博多拉麵別天神 (Closed)

話說甘耐無去日本旅行，忍唔住都要食番d日本野頂下癮。這間別天神一入門口已經見到一部自助下單機，可以用八達通等既電子貨幣比錢，非常方便同親切，恍如置身日本既拉麵店！食物總類簡而精，主食拉麵只有2款，或者可能係老闆想專心做好拉麵質素既取捨。🇯🇵今次叫左最基本既豚骨湯麵，拉麵上枱賣相唔錯，拉麵碗微暖，應該係師父事前整熱過個碗令拉麵無甘容易失溫。麵質叫左我最喜愛既超硬，無得輸！豬骨湯底亦比起日本傳統既味道淡口，相信係為咗配合番香港人口味而作出既改變。整體而言黎碗拉麵不過不失，有機會都會再黎食過！🇯🇵

日本拉麵，喺香港少食，十居其九會中伏，無謂失望！呢排無得翻鄉下，終於忍唔住，啱啱喺附近，見呢間食評極高，趁午飯過後時段，人少少去，門口有部自助點餐機，果然日式風格，店員主動幫忙，三兩下就搞掂（主要係選擇唔多😂）。環境：木吧檯高櫈全日feel，調味料冰水壺水杯，熟口熟面。碗麵：可能就翻香港人口味，個湯底淡咗少少，但係唔影響佢散發濃濃嘅豚骨香味，我揀硬身麵，基本配料係櫻花蝦、叉燒、粟米、蔥，而其實我個目標係調味架上面嘅辣芽菜，所以，即落，雖然唔係肥仔芽菜，但係我已經好滿足，因為落咗唔少，真係唔好意思！成碗日本味道，完成。（哎呀！唔記得加糖心蛋）結語：有heart製作，支持支持。

上一次食別天神係大半年以前今日經過北角，想食拉麵，咁岩有位就衝左入去食。我同朋友分別叫左 （其實係得呢2款選擇）1. 蝦味噌豚骨湯麵2. 別天神套餐配餃子1. 蝦味噌豚骨湯麵個湯底好濃，好鮮味。上邊仲有櫻花蝦。麵底有軟，普通同硬底比你選擇敗筆之處係個燒。我個人就覺得硬左少少，同埋唔滑2.別天神套餐配餃子我朋友飲哂個湯底。好鮮甜。餃子就不過不失，普通味道以前食開拉麵都會覺得好咸好口乾，但別天神個湯底真係唔會口乾。佢地標榜湯底係豚骨加水，唔用味精。環境黎講雖然細細地，但都乾淨企理。下次再食

餐廳格局好似日本當地拉麵店 全部都係吧檯坐位😌門口設有自助點餐售賣機 揀好邊款拉麵直接俾錢就可以啦👏🏻👏🏻叫咗兩款拉麵🍜湯底唔一樣 試吓有咩分別🥰豚骨湯麵豚骨湯底 有濃郁嘅豚骨味 餐廳用豬骨煲左好耐炮製出嚟嘅 所以冇添加任何額外嘅味精 加埋香蔥 湯底味道更加香口☺️拉麵幼身口感都幾彈牙爽口麵質軟硬適中 而且非常掛湯👍🏻叉燒半肥瘦😻口感淋淋地幾好味！另外叫咗蝦味噌湯麵蝦味噌湯底加入大量櫻花蝦🦐令到湯底嘅蝦味同埋海鮮味增加咗唔少湯底飲落更加濃郁！推介👍🏻👍🏻小食方面叫咗小龍蝦蟹籽沙律好好味啊！沙律醬混入左小龍蝦同埋蟹籽 口感十足😋而且小龍蝦味道十分鮮甜！煎餃子🥟每次食拉麵都要嗌餃子☺️餃子🥟煎至金黃色 好香口而且好juicy!!!

之前係尖沙咀分店已經試過一次，感覺幾正，咁啱去開北角見冇乜其他嘢啱食，一於再會一會別天神！環境:食過別天神嘅人一定知道佢入面的環境設計，一貫地細細間舖頭，入面得十個面壁思過位左右，配合埋近日疫情關係要放埋膠板，更加有自修室感覺！服務:一句講哂，冇服務可言！原因係因為呢度係走日本自助點餐風格，客人自己係店外部大平板點餐，點完入去坐等野食來，就係咁簡單，不過值得一贊係佢用緊嘅點餐機收款服務都足，有信用卡 (Visa Master 銀聯) 及其它 QR Payment.食物：呢度食物選擇可以話極少，一係蝦味拉麵，一係普通豬骨拉麵，可以選加配小食餃子或者沙律。不過我就係貪冇選擇，因為有時選擇多都未必係好事！蝦味噌豚骨拉麵：豚骨拉麵:

別天神係一間比較多人熟悉的黃店，其實我也吃了好幾年，味道不過不失。但隨着拉麵及沾面的興起，香港先後有很多湯底多選擇或是有特色的拉麵店，而此店的豬骨湯不算濃郁，不過叉燒就住得算林而且亦幾大塊，但偏偏做不到與眾不同的感覺。價錢算親民，約$100碗，期待以後推出更多新湯底或重新改良配方，加油💪🏻

