大街小館

Open Now

Now Closed

行完山落到黎黃大仙 發現有間甜品舖都幾多人推薦 咁就梗係要試試佢💛芒果窩夫配雪糕 ($52)一上餐俾個份量嚇親 呢個價錢有咁多芒果 真係幾抵食 ʕ•ᴥ•ʔ 芒果同waffle份量都超多 食完waffle啲芒果都仲有剩 飽到我🤰🏻不過可能芒果唔岩季節 就唔太甜🥲芒果窩夫即叫即整 所以都要等耐少少 窩夫入口外脆內軟都唔錯 但再脆口少少會好啲(˶‾᷄ ⁻̫ ‾᷅˵) 雪糕仲有超多味揀 我就揀咗椰子味🥥❣️整體嚟講唔算話好好食 但絕對對得上佢嘅價錢🥺同埋感覺老闆同啲員工都幾friend 感覺個氣氛都幾好 坐得都舒服啲☺️見到佢原來晏晝都有開 係類似Cafe咁 好似都幾吸引 下次試下先😋推薦指數：🌟🌟🌟🌟想睇更多食評 follow 👉🏻 @siu4mai_inthehouse

忙左成個星期 真係chur到變人乾😢見放假即刻係附近#大街小館 食返個糖水滋潤吓☺️榴槤椰皇燉蛋白 $55 🥚🍧原來係成個椰青送上黎上面有一大舊榴槤蓉🤩 食落去係勁香榴槤味 啖啖都榴槤肉裏面既配料好有驚喜😍有燉蛋白 西米 仲有一樣好有咬口嘅嘢（唔記得咗叫咩🤣）甜度岩岩好 配搭獨特食落去口感豐富又清甜滋潤🥰黑糖芋圓仙草凍 $42 🍨糖水上面個球係芋泥黎我覺得呢球芋泥有少少澀澀哋🥺同埋唔算太軟滑 普通的芋泥 無特別芋圓都好彈牙有味 整體黎講OK#黃大仙 #香港台式 #台式 #珍珠奶茶#小清新 #小清新cafe #榴槤 #芋圓#台式飲品 #椰皇 #香港美食#糖水 #黑糖 #芋泥控#芋泥#仙草 #⼤街⼩館

#大街小館 📍黃大仙銀鳳街16號地舖榴槤椰皇燉蛋白 $55 一心想食榴連糖水就叫左呢個榴槤椰皇燉蛋白咪睇佢個樣唔靚 但食落去係好重榴槤味而且榴槤蓉好有份量👍🏻 蛋白西米露都好岩味 食落去好夾黑糖芋圓仙草凍 $42芋圓有芋味，食落去口感好彈牙但係個芋泥就一般般 食落去苦苦地其他配料一齊食落去就好夾

🍨大街小館📍黃大仙銀鳳街16號地舖-Badboy咁岩嚟開黃大仙，就嚟咗呢間甜品舖甜品當飯食😂中西台港式甜品都有，好多款可以揀😋-🍧黑糖芋圓仙草凍$42可選配芋泥/雪糕，不過店員無問badboy要咩，直接俾咗雲尼拿雪糕。雪糕嘅雲尼拿味幾濃郁，芋圓口感煙韌有種香味，仙草滑溜，小丸子q彈，蒟蒻爽口。全部野配埋花奶一齊食都好好食👍🏼-舖頭近年裝修完，舖面同環境都比想像中光鮮企理，座位都闊落，坐得舒服👍🏼

大街小館🍦🍝之前都有寫過係大街小館食甜品依家佢地真係Be Water 💧整甜品整到出埋手工意粉仲要好食嘅～以下係手足推介：全城最平又好好味的手工意粉💛1️⃣ 自家製蕃茄醬、圍蝦配手工幼麵 Tagliolini with fresh prawns in a tomato sauce咁啱有朋友食蕃茄醬但唔食蕃茄另一個就食蕃茄但唔食蕃茄醬呢碟竟然佢地兩個都讚好♥️茄醬唔會太酸，又唔會太多份量味道調得啱啱好💯2️⃣ 露荀肉碎帕爾馬芝士配手工幼麵 Tagliolini with sausage, asparagus and Parmesan cheese我(樣子) 很普通，(味道) 卻好好味😍手食落係小清新既感覺露荀粒同肉碎出奇咁夾不自覺會食曬一碟想Encore3️⃣ 紅酒燴牛肋肉配寬麵Hand-made Fattuceinie(with beet ragout, assorted vegetables and parmesan cheese)唔飲紅酒都食得最濃味的一款牛肋肉超淋🤤🤤寬麵更突出手工麵口感4️⃣ 半邊春雞配薯條及扒雜菜 Fried - Roasted Spring Chickenwith fries

一心好想食芋圓嘅晚上，打開OpenRice見到附近呢間大街小館有招牌黑糖芋圓仙草凍，而且評價幾高，就立即買一碗外賣返屋企試。 芋圓仙草可以配搭一球雪糕或芋泥，因為芋泥比較少地方有所以我揀左配芋泥，配料方面有蒟蒻啫喱、小丸子同紅豆，口感好豐富 芋圓共有三款，紫薯、地瓜，以及一隻味道有啲似桂花嘅口味，美中不足就係叫芋圓既甜品但就冇芋頭味既芋圓不過佢既三色芋圓食落味道都唔差，彈牙得黎仲會食到有d紫薯粒同蕃薯粒係入面，希望店主以後會加返芋頭味既芋圓啦～ 整體黎講$42都算值得，因為份量真係好足，另外個人覺得佢成碗仙草凍都係偏向少甜，因為本人唔愛太甜，所以覺得佢甜度岩岩好最後就係唔知係咪因為冇加雪糕球，覺得佢唔太夠凍，如果可以凍返少少就更好了～

