爆丼屋 (Moved) New Location

自己不嬲都好鍾意食日本菜 ，見到呢間以前食開嘅爆丼屋 外賣自取有八折優惠 一於就買兩個丼飯返去食！叫咗個冬季限定嘅松葉蟹丼 同埋六重相撲爆盛丼每個丼飯已經在包含兩碗好足料嘅味增湯 松葉蟹丼有蟹足同蟹爪 中間仲有一啲吞拿魚茸喺入邊 非常新鮮 蟹爪大大條 總共有成五六條 再配上蟹肉食 鮮甜嘅味道喺口中爆出鍾意食蟹嘅不能錯過！另外個六重相撲爆盛丼 放咗極多三文魚子再加上左口魚裙邊丶牛油果丶海膽丶蟹肉同黑魚籽 外觀上非常鮮艷美麗 海膽新鮮～三文魚子飽滿又多汁 牛油果不苦 再加上已經火炙過嘅左口魚邊 油脂迫晒出嚟 非常滿足！趁而家外賣有八折 下次試吓另外幾款先 ♥️

唔知係咪隔咗好耐冇過嚟食都係果句 「唔知係咪疫情關係，食物水平下降」首先湯咸都可以忍受，叫個主菜都唔好食叫咗個拖羅飯，啲吞拿魚仲係雪，未解凍就拎上嚟俾人食，即係叫個客人等夠鐘先食？奇景，未試過去餐廳食未解凍嘅刺身又叫咗另一個刺身飯，帆立貝 1蚊銀咁大都算，隻蝦冇味之餘，好似變壞咁嘅樣，海膽食落就正常，但賣相唔得囉，火炙左口魚就當勉強合格啲飯唔掂！完全唔掂！ 又乾又硬🤦🏻‍♀️真係唔掂呢整體感覺，同一年前食差天共地，服務麻麻，食物又唔得，唔怪之得少咗咁多人。

最近晚晚都留係屋企食媽媽煮的住家菜但今日為了慰勞她辛苦咗咁多日就休息一天💕食返餐好嘅外賣旺角「爆丼屋」平時都算幾熱鬧👥每次經過都見到啲丼飯好澎湃吸引的樣子難得現在有外賣八折優惠🤩一於嘗個究竟除了期間限定產品外💁🏻‍♀️長期供應的丼亦有多款不同搭配方式刺身,海膽,火炙,甚至肉類等 選擇眾多松葉蟹丼 $220 🦀首先 所有丼飯份量乃名副其實 滿到爆瀉的然而冬季限定 當中包括絲絲已拆的蟹肉以及最誘人的 松葉蟹足+蟹爪❤️味道非常鮮甜味美 有如於日本吃那麼高質雖然是松葉蟹丼😆但亦不只得蟹肉更加入再提升鮮度的黑魚籽及吞拿魚茸這配襯令味覺享受推至更高層次🙌🏻鵝肝海鮮盛丼 $190🥢鵝肝經烹調後 表面泛起一層油光並且垂涎欲滴💧入口馥郁濃香另外 由於海膽,帆立貝放於鵝肝之上及底下所以除了其本身的鮮甜外😋更錦上添花地略略帶有那脂油香氣連同黑魚籽,三文魚籽 使得整體鮮味更昇華屬高水準👏🏻真叫人回味無窮👄

爆丼屋成日都人山人海，結合燒肉丼和海鮮丼，每款丼飯材料到鋪到滿瀉，打卡一流🥰依家外賣仲有8折，所以買返屋企慢慢食店員推介下面呢款冬季限定既丼飯，仲有其他大大碗既飯，如三色海膽丼、A4和牛丼、海鮮丼都係比較受歡迎👍🏻－－－－－－1. 松葉蟹丼 $275主張蟹足蟹爪兩食，廚師已經將蟹拆殼，可以即食非常方便🤤蟹爪既肉比較紮實，唔算好鮮甜，蟹腳纖細，肉質比蟹爪甘甜，此外仲有吞拿魚蓉、蟹肉，啖啖滋味2. 四重火山盛丼 $298一碗丼飯有齊海膽、三文魚籽、松葉蟹同埋拖羅蓉，份量足料，特別加拿大海膽，呈橙黃色，質感飽滿，帶有鮮甜氣，每食一口飯都比拖羅蓉包圍，幼細香滑，非常滿足

