似溝開咗十倍水咁囉! 味覺差少少既人可能食唔出有辣味添呀...!! 個湯仲要唔夠熱, 只係暖暖哋咋!我同女同事都覺得有問題, 於是叫個高級少少既女職員埋嚟講,佢仲串我哋 : 「你哋係落小辣

第一次食..一去到見到都有人等位.等左大約20分鐘先有位.見到原本有卡位家.大大張.但係我們唔係坐卡位哦.不過佢又安排得好好.每張二人枱都會放多一張椅比人放野...又幾好哦!.食物感覺似< 和民> 同< 味千>,但和民就好食點...哈哈..當然啦..和民貴點呢..但如果比起味千..味千就好似平點同好味點啊.

食物味道就普通喇, 份量又少, 埋單找錢有零錢一毫冇拎到, 個侍應唔要掉落地, 這是甚麼服務態度? 不知所謂, 現在競爭咁大還這樣態度真係祝佢好運了。

前2個星期二同8個fd 8點幾9點到, 等左約30分鐘入座. 環境裝修唔錯,昏昏暗暗, 唔怪得有好多對情侶啦^^食物叫左:叉燒拉面- 面，湯都唔錯, 叉燒唔得, 豬軟骨拉面- 無問到, 唔清楚鰻魚抄飯- 飯淋淋地幾濃味, 但飯好少下, 鰻魚仲少, 飯底有幾片生菜, 如果多d包飯食更好牛肉拉面／飯- 無問到, 唔清楚豆漿豆腐鍋- 清清地, 好濃豆味&滑滑~又叫左d小食大家share:炸波菜餅- 女友推薦燒章魚- 切件後大大隻上, 漿味濃但鮮味薄, 凍食下酒一流（不過我唔飲酒）.炸bb蟹- 即係蟹bb, 細細隻酥炸, 又係味薄同下酒一流.服務ok, 個男waiter幾勤增茶，仲話”小心熱”tin!食物無乜驚喜，埋單每人約$70，都算物有所值．

放左會去食飯~兩個人是但搵間好坐d~黎左呢道兩個人share 一個咖哩豬扖飯再叫左:黑椒雞軟骨粒粒(8.5/10)~幾好咬口~又唔會太硬禾~搭麵或飯食真係唔錯~無骨餃子壤雞翼(8.5/10)~我好鍾意食炸雞翼~去埋骨再壤埋餃子餡~好肉好食~炸得又脆又香口芥末炸新鮮軟殼蟹(8.5/10)~算係幾大隻~炸得唔油~軟殼蟹夠肥美~枝豆~送ga(因為我係vip)~用鹽煮過~幾好食埋單~$150

好容易訂到位呀!2 個人被安排坐卡位, 好舒服呀!招呼唔錯呀!食物質數ok 呀!推介: 鐵板和牛, 燒牛肉飯!唔太建議: 燒BB 蟹, 雞軟骨!

同朋友女行完街街, 見肚餓, 就搵下野食啦, 千挑萬選之後揀左冇乜人排隊既別府!初初個知客姐姐都話要等3張檯, 但我地望入去都見好空下, 結果1分鐘都唔夠就有位, 好快好多野食比客人揀, 抵讚, 特別係小食, 真係花多眼亂!叫左下列食物:1. 地獄拉麵(小辣)2. 黑芝麻豚肉拉麵3. 墨魚咀4. 墨魚筒5. 地獄餃子(注: 3同4都唔sure個名)兩個拉麵各有特色, 1個辣1個甜, 感覺好特別, 唔錯!墨魚咀好爽口彈牙, 幾好食, 不過太少喇, 放左好多洋蔥係底, 唔抵食墨魚筒咸辣適中, size都幾大, 推介!餃子有3款, 我地揀左呢款, 不過冇乜特別, 早知揀豬軟骨果款!overall味道幾好, 多d人去一齊share d小食會更好!

星期六晚幾個朋友聚一聚~一入去6:30左右無咩人~佢話有間VIP不過要8:00交房我地當然話好啦~間房真係唔錯~傾計一流~~我地5個人叫左3個拉麵~1個飯~7個小食~5杯野飲其實去得別府食黎食去都係果d~味道都唔會太差~而且我又係member~成日都有d優惠~好食個'老'千拉麵好多不過有個飲品都幾值得推介~'mo'士精神~雞尾酒(9/10)唔會好似飲清酒咁~但又唔會去到無酒味~容易入口~而有杯叫非常高興(6/10)ga飲品就唔好試啦~傑達達的~飲左就會變左唔多高興...服務就一般啦~上野都ok快~埋單~9折左$497~咁ga價錢ok啦

因上次買外賣時見到都有幾多野食, 所以係短時間內又再番兜試下其他菜式鰻魚炒飯- 鰻魚份量少之餘其他配料亦唔多, 飯身炒得有D硬, 唯一好處係唔油豆腐沙律- 沙律菜唔新鮮, 豆腐無豆味又唔滑, 而淋上去既麻醬味道又好淡, 整體來講差燒魷魚筒- 普通牛油炒雜菇- D菇好香牛油味, OK

自從朋友仔外旅完返來後, 一切活動又照舊. 做完GYM朋友仔忽想食鰻魚飯, 企係條街剛係別府同和民之間, 二選一就呢度啦! 照舊外賣買左兩樣野金龍地獄拉麵($40) - 有兩隻天婦羅蝦同一條蟹柳, 炸漿薄薄一層, 蝦身唔算大隻, 但咬開有蝦鮮味. 而叫完先睇到原來地獄拉麵有5個辣度選, 當然落單時侍應係無問到. 豬骨湯底只係有少少辣, 個味仲有少少怪. 不過食完感覺係味精應該比"味千"少既鰻魚飯($52) - 無食, 但朋友仔話麻麻.

漫無目的,朋友話去別府試下,兩個人叫咗5樣嘢,食完都仍然唔夠飽...1)活魚刺身~一d都唔活,已經死咗,又超級細條,好在肉質還可以2)牛肉刺身沙律~份量適中,刺身幾好味3)芝士焗煙肉菠菜~超級細細細碟,但味道不錯4)火焰牛油牛柳粒~<推介>,牛柳加上牛油在鍋仔煎到6成熟就最正最香滑,肉質又非常嫩5)黑芝麻豚肉拉麵~朋友話湯底好味,我就欣賞佢加上既黑芝麻二人共消費:$280

http://hk.myblog.yahoo.com/mitsukiakimoto/article?mid=852&new=1

今日去完睇戲同佢\食左呢度叫左個蟹子沙律...冇乜特別秋刀魚押飯，即係壽司..幾好味黑芝麻豚肉拉麵..幾特別好有芝麻味吞拿魚壽司..紫菜好脆..幾好味而家既別府基本上已經係一間日本料理，價錢比起和民個d平喎.......