今日去到黃大仙上少少斜路街市附近嘅甜品舖，鋪面唔算好大，有少少梳化坐。員工熱情招待，我一路食嘅期間有好多人買外賣添我嗌咗黑糖芋泥仙草凍，呢個仙草凍你可以揀雪糕或者芋泥，我覺得芋泥比較特別，唔係度度有得食所以就揀咗呢個估唔到呢碗糖水有咁多唔同嘅配料佢個底係有仙草，然後有芋圓小丸子紅豆啫喱蒟蒻，食落口感好豐富，小丸子都好彈牙，唔會話太濟甜品少少黑糖味但係又唔係好甜，如果下次多啲人來說我想試吓佢嘅waffle

📍 @big_sweet_house in Wong Tai SinDessert #⼤街⼩館 Food: 💛💛💛💛 🤍Décor: 💛💛💛💛🤍Service:💛💛💛💛💛Price Value: 💛💛💛💛 🤍Price Range:💰 $50Favourite:💖 Almond milk sweet dumplings ------------------------------✅ Located in Wong Tai Sin, takes around 5 minutes walk from Wong Tai Sin MTR station.✅ The menu offers a wide variety of delicious and mouthwatering dessert, mainly offer Chinese sweet soup but they do have western dessert I.e.waffles, chocolate lava came etc.✅They launched new lunch set with very affordable

小店乾淨企理，應該最近裝修過，叫咗兩個意粉，蜆菠菜車厘茄手工幼麵同黑松露雜菌手工粗麵，味道同埋想水準之上。買單2人合共$118性價比超高。可以翻兜嘅餐廳。下次試埋個燒雞先

位於黃大仙嘅甜品店，地點唔算太近地鐵站，但見到生意都唔錯～應該好受附近街坊歡迎🙉今次咁啱去到附近，就嗌咗個「芒果芋圓小丸子配牛奶布甸」 外賣翻屋企食😆連外賣+$1總共$43芒果份量都好多下😳仲要好新鮮好甜，一定滿足到芒果控！芋圓第一眼認唔到佢😂隻色有啲奇怪，又好大粒，不過味道都ok😛煙煙韌韌，食到少少芋頭粒（咁特別我估應該係店家自家製？）小丸子就正正常常，牛奶布甸幾滑幾彈，不過略嫌牛奶味唔夠重🙊整體而言都係一間幾值得幫襯嘅小店～嘢食算高質，價錢都合理，會想試埋其他甜品😋

今次去咗黃大仙嘅大街小館嗰度食甜品芒果撈河配芒果雪糕：無諗到依家甜品已經出現咗甜品版嘅河粉😂😂食落又幾好味喎小丸子亦都好有咬口，芒果亦都足料，雪糕都OK🥰🥰主要嘅缺點就係佢喺慈雲山由地鐵站過去非常之遠

深夜時分梗係食甜品嘅時間啦，個friend話有間甜品舖啲窩夫🧇好食，今次就要咗個芒果窩夫配冰凍嘅曲奇雪糕，食嗰陣時候仲可以琳啲芒果汁上去😋，真係好好食。🥰

喺朋友屋企食完晚飯想食糖水，嗌咗附近嘅糖水舖外賣，舖頭細細但睇menu都花多眼亂，由傳統中式糖水，到新式糖水都有，揀都有排揀！最後嗌咗熱嘅椰皇湯圓燉蛋白，想講真係好足料！！！一個椰皇裡面足足有4粒湯圓、一堆小丸子、西米同蛋白，食到勁飽勁滿足。個椰皇仲好嫩，可以輕鬆刮埋啲椰子肉出嚟食😋不過佢哋嚟緊全店裝修，要兩個月後先有得再食lu! 呀...... 不過佢哋喺佐敦都有分店，想食又唔介意遠少少，都可以搭車出去食👍🏻

年初四晚，開開心心想食糖水。無堂食，唔緊要，外賣囉。食開既無開，見呢間有咁多like，就試下啦。好鍾意食芋圓，買左碗“蕃薯芋圓 ”，拎返屋企先知出事一碗4件蕃薯，全部爛既，一件好既都無，重要專登切到大大件。爛蕃薯都賣俾人，分明諗住而家無堂食，個個拎返屋企先知出事。4件咁大既爛蕃薯，已經佔左大半碗，其餘既，浸住響d爛蕃薯裡面，我都唔敢食。食到一肚氣年初四都要俾人鬧呢間店，黑到無得再黑

唔好以為平一定唔好食，貴一定好好食😗小仙子又帶左小🐷去求證🤣食飽飽dinner，緊係去食甜品😜可能仲早，唔使等位就入得👏🏻一睇餐牌，真係好抵食😦即管試試個質素好唔好，叫左：香蕉窩夫配朱古力雪糕($4x): 份量都幾多，窩夫焗得好脆，仲好有heart香蕉面都有層焦糖 😛熱椰皇湯圓燉蛋白 ($5x): 好足料，椰香味好濃，湯圓皮夠薄，入面係芝麻餡架CP值極高😎都唔使$100，咁嘅價錢有咁嘅質素😚讚👍🏻