博多拉麵別天神 (Closed)

最近熱話激安係香港鬧市開幕，同一商場入面仲有uniqlo 同 GU，慰藉唔少香港人嘅日本癮，可以自製日本一天遊，再食埋個壽司或者拉面就襯晒喇。激安太多人未去倒，食住拉面先絕不困難，記得早前曾經幫襯過阿士里道分店嘅別天神，今日試下旺角先。同樣柯打兩客拉麵套餐，一個豚骨湯面，一個蝦味噌豚骨拉麵，套餐包括餃子或小龍蝦蟹子沙律。豚骨湯底豚骨味濃郁，用高壓煲長時間熬製，拉麵軟硬度適中，配合叉燒，糖心蛋，木耳絲及香蔥，簡單又地道，叉燒較瘦，喜愛半肥瘦嘅未必習慣，糖心蛋則是萬人迷般，喜歡那流動，軟軟的蛋黃及蛋白！另一碗係蝦味噌豚骨拉麵，湯頭以豚骨湯使基底再加蝦味噌，味道似蝦膏味香濃，面頭鋪滿粒粒櫻花蝦，配上粟米粒，青蔥及溫泉蛋色彩繽紛，湯味再豚骨湯濃郁，與青蔥同吃中和一下超正。想一讚小龍蝦蟹子沙律，與紫菜一齊食很清新！

喺旺角行街見到呢一間細細間嘅拉麵店，格局好似日本嘅拉麵店咁，而且係用八達通自助買飛，感覺幾似日本小店，所以同朋友入咗去試啦。我哋一人叫咗一個餐，因為可以分享黎食下唔同味嘅拉麵。我要左別天神套餐，朋友要咗湯味增套餐，我哋分別叫咗餃子同埋小龍蝦沙律。餃子份量都幾多喎，有成四隻，餃子皮薄餡靚，個仔煎得幾香，有日式風味。小龍蝦沙律好足料，真係食到小龍蝦肉，而且唔紫菜包住啲沙律嚟食，感覺幾清新，唔會好肥膩。先講一下拉麵先，感覺冇乜味精，算係比較淡新嘅拉麵，但係啱晒我呀，因為唔鍾意食太濃味嘅拉麵，而且飲多幾啖湯都唔覺得好口渴。日式叉燒入口即溶，而且好夠味，最欣賞係蛋竟然有成一隻咁多抵讚。

今日放工，跟老公到旺角逛街，然後就在附近找東西吃。今日天氣很熱，不想吃飯，剛巧經過一間拉麵店，我說不如就吃這間吧。這間拉麵店很有日本的感覺，門口有一個點餐機。這裏地方不大，只有十多個座位。就像日本小小的拉麵店一樣，座位下面有一個鈎，可將自己的袋掛在上面。先來的是兩款小食，其中一款是小龍蝦蟹子沙律。 這個沙律細細份，小龍蝦及蟹子打成蓉，入口吃到龍蝦的味道，咬落卜卜聲，是蟹子的口感，好食。另一款小食是餃子，餃子煎得很好，入口很香，還帶一點點肉汁，感覺很好。老公點的是豚骨湯麵，他說這裏的豬骨湯味道非常濃。拉麵上有 一隻切開的半熟蛋，兩塊叉燒，一些木耳及蔥花。叉燒大塊，不肥，木耳爽口，半熟蛋的口感亦做得剛好。拉麵是幼身的，入口煙韌，不會煮得過淋，不錯。我點了一個數量限定的蝦味噌豚骨湯麵，這個湯麵樣子也不錯。有一隻切開的半熟蛋，櫻花蝦，叉燒，粟米及一些蔥花。這裡的豬骨湯底是用豬骨加水，然後再用壓力煲淆製幾個鐘而成的，不加任何味精，怪不得入口味道很濃，一點也不鹹。我這碗拉麵還有日本味噌及櫻花蝦的味道，但味道亦不是太鹹，很鮮味。這間小店的拉麵味道很不錯，價錢抵食，地點又方便，下次會再來的。

