別府駅前料理 (Closed)

剛過去的星期天中午﹐我又來幫親別府啦﹐我成日來的原因除了是食物質素經常保持外﹐重有它的吸煙區同非吸煙區分得好開。一入門口﹐左邊係非吸煙區﹐右邊係吸煙區﹐所以右邊是我的「禁地」﹗我叫了﹕牡丹蝦刺身($38)(見圖片)﹔南瓜番薯天婦羅($35)﹔雞翼串($28)﹔飯和面豉湯($15)。牡丹蝦刺身共有五隻﹐每隻都開了邊﹐挑了裡面的腸﹐但我估處理方面出現了問題﹐我食落覺得好似有細菌污染左咁﹐個口有些痲痺﹐所以要叫侍應拿冰水嗽口﹔南瓜番薯天婦羅好大碟﹐南瓜和番薯都好新鮮﹐炸的粉醬薄薄的﹐唔會食到成口粉﹔雞翼串只有三隻細雞翼﹐將雞翼切開來燒﹐非常入味。<不煙者不罪>呢句野其實是城巴巴士裡面的標語﹐當然附有呀蟲的漫畫。唉﹐查實邊有人會響巴士度吸煙呀﹐話左唔比架喇嗎﹐係食肆先至比人食煙之嘛﹐重奉旨咁﹐遲D食肆實施全面禁煙﹐咁下聯就應該係<吸煙者有罪>囉。

今晚來吃飯可能較餓﹐叫的東西比較多。三品刺身盛($58)-- 都是水準以內﹐蝦尤其鮮甜燒秋刀魚($28)-- 燒得較乾﹐魚肉太實地獄三文魚頭鍋($48)-- 第一次試﹐三文魚太多骨﹐肉質唔得﹐配的菜都已經煮過﹐但煮得太熟﹐所以再用窩熱住來吃就熟上加熟地獄煮蜆紙鍋($35)-- 又係第一次叫﹐蜆肉唔錯﹐幾大隻﹐湯底亦夠辣﹐我當湯來飲﹐好味(見圖片)一個人吃左185元﹐都算誇張。

陪朋友買禮物,最後禮物買唔到,又肚餓又累,見別府d卡位幾好坐,就走左入去,八點左右,人竟然係唔多,其實d飯和拉麵都不是咁吸引,隨便的叫了幾樣..壽司半價三文魚腩壽司--- 幾好,三文魚算新鮮,但三文魚很細件亦很薄,吃後一點兒滿足感都沒有腐皮吞拿魚蟹子壽司---我很小吃這類型的壽司,感覺怪怪的,腐皮甜甜地,味道只是一般餃子---非常的一般,未至於難食,但很油,餡好像有些"梅"以下兩個飯送麵豉湯--不好,味道很淡很淡滑蛋豬扒飯--只試了一口豬扒,淡淡的味道,即是沒有味道滑蛋雞肉飯---差!!!雞肉很小,滑蛋汁小得很,吃了幾啖d汁冇晒便覺得很乾口,問待應可否加汁,他竟說不可以,因要另外煮,最後吃剩一大半飲品買一送一抹茶紅豆冰---是最好的一樣,抹茶清清地,感覺很舒服,紅豆夠咬口,正TOTAL: $195 總括,這裏待應的服務態度不一,有些應要再培訓一下,環境可以的,但食物只覺一般,價錢以這裏的質素不算便宜,試一次就夠了,亦不會再來

別府又係我半個飯堂﹐晚飯唔想去得遠﹐就會來這裡吃。卡位好舒服﹐而且重有雜誌睇﹐不過通常雜誌都唔係最新果幾期。叫了﹕三品刺身盛($58) ﹐改了用杯(見圖) 而不是用碟裝﹐賣相反而差了﹐看起來好像很少似的。燒三文魚腩($38) ﹐是我經常叫的食品﹐通常裡面會有少少生﹐選的是腩肉所以更為肥美。炭燒南瓜片($25) ﹐淡淡的味道﹐只撒少許鹹在上面﹐仍可吃出南瓜的鮮甜。服務經常保持水準﹐人手充足。

比起和民其實都係差唔多, 叫左兩個拉麵, d 麵就麻, 豬頸肉同叉燒就幾好味, 另外叫左個即場自己煎的鴨, 味道都幾好, d菇好好味, 另一個唔知咩雞肉豆漿, 就得d芝士味,不過野飲都ok

近排我要成日一個人食飯﹐一個咪一個囉﹐唔得咪﹖我中意去別府﹐因為卡位好舒服﹐吸煙同非吸煙區分得好開﹐服務又唔錯。昨晚一個人叫左---1) 泡菜豬頸肉拉麵($38)本來想叫走泡菜﹐不過算喇﹐訓練下自己食酸野的能力。拉麵的湯底係豬骨湯底加點辣﹐湯底不算很好﹐起碼及不上「味千拉面」的豬骨湯底﹐但豬頸肉幾爽口﹐麵條軟硬適中。2) 鹹燒三文魚腩($38)鹹燒三文魚腩是我最中意的菜色之一﹐好喜歡魚腩中間帶點肥肉﹐食落好香口﹐唔點豉油重保留了魚的鮮味。3) 炸蝦天婦羅($40)呢間的天婦羅好得﹐蝦非常新鮮﹐炸的麵粉亦落得剛好﹐不過稍微油膩了一點﹐因為墊住的紙成張都係油。圖片係炸蝦天婦羅。