最近睇到好多人都趁住呢間餐廳做緊外賣8折優惠所以黎試下，我都趁住呢個機會第一次試下！松葉蟹丼 $220 （$275打8折後）個丼包埋一個味噌湯，整體上包裝都幾穩，紙袋又夠大，不過啲豉油帶到翻屋企之後都有漏，希望餐廳下次改良下裝豉油既盒，等客人用餐體驗好啲！個味噌湯都係正正常常咁，所以無影。簡單講下今晚既主角先！丼既材料用左少少黑魚子，少少蟹肉，2隻蟹鉗，大概5隻蟹腳，幾多吞拿魚蓉，同埋1舊玉子。我地都可以自己加適量既wasabi落豉油到。 呢個飯抵讚既位係佢哋剝殼剝得好乾淨，一粒蟹殼碎都無，客人可以好方便快手食到蟹肉。不過可以改善既地方係可以剝多啲，等客人唔洗自己落手剝殼都可以食曬所有蟹肉，唔會食漏少少。如果黑魚子多翻啲個飯既層次感會明顯啲！滿滿既吞拿魚蓉可以令到個飯豐富！夾到一半比大家睇深啲下面先！個飯份量都好夠，夠2-3個人食一餐，一個人應該就難啲食曬啦！最後比埋張收據大家參考下！不過大家留意翻，佢係8折後先收外賣盒錢。本身睇排版以為盒都可以8折添！總括而言，個飯係算高質既，不過小弟我就覺得 $220 小小貴！唔知大家覺得值唔值呢？

疫情之下，六點後都無得堂食，所以唯有買外賣。今日喺旺角見到呢間爆丼屋竟然做緊外賣八折，感覺上真係抵好多，所以就決定今晚要食日本菜！我哋見到有期間限定嘅松葉蟹肉丼，感覺非常吸引， 所以就叫咗一碗。另外仲叫咗一份四重火山盛丼四重火山盛丼(原價$298 ，外賣自取有八折）呢個四重火山盛丼相當豐富，之所以揀呢個全因為佢有海膽，仲有拖羅蓉，全部都係我鍾意食嘅。呢度嘅拖羅蓉比較特別，佢唔係淨係用咗拖羅，而係中間都混雜左其他嘅刺身，令到口感同味道都更加豐富。松葉蟹肉丼（原價$275 ，外賣自取有八折）而呢個松葉蟹肉丼當然唔使講，原條松葉蟹腳，全部新鮮美味，而且相當肥美。疫情之下，估唔到都算有啲好事，可以用八折食到呢度嘅丼飯，真係好抵。

外賣魚生飯😋😋好耐都無同男朋友去到旺角周圍行下，順便睇下有咩野食買外賣返去屋企食，見到爆丼屋架門口見到外賣有8折優惠，即刻令到我地兩個都好有意欲咁食返個丼飯。叫左兩個丼，限定松葉蟹丼同鵝肝海鮮盛丼。麵豉湯每個丼跟一碗麵豉湯，味道濃而不鹹加上有蘿蔔海帶，最緊要係外賣返到屋企都仲係熱！限定松葉蟹丼松葉がに丼係限定期間推出，之前都食過都無呢個，所以就試吓，回味日本蟹。原條蟹足、蟹爪及蟹肉絲，特別中意佢既蟹已全部拆殼一啖食晒三種唔同部位嘅蟹肉。仲有勁多拖羅蓉，黑魚子，撈埋珍珠米，豐富，好食。鵝肝海鮮盛丼一打開個蓋就俾啲帆立貝嚇親，粒粒都勁大粒厚身，圍住成個飯。海膽甜度ok，仲有大塊鵝肝，煎得好香，滲左落啲飯度超香。三文魚籽黑魚籽口感一流，鮮味亦都夠。仲有粒溫泉蛋添。外賣都係好大豌，份量好足。希望快D可以比我堂食啦！！