博多拉麵別天神，在香港有很多間店鋪，今日晚上同朋友在旺角，發現山東街有一間，馬上去食個拉麵餐吧。細細間的拉麵店，坐在吧台上一目了然，可以見到拉麵師傅如何煮麵，跟傳統日本店鋪沒兩樣分別，有自助點餐機，如果有jcb 卡，更可無限添加麵底！🍜豬骨湯麵博多拉麵是指以濃郁的豬骨湯，配上細麵，是日本三大拉麵之一，呢碗拉麵正正代表正宗的博多拉麵，超濃白湯，飲起上來豬骨濃郁，鮮甜順口，膠質豐富而且唔會油膩，配上幼身拉麵，更是無以倫比。🍜蝦味噌豬骨湯麵呢碗拉麵同豬骨湯拉麵最大分別是加了味噌，蝦味噌令本來已經美味的湯，增添了一份海鮮味，顯得更加完美👍。叉燒軟㝝入味，糖心蛋也做得出色。🥟餃子食拉麵最佳配搭，皮薄而且煎得脆，肉餡鮮嫩。🦞小龍蝦蟹籽沙律用紫菜包住沙律黎食，可以品嘗到美味小龍蝦肉和粒粒的蟹籽，口感特別。餐廳在湯底的確下了不少功夫，用足材料和時間，連水也十分講究，想在香港想食個正宗的博多拉麵，呢間別天神是個不錯的選擇😍。

今日小編見到朋友去左日本旅行，食拉麵好似好正甘，搞到我都想食。所以心動不如行動，今晚一於食拉麵，頂下旅行癮。餐廳採取自助方式，可以自己添茶，仲有各款調味料比你用。🍜豚骨拉麵 - $78湯底濃郁，食得岀真係用心落足料熬製而成。奶白色既湯吾係因為加左牛奶或cream。🍜蝦味噌套餐 - $115有餃子同沙律。叉燒厚身，個肥度小編幾喜愛，因為偏瘦。櫻蝦甜甜地，同個味噌幾夾，同幾特別。🥟餃子🥗蟹籽蟹肉沙律意想不到的好味，口感彈牙，幾多蟹肉。

又來了吃日式拉麵了！前陣子到尖沙咀吃過一次，這次光顧旺角分店來試試其水準。店舖面積細小，只能容納約十個座位，感覺跟在日本街頭吃的拉麵店很相似，所以好有feel喔( ´▽｀)店只提供兩款麵食，客人先透過點餐機點餐，然後進內就座，店員隨後便會遞上食物。跟朋友點了豚骨及蝦味噌湯麵各一碗，其中一份點了套餐（配餃子4隻及小龍蝦蟹籽沙律一份）小龍蝦蟹籽沙律沙律小小的一份但裡面都有好多蝦肉(⁎⁍̴̛ᴗ⁍̴̛⁎)餃子煎得香脆。豚骨湯麵豚骨湯湯頭調味適中，不會過咸，麵條亦煮得剛好，不會過硬或過淋。蝦味噌豚骨湯麵重口味朋友更喜歡這碗，因為更濃味，哈哈。即使座位少也沒有讓立刻客人吃完麵就走，欣賞喔(*¯︶¯*)

超人氣拉麵開咗都好一段時間，依然係有咁多人嚟朝聖，等咗一陣間，都有位啦！好肚餓啊！蝦味噌豚骨湯麵 $85別天神套餐 $105［豚骨湯麵+餃子四隻+小龍蝦蟹子沙律］博多拉麵別天神出名超濃白湯底係用100%豚骨及純水熬製而成，所以拉麵湯底比平時外面食嘅清d，感覺無咁重味精同一d都唔油！溏心蛋每碗都比足全隻，加埋湯一齊食仲正！餃子脆脆哋 入面仲有啲肉汁最驚喜都係個小龍蝦蟹子沙律，龍蝦肉好足料，配埋蟹子口味好好，唔會太多沙律醬好清新

