博多拉麵別天神 (Closed)

晚飯時間到了，在汒汒人海的旺角，找食的绝對不容易。 抬頭四週探望，發現一間日式小店，名為博多。即管試試。食客要在門外的售票机買票。兩款湯底選擇，再配餸菜，買票后到坐位交票。幾分鐘后，拉麵送上。麵質良好有彈性，不是冧冧的，豕骨湯湯味十足，色澤白色。先喝幾啖也不觉口乾。除了麵食之外，追加餃子，剛剛炸起的，皮脆而且多湯汁，味道也不錯。整體表現是可以的。唯一不滿，就是坐位實在太窄，出入都要其他客人讓路。[🤨

對別天神窄窄長長的室內設計情有獨鐘, 雖說是地方小小， 當店的師傅是日本大叔,所以好似去了日本食拉麵，很有風味！雖然店以吃拉麵為主, 不過這個小龍蝦沙律呢, 是絕對不應該錯過的!小小的蝦球滿滿的都是小龍蝦的肉! 味道除了鮮甜之外, 芥末味也蠻重的呢。隨沙律附上紫菜六片, 我會用紫菜卷起小龍蝦一同入口, 又香又脆, 極為好吃!還有另一小食是煎餃子， 餃子皮非常的薄, 煎起非常的熱辣辣。肉比菜要多, 好味！拉麵有兩款, 豚骨湯底, 或者蝦味噌湯底。下了單, 師傅就為你奉上他覺得最恰當的一碗麵! 即時來一口湯，熱度不俗，看店內寫明這湯「不含味精或任何奶類製品」， 入口稠稠滑滑, 帶強烈的豬脂肪的香, 非常香濃。 配料的木耳份量多, 麵條則比較幼身 。半熟蛋的蛋黃呈現橙紅色，鹹度及醬油的味道不俗！bar桌上放的瓶瓶罐罐, 找尋調整味道的食材! 不得不推薦辣芽菜， 可以中和豚骨湯的滯膩。有很多的櫻花蝦乾, 超香口。仲有電子點餐, 十分方便!

旺角行完街晚餐想食下拉麵，但好似無乜選擇，誤打誤撞之下揾到尼間，除左係唔起眼內街邊位之外，舖面都好細，得一排凳，但晚餐時段都坐滿客。等左無耐就有位，同朋友點左一個別天神同蝦味噌套餐，跟餐試哂兩樣一品料理，有餃子同小龍蝦蟹子沙律，而價錢尼講可以接受，一碗拉麵都係同普遍差不多首先係個沙律，入面的確充滿小龍蝦肉同蟹子，幾好食仲可以用紫菜包嚟食，但size大過乒乓波小小，建議可跟套餐試下而餃子就不過不失，個人覺得無乜特別，都係個個味道，小龍蝦蟹子沙律驚喜大好多而兩碗面尼講蝦味噌個湯會更加濃郁，因為面頭加左好多好多好多應該係櫻花蝦，加上有埋粟米，一飲就會飲得岀有d粟米甜味。除此以外，兩碗既配料仲有叉燒、一開二糖心蛋、紫菜等等，糖心蛋不錯，叉燒都厚薄適中又唔會柴，麵既份量都多，而且做到我中意硬小小既麵，總括而言個人幾中意蝦味噌個湯，推薦大家一試

旺角都吃到博多拉麵了，充滿日本橫街小店風格。方便客人用信用卡或八達通付款。L 選了一客蝦味噌套餐，同事則選別天神套餐。最抵食就是有溫泉蛋及一客小食。店長及師傅各有推介，並提及湯底不含味精或奶類，最合適對這兩類敏感的人。調味組合亦因應不同口味隨意加減。 有拉麵汁、拉麵胡椒、蒜蓉、辣芽菜及七味粉，更有指示如何使用磨芝麻器。 小龍蝦蟹籽沙律用紫菜張沙律包住吃， 蟹籽沙律鮮味，口感清新。湯底色澤奶白清澈，入口膠質豐富。麵條相對較日本軟身小小，大概因為較合適香港人口味吧。半生熟雞蛋味濃郁， 配上蔥、紫菜及黑木耳。蔥應該都是日本來的，跟平常吃到的不同。蝦味噌有點像蝦膏，但又沒有蝦膏那種鹹味，蝦味亦重。日本叉燒味道濃而不膩但相對較薄。餃子是拉麵的最佳配搭，薄皮煎得香脆、內裡餡料都多。值得推薦是這個辣芽菜很好吃 ( L 一夾再夾伴麵吃)

