Bigger Burger Cafe (Closed)

假期可以訓到自然醒真係唔錯,起身無耐就開始肚餓,難得假期點都要hea到盡,所以唔整早餐要落街食!!我地經過呢度,比漢堡包既相吸引住,真係引唔住就入左去!!餐廳裝修得唔錯,樓底好高,光線充足,好多卡位梳化位,坐得好舒服!!Lunch menu得2個漢堡包set,我要芝士大烤菇素漢堡,朋友要經典安格斯牛肉漢堡,再額外加錢要左雞翼同蒜蓉包,我地既"早餐"真係好豐富,落左單無耐餐湯餐茶首先來到先,番茄雜菜湯材料雖然豐富,但味道較淡,蒜蓉包烤好香脆,熱辣辣好香蒜蓉味,雞翼炸得香口又入味,真係想食完再食!芝士大烤菇素漢堡嘅咖啡菇好大好厚好多汁,夾埋好多芝士生菜一齊食,真係好好味,安格斯牛肉漢堡牛肉一樣多汁唔乾身,同埋整得好入味,配埋洋蔥番茄生菜一齊食真係好正!薯條一樣不錯!!比起幼嘅薯條,我更加鍾意食粗嘅薯條,呢度既漢堡薯條好岩我!!我哋呢餐食得好飽好滿足,下次想食漢堡包,我都會再過嚟呢度食!!

💰呢間店係澳牛對面的好味小店,方面又易搵。晚上8時去，都幾多人食。叫了龍蝦risotto （$198） 🍽. 好細心咁拆哂肉，懶人之選，5使整污糟隻手🙌🏻個risotto 好入味又5會太漏；飯嘅硬度軟硬適中。另外想推介一下呢個軟殼蟹burger （$188）🦀. 炸得5會太多粉，啖啖軟殼蟹雖則，最好吃的軟殼蟹burger好像還是burger room ,因為佢sauce 好味d~你最愛的burger 又會是哪間呢？用埋app,買一送一主菜，即係每碟菜$100仲有找✌好抵食

今天去完九龍公園參加活動後，又想起佐敦澳洲牛奶公司厚多士去到又要排隊，碰上微徵細雨，見到對面有間Bigger Burger,門囗擺放著餐牌，見到價格又幾平喎白酒煮靑口 68.00青囗唔腥，新鮮，配菜洋蔥、紅椒吸收哂湯汁，十分惹味芝士大烤菇素漢堡 78.00上枱時賣相吸引，滿滿芝士喺上面，中間大量蔬菜傘菇大隻、新鮮多汁，埋夾芝士、蔬菜一齊進食，口感豐富最喜歡食粗薯條，又脆又有咬囗青檸黃瓜梳打 38.00黃瓜味道清新，加埋薄荷葉香味，感覺即是refresh 哂，呢杯飲品配Burger, 十分夾熱朱古力 22.00朱古力味道香濃，又唔甜，入口滑溜

果日做完body check周圍搵下野食。又得一個人，想搵地方hea下，行行就發現左d度都ok，就入左去了。叫左個lunch set，有湯同主食同飲品。 我就叫左安格斯漢堡。果湯麻麻地，同凍左d。主食係漢堡配薯條，薯條黎到都好熱幾好食。果漢堡都唔錯，冇我想像咁大，但配料都ok。餐飲我覺得就冇咩特別。其實果lunch叫就叫包野飲，但其實叫任何一種都要加錢，係加幾多既問題，所以我覺得其實叫唔包。至於 服務方面，果日我都係想搵個地方坐下。所以就冇咩要求。只係可能冇咩人，所以都係得一個服務生，飲湯發現冇匙，坐低又冇俾水，可能預左叫餐所以唔洗卦。 然後主食呢到都冇俾紙巾，因為我係食burger，咁又冇刀，自然就係用手，覺得應該是自動波俾囉。然後可能係食完方便埋數，都主動叫我埋單先，咁就冇話佢地要close叫我走既，因為之後我都有幾台入左。