情人節晚9點幾去到, 剛剛過了一定要食情人餐既時段, 可以散叫論環境四個人坐卡位都幾舒服, 而食物方面就叫了...豬頸肉炒泡菜蔥花拉麵豬軟骨拉麵芝士芥末薄餅炒雞軟骨壽司拼盤燒牛舌3 支啤酒1杯提子汁總括來講味道同服務都唔錯, 情人節以咁既價錢食到飽飽都算係抵

我來都係鍾意坐佢的卡位﹐舒舒服服﹐又唔嘈﹐吸煙區又分得好好﹐服務都唔錯﹐男、女侍應同女經理都幾好﹐係個男經理比較黑口黑面D。今次要了牡丹蝦壽司(上圖)、燒三文魚(下圖)﹐同一個細蔥花拉麵。牡丹蝦壽司($14)幾鮮甜﹐但很細隻﹐三文魚($38)肥大肉厚﹐好抵食。蔥花拉麵($15)即淨麵加蔥﹐細細碗﹐好爽口﹐一個人吃剛剛好。

似唔似買廣告呀﹖呢家餐廳都幾好架﹐卡位係粉紅色﹐上面的燈佈置都不錯。侍應同經理服務又好﹐成日同你加茶。食物都保持水準﹐拉麵只有幾款選擇﹐我差不多次次都要地獄拉麵﹐即牛肉拉麵。小食的款式較多﹐但一個人通常只能叫一至兩款﹐個日試了三文魚焗蘑菇。來到時有張幾硬的紙包住(見圖)﹐打開後的煙重會升上來。三文魚肉質鮮味﹐但蘑菇過熟﹐攪到好淋咁樣。

星期二又要去金鐘返學，很匆忙的來一個早來的晚餐，友人先到，趕到時食物已來了：壽司拼盆，不錯，不愛吃的三文魚子壽司可改成三文魚壽司。叉燒拉麵，一般。鐵板德國腸，很普通，沒特色。卡位坐得舒服，加水頻密，但吃得太匆忙，沒發覺有什麼特色，個人亦較喜歡九龍灣那間。埋單16x，如果有時間，HSBC 2人餐($190)會抵吃D。

以前別府的吸煙同非吸煙位各只有三個卡位﹐昨天去加多左成十幾個卡位。靠背是鮮粉紅色﹐令人感覺好精神。食物我一直都覺得不錯﹐麵雖然只有幾款﹐但不像公仔麵呀﹐湯底都唔錯呀。小吃又唔貴﹐最好味的有燒機翼同燒南瓜。果汁都似係鮮喳的﹐不過只有甘荀、西瓜、青蘋果同橙汁﹐選擇較小。

昨晚與友人來此一聚。為了試一下這間與旺角那間的質素是否差不多，所以點了兩樣在旺角常點的料理，包括︰燒牛舌、燒三文魚頭鍋，再加新試的菜式︰北寄貝刺身、鐵板牛油什菇、和風豬軟骨烏冬和汁煮帆立貝。個人覺得燒牛舌和魚頭鍋旺角那間較好吃，這間的魚頭鍋湯底偏淡、魚頭的粉漿太多、像浸過水的麵包；而牛舌則不夠香、兼太多黑椒搶過牛舌原有的羶味。至於新試的菜式︰鐵板牛油什菇的牛油落得過份重手，有差點窒息；帆立貝則淡而無味，未知是那個醬汁的問題還是帆立貝本身的問題；刺身都幾新，且是冰鎮上的，總括來說，味道不過不失。值得一讚是服務態度很好，那個負責recept的經理原來是日本人，他很nice，用一你好似會明，但其實又唔多明o既廣東話同你溝通，最後我都係同佢講日文，因為他講得很辛苦~~

這裏下午有午餐供應(唔知係咪只限平日)。午餐時間不太多人，早去有卡位坐(我們得兩個人)，鋪面裝修比前身淺草牛肉鍋漂亮。牛肉丼定食($45)～牛肉和飯係分開的，味道不錯，大大份！北海道海鮮烏冬定食($55)～有三文魚和吞拿魚壽司各一，好意外壽司的魚生好新鮮(吞拿魚咁淡都有鮮味)，反而烏冬好港式，是一般貨式！～其實別府的拉麵一點也不好吃(除了地獄湯底)!餐飲的可樂難飲(相信不是可口可樂和百事)，值得一提定食包括的一小件Tiramisu味道不錯!

我好記得個碗拉面好似公仔面d服務又唔好係咁serve d中年客人完全ignore我呢d年青人一間好無特色既食店!