有陣時我除咗鍾意去一啲大餐廳丶酒吧外亦都好鍾意去一啲細細間的式嘅餐廳。因為食嘅除咗係未到之外我成日都話仲有人情味。而且往往呢一啲嘅小店都好似會有一啲驚喜😊今日去到旺角就試下呢一間博多天神嘅拉麵睇下係咪真係咁好食。入到去點完菜之後上咗個前菜沙律，嘩真係好好食！好過好多出面所謂嘅有名餐廳。而且係速度快之餘仲好精細！一啲都唔馬虎，而且啲麵嘅味道亦都夠曬入味，啱曬我呢啲奄尖鬼。我認為無論係服務烹調定係食材都算係一流水準。值得推介！

好鍾意食拉麵🍜識食嘅一定會在食麵前試一啖湯底先啦🤤因為湯底係拉麵既靈魂，亦係一碗拉麵最難既部份，日本飲食文化中飲湯係對拉麵師傅既一種尊重😆😆小龍蝦蟹子沙律做前菜，又開胃又fresh，啖啖龍蝦🦞單點都係$35👍🏼小食日式煎餃子🥟煎到脆卜卜，咬落口有肉汁咇出嚟！全店只有兩款拉麵，兩個人去就梗係試哂佢啦！豚骨湯入口清淡而不膩，叉燒夠淋又夠味，另外如果覺得唔夠味有好多配料：蒜蓉...辣芽菜...黑胡椒...芝麻...七味粉...自己加！另一款拉麵係蝦味噌豚骨湯，豚骨湯加上櫻花蝦後鮮味出哂嚟！平時出面啲拉麵蔥花粟米粒木耳都得好少，呢間一啲都唔孤寒😋😋😋雖然店舖座位唔多，但冷氣夠！仲有冰水日本茶任你自斟自飲不設外賣...下次會再來

今日very busy! 連食晚飯都未必夠時間，衝衝路過嘅時候差d錯過呢碗朋友介紹過好味嘅拉麵。門口售賣機付款後，立即入去坐低等食。呢度只有兩款拉麵，套餐或者單點，連諗嘅時間都慳返。🔆唔洗3分鐘，跟餐嘅🦞小龍蝦沙律同煎餃子就遞到面前。球狀沙律，滿滿嘅小龍蝦肉，鮮甜又有少少芥末味，用紫菜包住食真係勁滋味！🔆餃子皮非常薄, 煎起非常熱辣辣。菜肉比例ok，但肉汁略嫌少左d，不過都算好味嘅。🔆🐽豚骨湯麵 - 配料嘅木耳、溏心蛋水準都幾好；幾濃豬骨味，唔會咸到好口喝。叉燒夠腍，肥瘦適中；麵條比較幼身，似日本食嘅拉麵口感。🔆🦐蝦味噌豚骨湯麵 - 好正，好鮮味嘅蝦湯底。好多櫻花蝦乾，超香口。其他配搭配料同豚骨湯麵係一樣嘅～🧂睇下上面嘅罐罐，有紅薑、蒜蓉、芝麻、七味粉，茶係自助嘅。自家炒的辣芽菜實在超乎想像的好味，頗辣，中和豚骨湯嘅滯膩，爽口芽菜同拉麵好夾！🥢坐低左會發覺氣氛真係有如身處日本，總算是可以假想渡假半小時嘅地方，食下拉麵都開心。

博多拉面別天神, 我係好多地方都有見過佢，分店好多, 今日同朋友係旺角行開街, 咁岩到晚餐時間, 見到佢鋪頭人頭湧湧, 排哂隊, 就入去試試佢😅我鐘意佢鋪頭design，好似去左日本食拉面咁, 坐bar table, 有點懷念係Sapporo 食過個碗拉面😆我哋每人叫左一個set, 分別係別天神套餐 & 蝦味噌套餐。天神套餐, 湯底濃度適中, 叉燒好淋身，吸左湯既精華，好入味。流心蛋亦好好味。個餐有埋餃子跟，煎餃個皮唔會好乾，多菜少肉好健康！麵既硬度適中，麵條唔會痴埋一舊，高質！蝦味噌套餐，湯底會多了一份鮮味，層層既蝦味慢慢溢出，同會多左我最愛的粟米配料😂粟米鮮甜正正！