黎佐敦除了食澳牛，其實可以試下澳牛對面ge餐廳！Bigger Burger Cafe!好有風味好溫暖的一間餐廳！牆上都有黑膠碟~事不宜遲，點野食先！店主推介。。藍芝士煙肉牛肉漢堡！滿滿的藍芝士，鋪滿了在煙肉牛肉上。。切好一啖吃下。。啖啖肉！芝士味好香呀！煙肉又香又脆，果真夠晒芝味！來小食。。車打芝士薯條！露比是芝士控，將炸好的薯條，加入車打芝士一起焗。。每一啖都充滿芝士味，連茄汁都不用點！最後黎埋。。經典安格斯牛肉漢堡！當然又是大大個啦！厚厚的肉！和藍芝士煙肉牛肉漢堡比較，少了點芝味，不過就多了點肉味及蔬菜的清新味！

今次真係估佢唔到咁抵食，話說一家三口行去牛奶公司附近諗住搵地方食個晚餐，阿女見到burger 既照牌，就話要食burger ，又見唔使等位就入去食啦其實除咗burger 外，仲有西餐同小食既套餐加$28有個龍蝦湯，湯味濃郁，配埋個蒜蓉包一流西冷牛扒配沙律薯條$98，牛扒肉厚又有牛味安格斯牛肉漢堡$78，都好大個，食完超飽香草蜜糖雞亦$68，香脆可口，啖啖蜜糖甜美款款晚餐都唔使一百蚊，喺佐敦區真係抵食仲有多款啤酒埋單都係$310，食到飽飽

我與閨蜜有好一段時間沒見面，今晚一見真的說之不盡。閨蜜的同事最近去了佐敦白加士街的一間漢堡店內裡更可選擇西餐...食完大讚好味之餘，食材、配料都真材實料，極力推介我們一試。呢間就係「Bigger Burger Cafe」「Bigger Burger Cafe」就顧明思儀個漢堡是非常大又夠足料吧！進去餐廳，Cafe是長方形的格局，餐檯就在一條直路的兩旁，有卡位，有長檯！看上去空間有點窄，但坐下後又沒有這種能覺，喜歡張梳化軟熟。店員我們坐四人卡位後便遞上餐牌。但這刻我比檯上鮮明圖案的磚塊以不同組合來做馬賽克檯面吸引了很美觀啊，又夠特別...美式風格又帶點舊式東南亞風的元素好像有點懷舊呢。不錯！店舖裝修設計還是偏向美式的，因為牆身都有些漢堡圖案、掛了不少黑膠唱片跟唱片封套，等等...餐牌沒有花多眼亂的選擇，眼看供應美式手工漢堡及西式簡餐。可能老闆希望能夠專心做得好有品質的漢堡及西餐呢！我們點了一份手工漢堡、一份西式簡餐、一枝啤酒、一杯花茶以及一件蛋糕。正價的「經典安格斯牛肉漢堡」價錢是港幣七十八元。其實價錢一點也不貴，而我就是點了黑松露炒蛋牛肉漢堡$108黑松露＋炒蛋＋牛肉呢個配答一定是不錯

位置就係佐敦站隔離，方便到飛起🤪裝修優雅，擁有英倫酒吧餐廳風格。因此都吸引左唔少外國人入嚟🧔🏼藍芝士煙肉牛肉漢堡🍔（$108）漢堡包中間的藍芝士味道濃郁🧀。漢堡牛肉多汁，脂肪適量，而且散發出烤肉香味。咬落去，牛肉汁同埋半溶芝士會泌出嚟💦! 而且GAP兩塊煙肉🥓，食慾高的唔驚食唔飽😋。漢堡包，上邊同下邊都烤過，脆脆地。中間嘅着嘅蔬菜，一樣非常新鮮。包大小適中，整體上非常平衡，做得好好！配合薯條喺附近。如果經過佐敦，真係不妨試一試下這個漢堡包🍔Honey Dew🍯🍺（$48）蜂蜜啤酒，有它獨特香濃的蜂蜜味道，非常容易入口，聞起來，有香氣撲鼻，配合食物極佳。我強烈推介，一定要試試！Grapefruit Jasmine Tea 🍵 🍇 （$28）去除油膩味佳選，而且茶包居然係選用天仁茗茶🤣烤牛肉沙律🥗 （$98）食唔到咁多肉嘅朋友，不妨試吓叫沙律。

