比利餐廳 (Closed)

之前朋友推介呢間餐廳的任食,終於去了一試。$68/hr，一早去到不用排隊，款式都算多，refill速度比預期的快。菜式味道唔錯，蒸蛋＆中湯一流，但蔬菜類就過熟了，一夾就爛。整體上，真的唔伏，以$68這個價錢真的很抵食。

是日同媽媽一齊嚟試吓呢間任食，本身$68，我哋2:30嚟食，價錢$58，包一杯飲品，限食一小時。食物種類算多，普通茶餐廳的美食，有粉麵，湯，飯，燒賣，炸雞翼，西多士，脆豬等。個人喜愛炸雞翼，脆豬，飯嘅粟米汁都好好味，如果有多少少時間食就好啦，一小時有些少趕急，下次會再嚟試。

放學之後就同朋友去到西九龍中心行街， 其實我好憎呢個商場，因為喺舊年即係2018年就喺呢度發生咗一啲我好唔喜歡嘅事，所以如果免得過的話，我都唔會嚟不過朋友話買衫我先至陪佢。 買完衫之後我哋就嚟咗呢度食飯。呢間比利餐廳其實我諗都算係茶餐廳之類，因為實在就唔係一間西餐廳，亦唔算係食晚飯小菜嗰一種。 坐低之後，我就叫咗一個檸檬茶多甜嚟飲，叫佐多甜，我覺得都係唔夠甜，檸檬都唔夠酸，茶味又唔係好夠。 瑤池香妃雞，呢個瑤池香妃雞係配一碗白飯，我唔係好知道瑤池香妃雞，同海南雞、同白切雞、同貴妃雞有乜嘢關係，又有乜嘢唔同，因為食起上嚟我覺得啲味道都係差唔多，呢隻雞都幾多肉，唔係好多骨，雞肉唔算係嫩滑嗰種，但係食起上嚟都唔算鞋口，可以話味道係囉普通通，老實講我比較like食嗰啲蔥油。

位於出名多平野食既深水埗，佢同一般茶餐廳唔同，除左有平時既單點，2個月前仲推出左任食放題🤗去之前都有係網上見倒其他人既評價，有部分係話冇乜選擇，不過綿羊仍然係因為價錢唔貴既原因走去食😂----------任食放題 $68/$58/$48(視乎入場時間收費)用餐時間為60分鐘⏳食物款式超過20款😀另外包一杯熱飲☕綿羊當日去係星期日，幾乎全場坐滿晒😅唔知係咪繁忙時段食物選擇會多啲呢🤔有27款左右，而且員工都不斷refill👍冷盤有3款，口水雞、涼拌青瓜、涼拌黑木耳😁例湯大大桶任裝😆如果飲完杯附送既飲品仲想飲野就可以飲湯😂熱食都幾多選擇，小食有咖喱蘿蔔魚蛋、鹵水蛋雞翼、燒賣、春卷、薯條等等😋肉食有生炒骨、炸魚塊、炸豬扒等等，綿羊就唔係幾欣賞炸魚塊，魚塊太薄，炸粉仲厚過佢😐炸豬扒反而唔錯，肉幾厚身，而且幾腍👍菜類有番茄蛋、魚香茄子、椰菜花等等，另外亦都有炒粉麵飯或者白飯🍚如果唔想食炒粉麵飯，你都可以選擇食麵包🍞果占/花生醬/牛油方包都有，不過可惜佢係冇烘底既😔想食烘底就要揀奶油豬🤓最正當然係西多士，入面搽左花生醬😙旁邊擺左樽糖醬，任落唔嬲😏整體黎講，$68食倒禁多款野，食物質素正正常常，既可以

What can you expect for an one hour buffet which costs you only $68? It is a test of speed and my stomach volume It is a nice place for chicken wing lovers: I ate two dozens of fried chicken wings, and one dozen of salty sauce chicken wings. Furthermore I ate their spicy siu-mai gonna love that typical spicy sauce taste.Tried their fried fish fillets, fried pork chop, fried siu mai, meat-sauce spaghetti, chinese soup (mixed carrots with pork), toasts... I didn’t try their rice and fried noodle

