大街小館

Open Now

Now Closed

椰汁燉蛋白配桃膠 - HKD 42傳說中嘅唔係太甜、幾好食😂蛋白順滑，椰汁好香，仲有小丸子、西米桃膠份量好多，小編覺得椰汁可以再甜啲🤫份量多，熱辣辣，暖笠笠♨️烏龍茶法式焦糖燉蛋配雪糕 - HKD 38燉蛋口感綿密，入口好香茶味，比起一般外面食到嘅焦糖面厚同香脆👼🏻雲呢拿雪糕表現正常 🍨 配合焦糖燉蛋唔會出錯

咁啱經開鳳凰邨，幾位友人話想食甜品下午茶，就行咗入嚟。叫咗幾款糖水同一個下午茶餐，set價錢唔貴仲連埋飲品。🍠芒果拿破崙配雪糕（下午茶餐） $50有兩塊拿破崙，上面鋪滿芒果🥭。拿破崙外皮非常脆，口感唔會太油膩，配埋芒果醬同埋啲新鮮芒果，真係唔錯🍠開心果糊 $40賣相睇落係濃厚的開心果糊，食落去覺得都足料，不過味道偏甜🍠蛋白杏仁茶 $33杏仁茶飄出一陣香濃的杏仁味，唔會太稀，裡面仲富有滑滑的蛋白好似啫喱，養生又有益🍠椰皇蛋白燉桃膠 $53比我想像中更足料，質地較稀，裡面除左有桃膠仲有西米、小丸子同椰果。食到尾嘅時候都真係有少少濟同膩，如果同朋友分享可能會好啲。📍大街小館 （黃大仙）黃大仙銀鳳街16號地舖

一間親民而且性價比高嘅甜品店🩷無論係中式 定係西式 甚至各款當季甜品都有今次試嘅係西瓜沙冰同埋雜果涼粉水果都係新鮮切出嚟 西瓜汁無添加糖分 香甜又涼爽 店舖仲有各款特色嘅甜品 例如椰皇 呢個價錢食到呢個質素都幾滿意🫶🏻平時仲有午餐同下午茶餐🩷食完甜品仲可以食鹹食📍

#只分享食物給朋友🫶🏻#黃大仙食乜好呢 ～ 今次去咗 @big_sweet_house 呢間甜品舖 我覺得都算係隱世高手 應該係住呢區嘅人先至會識 好似都冇乜聽過其他人推介 呢間係之前同老竇行街經過嘅時候 無意中發掘倒嘅甜品舖 自此就成日都會特登入去食😋 佢賣嘅甜品種類好多 絕對會有一款啱你食 佢呢間舖 夜晚只賣甜品🍮🍦🍨🍧 裝修幾有心思 btw懷疑店主幾鍾意Snoopy 之前去過幾次食心太軟個碟佢都話咗Snoopy 🤭🫶🏻—————————————-—————————————-———————1. 榴槤椰皇燉蛋白 $55 ⭐️⭐️⭐️⭐️⭐️⭐️第一個一定要介紹嘅甜品就係呢個！佢勁足料 有椰汁、西米、小丸子、椰果同榴槤肉！！！🥹 真係食每一啖都咁滿足😋 小丸子勁有咬口 呢D就唔駛講啦～😎 佢D椰果肉真係jeng 到爆 用🥥裝住打卡一流🤩 D榴槤肉有4-5舊 好食😋 總之總之 榴槤愛好者絕對唔可以錯過😍 2. 冰鎮鮮果椰凍 $52 ⭐️⭐️⭐️⭐️⭐️如果唔鍾意食榴槤嘅話嘅 可以食呢個🙂‍↕️ 呢個真係消暑一流🥵 而且佢亦都好足料 本人好鍾意食🍈 佢入邊有🥳 所以真係好加分🥹3. 芒果拿破崙配雪糕 $55 ⭐️⭐️

去咗大街小館食佢哋嘅西米芋圓，真係一個好滋味嘅選擇！啲西米同芋圓煮得啱啱好，口感綿綿滑滑，令人回味無窮。如果你鍾意甜品，一定要試下呢度嘅西米芋圓，絕對值得一試！係香港嘅繁忙都市中，食返杯西米芋圓，真係一種放鬆同享受嘅時刻。下次再去時，都會再黎食多杯啦！

