Biergarten

Open Now

Now Closed

happy Friday嘅下午喺尖沙咀提早收工，喺OpenRice search咗附近嘅酒吧諗住happy hour一下，搵到呢間非常德國風嘅酒吧，生啤嘅價錢同附近其他酒吧差唔多，不過呢度就可以飲到德國生啤，所以就揀咗佢。呢間餐廳都幾有德國特色，尤其是入面有兩個巨型羊酒桶嘅卡位，不過因為有人坐喺度所以唔好意思影相，如果大家嚟呢間酒吧嘅話入門口行兩步轉左就會見到呢個特色卡位。啤酒方面就揀咗呢一隻德國嘅拉格啤，屬於清爽型，回甘比較強，提早放工嘅下午整返杯真心正。

飲啤酒都係飲德國嘅好，呢間喺尖沙咀嘅德國酒吧，賣嘅德國啤酒有同平時見到嗰啲牌子好唔同，平時通常係飲P字頭或者E字頭嘅德國啤，依間主要買嘅係叫做Bitburger ，menu話係德國排第一嘅生啤，飲落都爽都順喉嘅，好甘香。另外呢度啲生啤嘅容量都有幾多選擇，左邊嗰隻杯係平時酒吧飲開500毫升容量，右邊嗰隻杯就係400毫升容量，佢呢度另外仲有一隻一公升杯，係靴形嘅，都幾有趣。另外我見佢個menu都有幾多德國傳統食品，有機會真係要試下，尤其是腸仔或者豬手配啤酒應該好正。

🔸Biergarten🔸🔆酒吧非常近港鐵出口，而且巧有氣氛，我哋今次book左位，所以有得坐全餐廳得2個的酒桶位，我哋幾中意依個位，私隱度幾高，同朋友可以暢所欲言。而且佢地嘅Happy Hour仲要做到8點😱，放左工都趕得切啤啤佢！🔆Hefe Dunkel HH$66🐭對啤酒認識唔係好深，唔敢扮專家評論。但啤酒好易入口，順滑，覺得幾好飲。而且咁大杯都只係66蚊，酒吧價真係抵！🔆Bitburger Alcohol Free HH$42就算去到酒吧唔飲酒，都可以揸住酒杯盡興！都一樣有好濃小麥味，味道同普通啤酒無太大分別。🔆Mixed Sausage Platter(雜錦腸仔拼盤) $188依個Platter一共有4款腸同1條酸瓜，都係啲常見嘅德國香腸，唯獨係...咦？雞尾腸？點解你會係到😂 雖然唔知係唔係見識小，有啲驚訝雞尾腸嘅存在，但普遍啲腸都唔會太咸，但又幾送到酒。切成一粒粒，好適合一路吹水一路食。🔆Brezel (紐結麵包) $28麵包上到枱熱辣辣，食落口煙煙韌韌，好有咬口，有小小焦香味，配埋牛油。🐭覺得好好食，有想買幾個翻屋企嘅衝動。🔆Cordan Bleu (藍帶雞排) $210

尖沙咀超有氣氛德國啤酒屋，啱曬Happy Friday🍺🔻德國鹹豬手 💰218 +10% ➡️7/10豬手烤得好脆，不過選料唔算太好🤔豬手嘅肉有d位硬到咬唔到，豬皮都有d位硬到食唔落，本身切得太大舊，自己要慢慢切返，Overall有啲失望😕不過啲薯蓉好香濃，有小小奶香，都幾上癮😆🔻炸豬扒 💰188 +10% ➡️7.5/10炸豬扒都係歐洲嘅做法，將豬扒錘扁，超大塊嘅豬扒同薄薄嘅面衣，自己擠檸檬汁搭配食用，都幾酥脆紮實😋不過淨係俾左檸檬，冇俾到其他醬料，最後食到好單調😗配菜焗薯仔送酒好正😍🔻Draft beer💰88 ➡️8/10 德國酒吧嘅啤酒肯定唔會差啦，各款肉菜，配上大大啖啤酒，啱曬Happy Friday🍺👅味道：7/10💡抵食：7/10📌環境：7.5/10