爆丼屋-日本丼飯外帶回家由於疫情關係，餐廳的晚市需要禁堂食，有時候想吃日本料理也只能購買壽司拼盤，今日發現爆丼屋有外賣，而且更有八折折扣優惠，所以今晚就試試！外賣丼飯是以套餐的形式，有丼飯還有汽水和麵豉湯。松葉蟹丼飯冬季限定的丼飯，有蟹鉗、蟹棒、蟹肉絲，兩隻厚肉拆了殼的蟹鉗，鮮甜的長長蟹棒，和份量超多的蟹肉，滿滿的松葉蟹滋味，頂部的魚籽醬令鮮味更加提升，還有甜蛋！三色海膽盛丼愛海膽之人必點的一款，海膽佈滿了整個丼飯，滿瀉的感覺，一點也不誇張，由於貨源關係，只採用加拿大海膽，但味道一點也不單調，非常鮮甜，沒有腥味，海水味重，口感肥厚、實在。

爆丼屋@旺角，夜晚外賣自取豪華丼飯返家，仲有8折優惠添！今期推介：松葉蟹丼（$275）（仲未計8折）松葉蟹腳，蟹拑，拖羅蓉，魚子。配料都幾多，鋪滿白飯上面。蟹腳都幾鮮甜，加埋特製豉油、wasabi，幾豪華的感覺。燒鰻魚盛丼（$168）燒鰻魚都幾多，而且燒得香甜微脆，鰻魚汁伴飯亦非常吸引。仲有飯邊的溫泉雞蛋，篤穿後撈飯又係另一種吸引。味噌湯有蘿蔔及肉碎，其實幾暖胃。富貴豪華海鮮丼，熟食丼，原來都可以在家享受。

«1114»外賣都一樣咁爆丼！味覺視覺大滿足﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣每次經過見出面啲人同個丼一樣咁爆，而且食個豐富少少嘅丼價位都2xx，通常都係得個望字冇乜衝動入去。咁啱公司中秋飯行過(有人請)又冇人排就不如試下！雖然都係買外賣返上去食，不過一打開個蓋見到啲刺身爆到呢～wow咗🤩▷北海道豐盛丼 $198左口魚邊 海膽 三文魚籽 赤蝦 帆立貝↑我最喜愛刺身排名左口魚邊表面微焦香口，口感軟滑，每食一啖個陣油香係個口入面爆發～海膽鮮甜，帶少少甘味，厚身大塊更加可以食到creamy嘅口感！另外三款都唔錯幾鮮甜，赤蝦係啖啖肉嘅滿足，三文魚籽又多又大粒，配飯有啖啖爆珠口感🤤▶三文魚火山盛 $135同隔離位交換咗啲吞拿魚蓉黎食🤗 魚肉只係到粒狀未到蓉嘅狀態，口感唔夠軟綿不過魚味都有嘅～其實個Menu好多款都好吸引(圖片的重要性)，淨係揀食邊款都猶豫咗十幾分鐘，感覺上北海道豐盛丼(第一款)性價比都幾高，唔使2百食到質素唔錯嘅海膽+4款刺身，係略嫌啲飯乾身得滯，加上太多真係食唔晒。總括嚟講算係好睇又食得飽嘅丼飯，Lunch食呢個心靈得到慰藉了！﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣爆丼屋旺角豉

.平時經過時見到好多人排隊。今次限制令，夜晚冇得堂食，見到有人企係度買外賣。.抗疫價 - 外賣八折優惠。.趁優惠期，試下先，拎翻屋企食。.松葉蟹丼 $220蟹肉鮮甜可口，蟹腳條條都超多肉。最上面有一簇魚籽醬，粒粒分明，口感出眾。d蟹肉加特級醬油再撈醋飯食，一流。.鵝肝海鮮盛丼 $190呢個丼真係好豐富，有大大片鵝肝，日本蛋，新鮮帶子等。鵝肝煎至金黃色，雖然凍食但都聞到淡淡的油脂香味，口感細膩順滑。.另外仲有配送味噌湯～.