今日旺角行到累，到博多別天神快速食碗麵，可以繼續shopping，地方雖然細，但五臟俱全，先在門口自助買票，揀自己喜歡的食物，簡單直接，幾好。真係幾簡單，只有2款麵，可以選套餐多2个小食，當然可以另選小食和飲品啦。我們買2款各1，其中一份是套餐，先上小龍蝦蟹子沙律，用紫菜包住沙律一齊食，小龍蝦彈牙，味道偏濃，咬爆蟹子，有少少腥味，但整體配合不錯。另一小食是煎餃子，煎得少少脆嘅皮底，點上醬汁，味道正常。到主菜叉燒豚骨湯麵，濃郁豬骨湯底，麵偏霖，叉燒夠霖，配上爽口木耳絲、半熟蛋、還有紫菜同蔥花，整體配合不當，如果喜歡食蛋，就要叫套餐，因為單叫係冇蛋嘅， 或者加錢買蛋。蝦味噌叉燒豬骨湯麵，有很多櫻花蝦在叉燒上，其他食材整體口感一樣，主要分別在於蝦湯底，濃而帶鮮味，味道偏重的人，會喜歡。環境雖然不大，但好有日本feel，人人坐bar 枱，近距離接觸厨師，單点是七八十蚊，套餐只是加多30蚊，有2款小食。

係旺角搵到間裝修風味跟足傳統日本拉麵食店，全BAR台。炎炎夏日，餐廳冷氣好夠涼值得一讚。別天神拉麵套餐其實呢到所有湯底都係豬骨濃湯底，如果想濃味Ｄ有拉麵汁，辣芽菜等可以自行調味。都幾特別，岩晒我呢Ｄ重口味人士。湯底濃麵底份量都多。日式叉燒好淋，仲有粒溏心蛋。8/10除左拉麵之外，仲有蟹肉沙律，沙律好甜好清新，仲食到有幾舊蟹肉。9/10仲有一份餃子都幾好食，煎到皮脆肉嫩有肉汁。8/10蝦味增拉麵呢個麵係豬骨湯底上加上蝦籽調味，整體上其他差唔多，係多左一份鮮蝦味道。8/10

食左豚肉拉面75元及蝦拉面套餐115元套餐可選餃子or蟹籽沙律。套餐選左餃子，有4隻，所以我們額外叫左個蟹籽沙律35元。蝦湯濃郁,面質硬度適中,加埋拉麵胡椒 同芝麻 就再帶出味道層次。櫻花蝦夾埋面食就夠香。豚肉夠厚身同夠林。面的份量多，每個面也有開左邊的流心蛋。紫菜包蟹子沙律夠清新。餃子即使放一陣 外皮都係脆既，仲有紙巾盒係上面 好貼心，茶係麥茶,仲有要讚賞一下個芽菜，好好味，好入味，可以自取食。

之前經過尖沙咀亞士厘道見到有間細細間既拉麵鋪開左, 門口格局同日本個d一模一樣所以咁記得~ 前幾日發現原來旺角都有間分店, 就係山東街! 今日臨番屋企就簡簡單單食個拉麵做晚餐🍜頭先上網睇下佢係咪新野係日本黎既, 點知原來係幾年前已經有第1間鋪係銅鑼灣, 而家仲有好多分店, 連美國都有!! 係見到尖沙咀分店之前真係無留意過佢估唔到細細間又幾猛料咁❗門口就係咁, 同日本一樣用自助點餐機。大胃人士請注意❗點餐機隔離貼左個優惠, 有JCB卡就抵啦, 可以免費加麵底仲要無限次。兩個人點左一人一個餐🍜別天神套餐🍜蝦味噌套餐煎餃子外皮厚度適中, 如果可以再薄d仲好~ 不過都煎到脆邊不錯!小龍蝦蟹子沙律依個好味比餃子特別, 紫菜比得唔姑寒, 絕對夠配個沙律❗食到小龍蝦肉既同時咬到1粒粒蟹子, 口感唔錯, 用紫菜包住黎食好夾豚骨湯麵豚骨湯味道好濃厚, 鋪頭標榜佢地既白湯底係用100%豚骨同埋水長時間熬煮出黎, 不加味精。飲落果然濃而不膩, 啖啖肉味呀仲有教人點樣調個自己想要既湯底出黎, 其中既辣芽菜係自家秘製!溏心蛋靚仔! 溏心狀態不錯蝦味噌豚骨湯麵係豚骨湯上加左一堆櫻花蝦, 原本濃香既湯底變得更加濃厚