睇人地食評話li度除左甜品，燉湯都唔錯，所以平日下午去食lunch set（$56-58）。當日約下午2：15去到，好可惜已賣晒燉湯。個意粉幾彈，都算多蝦，但個紅咖喱味就啖左啲，濃味嘅人可能要加啲芝士粉會夠味啲。食晒個意粉都好似仲有少少未夠，所以最後叫左我最中意嘅榴蓮鮮奶燉蛋白椰皇$55。好足料，丸子同椰果肉都好煙靭，榴蓮都有三大舊，好香。最好係唔甜的，啱晒唔係好食得好甜嘅人（我平時咖啡同檸茶都唔落糖的）。今餐大滿足。

椰皇蛋白燉桃膠（凍） $53配料十分豐富🤩有燉蛋白、桃膠、小丸子、椰果、西米露等等椰子肉好嫩🥥可以輕易咁刮出黎食燉蛋白嫩滑🥚小丸子、椰果煙韌、有咬口甜度適中👌🏻凍凍地十分清涼、消暑🧊

喺黃大仙區去搵一間味道真正好、但價錢相宜嘅甜品店有啲困難。今次按OpenRice嘅介紹嚟到呢一間小店。其實間舖頭距離黃大仙站有啲遠，舖頭位處雙鳳街街市附近。舖面唔大，堂食就只有20個位左右。不過食落就真係有啲驚喜，最少比九龍城幾間出名嘅甜品店好食及優惠。今次試咗黑糖芋圓仙草凍配芋泥，以及冰鎮西瓜盅配雪糕。好多時啲人話去食肆食嘢圖片同味道不符，但今次就真係喜出望外。我真係好少響OpenRice食評，但係今次都覺得應該要比店家一啲鼓勵。

聞名不如見面，難得黎到黃大仙要試吓出名嘅良心甜品店。一向唔係好鍾意食甜品或者糖水嘅我都忍唔住要寫食評讚一讚佢。大大力推薦嘅有呢個芒果雪山甘露，大大碗嘅棉棉冰有芒果汁加西米露做底，配以小丸子同芒果肉，非常之足了，啱曬而家咁熱嘅夏天食👍🏻唔鍾意食凍嘢嘅朋友就叫咗個熱嘅鮮奶燉蛋，好嫩滑，甜度適中，唔會話太過死甜。少見仍然有心做好街坊生意嘅甜品舖，聽講嚟緊仲會喺荔枝角開新鋪。以後可以多啲機會再去試其他款式！

呢間甜品店我哋幫襯左幾年，一直都好鐘意，佢的甜品好好味、甜度非常適中（不會過甜，對我而言十分重要！）、款式多、性價比高。每次食都會感受到小店用心及良心的制作。老闆好熱情及好客，同佢傾計會感受到佢勇於創新及追求突破的心，成日都話要試新產品，又會認真問客人覺得有咩地方要改善，睇得出佢好重視品質。我好鐘意order 椰皇蛋白燉桃膠及黑糖芋圓鮮草凍（配雪糕），好好味又非常足料，而且芋圓係小店自家制作，口感非常好。係呢個世代，找到用心的良心小店真係要份外珍惜及支持💪🏻💪🏻圖：椰皇蛋白燉桃膠（凍）$53，為食的我加埋芋圓+$10#純粹好想推介值得珍惜的小店

好難食!今日去食咗一個糖不甩同埋一個綠茶心太軟配雪糕。環境就正正常常冇乜特別嘅，唔算特別乾淨但係啲位有少少迫咁啦。衛生情況一般，張凳有啲污跡咁。個糖不甩接近完全冇花生，剩係得糖同埋椰絲。個湯圓嘅麵團亦都冇乜咬口，軟腍腍一pat嘢咁。最離譜係個綠茶心太軟，佢個流心嘅感覺係俾人覺得佢焗唔熟。另外個雪糕根本就唔係雪糕嚟，只係一pat綠色而且冇乜綠茶味嘅cream。簡單總結就係，絕對唔值得幫襯。千祈唔好去食，俾錢買難受。我都算係經常使用OpenRice上網睇吓有咩食，但係呢間嘢係離譜到我覺得要寫食評。所以喺度警世大家真係千祈唔好去😅

