爆丼屋 (Moved) New Location

火炙盛丼上菜既時候見倒成座山咁都真係幾興奮將啲刺身夾哂落黎就會見倒成座山既飯🙂坦白講刺身又唔係好少既但會有啲失望咁囉火炙左口魚油香勁重 👍🏻👍🏻三文魚都新鮮唔會太薄帶子就無乜特別 唔鮮甜蟹肉就唔解釋啦好明顯係黎做陪襯😹北海豐盛丼飯量相對上點都少過上一個海膽唔係話好鮮甜但唔腥赤蝦蝦頭唔太好食 肉身偏爽蝦下面有堆紫色唔知係乜既菜？啲菜完全無味 無味所以唔難食但唔知食緊啲乜🙂轉返中華沙律會開心啲整體不過不失火炙左口魚好出色可以試1-2次就夠💩

最近都冇晚市堂食，於是我哋今日嘅晚餐就買咗爆丼屋既丼飯返屋企慢慢食而家做緊一個冬天限定，主題係松葉蟹，蟹足和蟹爪兩食，見到咁吸引，一定要試吓，價錢亦比較親民， $275 ，就可以食到滿滿既松葉蟹丼另外我哋仲叫咗個六重相撲爆盛丼$225，呢個丼飯上面有黑魚子、鮮蟹肉、海膽、牛油果、左口魚裙邊、三文魚籽呢間舖頭嘅食材非常新鮮，而且份量亦非常多，配料係完全可以蓋過一整碗飯，而且壽司飯軟硬適中，拎到返屋企品質同堂食既一樣，因為叫外賣最怕就係返到去唔好食😋而丼飯亦都配有麵豉湯同埋飲品（汽水），真係非常豐富！

👍🏻👍🏻👍🏻👍🏻👍🏻/5分爆丼屋Big Bang Don旺角豉油街50號地下8號舖-火焰盛丼🔥飯如其名🤪真係好豐富同埋有火焰香😄三文魚半熟半生😁有三文魚d鮮甜啦又有火炙香☺️最令我驚喜係個左口魚🐟真係入口即溶😍同埋d帶子都超大粒🤗我最鍾意就係蛋黃😊可以撈飯食🤣🤣🤣🤣整體黎講都好好食😇爆/飽到好滿足-🚽(5🌟滿分)多人到一個點🤣🤣我都係快快手食完去附近洗衣街公廁🚽算🤣🤣🤣🤣🤣

6點，6點，6點禁堂食，我諗對大家有幾唔方便大家有幾不滿，心知肚明，但我地又可以點呢？唯有做好自己，呢期keep住超早起！放工已經散哂，完全唔想煮飯， 知道爆丼屋做8折，今晚我就去買左刺身丼返屋企同謙謙食，實行爆一爆佢。⚛ 松葉蟹丼 ～ 呢期係松葉蟹最肥美的時期，係緊要食返個丼飯啦！呢個丼有齊蟹腳和蟹鉗，食呢個丼最幸福係唔洗自己剝蟹，佢已經拆好蟹腳等你成條咁嘆，蟹腳肉質鮮嫩清甜，仲要有一大份拖羅蓉拌飯食，上面加小小黑魚籽無得彈。⚛ 四重火山盛丼 ～ 有齊我最愛的海膽😍拖羅蓉，鮮松葉蟹肉，三文魚籽， 每一樣都係咁滋味，海膽鮮甜， 拖羅蓉和三文魚籽份量超多， 蟹肉新鮮，入口令人難忘， 一個咁豐盛的丼食完會令人開心返的。🥣 麵豉湯 ～ 好多白蘿蔔和紅蘿蔔，味道濃郁，如果清返一點，會更加好，套餐仲包汽水。我同謙謙食完超滿足 🤗🤗