邊個話食burger只會係肉食獸嘅專利？好多burger shop 都係有有提供素菜burger! 雖然選擇不及肉類嘅多～但一樣都會顧及客人嘅需要！依間嘅素burger以海鹽烤焗超大大啡菇！再配上全奶素芝士！加埋自家制salad souse !🤤 正！大啡菇焗得岩岩好香又夠juicy ! 伴碟嘅薯條仲係原隻大薯仔即切條即炸！😋 絕不馬虎！佢地嘅blue cheese hamburger 同炸軟殼蟹蝦堡都要試！正呀！！

今晚大雨滂沱。晚上沿着佐敦白加士街行。正想着吃什么的时候，正正面前有一幅易拉架给风吹倒了在我面前。我停下来看看，原来是吃汉堡包的餐馆。既然那么有缘，便试试吧。点了晚餐经典安格斯牛肉汉堡。加一杯冷饮。餐厅应该有些年，装修较旧。餐桌颇有特色。汉堡上桌。先试薯条。咸味刚好。外脆内软。好味！汉堡面包是烤烘过的。软软的外层及稍脆的内层，好吃。牛肉明显比麦当奴更香。也是烤出来的。表面上有一格格。包汁及生菜也很好。总的来说是不错的。

因為我有時候星期六都要返工，男友有時都會等我收工一齊去食晚飯，早星期放工就帶男友去食呢間成日行過好想試的漢堡～店鋪好近港鐵站，好易搵，店內唔算好大，不過樓座算高，唔會覺得好迫好焗促！佢哋除左有漢堡之外，仲有其他西餐小食，不過我同男友都好想試下佢地啲漢堡，所以一人叫左一個漢堡！軟殼蟹蝦漢堡 $118這個軟殼蟹蝦漢堡是我點的，蝦比想像中細小，而之間夾著蕃茄及芒果蓉，好清新的味道，而軟殼蟹炸得好香脆，口感十足！不過整體蟹及蝦味被蕃茄及芒果蓉遮蓋，稍有失望！鵝肝牛肉漢堡 $128反而男友叫呢個鵝肝牛肉漢堡就好有驚喜，鵝肝同牛肉漢堡扒份量絕不吝嗇～鵝肝味好濃郁，但不會太油膩，而牛肉漢堡扒牛味十足，相比軟殼蟹蝦漢堡尤為岀色！而漢堡伴上的粗身薯條都炸到好香脆！黑胡椒辣味雞翼 $68另外叫左一份黑胡椒辣味雞翼，好有驚喜！雞翼表面炸得好香脆，上面用上黑椒調味，微辣的味道十分惹味香口，咸度適中，我同男友都大讚！

本身想食嘅餐廳未如我地想像中嘅樣，所以我地再附近搵咗呢間食。友人話佢如果晏就黎係多人排，難得有位就入去食啦。（係正澳牛對面）餐廳佈置都特別，幾有意式風味用咗黑膠碟做背景，成件事係提升咗。選擇算多，唔想諗嘅（好似我地）就可以直接去呢頁dinner menu，一啲classic嘅夠飽嘅都有。安格斯牛肉漢堡，唔算好大個，牛係ok嘅，都夠味；薯條正常，係新炸嘅。大烤菇素漢堡，芝士跌落個菇嘅味道都可以，兩個漢堡都有微烘一下。到我嘅煙鴨胸意大利粉，想開胃啲係揀咗蒜香，初初確實係幾開胃，由於太多嘅胡椒粉，有啲蓋過咗。78元還好，叫咗醫飽下，飲品要另加錢。大熱天時鋪頭開住門，冷氣走哂，要坐到好入先有冷氣，呢點我地幾個都唔明。