知道*爆丼屋*做緊外賣8折。日本控嘅我衝咗去幫襯😎。呢個松葉🦀丼。望落相當吸引。冬季限定。又點可以錯過😍。三色海膽盛丼～為食妹👧🏻有丁丁失望。因為來貨嘅問題。🈚️咗日本同韓國海膽。只有加拿大海膽。海膽海量多。入口鮮甜。大啖大啖食。好鬼滿足😛。松葉🦀丼～🦀迷必點❤️。蟹爪。蟹足。蟹肉樣樣齊。師傅將部份🦀殼去掉。食起上嚟唔洗又拆又搣。岩曬我呢個懶人👏👏。每個丼飯仲包🥣麵豉湯。

經過發現原來爆丼屋外賣做緊8折優惠，勁抵！唔食真係對唔住自己呀😆呢度啲丼飯一向以爆餡岀晒名㗎喇！今次仲俾我遇到限定蟹丼，好開心🥳雖然係外賣，但係擺盆都非常靚仔，今次叫的 #北海豪勢丼 好足料！有鮮帶子、三文魚子、勁大隻赤蝦、巨型海膽同埋左口魚裙邊🥰成盒飯都鋪滿晒刺身，真係睇見都開心呀！我將三文魚子同海膽加埋醬油將飯攪拌成拌飯咁食，每一啖都勁鮮味，隻巨型赤蝦真係好甜，大隻到成個口都full晒，真係勁滿足😍#松葉蟹丼 係冬季限定㗎！蟹足加蟹爪二食，簡直係味覺之王者，絕對不能錯過😍密密麻麻的蟹爪一隻又一隻刺激我味蕾，絕對係甜美嘅化身，鮮味之頂峰！配合吞拿魚蓉，將奢華推上另一個層次😍喺香港真係好難嘆到呢個水準嘅美食👍

好不幸地又開始禁晚市堂食, 原本一早約好左食爆丼屋架麻, SOSAD!!! 越冇得食就越想食, 想食到外賣都照殺啦! 去到門口見到外賣有8折優惠, 即刻覺得安慰番冇得堂食既心靈~~麵豉湯每個丼跟一碗麵豉湯, 味道濃而不鹹加上有蘿蔔海帶, 最緊要係拎到番去都仲係熱!松葉蟹丼 秋冬梗係要食下蟹,  丼飯中間係滿滿既拖羅蓉, 撈哂成碗飯都好足夠! 上層再鋪滿蟹足, 蟹爪, 蟹鉗, 而且仲分成刺身食同熟食, 鮮甜既蟹肉仲搭配左黑魚子, 將鮮味再提昇! 特別中意佢既蟹已全部拆殼, 啖啖肉完全唔洗煩剝殼, 真係食個丼飯都可以多層次滿足!極上拖羅盛丼滿滿粉紅色既拖羅, 望到都開心, 入口細嫩有魚油香, 雖不至入口即溶, 但滿足程度以份量取勝!諗諗下外賣都唔錯, 因為丼飯又唔驚佢會凍左, 麵豉湯都可以翻熱, 而且有8折真係幾抵, 無乜幾可有折~~ 睇黎有排都未有得堂食晚飯, 都係趁佢有折食多幾次先

朝早同朋友行完山之後就去左旺角覓食，咁岩記得有朋友推薦旺角爆丼屋的滿到瀉既魚生飯，就決定立即去試下!本身都擔心星期六夜晚會唔會需要大排長龍，點知去到等左五分鐘左右就即刻有位。店舖主要賣的係唔同類型的丼飯，打開餐牌見到真係好多款，花多眼亂到唔知揀邊款好!北海豪勢丼 HK$198材料有海膽，大蝦，左口裙魚，帶子同埋魚子，其實材料都好多，雖然未係食到最鮮甜，但覺得呢個價錢係食到呢個質素! 但佢白飯就真係太多，唔知下次有無得叫少飯呢鯖花魚 HK$48鯖花魚就普普通通，無乜特別!日本南瓜餅 HK$32南瓜餅外表好脆，再加上熱熱既南瓜蓉，真係好味!玉子明太子燒 HK$38一開始點餐既之後對呢個抱著好大期望，但係食落口就覺得佢過份甜，建議唔好落咁多糖係調味料到比較好!今次仲有個小插曲,  由我地行入店舖開始，職員無提供過茶同餐具我地! 我地的餐點到左之後，都無見職員有想提供碟同餐具俾我地，我其實想問咁我地點食野呢?  後來終於有職員提供餐具，她的態度係差到就咁將D餐具扔過黎.....跟住當我地食完一樣野佢想收走隻碟的時候，又唔小心地將D食物倒左啲落朋友度，一句道歉都無就走左去......講真，咁既態