喺香港都想感受到喺德國豪飲啤酒🍻,大咬豬手香腸嘅氣氛🍖?尖沙咀呢間Biergarten實在係我心水推介~喺Google Map到搵到佢時已經覺得勁正,忍唔住要去試下~我係超級鍾意食呢隻包🥨!連佢嘅同名餅乾都好鍾意~呢度嘅包真係外皮韌韌地又硬硬地,但入面勁鬆軟~仲要暖笠笠上檯♨️,搽啲牛油就好好食🧈~我哋食到7788想encore時,已經賣晒了...清清地叫返個Chicken Breast Salad🥗~佢嘅沙律份量都幾大,而且啲菜好新鮮~烤雞肉好香,又唔會過老🐔~呢個Cold Cuts and Cheese Platter亦都好大份~有多種不同腸仔選擇,亦有好香油脂味嘅salami,啲芝士粒都好香濃🧀~嚟呢度其實應該飲大杯啤酒,但佢竟然有自家製Mulled Wine🍷!秒轉軚😂😂飲住杯熱辣辣嘅Mulled Wine~令我好有返咗去德國嘅Christmas Market嘅感覺🎄🎅~佢玉桂味同橙味都好香,煮過嘅酒唔會太嗆喉,如果仲有真係必試!呢間店真係好正,我而家仲好掛住佢個Pretzel,期待再嚟幫襯😍

Happy Hour in German Style呢句野用嚟形容今日嘅Happy Hour就真係perfect ，因為今日去幫襯左呢一間位於尖沙咀嘅老牌德國酒吧餐廳， happy hour梗係要飲番呢度嘅德國啤酒啦，我哋兩個人一個飲德國好出名嘅Bitburger，不過因為要揸車，所以揀咗0酒精嘅Bitburger Drive，呢隻0酒精啤酒嘅味都真係好似啤酒，今次真係可以千杯不醉。我個friend就揀咗另一隻larger，都係德國啤酒，Konig蜜糖啤，飲落去真係有少少蜜糖味。認真講，啤酒真係要飲德國嘅。

女友同我慶生, 想飲啤酒又想試新地方, 就揀左呢度. 餐廳分兩邊, 一邊係高枱高櫈似酒吧, 一邊係大梳化大枱似餐廳, 我地坐餐聽嗰邊. 一共只有6張枱, 但每個位都好闊落, 坐得非常舒服, 係度睇波應該好正. 我地係黎歎啤酒既, 呢度裝修真係有幾分似德國啲Biergarten, 樓底高, 兩排長長既天花吊燈增加左空間感, 裝飾唔係華麗, 似屋企客廳多啲, 感覺好舒服, 梳化很大, 我地兩人可以並排坐. 對面有兩個酒桶形既卡位, 好有特色, 但入面睇黎有啲焗促, 都係留番俾鍾意打卡既人啦. 啤酒先點一杯Konig試下($66, 0.4L), 因為侍應話Bitburger再苦一啲, 飲落味道好豐富, 其實都唔苦喎, 仲甜甜地, 可能因為用高腳杯上, 或者餐廳夠凍, 我地食左個半鐘, 杯啤酒都仲係冰凍既, 呢一點非常好. 前菜我地點左Beef Gloulash薯仔牛肉湯 ($68, S), 炸金文畢芝士 ($98). 呢兩樣係今餐最滿意既. 如果你都係牛魔王, 牛肉湯一定會滿足到你, 真係啖啖都係濃縮, 澎湃既牛肉味, 仲有好多牛內, 薯仔粒, 香料味就係咁易有啲, 唔會搶左啲牛味. 炸芝士

老朋友帶我地去尖沙咀威威，走咗去河內道一間老牌德國酒吧。去得酒吧梗係飲生啤啦，呢度有兩款生啤，一款係Bitburger，另一款係Konig，我個Friend話Bitburger甘D，於是我地就決定揀Konig，而我個麻甩Friend就叫咗Bitburger。呢隻生啤飲落去帶微甜，都幾爽口。我地都試咗一啖Bitburger，味道比較苦，唔係好啱我地。我地仲叫咗個香腸拼盤，個拼盤D香腸雖然都多款式，不過味道麻麻，早知就叫Nachos好過。