重臨這間在工作附近的拉麵🍜店，看看水準有沒有變。它一直以來就只出產兩款麵，所以今次叫的都跟之前一樣。🍜蝦味噌豚骨湯麵 配小龍蝦蟹子沙律🥗 $115🍜別天神豚骨湯麵 配餃子🥟 $105話說有網民話別天神水準退步👎🏾，今日蘋果日報🍎出了一篇專訪搵了別天神老闆Rocky，仲搵埋居港日本人Soko和拉麵老行尊鄭師傅🙏解謎。從訪問中我很欣賞由日本學做拉麵🍜歸來的老闆，唔怕被挑戰被批評，態度謙虛👌。首先要講兩年前開設中央工場🏢，日本🇯🇵訂做每個廿萬元壓力煲，調味肉汁都是自日本，筒骨就由歐洲🇪🇺運來，想不到由中央工場製作出來的湯底都一樣高水準👍！而在運送過程🚚中也安然無恙，半小時路程只是由85度降至80度🌡。即是由工場製造到運輸兩方面都沒問題🤷🏿，原來問題可能因為店員煮麵手勢參差😯，湯底溫度不夠高。得到鄭師傅提供建議後，老闆Rocky有所改良✅，買部脫水機，務求改善品質之餘，每位員工都懂得用。連鎖經營就要步驟制度化，減少出錯機會💯。👉分享完篇專訪，話說回頭，我去的時候相信已經有所改良，香濃嫩滑的奶白豚骨湯底🍜，還有溏心蛋和叉燒三塊。我最愛是小龍蝦蟹子沙律🥗，沙律醬的wasabi甜而不辣，粒粒小龍蝦富

呢段時間真係好少出門，今日同朋友出北角剪頭髮都無突登話想去搵野食，咁岩俾我係轉角位見到間拉麵店，淨係個門口都已經令我地引唔住衝入去，太耐無食拉麵了一入黎就見到兩部自助機，店員都好有心機教我地用。我就點佐一個招牌別天神拉麵餐，都幾抵，連沙律 或者餃子 加埋野飲都係105 ，朋友就點佐個蝦味噌豚骨湯麵餐，我叫餃子，佢叫沙律，咁就可以SHARE食。先黎係個沙律，賣相真係同相一樣咁靚，仲要俾想像中大份，夠曬兩個人SHARE呢個叫小龍蝦蟹子沙律，紫菜脆卜卜就基本野啦，但估唔到個沙律真係起多小龍蝦，大大舊，用紫菜包住食真係超級正跟住就到我個別天神拉麵啦細麵，非常足料，佢唔係個種非常杰身同埋好重油脂既湯底，幾岩香港人口味，而且食得出真係好渨厚豬骨湯味，唔錯。值得一提係呢間店雖然係小店，但佢既配料俾好多大型名店都多，任你自己去調配適合自己既口味，當然少不了我最愛既辣芽菜啦朋友既蝦味噌豚骨湯面都相當出色。用佐超級多櫻花蝦，好鮮好足料。呢個份料呢個料但賣緊都係115 已經有曬成個SET 真係超級抵，其實剩係呢個面都已經值回票價。餃子都做得好好，夠熱，皮底都仲好脆。估唔到咁耐無出黎，一出黎又俾我試到間好野。

💛北角 - 別天神這家店在北角一條小街中，頗不起眼，要多留意才看到。但猜不到他的拉麵十分出色。♥️一入到店，須自己在一部自助點餐機點餐，和日本的拉麵店一樣。店內大約有十多張椅子，疫情下只可坐六至八人。點完餐就靜靜坐在吧檯等廚師煮餐。廚房是開放式的，一眼已經見到整個廚房都非常整齊清潔。👍🏻我和朋友點了別天神套餐和蝦味噌套餐。🍜首先湯底很濃郁，我兩個湯底也有品嚐，個人就比較喜歡蝦味噌🦐🦐的湯底。另外拉麵是用幼麵，我喜歡它有點硬的口感。另外，小龍蝦沙律真的很好吃，另外有紫菜可包起沙律來吃，很surprised！餃子亦肉汁豐富。🥟💬這餐我十分滿意。下次亦會再來，但中午時間呢要早點到，不然就要排隊入座了————————————————.🏡博多拉麵別天神 (北角)📍地址：北角書局街22號地下

疫情之下，救救黃店是必須的，尤其小店。今次食拉麵，因為從社交平台得知「博多拉麵別天神」曾經為左疫情及新措施而停業14天，想必造成經營問題，希望能略盡綿力。店舖細小，新措施影響之下，座位少之又少。兩款拉麵都好好味枱上貼有如何加調味料的獨特食法，個人認為可以跟隨試吓！(唔記得影相)最好食係小龍蝦蟹籽沙律，但太心急食，冇影到相... ...包住紫菜食真係好夾！牆上貼滿大家的願望，亦都係我既願望～最後埋單