本來以為淨係賣甜品/糖水原來有午餐不特止仲有抵食嘅下午茶餐叫咗$48嘅牛角包餐份量都幾多晏食飯嘅可以當午餐食牛角包🥐夠牛油香又夠脆豬扒都脆 全件都係瘦嘅只係配沙律醬可能滯咗啲可能換過個清新嘅醬汁會好啲?但包裡面都有番茄同沙律菜薯條有配茄汁 算係解膩飲品除咗茶啡 仲有其他特色嘢飲論食物質素唔會差得過連鎖餐廳或者cafe只係小店坐落於舊區主要做街坊生意環境方面 整體上整潔 座位闊落平日中午至下午時段基本上可以直入唔使等位服務都ok 店家亦有蘿蔔糕/盆菜訂購咁嘅市況下 所有小店都要變陣求存…

屋企附近其實都無咩好食，除左呢間甜品店既午市我真係encore 左好多次，特別係佢個燉雞湯，我每次都會飲， 收爐前比我可以再飲多次🥹感動✨今日試黑松露紅酒燴牛肉意粉， 個牛肉好腍好好味有彈性。個汁雖然黑松露味唔算好出，但係個蕃茄汁好開胃好好味，加上juicy 既車厘茄，爽口既青瓜，蘆筍, 紅蘿蔔等等味道好豐富, 意粉都好有咬口煙煙韌韌。✨蟲草花螺片燉雞湯： 呢個湯好甜好好飲好足料，加$20 黎講真係超抵，蟲草花，龍眼，紅棗，花膠，粟米，紅蘿蔔，杞子，花膠。✨追加左個椰皇燉蛋白番去食，好滑好動L, 鍾意佢甜度啱啱好，好天然既味道

同朋友們係黃大仙打完邊爐都想食埋個甜品(*˘︶˘*).｡.:*♡為晚餐送上一個完滿既句號芒果雪山甘露 $𝟝𝟚(*ﾟ∀ﾟ*)有芒果汁加西米露做底 𝔬𝔫 𝔱𝔬𝔭 有小丸子同芒果肉 雖然天氣有啲凍 但都想食個凍既雪山腐竹薏米雪耳雞蛋糖水（熱）$𝟚𝟠腐竹煲到得返碎碎 成隻大雞蛋料足(⁎⁍̴̛ᴗ⁍̴̛⁎)  食完凍既雪山 再食返個熱既薏米糖水 成個人暖返秋冬限定 椰汁桃膠燉木瓜 $𝟜𝟠朋友期待已久 話之前想食 但仲未有 因為係秋冬先有 今次終於可以食到啦 (｡◕∀◕｡)滋潤補顏 又健康♡ ♡ ♡

呢間本身係做甜品，其實一路都未食過佢嘅甜品，反而見佢最近晏晝有西餐食, 都幫襯過幾次,因為估唔到佢嘅西餐係幾高質, 唔係茶餐廳水平有驚喜平時食開雞扒蘆筍意大利飯多,今日轉左新Menu, 試吓呢個燴豬寸蕃茄意大利飯. 呢個飯都幾開胃, 有啲蕃茄蓉同埋蔬菜粒, 但係個飯就比較濕d 汁太水，但係整體係好食嘅.嗰個豬仔髀有兩件, 啲肉超腍但又唔鞋口，唔錯。之前試過佢嘅西餐湯, 就真係麻麻地, 個南瓜湯係勁水. 今次試吓中式湯。椰皇蟲草花燉雞湯：估唔到真係有成個椰皇，入邊仲有超多料，紅蘿蔔，羊肚菌，龍眼紅棗，椰子肉, 飲得出係好清甜有椰皇味，仲要係新鮮熱辣辣加$20, 非常有誠意。