好掛住日本嘢，今日收工特登去旺角女人街附近嘅呢間爆丼屋，過番嘅日本丼癮！今次揀左冬日限定嘅松葉蟹丼（$275），有大量松葉蟹腳、兩隻蟹鉗，仲有大量拖羅蓉、黑魚籽！食完好飽！另外一款揀左六重相撲爆盛丼（$225），有黑魚籽、鮮蟹肉、海膽、牛油果、左口魚群邊、三文魚籽，呢個視覺效果真係一流，好有層次添！每樣有啲，樣樣都可以試，感覺滿足。另外飲品揀左無糖可樂（$18）同雪碧（$18）。宜家外賣8折，抵食啊！

想一嘗新鮮魚生飯旺角爆丼屋幫到你🙌🏻今日五點去到趕得切限堂食前食到我最❤️的三色海膽丼但只得加拿大海膽其餘海膽沽清😔雖然有少少失望但海膽癮起無計啦🤣不過原來嚟到個賣相同樣吸引🙀滿滿海膽鋪滿丼上😋有少少火炙味😚 好新鮮creamy食一啖成囗都係海膽嘅甘甜味😍跟住就叫咗個北海豐盛丼兩隻肥美嘅牡丹蝦爽囗鮮甜,三文魚子籽魚油濃郁停留喺嘴入面口感無法抗拒🤤帆立貝五大片都一樣鮮甜可口😬至於左口魚我就真係唔識欣賞啦感覺滑潺潺咁😂最後嘅爆盛蟹籽沙律一聽個名就知道啲蟹籽好澎湃加埋食到ShopShop聲嘅青瓜叫咗唔會後悔😎食完大滿足✌🏻感覺好幸福🥰

呢排疫情所以都會選擇外賣返屋企食咁平時食開呢一間刺身飯外賣有八折 可以講可遇不可求即時叫咗😂.✅松葉蟹丼真係成隻蟹拆晒整畀你蟹鉗蟹腳蟹肉蟹膏全部都有新鮮 蟹味濃！！仲有超勁量級嘅吞拿魚碎一齊撈飯超鮮 份量一啲都唔細男仔食都好飽🙈🙈✅極上拖羅盛過十塊厚切拖羅鋪喺面 即叫即切肉質好ok 大拖嚟講 夠濃郁有餘香啖啖肉好好味😁.跟餐有汽水 外賣八折認真抵食賣相仲要好靚好好j加上環境方便旺角地鐵站一出就見到其實好想試堂食因為日本風嘅裝修 心曠神怡啱曬港女打卡❤️❤️💋

今次介紹既呢間日式海鮮丼店🍚算係本人收藏左好耐既一間食店，佢地既出品同店名一樣都係咁爆，魚生多到成座山咁高😲 之前經過幾次佢地門口都總係企滿客人等位👭👫，見到咁既情況真係令到想試既意慾大減🙈呢日係旺角買完我最愛既芋圓台式飲品🥤之後諗起佢就行去望下，原來佢地而家外賣自取🥡有8折優惠，而醫護人員👩🏻‍⚕️👨🏻‍⚕️出示返相關員工證更加有7折🈹，既然唔使等位又有折扣，唔食都對唔住自己啦🤣.呢度既海鮮丼接近有成20款選擇，每款都會跟麵豉湯🥣同罐裝汽水🥤；最平既148蚊已經有齊三文魚切粒、三文魚籽同吞拿魚魚蓉🐟，其他既就視乎唔同配料有唔同價錢，介乎二百蚊左右算係中等價格，所以家陣外賣有折就真係幾抵食😝.除左海鮮丼之外，呢度仲有供應刺身🐟、串燒🍢、燒魷魚🦑、玉子燒🥚同幾款炸物🍤，並非獨孤一味得海鮮丼咁單調🤗******************************✨松葉蟹丼🦀 ($275)當日店員推介左呢款冬季限定既松葉蟹丼🦀，更加表示最近好多客人試過之後評價都唔錯👍🏻蟹丼有蟹腳同蟹鉗，上面仲有大大舊吞拿魚蓉同蟹肉，並以黑魚籽作點綴，唔少得既當然仲有印上店名既玉子燒🥚雖然係外賣🥡，但係海鮮丼既份量依