抱著的心態：1. 勇字當頭2. 唔好諗住好似酒店的水平食評：1. 賣相真係麻麻地，擺設可以擺好D2. 抵食：👍$68 任食包飲品，仲唔使加一。飲品要追追。3. 規限：1個鐘，真係食得有些急4. 難唔難食？又不過不失以下名稱我自己改：冰鎮雲耳～ok; 鹵水雞翼 ～ok; 薯條 ~ok; 最好味的是仔仔拎到剛出爐的奶油豬🐷。.其實你當係「茶餐廳式的任食放題」就可以了。.作為慶祝考完試的一餐，又唔想太貴，又抵食，又要岩小朋友。這裡都可的。

今日星期日中午4點10分入座享用所為自助餐廳，因電視台介紹什麼低食之纇，本對於這些宣傳有卻步，因冇口卑先靠所為宣傳技巧；但朋友話想試下就陪同去見識探險心態。終於到門口後所爲職員話入黎睇睇先隨便任食，但我已見到剩下餸頭餸尾咁款心知不妙，但職員話會Refill，就相信入座。到出去夾時好多已剩3份一不到，仲係凍既，湯咸又唔熱。返到座位食完後，諗住出去睇有冇Refill，結果仲衰，出面用來撈汁既都比人"畢"埋，我本着再比多次機會等等....結果清潔阿姨都出埋準備收擋咁，將冇既食物「吉」盤全部攞走鬆人！連遲我入嚟既二位女士見到眼都突埋，問職員「點解會咁既」...當然回覆答案係「關人個關！我本著最後點都要「為人民發聲」本能，直接同收銀四眼老闆反映，註：（點解咁很定，因為成個牌子logo嘜頭都用緊佢個樣）；果然老闆聽後……神回覆 ：係咩，冇Refill 咩！冇可能架！4點入來應該「仲」有架！........老闆你好野！事實既嘢影埋相連本人坐左半個鐘烏蠅都冇隻，四隻眼睇都仲話有！咁即係等於我係冇講過野，同緊空氣反映！咁我只有用網上去反映下，起碼有雪亮明辨事非既人同情下自己！亦多得呢間餐廳譲我有冲動「第

其實由一入嚟呢間餐廳度落單都覺得佢好好但係啲員工服務態度實在急切地需要改進改善Order又落錯態度又差又俾漏嘢真係唔會有下一次嘅幫襯落錯嘢飲其實好少事我又唔係要大吵大鬧只係想你幫我換返杯啱嘅嘢飲但係啲員工比我嘅感覺就係係我叫錯咗野飲既感覺叫個扒餐扒上咗湯都未嚟 之後發覺係漏咗同左一個類似主管級嘅人反映佢就喺個餐廳入邊大聲講係我嘅錯係我嘅錯以及不停咁打斷我話題好似俾人哋嘅感覺就係我喺度蝦佢咁ps：如果佢唔係收我+1服務費我都冇咁嬲因為你收得我+1服務費連最基本嘅服務都比唔到

60分鐘任食 💲68（免加一 包餐飲一杯☕️）*逢星期一至日1130-1800供應 1430後將改以下午茶食物為主 價格亦有所變動✅ 食物Refill快👍🏻 而且種類唔算少 炒粉麵飯都有四種🍜🍚✅ 雞翼半煎炸 而且肉質嫩滑 口水雞既辣度亦唔錯🐓✅ 蕃茄炒蛋同粟米滑蛋肉粒都做到應有水準🥚❔ 不過特別菜式如口水雞就Refill得比較少 西多士更加係我地走個陣先岩岩出🤦🏻‍♀️ 時間許可的話建議1230先入座❔ 食物係一般茶記質素🤔 炸魚炸皮太厚太硬而魚好薄身🐟 而意粉煮得太捻🍝👅Taste：3/5💰CP值：4/5🙋🏻‍♂️Service：3/5👁‍🗨Stylishness：3.5/5

