比利餐廳 (Closed)

今晚只有L陪老媽子吃晚飯，索性不用她操勞出外吃更好了。先來一碗老火湯，老媽子一飲就知無落味精，更叮囑平常很少飲湯的L要喝光碗湯。既然難得跟老媽子撐枱腳，當然要吃得稍為豐富一點吧。三餸包括豉汁蒸倉魚、口水雞及小炒王，當然不小得白飯。 老媽子說白飯應該是用靚米煮成的，入口粒粒分明又乾濕度適中。口水雞大約有半隻份量而且每件雞肉很厚肉，肉質亦算滑，亦不會骨多過肉。 配上花生碎點綴份外惹味。小炒王落足料很惹味，材料特多包括韭菜花、蝦乾、魚仔乾、腰果、紅椒、魷魚及蝦仁。 假若不是駕車的話，佐酒一流。豉汁蒸倉魚更是晚餐的焦點， 廚師蒸魚火候時間覺得很準確，魚肉很滑配上豉汁蒸很惹味。一上桌不久經已吃光了。最後餐飲選了凍檸茶及菠蘿冰。最驚喜的是小菜更有七折優惠，埋單兩人都是一百蚊鬆小小，老媽子說買餸自己煮都差不多要這個價錢，真是出來吃抵食過自己煮了。餐廳更特設VIP房有卡拉ok設備供應，似乎家庭聚會做節晚飯又多一個好的選擇了。

前幾天和朋友到鴨寮街買完旅行上網卡後，便到附近的西九龍中心吃飯，本身打算吃KFC，不過人太多，我和朋友便在商場裏面找了一家門口寫着$68自助放題！坐下來後才發現只是中午才供應！晚市是做小菜的，我和朋友便各自點了一個套餐！朋友點了香煎蓮藕餅，份量很多，有八塊！不是脆脆的蓮藕餅，但真的非常香口，味道非常好吃！而我便點了口水雞，份量也是非常多，口水雞理應比較偏辣，但這碟口水雞有四川的味道，辣到亦非常適中！套餐會奉送白飯和例湯我和朋友都將兩碟餸菜吃光！以這個環境，這個價錢，非常一流！

點解可以平甘，街坊價➕開業一週年慶祝大益街坊，我又點可以錯過青紅蘿蔔🥕蜜棗煲豬骨湯，煲得夠火路，又夠甜😊粟米肉粒湯，足料，唔會稀單單👏👏👏👏四川口水🐔雞，惹味夠味，愛吃辣的我，👍👏👏😊炸菜雞腎、手拍青瓜、云耳，鹵水雞翼炸雞翼、多士、甜品、菜類，肉類及其他............等等款式也算多，而且源源不絕供應，遠超價值，68元甘多食材，又有飲品，而且食物味道不錯，地方大，環境舒適，食物、地方、乾淨、企理、衞生，❤️心形餐具又吸引，68元無加一，超值，68元都可以食得好滿足👏👏👏👏👍👍👍👍👍

比利餐廳行過見到有間餐廳做緊午餐放題，當然要去試下啦，扒類小菜依家7折都幾抵，行得累坐下食個令午餐，依個都選唔錯選擇幾乎每個食物盤都有明火保暖，食客便可品嚐熱呼呼的美食。由於菜式非常受歡迎，侍應都不斷添加食物。另外，任食放題會提供每位食客一杯飲品。推薦蛋沙律三文治，西多士，奶油豬同炸物，味道同外面茶餐廳有得揮，唔會差熟食就有蒸雞、炒河粉、炒麵、炒飯。。。。等。一定夠飽小菜整體唔錯，有風味又夠熱炒粉麵飯都有水準。我覺得奶油豬及西多士新鮮炸起有誠意。我自己覺得$68有任食自助餐，包一杯飲品仲唔駛加一，香港地仲有邊度搵？老板好熱情❤️又坐得舒服，冷氣夠，食物不錯，下次一定會再來食推介⭐️⭐⭐️⭐⭐

今日同老公去深水埗買嘢，之後去西九龍中心行下，行到6樓是到一間比利餐廳，地方都好大。有小菜、扒類、火鍋。又寫有任食放題只需68元，真係好抵，但現在時間已過，是晚餐時段，原來晚餐都做緊週年紀念優惠，小菜、火鍋都七折，扒類重抵有半價。我們即入座食返餐。拔絲咕嚕肉：老闆說是招牌菜，當然要試下，外層酥脆，肉質鮮嫩，醬汁有拔絲效果，味道酸酸甜甜，美味香口。紅燒豆腐：豆腐炸過後再炆，非常嫩滑，蠔油醬汁調得惹味，配上冬菇和時菜，十分美味！什扒：有牛扒、豬扒、雞扒、腸仔、火腿等，有三種醬汁選擇，因為黑椒汁當天售完，我改選了蒜茸汁，跟薯菜。牛扒、豬扒、雞扒都煎得香口，點上蒜蓉汁，蒜味香濃惹味，即炸薯條香脆可口，奉送的餐湯，老火湯夠火喉，清甜可口，扒餐送熱飲，我另加$7要了紅豆冰，紅豆林甜，奶香又夠冰凍。老公食小菜，少不了藍妹啤酒。