食過旺角的爆丼屋幾次，念念不忘。原來晚市推出了外賣自取，有8折優惠。外賣亦是同樣的震撼。.松葉蟹丼 $275 - 人食蟹柳我食蟹柳，今次食真蟹柳！松葉蟹蟹柳長又厚肉，清澈滑溜，新鮮甜美。而且已經將蟹殼剝走，直接食就得，懶人都可以食到蟹肉的滋味。有蟹足及蟹爪，啖啖肉，好爽好正！除了蟹肉，更有吞拿魚蓉及黑魚子，這個丼飯真的很爆很豐富，令人十分滿足。.極上拖羅盛丼 $245 - 喜歡食拖羅的朋友必食這間極上盛丼，有超過10塊拖羅，有不同肥瘦的吞拿魚，形成漸變色覆蓋了整個飯，很高級的賣相。拖羅肥美鮮甜，油脂最豐富的那一種更加有入口即溶的感覺。塊塊厚切，真心正。.每一個丼都送麵豉湯，足料加入了三文魚、紅白蘿蔔，一個丼飯set簡簡單單，但足夠地震撼。

喺呢段晚市冇堂食嘅日子 大家一定累積咗唔少精明消費貼士 搵有折扣有優惠嘅地方 好似呢間丼飯專門店 八折優惠後 我個荷包👛慳唔少得嚟又可以食好嘢😋-🦀#松葉蟹丼 $275再8折 包味噌湯同汽水秋冬係松葉蟹最肥美嘅季節 一隻鮮蟹賣幾百蚊💸 現成食個松葉蟹丼飯更方便化算 松葉蟹係剌身級數 蟹腳剝晒肉 肉質鮮嫩清甜 蟹鉗小巧勝在啖啖肉 中間有蟹肉蟹絲撈埋吞拿魚茸🍣 將佢用嚟撈飯食🍚 另一種風味-🥩#爆盛慢燒牛肉丼 $148再8折 包味噌湯同汽水自問鍾意食牛肉🐂 不過我個胃口挑戰唔到大盛嘅400克 因為單係小盛嘅230克 已經有八至十片肉 薄燒牛肉🥓入口輕柔 自家製白芥末醬小辣 同牛肉好夾 白飯中加入醬油🧂同窩蛋🍳 撈埋一齊食 超級飽肚🤪-📍#爆丼屋旺角豉油街50號地下8號舖

經過旺角買個外賣，看到這家外賣自取有八折，便點餐買回家。店員非常的有禮貌又客氣，加分！松葉蟹丼 $275松葉蟹丼有蟹鉗及蟹腳，都很足料！蟹肉鮮甜，整體比較清淡不膩，好吃！四重火山盛丼 $298這個四重火山盛丼有拖羅茸、海膽、三文魚籽及鮮松葉蟹肉，每樣都是我喜愛的，份量非常足。習慣會倒一點醬油到拖羅茸，伴著飯吃真的很不錯！跟餐其實有碗三文魚麵豉湯，非常濃郁又足料，吃完生冷的東西喝口熱湯真的很不錯～下次再光顧！

今日去咗旺角買外賣食，因為疫情關係禁左晚市堂食咁耐，每一晚都要諗食乜係外賣啱食嘅，真係好大嘅煩惱，但係今日行過見到旺角呢間爆丼屋做緊外賣有八折，非常吸引，所以決定試吓。我地叫左一個松葉蟹丼，一個四重火山盛丼，兩個丼飯都分別跟左一個麵豉湯。麵豉湯味道非常濃郁，同平時飲到既好唔同。松葉蟹丼（原價$275)松葉蟹丼有滿滿既松葉蟹，除左有蟹肉之外，仲有蟹腳、蟹鉗，仲有吞拿魚蓉，非常豐富。魚生飯最重要就係魚生新鮮，爆丼屋既魚生就非常有鮮味。松葉蟹腳帶有淡淡既海水味。四重火山盛丼（原價$298)另外點左個四重火山，包括有海膽、三文魚子、蟹肉同埋吞拿魚茸，同樣非常豐富，三文魚子嘅份量非常之多，每一啖咬落口都有海水嘅鮮味湧出嚟，而海膽亦都非常之新鮮，唔會有魚腥味嘅感覺。外賣有八折真係非常之抵食。

