韓一石頭鍋豆腐鍋專門店 (Closed)

是次晚餐: 四人set dinner (2 個) 及 炸雞 (一碟).整體食物算唔錯, 炸雞都唔會炸到很乾, 有肉汁. 泡菜餅香口. 炒米絲較鹹.石頭鍋飯都幾香. 泡菜湯好辣 ( 但...唔夠香)  

今日輕鬆D，可以過九龍城食LUNCH。由土瓜灣行過去，大約15分鐘左右。呢間嘢係同事介紹，我地得兩個人坐卡位岩岩好。款式都係常見個D，所以無點猶豫就擇左生姜牛肉飯，餐飲叫左熱咖啡提一提神。佢用鐵板盛起D菜同牛肉，甘就可以保持住溫度同有燒焦既效果。個餐整體有D油，但味道OK。牛肉吾會太韌，反而有D鬆軟。去到吾洗排隊，但入面既位係FULL哂，所以黎食，可能要排一陣。

很久沒有食韓國菜，家人提議去九龍城食，滿心期待。訂左七點，準時到。因為天氣太熱，一坐下就覺得無冷氣，侍應小姐放下餐牌就離開等左十分鐘，坐位上方冷氣突然開放，原來一早目無表情（好似本人欠佢好多錢咁）嘅侍應小姐係聽到，只係無示意收到。跟住點菜我哋點左一份套餐，純豆腐海鮮湯，一份厚切五花腩、一個蔬菜籃。首先上前菜，一見到已知今晚餐飯危危乎，唔荒好食。連韓菜最基本嘅泡菜都咸到苦嘅😨😱之後所點嘅菜陸續送上,更大鑊😩首先係一味得油但無味嘅炸醬面，之後炒什菜咸到苦，入唔到口，豆腐湯只係用百福豆腐，蝦又霉，蜆又䗌，成碗湯除左䗌味，乜味都無薯仔排骨湯更過份，只有羗味五花腩同蔬菜籃係原材料，無須加工，所以還可以。總括嚟講，未食過啲咁超勁難食嘅嘢😡😡😡😡😡😡😡免費都一定唔會再去，太過份，毫無誠意經營嘅餐廳

同事放工後決定一試韓一, 坐大玻璃窗隔離風景望大馬路, 坐位舒服!服務生勁有笑容, 不時幫我地加水!ORDER左炒粉絲,煎餅,排骨薯仔鍋, 芝麻雪糕!超級推介煎餅! 夠熱夠脆! 芝麻雪糕都好正, 唔太甜有香濃芝麻味!粉絲彈牙, 薯仔鍋入味, 總體所有食物既水準唔低.值得一提, 前菜夠多, 款又多, 蜜豆同薯仔最得我心, 而韓國國菜- 泡菜都好好味!唔太辣!順手再提餐廳衞生唔錯, 連TOLIET.. 都係..去九龍城食得多泰國野又或者係其他地方等得太耐, 絕對推介E間餐廳一試!

朋友話想食韓國菜, 我之前聽朋友講九龍城韓一唔錯, 今次聚會就黎韓一試試啦, 反正大家都未食過...入到去見格局同平時韓國菜好似有d唔同, 佢好光猛,簡約裝修,帶點韓國色彩,入到去好舒服,我地坐樓下, 佢坐位係好似一格格咁間開, 好似一間間獨立既小房咁, 幾鍾意個環境, 同朋友傾計都好似有個小小私人空間咁,幾好...佢度可以韓燒,不過我地今次食韓菜先, 好幾樣野都想食,又唔敢叫太多食唔晒, 四個女仔..最後叫左一個二人餐同加兩樣野食...二人餐有前菜, 炒春雨, 豆腐鍋, 石鍋飯,飲品同甜品...其實佢都有好幾款餐揀...我地再加左煎餅同薯仔排骨鍋...泡菜有十小碟, 每樣都試少少, 覺得個紫色薯蓉最好食, 薯條都好爽口新鮮, 仲有菜心,茄子,豆腐都ok, 唔會太濃...清清地開開胃先...主打緊係要試試個傳統豆腐鍋, 入面有泡菜,豆腐同豬柳片, 先飲個湯, 少少辣,相信就算唔食辣都會接受到, 有泡菜帶少少酸, 有少少似冬陰公味,幾討好, 豆腐熱辣辣又滑, 豬柳片都係新鮮的, 唔錯丫...份量都夠我地四個食...石頭鍋飯都係食韓國野必食啦, 我地揀左雞肉, 排得好整齊, 有蘿蔔絲,木耳