行過旺角當然要食我最鍾意嘅拉麵, 同朋友叫咗別天神套餐同蝦味增套餐😋個人特別鍾意蝦味增拉麵嘅湯底, 湯底香濃又唔會太咸, 唔怕嗰種落咗味精, 食完好口乾嘅感覺👍🏻 豚肉亦係一貫嘅軟滑, 幾乎入口即化😋小龍蝦沙律配紫菜亦係我嘅最愛, 用紫菜包住一口大小嘅小龍蝦沙律, 濃濃嘅紫菜味配上新鮮彈牙嘅小龍蝦肉, 加上清新嘅沙律醬, 令人回味😁最近仲聽講做緊學生優惠, 出示學生證就可以半價食咗佢哋嘅拉麵, 可恨自己已經脫離學生行列好多年, 冇辦法享受呢個優惠😭

西洋菜街成條街都係金鋪同護膚品店，竟然零零舍舍開左一間拉麵店，見好耐都無食過，幫襯下先。店內全部都係吧檯位，唔算坐得好舒服，但見大家都係食完就走，排隊都好快有位。餐廳好似日本既拉麵店，可以自助點餐。店內只賣兩款拉麵，豚骨味同蝦味噌味，仲有兩款小食同一系列追加食品。店鋪大部份野都係自助形式，包括茶水同調味配菜。小龍蝦蟹子沙律，裡面真係有粒粒龍蝦肉，好爽口，再夾埋紫菜食，口感豐富。餃子，面皮煎得好香脆，一咬開仲有好多汁，餡料份量適中。豚骨湯麵配溏心蛋，奶白色既湯底，豬骨味好濃郁，湯底亦唔會成層油，飲完都唔口渴架！叉燒偏瘦但絕不鞋口，煮得好腍。蝦味噌拉麵配溏心蛋，鮮味十足🥰加入大量蝦乾令蝦味更重！溏心蛋好入味，蛋黃呈膏狀👍🏻拉麵係我鍾意既幼身拉麵，硬度剛好有嚼口，就算食得慢都唔會腍哂。雖然食物種類唔多，但每款都好有質素！

天氣太熱，都唔想食得太飽所以今日嚟咗食拉麵。旺角分店位置比較少，全店以吧枱形式為主。店舖內有部自助售賣機，可以在等位的時候先點餐，坐下來再交給師傅， 很有日本拉麵店的風格，十分方便。拉麵店主打兩款拉麵，每碗都有一隻糖心蛋、木耳絲、粟米和蔥等配菜🧡別天神套餐（豚骨湯面 ）$105拉麵湯底已純水和豬骨日以繼夜熬製，而且餐牌上標明湯底沒有味精，所以客人可以放心飲用。我都係第一次會係食拉麵時飲湯底，拉麵有彈性，配上勁香勁濃勁滑的湯底勁惹味。🧡蝦味噌套餐 $115拉麵湯底以味噌和蝦為主，拉麵上佈滿櫻花蝦，蝦🦐味很濃但不會搶了豬骨湯的味。味道亦不會太咸。叉燒有厚度，脂肪比例均勻，而且烹調得很軟林。🧡小龍蝦🦞沙律拉麵可以升級為套餐，便可以選擇一款小食。小龍蝦沙律很有驚喜。冰冰涼的沙律，每一啖都可以食到小龍蝦肉，單獨食和包紙菜食法都食到啖啖肉，勁滿足。🧡日式煎餃子🥟拉麵升級為套餐後，可以選小食為煎餃子，有四隻。師傅是即煎的，所以上碟時熱辣辣。餃子🥟味道正常，沒有太大特別。