超脆豬手其他地方食唔到啤酒都抵飲成日有HH星期日全日都係間野堅抵食木筒位又靚下次會再食食左好多年都甘有水準呢排仲有優惠添佢既腸仔都好但有時食一隻豬手都夠兩個人食加啤酒已飽

Biergarten is a very cosy, friendly bar/restaraunt with authentic German food. They have an extensive selection of German beer which goes well with the food. We ordered Nurenberger sausages, potatos, meatballs, fries, chick skewers and pretzels. All were tasty and the price was reasonable. The service is good too. I recommend this bar for groups of friends. 

今日Happy Hour去了這家在尖沙咀的舊式德國Style酒吧餐廳，飲了德國拉格啤Bitburger，以前在德國飲過好好飲，衣家飲返衣然係嗰個味道，當自己去了德國旅行。野食就叫咗呢個春卷，老實講，未食過咁難食嘅春卷，其實呢D野食都係交貨黎架啦，都可以整得咁難食，好彩杯啤酒好飲，如果唔係都唔知點算。

今天即興來個German Style Happy Hour，因為朋友選了一家德國酒吧Happy Hour。點了德國豬手，而啤酒方面則點了生啤。這店的德國豬手比想像中大隻，而且有點鹹，正好讓我們有藉口多喝點啤酒，可能這也是老闆的想法。這豬手的皮就是凍了也很脆，另外很喜歡它有大量酸椰菜，令我們吃的時候不會太滯。啤酒點了這兩個牌子，Bitburger比較爽，而Konig則比Bitburger甜一點，兩款的味道都不錯。最後一提，店中有兩個很有趣的卡位，私隱度極高。

黎得呢一間德國餐廳梗係為咗嘆番杯德國生啤啦，唔知係唔係時間尚早呢，個鬼佬Bartender走過嚟同我哋吹水woo，兩隻德國生啤之中佢就推介我哋飲Bitburger，其實我同我老友就係諗住飲Bitburger先至黎呢度。我個friend見到Bar枱入面有隻好過癮嘅啤酒杯，成隻鞋咁樣樣，多口問個鬼佬係唔係裝飾品，個鬼佬就話係一公升杯，仲問我朋友要唔要試吓用隻鞋杯黎飲。另外仲叫咗個Nachos，d芝士好鬼香，不過如果有埋牛油果醬就仲正啲。Happy Hour有Nachos有啤酒，已經好開心了。

我都算幾鐘意食德國嘢：德國豬手，德國腸，德國啤酒，久不久就會好想食。尖沙咀河內道呢間德國吧，佢嘅德國豬手算係我覺得最好食嘅一間。每次點都要等大概30-45分鐘。所以一坐低，先飲杯啤酒，食個芝士腸仔拼盤，跟住等多陣個豬手就整好，真係好正。拌碟嘅薯容和酸菜都好好味。今個星期去，發現佢轉咗 menu，多咗幾款頭盤，我哋試咗個沙律，個沙律醬汁酸酸地，好味，有腸仔/火腿/芝士/洋蔥/醃酸瓜，好開胃（掛住食，唔記得影相）。食完豬手飲完酒，個德國靚仔走過嚟介紹甜品：朱古力黑森林蛋糕，見佢推介，又試下啦，真係幾好味。呢間嘢我差不多一個月都會嚟一次，個人覺得最可惜係紅酒麻麻地，所以如果唔想飲啤酒嘅日子我就會去另一間，有機會再介紹。

Came here for weekday lunch. Ordered from the a la carte menu - to reap the 30 percent discount. My husband ordered the Gulasch with homemade Spätzle and I ordered the pork cheek with homemade Spätzle. Complimentary salad or soup was available. I had potato soup n my husband had salad. Very tasty - soup was hot n well seasoned, so as the fresh salad, fresh n well seasoned. The 2 main courses were mind-blowing. I’ve tried a lot of Gulasch in Germany. The dish here was definitely one of the best I