最近旺角開飯開到厭，於是決定同同事去佐敦搵下野食，跟住見到呢間西餐好似幾多野食，於是就決定抱住試下嘅心態入去食下。一入去見到地方都算大，店員仲熱心咁為我地送上menu，仲同我地介紹左好多好食嘅野漢堡‌呢個絕對值得一讚架，呢度嘅漢堡份量唔少，仲要非常咁貼心即叫即整。漢堡未食之前仲好熱架，真心夠晒新鮮，入口感覺好惹味，包唔會有軟淋淋嘅感覺。而牛肉有濃厚嘅肉味而且真係足量，一啲都無花假架。除左野食，餐廳嘅環境都唔錯架，二個人靜靜地坐低食下野，都真係幾寫意架，因為格局或氣氛都比同類型餐好，下次都要同屋企人黎先得。

終於來到佐敦這間期待已久的漢堡店！這裡主推軟殼蟹漢堡、安格斯牛肉漢堡、龍蝦意大利飯及藍芝士煙肉牛肉漢堡💕很喜歡牆身的油畫和唱片擺設，頗有味道！這次和好友及她的仔仔一起來～小朋友就是特別愛吃漢堡！可惜這天沒有提供Mini Burger，不然最適合了！午市套餐選擇很多，價格也很很大眾化。問仔仔要吃什麼，他竟然說既想吃飯又想要漢堡🤣就在朋友煩惱最後要做回收站之際，終於說服了他只吃漢堡和薯條，倖免於難😜於是朋友點了份午餐經典安格斯牛肉漢堡配餐湯而我當然要試招牌之一的炸軟殻蟹蝦漢堡和檸檬蜜糖酸忌廉薯條🍟，另加$12 可換田園沙律及雞翼2隻，而飲品熱飲改配果汁加$8。因為朋友和仔仔分享的關係，沒有機會嘗嘗安格斯牛肉呢😢不過她的評價是肉汁豐富，味道不錯！餐湯是南瓜湯，也ok~而跟餐薯條屬於厚切，份量足，外脆內軟，完全符合仔仔喜好～不點茄汁也好味。雞翼和沙律也是不錯小食選擇👍🏻價錢合理，紫椰菜和生菜都很爽口😋炸軟殻蟹蝦漢堡有原隻酥炸軟殼蟹💕配生菜、紫洋蔥、蝦仁及蕃茄蜜糖芥辣醬汁，十分Juicy，口感清新😋稍嫌軟殼蟹帶點腥味，但仍可接受。反而是檸檬蜜糖酸忌廉汁不算很突出，覺得薯條單吃已不錯！

佐敦白加士街傳奇名店「澳洲牛奶公司」對面，有這麼一家主打美式漢堡包的咖啡店，這夜，我正是在這裡吃晚餐。 店子裝修有點懷舊味道，一面牆上掛有不少黑膠唱片與唱片封套作為裝飾，另一面牆上就有數幅與食物有關的彩色繪畫，兩面牆上的裝飾大有不同，幸好沒有違和之感。店中播放著一些英文舊歌，悠揚的歌聲可讓人沉醉於八九十年代的氛圍之中。 雖然這裡有多款晚餐供應，但這兒的招牌食品既是漢堡包，那就不如散叫漢堡包，加多個沙律，再一人一杯特飲，兩夫妻一起享用好了。 店中有多款漢堡包供客人選擇，而我的選擇，是「經典雙層牛肉漢堡」（$128）。這漢堡包雖沒有想像中那麼巨大，未算完全符合店名 Bigger Burger的意思，其實一個人吃的話已經絕對足夠飽肚。這漢堡包的質素的確不錯，牛肉餡口感甚佳，有嚼勁得來軟韌度剛好，而且滿有肉汁，配料的生菜、蕃茄、洋蔥等也夠新鮮，芝麻包雖不算很香脆，也過得去，較失色的要算是那些隨漢堡包奉客的炸薯條，只是普通。 「大烤菇素沙律」（$78）是店中三款沙律選擇中唯一的一款全素沙律，大烤菇汁液豐富，沙律菜以開胃好味的蜜糖蛋黃醬作為醬汁，讓這沙律成為我與老婆仔都喜歡的一道菜。兩杯