旺角別天神拉麵個門口好特別，所以行過見又到晚餐時間，就入去食個麵。成間店好有日本風情，店面好別緻，面積不大但都有好多個位，價錢85左右有一個餐，包一碗拉麵同一個小吃，可以選沙律或餃子都可以。今次我地叫左豚骨湯麵和蝦味噌套餐，兩個湯麵份量好足，豚骨麵有幾片厚切叉燒，都幾正，肉質嫩而且入味。另一個蝦味噌湯麵，就好多小蝦干，小小粒都有蝦味，而且脆卜卜幾特別。湯底都好，不會太咸，味道是濃郁的，但至少回家不會感到口干，不是味精湯。

晏晝食得太飽，夜晚唔想太heavy~食個拉麵就啱啱好😆。呢度店鋪細細大約有十個八個位，幾有日式風味。買野食就可以起門口果部機度，用八達通比錢都幾方便。✨拉麵有兩款，分別係豚骨湯同蝦味噌豚骨湯。我地叫左兩款套餐，配小食同埋會多左隻半熟蛋。✨先黎個跟餐小龍蝦蟹籽沙律，食落啖啖小龍蝦肉，肉質好爽彈～包埋紫菜食仲正ar😍✨豚骨湯拉麵：奶白色既湯底，豚骨味清得黎好香，飲落有d 奶味既感覺。拉麵麵質啱啱好，軟硬適中，幾鍾意佢勁多蔥，加埋個湯食落更加香。✨叉燒有三大塊，雖然係偏瘦，但食落爽口同埋夠淋，佢既拉麵同湯底，無平時食到覺得好漏既感覺。✨蝦味湯底更加正，係豚骨湯既升級版😍超多櫻花蝦味勁香ar🤩一路食係咁飲，蝦味幾濃。呢款配料就有粟米， 半熟蛋都好軟滑，好好味。✨餃子見佢用焗既方式烹調，所以個底唔會好脆，不過就啱晒我唔鍾意食熱氣野🤣個皮好薄，饀料唔錯幾好食嫁。

天氣熱，沒什麼胃口食野，一於今餐食拉麵😍博多天神拉麵，即刻回想福崗的拉麵🥳呢度有部自助落單機，首先要買左票，再比師傅。呢度既格局，非常有日本拉麵店的風格🤩拉麵種類唔多，我地一人食左一款，升級套餐，分別是豚肉豬骨拉麵, 配小龍蝦蟹子沙律；蝦味噌豬骨拉麵，配餃子🥟。升級套餐的拉麵係有一隻溫泉蛋架！豚肉豬骨拉麵- 豬骨味濃郁，同埋餐牌上寫明沒有味精，所以我好放心地飲呢！豚肉好軟，入味！蝦味噌豬骨拉麵- 同豬骨唔同既味道，多了蝦味噌，咸香香的味道，喜歡重味D既朋友可以簡呢款拉麵啦！值得一讚的是小龍蝦蟹子沙律，以紫菜包黎食，幾開胃架！

今次黎到旺角既博多拉麵別天神，位於山東街小小既一角，唔太顯眼既位置，主力做豚骨拉麵同蝦味噌拉麵，選擇既套餐除左一碗拉麵外，可以再挑選一份小食，包括小龍蝦蟹子沙律或餃子。使用點餐機點餐，幾方便。小龍蝦蟹子沙律配搭紫菜一齊食，中間既蟹子卜卜脆，又會食到粒粒蟹肉，但有啲咸，包落紫菜度食就會好點餃子即煎既餃子好香口，中間既豬肉餡再加上爽口既椰菜，口感較豐富蝦味噌套餐 $1159豚骨湯底上再加味噌及蝦乾，所以相較於豚骨味道，蝦鮮味會較出，味噌湯咸度剛好，有時都擔心味噌湯會咸，但佢就無呢個問題。半熟蛋熟成度不錯，好滑溜，麵底選用幼麵，口感較硬有嚼勁 別天神套餐 $105傳統既豚骨拉麵，配搭粟米、木耳絲、蔥花同半熟蛋，叉燒有三大塊，入口鬆化但唔算好肥，咁樣反而比較岩K既口味🙈豚骨湯底唔太稠身，豚骨味道淡淡地，唔太膩但就未必岩鐘意濃郁味道既朋友啦😝