係日本番黎都仲係好掛住日本拉麵🍜咁啱行過見到呢個咁繁榮既位有一間小店，好有日本元素~店內位置唔多，只有數個座位！ 店內採用自助售麵機，成件事真係好日本小店😂😂😂我地要左一碗《蝦味噌豚骨拉麵》$85 加《味付玉子》$10呢碗麵上面既蝦仔多到不得了😂😂😂 其實我好唔中意食蝦仔（下次黎要走左佢😂😂😂）但係蝦仔好香👍🏻👍🏻👍🏻湯底好濃味～除左豚骨味之外仲有蝦仔味，蝦仔既鮮味令到個湯錦上添花🌺溏心蛋滷得入味，而且我都幾滿意佢既溏心程度👍🏻👍🏻《別天神套餐》$105套餐入面包左《小龍蝦蟹籽沙律》同《餃子4隻》我好中意佢地個沙律既調味同入面真係有好多小龍蝦肉👍🏻👍🏻👍🏻完全唔呃人！《餃子🥟》菜肉餃～《豚骨拉麵》湯味濃郁！但我比較中意食蝦味噌豚骨拉麵既湯底多d😂😂😂因為多咗蝦嘅鮮味呀嘛🤪🤪🤪店家好貼心，仲有紙巾比你👍🏻

這裡選擇不多,只有二款拉麵,1. 濃湯豚骨拉麵2.櫻花蝦湯拉麵如果轉慢煮的粉嫩叉燒就好了,這塊太瘦太鞋,口感比較粗糙拉麵內有大量的木耳,套餐中4隻餃子比單點的小了兩隻，有豬肉作及椰菜絲， 同平常吃的香港餃子基本是相同的，亦不是店家自製，可以說是沒有特色。但龍蝦沙律極推🤤❗️用料十分充足！每一啖都充滿小龍蝦和蟹子

晚夜收工行街街，可能因為天氣熱既關係，好想晚餐食啲濕濕地既野，見到好多拉麵店，而呢一間聽朋友講過，好似吾錯，就去左呢間別天神到食啦。間鋪裝修到好似日本地道拉麵鋪咁，先買票，再坐底食。買左票就可以坐底啦，店員馬上會準備食物，先上既係一個小龍蝦沙律，好好味，用紫菜包住食重正，同女朋友一人一啖，都夠食既👍🏻食完一又車，拉麵就有得食啦。佢地既湯底係用豬骨，放入壓力煲長時間煲成，好濃味。兩個湯都好好味，麵好爽口彈牙，蝦味果個湯味道較濃，有少少海鮮味。而豬骨湯果個，食到好濃既豬骨味，非常好味。值得一提係個蛋，糖心蛋Feel，好好味，真係要食晒佢。食食下，個餃子都上菜啦，佢地吾會煎到好硬，入面好好多汁，正呀。成餐飯都好滿意，推介指數⭐️⭐️⭐️⭐️

別天神自銅鑼灣開店後，不停開立分店，開到連旺角都有一家，我就忍不住去了試一試，看看質素有沒有如一般拉麵店一樣，分店越多，質素越墮。旺角店依舊如銅鑼灣店一樣，坐位非常狹窄，只有10個位左右，但就有一台非常先進的點餐機，可以用信用卡/手機付款，非常方便。食物：只有兩款選擇，一是蝦味噌，另外是豚骨，小食兩款分別是餃子跟薯仔沙律。蝦味噌湯底比較濃郁，配有非常多櫻花蝦乾吊味，口味非常濃郁。豚骨比較清淡，也沒有很濃的骨底奶香，比較適合喜歡清淡湯底的人。而麵底不會太韌，反而比較合香港人口味，不過就沒有硬度可選。溏心蛋帶甜，呈半流心狀，時間掌握得不錯。叉燒是那種比較有口感的，厚切，瘦肥比：7:3，沒那麼油膩。薯仔沙律是套餐配製，當中有蝦肉跟蟹籽，非常爽口彈牙，配上紫菜口感更多一重，味道也是甜中帶點咸的清新，不過就別想像它是有菜的沙律了呢！餃子比較普通，皮薄夾有普通的豬肉餡，如肚子未飽可以一試。目前旺角店還不算太多人，有興趣不妨試試。