這日與友人在九龍城找地方吃飯。經過這間裝修新淨光猛的食店，原來是以我們愛吃的韓式石鍋飯做主打，一於不作他想，進去吃個暖粒粒的午飯吧。這裡到午餐定價約$40至$70左右。我們都選了石鍋飯，$58一份，包前菜和飲品一杯，可選罐裝汽水或茶、啡。落單後前菜很快就送到，各款口味都很清新（全部不辣的，對愛辣的我來說好像欠了一點味道），最愛是爽脆的蓮藕片。枱上各碟前菜都給我們吃光光，汽水亦幾乎喝完，但我們的主菜石鍋飯還沒有來。店員告訴我們廚房比較忙，在預備中。不過其實這日店內一半座位也沒有坐滿。 最後約落單後半小時我們的石鍋飯終於送到。賣相對板，熱辣辣的飯伴著芽菜，紅蘿蔔絲，生雞蛋，菜和牛肉。可是牛肉的質素真的不行，被鬆肉粉喇得不像牛肉，差。還好熱辣辣的飯和飯焦撈著韓式甜辣醬，味道還是可以的。總括來說，這餐的味道不過不失，而店內環境清靜也坐得舒適（可能是人客不多的緣故）。專程去九龍城吃這裡的韓國菜就不推薦了，但如果剛好在附近要吃飯，又不趕時間（因為出菜慢），倒可以考慮不妨一吃。

叫作專門店，其實有沒有標準。試了一個二人傳統豆腐鍋餐 $258。豬肉豆腐鍋-韓式泡菜+豆腐+豬腩肉，如果三樣分開食，問題是不大的。豆腐嫩滑，泡菜辛辣，豬腩肉亦嫩口，但當泡菜湯遇上嫩豆腐，就發出一陣奇怪酸臭味。起初還以為用了過期豆腐，但分開進食時，那種怪味又消失了。再說回辣泡菜湯底，辣味是比較單調，沒有辣椒香，與正宗韓式餐廳的比較，是不太一樣。炒粉絲，捧出來時是熱騰騰很夠香的，外形亦有九分像。但吃落似上海炒面，可能醬油是用中式的，所以就炒不出個韓式神韻。說實在也不難吃，但就是不像樣。牛肉石頭鍋飯，石鍋夠熱，能做出飯焦效果，很不錯。飯的濕度亦適中，但最敗筆是供攪拌的辣醬，欠缺應有的甜味，只一味的死辣，令整體變得單調，欠缺層次感。總結，這個專門店可能很專門，但卻一點也不正宗，有形無神的韓式餐廳。

Mrs boss serve every table who want to mix the rice in front of the customersesame ice-cream is rich taste & not over sweet bibimbap is original : nice & crispy with lot veg, but the beef is a little bit chewable with few small slice onlymini kimchi pancake is unique : it's tender inside with juicy texture, but a little bit crispy outside with chilly sauce providedI miss my Korean best friend whenever I eat Korean meal or kimchidecoration on the walltable is user-friendly when Mrs boss remind c

今天下午和4個同事一齊去食lunch開開心心去到呢間餐廳諗住食韓國野~點左每人一個餐一杯野飲~在場人不算太多, 一路等等等......等左大約半個鐘野食仍然未到.....其他客人都開始不停催.....再等多10分鐘左右....終於有第一碟飯到...但野飲都未到齊.....最後等左9個字, 黎左4個餐...仲要有一個黎錯....我地只係得一個鐘頭食晏...唯有取消黎錯既餐, 避免遲到.....到埋單既時候, 我地每人本身有一張10蚊cupon諗住用....點知...個負責人竟然話因為一位無叫野食所以全部唔可以用...其實我地全部都有叫野食, 只係佢間餐廳又落錯單又遲黎所以先取消...再加上cupon無寫明要所有人叫晒野食先比用更惡劣係負責人既服務態度非常差我未見過負責人會瞪起隻眼鬧客人(詳細對話見下面)最後因為太趕時間, 無再同呢d無理取鬧既人理論落去, 豪埋比佢, 以後唔會再去食!!!!打出黎係希望大家如果真係去食小心d, 同起碼預兩小時先好去食一個泡菜面......最好就唔好去食啦~ 避免無啦啦比人鬧~