路經北角，發現這裡有間 別天神拉麵，在門口自助購票，食個“快餐”先。❨蝦味噌套餐❩ 包含四隻❨餃子❩，皮薄又煎得脆身，肉質還很軟熟。蝦味噌麵，麵面被主菜及配菜蓋滿，包括有2片叉燒，櫻花蝦，粟米，香葱，開邊半熟蛋一隻等。湯濃，拉麵彈牙，因湯頭幾濃厚，也可以掛到係拉麵，隻半熟蛋流心做得好味，叉燒夠軟熟，帶點鹹味，食多d櫻花蝦乾可以吸收多d鈣質，加埋帶甜味粟米粒同香葱粒，好味播！另外 ❨別天神套餐❩即係❨豚骨湯麵❩ + ❨小龍蝦蟹子沙律❩單食拉麵只係$75，比不少其他的拉麵店便宜。豬骨湯底夠濃香，叉燒加上不少木耳絲同葱粒，濃中有清香。紫菜卷著含龍蝦肉的沙律，日式食法，挻別緻。枱面上還擺放了紅薑絲，辣芽菜，蒜泥，白芝麻，我無錯過，食齊晒。磨碎白芝麻散發香味，正！坐位頭頂有紙巾，方便用來包口罩，台下有掛鈎可掛袋，用得著。

近排去左食這間博多拉麵別天神，店裡貼滿了香港人心聲，是一間黃店。這次吃了以下幾款拉麵和小食。豚骨湯拉麵🍜配料有多片叉燒，溏心蛋，粟米和紫菜。個蛋流心ga。食落是好正宗的日本豬骨湯，個湯奶白色，好清甜好好味。拉麵硬度煮得岩岩好，好香滑，好似去左日本的感覺。櫻花蝦味增豚骨湯拉麵🍜呢碗比較香濃，💛食落好有櫻花蝦味，好特別，賣相都好美，值得一試😍這裡還有冰水同各種調味料提供，枱上有教學看，可以跟住來自製一碗屬於你自己喜歡的口味，例如加辣等等。小龍蝦蟹籽沙津推介，兩者材料配合得好好，超足料，口感好軟和香濃，好味到唔捨得食。另外，餃子記得趁熱食，煎得都好香。店裡是有自助售賣機，首先可以落單先再搵位坐。好日本Feel ga💛別天神有好多分店ga, 大家記住多些食啦。

疫情之下有濕紙巾送好貼心☺️☺️☺️☺️本身湯底較淡味行健康路線 不過就好flexible 自己調整就okay☺️☺️☺️☺️☺️豚骨拉麵套餐 $105哩個係豚骨湯底勁多蔥 跟麵既溏心蛋都好正 有塊大大紫菜我嫌佢太淡味 就跟左餐廳既instruction 加左好多蒜蓉芝麻七味粉 然後就濃味返d lu跟set叫左個小龍蝦蟹子沙律 味道唔錯 有沙律球中又有小龍蝦肉 夾埋紫菜一齊食都幾match 蝦味噌豚骨湯麵套餐 $115餐廳只係得2款拉麵 哩碗櫻花蝦拉麵既湯底係濃味d既 所以價錢都貴少少配料有叉燒 櫻花蝦乾 紫菜香蔥 粟米 都幾多料下麵質就係幼身個隻 掛湯能力高d 餐配既餃子 味道都唔錯 點埋鼓油更入味

今日嚟北角食Lunch, 好開心遇見別天神。二話不說走入店內點餐。疫症期間，店員做足防疫措施，為客人量體溫．分隔坐位，依然坐得好舒適👍🏻加上店內配合開放式廚房，吃得更安心。蝦味噌拉麵套餐，滿佈櫻花蝦。奶白色嘅超濃白湯底極濃郁，再跟著加上蒜蓉．辣芽菜...wow,不得了 好好食呀，忍唔住要同流心蛋影張相，實在太軟滑，真正流心🤤份量好多，大大碗，呢個價錢好抵食👍🏻可以配沙律或餃子，我揀咗餃子，即煎，外脆裡面好多汁，包著滿滿嘅菜肉，好味。下次要再試埋其他款😋

今日就搵左間充滿日本風味既拉麵店試下-博多別天神（北角分店）呢間分店細細，就係因為細先至再貼近日本地道，一入門口已經有部食物自助售票機、再加上種類不多（日本都是啊）、長bar檯、盒裝紙巾提供.....令到因為呢個疫情未能回鄉既我可以在此思鄉一下😂咁我就叫左個別天神セット，包括左一碗有一隻溫泉蛋🥚既豚骨拉麵🍜、仲有一碟小吃（小龍蝦蟹籽沙律/餃子🥟）我就選左餃子。碗拉麵熱辣辣真心好正，重係我最鍾意既幼麵😍、餃子皮薄，肉汁多，美味しかった👍🏻靜靜地咁一個人食個晚餐，1 人で堪能し大満足です。