難得今日Day Off 我同個朋友就去行男人既聖地，（鴨寮街）睇下d整車 Tools 行下行下就去左西九龍中心搵嘢食 ！跟住我就比兩隻超級大隻熊仔吸引左我入去坐低食！店內非常寛落，環境都非常舒適我地一行2人就叫左兩個餸！老火靚湯(跟餐加$3)先黎個老火湯先，呢個湯非常好飲，飲落去完全唔係味精湯，還有幾分鮮甜！非常夠誠意！口水雞($78)肉質非常鮮嫩，啖啖都是肉！亦唔會有好多肥膏，個汁都非常野味，用來送飯一流！香煎蓮藕餅($88)蓮藕餅煎得非常香脆，又不油膩，肉質非常新鮮，完全沒有雪味！亦食到一粒粒嘅蓮藕！後記！這間餐廳CP值非常高，價錢亦都非常吸引，你見到我成碗飯食晒，就知道真心唔差！最近餐廳開業一周年，所有小菜仲要一律七折！鍾意食小菜的朋友，我誠意推介！

依家好興茶餐廳都有放題，依間位置好方便，喺西九龍中心入面，餐廳環境好寬闊，二個人都可以坐卡位，唔洗同人迫，正！午餐有得揀68元任食or 叫午餐食38元，抵個其他餐廳，好平，揾日試下😂小菜依家7折，都抵，人多又唔想行，依個都ok今次我地揀左68元任食佢地refill 嘢食都好快，隻碟空左一陣就refill 我食1個鐘，都見到隻口水雞，雞翼refill 左2次，幾好仲有蛋沙律三文治，西多士，炸物雞翼，粉麵等，選擇都幾多，味道同外面茶餐廳有得揮，唔會hea做包一杯嘢飲，胃口好既人可以一戰自助餐，細食既午餐都係一個好選擇最緊要坐得舒服，冷氣夠，食物不錯，對我嚟講就係一個好既午餐

今晚簡簡單單去咗西九龍中心呢間餐廳食Dinner，點知有驚喜，嘢食仲平靚正！睇完 menu，見到廚師推介嘅貴妃蝦球，好似好吸引就叫咗嚟試下。薄薄嘅脆漿，包住入面爽嫩嘅蝦球，加埋外面甜中帶微酸嘅醬，非常好味！另外諗住叫一個菜，所以就叫咗蝦醬鮮魷炒通菜。通常出面食飯叫蝦醬嘅菜式，都會好鹹好濃味，食完非常之口渴。但係佢呢個蝦醬唔算太濃味，我哋就覺得啱啱好，仲有少少鑊氣，好香。飲品方面，我哋叫左凍檸檬柚子蜜同埋熱杏仁霜。凍檸檬柚子蜜，檸檬同埋柚子都好多，好足料，飲完再加水都夠味可以飲多半杯。熱杏仁霜，值得一讚，好夠香濃杏仁味。食完之後準備埋單，睇一睇張單，哇！原來而家全單七折（呢張單上面係已經七折咗嘅價錢！）真係又平又好食！！！超滿足！

平時好少行西九龍廣場，除咗搵返好多兒時回憶之外，仲意外地搵到呢間不錯嘅餐廳。餐廳門口放咗兩隻好大嘅熊仔好eye catching ，而且入邊座位放得唔算太迫，坐得都幾舒服下。今日係平日晚上，好彩都唔係好多人唔使等位即刻可以入座。侍應好friendly ，即刻拎咗Menu俾我哋睇。我哋見到個一人一我哋見到個一人一波爐火鍋都係$88 ，諗住一個鍋兩個人分享再加多個小菜應該會夠食😀叫咗菜冇幾耐已經有得食，一個就係一人一鍋嘅火鍋配料。除此之外餐廳亦都準備咗好多唔同類型嘅醬汁。真係同出邊打邊爐一樣。另外我哋仲叫咗個咖喱牛腩小菜，咖喱住得好入味，雖然辣味有少少不足。但係用黎送飯都一流呀！ 呢間餐廳價錢都唔叫好貴，如果下次去開西九龍餐廳都會再食下其他小菜👍

推薦指數: 🤩🤩🤩西九龍中心簡直係兒時回憶，其實深水埗出名多美食，每次黎到都好多選擇！每日去西九龍中心，就試下呢間BILLY'S CAFE. 😆其實係相對港式 唔係西式果隻~咖哩牛腩小菜配白飯 HK$88牛腩牛筋都幾多，炆得淋滑同入味～咖哩味帶少少甜，如果再辣番多少少會更惹味！成碟配料都唔少同好香，一上木台就已經一定要嗌個白飯配咖哩啦～正☺️原來西九龍都開左好多地道餐廳～黎開深水埗又多個選擇，係西九龍中心開飯啦🍚🍚🍚