爆丼屋啲丼飯出名份量多之前黎食過佢嘅四重火山丼望住多到滿瀉嘅料 真係好震撼今日經過見倒外賣有八折優惠梗係要即刻買返屋企同家人開心share今次叫咗冬季限定嘅松葉蟹丼 ($275)底層鋪滿咗松葉蟹腳 足足有六隻咁多然後就係最岩撈飯嘅蔥吞拿魚腩蓉最上層係一絲絲嘅蟹肉 仲有兩隻蟹鉗添對於一向鍾意食蟹嘅我們這一家真係一次過滿足咗三個願望爸爸媽媽都表示肚仔好Happy另一款就揀咗鵝肝海鮮盛丼 ($248)鵝肝好肥美 油脂甘香 食完仲想食多塊帆立貝鋪滿成碗飯面 份量多到嚇親我加埋海膽同三文魚籽 再撈埋啲蛋汁 真係不得了 "Oishii~”仲想讚下丼飯送嘅味噌湯同樣係好足料 有紅白蘿蔔 三文魚仲有啲肉添餐牌上嘅圖片好多時都係只供參考但呢度嘅刺身丼還原度極高真人同上鏡一樣咁靚 真係超抵讚 雖然外賣用盒裝住 賣相冇咁震撼 但係外賣有八折 而且亦好足料我地三個人食兩個飯都好夠飽掛住家鄉野嘅大家不妨一試

食完飯係MK蒲咗一陣，行行下見到朋友介紹嘅爆丼屋。想成為日本妹嘅我決定買外賣返屋企，順便孝敬下老豆老母。希望佢地唔好成日鬧我。佢地做緊外賣八折。松葉蟹丼 ($275x80%)諗唔到食咩，所以叫店員介紹嘅個冬季限定俾我，限定當然要試。望落勁高級，成個外賣碗圍滿曬松葉蟹腳、蟹鉗，好豐盛！又有蟹腳又有蟹爪，食落有淡淡嘅香味！中間仲有啲吞拿魚蓉同蟹肉添，足料！鵝肝海鮮盛丼 ($248x80%)呢個我兩年前生日食過。嗰時仲有生日優惠，差唔多成間舖啲人都同一日生日。除咗鵝肝之外，仲有墨魚籽、帆立貝、海膽、蛋。數一數居然有成12粒帆立貝，少少癲，仲好鮮甜添。肥美嘅鵝肝好入口好香濃，仲有隻生蛋可以撈飯食。汽水x2 ($0)有選擇困難症嘅我連食咩汽水都諗咗好耐，無奈。我自己唔飲汽水，我媽有啲肥都係叫Coke Zero俾佢算。麵豉湯x2 ($0)勁香，搭巴士嗰時係咁聞到啲香味，勁想返啲返到屋企飲。味道濃郁，仲有好多蘿蔔同少少三文魚，正。

旺角嘅爆丼屋聽就聽得多，呢次正好喺禁晚市堂食之際，見到終於唔洗排隊啦，同埋佢哋依家仲做緊外賣有8折嘅優惠，咁就梗係去買返個試吓啦！四重火山盛丼：丼飯中間有座滿滿嘅吞拿魚蓉山，而飯面除左呢座吞拿魚蓉山外，仲劃分左3份，每份都均有一款名貴食材，首先出場嘅係鮮味十足，咬落會爆汁嘅三文魚籽，而另一個係嚟自北海道鮮甜無比嘅海膽，最後就係松葉蟹肉，食落每啖都有滿足幸福嘅味道。松葉蟹丼（蟹足+蟹爪二食）：呢個丼飯係冬季限定，丼飯中都有一座滿滿嘅吞拿魚蓉嘅山，上面曬上珍貴嘅黑魚子，而吞拿魚蓉山嘅周邊鋪滿左經已剝好嘅松葉蟹腳刺身，啖啖肉，見到都流哂口水，而面頭再插上大大隻嘅松葉蟹爪。味道方面係非常之鮮甜，而蟹味好濃郁，令人回味無窮。