喺西九龍中心好多嘢食，但係人多啲就好難搵位，同一班同事黎到西九龍呢邊出job，見到呢間比利餐廳環境好大，座位算多。於是我哋一行五人就入咗去食啦。-之前睇上網介紹，午餐同埋下午茶都有放題，但係由於時間關係，我哋就食唔到放題啦，食午餐就夠。-嗌咗一個簡單嘅頹飯， 雞扒煎蛋飯，點知落左單好耐都未黎， 應該係漏咗單，之後追左幾次先來。-同事嗌嘅鮑魚煎蛋飯，真材實料真係有幾隻鮑魚仔！-新開嘅鋪頭難免會有啲甩漏，不過希望佢之後會有改善啦。

下午16:22已經跟你說，不會再加食物，就只有1個星州炒米，幾粒燒賣，湯，那就不要説是下午2點至6點，價錢還要是$68，服务態度只屬一般。其它食物試不到，唯有多吃星米吧，實在是個欲哭無淚的惨痛經歷。不會再有下次

間餐廳開張之後來食過幾次，感覺同之前香港18冇太大分別，冇乜覺得特別好用冇咩要彈，咁我諗住過去食個午餐，發覺突然間轉咗做自助餐，$68一位，平日食午餐套餐飯都要$59一個，加埋凍飲都已經$62，所以都興趣睇下有乜嘢食，睇睇下又覺得真係唔錯喎，都幾多肉食，咕嚕肉，雞翼，滷水蛋，滷水雞翼，炸豬扒，咖喱魚蛋咖喱豬皮，有青菜有下午茶嗰啲包，奶油豬，西多士，三文治，乾炒牛河，福建炒麵，魚香茄子，老火靚湯，蕃茄炒蛋，我影晒啲相，Send咗比啲朋友，真心覺得做得唔錯，樣樣野都幾好食，係有俾心機做。點讚支持！

垃圾餐廳垃圾服務 今日下午4點去到，去到已經見到有個女人等咗好耐話要cut單。咁我就梗係即刻見到侍應就落單，廢事又係咁啦。之後開始等，侍應個個扮忙拎住同一個餐行黎行去咁，扮睇唔到你，加上我坐近門口位置，更有大條道理扮見唔到。而等嘅途中都見到其他枱嘅食客都係度催單，佢地比我好就係佢地枱面起碼有張單。但我望到個侍應根本冇去過廚房跟單，轉個頭又行返開。好啦 我就等咗五個字忍唔住行去個收銀度問，之後去到先知冇落單。白等咗五個字，水都冇杯。完全冇反醒錯誤嘅餐廳，簡直垃圾。

同媽媽去咗飲下午茶🍜☕。不過呢間食肆，食物勉强ok，而服務就唔係幾得😒。下午茶時間已經吾多人，我同媽媽坐卡位。正當我同媽媽討論家事期間，有职員将餐具補充入櫃內。其實我地張枱仲有好多用具，但职員照放入櫃內，而且慢慢咁放入兼排敍，最终3分钟都未行開，我引吾住問佢可吾可以轉頭先。其實我明职員职責所在，但都希望顧及顧客感受。

落單未到五分鐘 個扒就出黎 扒要五成 結果出左黎得三成左右 個扒又凍 雖然生小小會比較凍啲既 佢既凍係一早煎完擺係度 有單就出既凍 個邊爐真係冇嘢講 超差 雖然每個人口味都唔同 不過真係好差 一日冇食野 結果食到尼啲 食左幾淡扒同邊爐就走人 尼間餐廳根本就冇企係客人既角度去思考 其實尼啲有冇試食自己餐廳啲嘢勒 心情系好差 大家見仁見智la 好求其尼間舖 真係好嬲 真係好無語