餐廳位置闊落，食得舒服，Lunch 唔洗等位，門口兩隻大熊，吸引好多小朋友去影相留念，雖然餐廳擺放食物賣相一般，但食物質素有水準。但總好比用紙仔點餐為簡單，快捷，方便。支持小店！！吸睛價，68蚊， 一小時放題， 超過二十幾種食品，30分鐘已經食到飽一飽，老火湯任飲，包奶茶/咖啡/檸茶/檸水一杯，免加一。兩人埋單 136hkd食品推介* 豬仔包 （頂級推介，一定要加埋糖漿）* 肉醬通粉* 老火湯 （紅蘿蔔北杏豬骨濃湯）* 炸雞翼* 涼拌雞* 豬肉滑豆腐By the way 胃部細，未有空間試哂全部食物，亦冇點飲品。食物擺出黎份量雖然唔多，但係餐廳不停refill 食物，熱食小菜亦用微火加熱，食物入口時都保持保熱。老火湯半個鐘飲左3大碗，推薦。無論係男人定係女人都好快值回放題價68hk.

$68有任食自助餐，包一杯飲品仲唔駛加一，邊度搵？ 宜家出面普遍食個客飯都$50左右，所以$68任食真係唔好太高要求。老實講，自助餐食物呢個價錢款式都算唔少，有湯、粥。熱食類有蒸豆腐、茄子蒜蓉粉絲、涼瓜排骨、燒賣、豬扒、蒸雞、炒河粉、炒麵、炒飯、長通粉、炒豆角、炒菜等。炸物有雞翼、薯條、魚柳、奶油豬、西多士，仲有咖哩魚蛋、三文治、多士等。前菜有雲耳雞翼尖、青瓜、口水雞等。個人覺得小菜整得唔錯，有客飯風味，我鍾意食蒸豆腐同蒜蓉粉絲。炒粉麵飯水準都OK。我覺得奶油豬及西多士新鮮炸起，幾好食！餐廳用心製作，價錢實惠，真係良心小店，值得支持！

本身入去食之前諗住50/60蚊一個鐘任食，會好伏，但本住試伏專員既衝動就入左去啦！🤓🧐————————————口水雞🐥超超超高性價比🤩，入味得黎又唔辣，肉質超超超好味! 令人越食越想食😋🥰🥳————————————椒鹽豬扒🐷，炸魚柳🐟，炸雞翼🐥，生炒骨🦴，譚X雲耳，蒜蓉粉絲蒸茄子🍆呢6樣野都真係好好好好食👍🏻。一個茶餐廳午餐既價錢，但食到既係食物完全係爆性價比。🤩🤩🤩食得出餐廳完全唔hea,而係好用心去做! 仲要包左1杯凍/熱飲品。😍🥂🥤————————————西多士🥞，炸薯條🍟，麥樂雞🐔，蒸水蛋🥚，中湯🥣，干炒牛河🐂，滷水雞翼🐣，蕃茄蛋🍅，白飯🍚就屬於正常😉👌🏻————————————唯一一樣唔好食既食物係星州炒米，賣相係正常，但味道就唔夠。🤨 呢間比利餐廳係我呢幾年食到性價比最高既餐廳。真心重點推介!👍🏻👍🏻👍🏻😎

菜式唔齊不在話下啦，而且食物冇妥當咁好好保存啊啦，隨隨便便等啲食物暴露。好唔衛生咯可以食嘅基本只有雞翼、炒麵。佢地主打嘅奶油多士冇、奶油豬冇、椒鹽豬排冇。要客人講完廚房先肯整幾件出黎 失望😞我入去食過時係星期六嘅1530，但係佢地已經冇再refill食物，等食客只可以食剩低嘅食物仲有一點嘅係佢啲餐具啊 只係提供筷子係想點啊 我食炒飯點食 飲湯點飲啊🤦🏿‍♂️大家可以用試伏嘅心態一試 但係唔好又太大嘅期望🙂可以一試嘅係奶油豬 同埋雞翼

星期六下午在西九閒逛覓食，經過這間茶餐廳放題感覺幾有趣，第一次見茶餐廳都出放題，價錢又不貴，於是決定以身試伏🤣放題分幾種價錢，但我們是星期六去就是劃一$68免加一，如果平日去更抵。放題以自助形式，當然講明茶餐廳放題食物就是「茶餐廳野」，但款式都算多元，涼拌呀、小菜呀、多士呀等等都有，我們是三點多去的，這個時間也多人吃，店員refill食物也算快。要讚讚這個燒賣。燒賣有別於平常只是蒸完加甜豉油，這間的燒賣是加了些醬料再炒，應是xo醬及少少乾蒜，幾惹味。我們頗喜歡的。這天的湯是老黃瓜赤小豆湯，我猜老火湯應該沒有加味精，湯頭也挺甜的。咖哩魚蛋有少少椰香，也不錯。其他食物都不過不失。炸魚柳偏乾，薯條正常。最好是茄汁沙律醬都任用唔嬲，醬料怪可以茄汁浸薯條了😂整體而言，各款菜式的質素都算不錯，價錢也不貴，現在的世代出去吃午飯動輒四五十元，$68放題這價位來說性價比幾高。可恨是沒有試到西多士，次次一出爐都被人搶奪一空，或者下次再經過西九有機會再試吧。