Bistro Délifrance (Closed)

唸住有coupon咪試吓嘆早餐囉,點知裝修後要加一喎.芝士火雞包$7.5~~麻麻地,没太多芝士.芝士puff$10~~個皮吸引,但個饀唔得.早餐A $18~~通粉的湯幾好,塊雞扒一般,蛋又煎得唔靚.4號餐$24~~個包OK,D饀係碎蛋,一般啦. 杯咖啡唔夠熱,而且亦唔好飲.

以前到Delifrance,是自助形式, 價錢巳比一般快餐貴,最過份套餐由熱飲轉凍飲要加６蚊,size也只是８-10oz左右,好唔合理. 現轉為餐廳有服務員帶位,食物也送到你面前,午餐時有多款套餐供應, 我和同事order了兩個套餐,有雜菜湯(好淡), 一份餐要煙三文魚法飽,另一份鮮茄天使麵,每人一杯凍飲.食物只可說OK, 整份餐從order到埋單,差不多1小時10分鐘,好慢!兩個人共$155,都好貴

新都會店由cafe轉型bistro後光顧過數次午市，都是感覺環境幾靚，食物及抵食度一般。上星期準時收工去試了次late tea，才發現品嘗bistro delifrance的最佳時刻是tea time!　首先，人客很少，我可以慢慢挑選舒適的大沙發位，以及從容的翻閱雜誌。第二，下午茶的選擇幾多，由最簡單的吐司、三文治以至意粉、點心拼盤都有。我點的是黑椒牛肉扁意粉配精選餐湯，還包括一杯飲料才售$28。食物約等十分鐘，餐湯普通，但意粉熱度及味道都很好，當中黑椒牛柳新鮮應記一功!起初以為下午茶份量很小，夜晚上堂或會餓，又加點了雪糕；吃完意粉就發現有點多餘，之不過雪糕賣相討好、味道又不差，把過苦的咖啡襯托得甘香，是幾好的餐後甜品!　幾滿足的一餐，加一後埋單不過$44，比午市還要平；更重要的是，吃完趕去上堂時間剛剛好，以後我一定會繼續幫襯茶市!

一向都有去開delifrance食野, 今日同男友行開呢度,就食個lunch首先,假日好多人,d位好迫,坐得不舒服叫左個兩個set先講餐湯, 一個係忌薕磨菇湯, 一個係洋蔥湯, 洋蔥湯ok, 但忌薕磨菇湯係非常難飲!, 首先佢好稀,係溝太多水, 味道只飲到奶味...普通delifrance既忌薕磨菇湯係好飲好多,唔明點解. 跟湯的蒜蓉包, 如樓下的所說,又凍又硬(係硬唔係脆)一定要浸湯. 唔好食!珍珠帶子天使麵, 同埋龍脷天使麵, 落左後先話龍脷天使麵賣哂,於是兩個都要珍珠帶子天使麵, 味道一般,佢話伴蕃茄芝士汁, 唔覺有芝士味. 總之好普遍啦最後的熱咖啡,係難飲, 唔香,好稀冇咖啡味, 只需落幾滴奶.唉!其實有一些普通的delifrance既咖啡都ok的,就係唔明點解有一些店整得好難飲,仲要係什麼bistro, 收貴d但出黎差咁多.而且都屬於delifrance,應該好好做下品質管理,唔好整到有d分店好有d唔好. 仲要飲完後我同男友都覺得有d頭痛=.= (有時我飲到一些唔好的咖啡,會有d頭暈/頭痛)服務方面,不太滿意,首先一張2人檯已唔係大, 佢d湯好耐先上, 一上湯就即刻上埋天使麵

見今日星期六晨早都要返工開會，獎勵自己吃一頓豐富的早餐，芝士火腿炒蛋九穀包+熱咖啡，包原來烘得脆脆的，感覺又不錯。咖啡可以添飲一次，不過唔係有coupon我唔會食，因為價錢係貴點，原價要27蚊加一，除非可以拎份報紙黎睇返兩個鐘，唔係唔值呢個價~~

前天和老友選了去delifrance'吃晚餐，很久沒吃過這間Delifrance'，改了裝修，是舒服的卡位哩～但set dinner既價錢升左一大截，$38變$61，還有10%charge! 食物質素差左好多個飽同d湯一d都唔熱（有d凍唔掂tim><)份量又小左好多．個蒜蓉飽硬過石頭．唔掂唔掂唔掂！！！ 仲有個waiter真離譜，問佢杯熱飲幾大?唔知!餐飲轉其他飲品加幾錢?又唔知!今日餐湯係咩都要問同事?!唔係下ma?!不過坐得舒服就真既，埋單發現佢計小8蚊，我都唔想同佢講=____=

星期日下午Lunch, 唔多人.Order了兩個set lunch 與友人共享.一份三文魚包配沙律餐和一份小龍蝦三文治配沙律餐。我選了菜湯為餐湯,熱咖啡為餐飲。菜湯和沙律好味，三文魚包OK,但小龍蝦三文治的麥包邊較硬.熱咖啡一般.如果待應不是過急及過頻於收枱上的食具，其實都幾好坐。價錢比一般Delifrance 略貴.

葵芳店由cafe upgrade到bistro後，一直想知有乜分別~ 終於，上星期去試左~最大分別在於價錢(bistro貴30-40%)同份量(bistro少20%)..　我o係lunch time去o既，試左個$50o既龍利柳伴薯蓉set(lunch set由$43-$50)~仍然都要自己出去買，不過就有人送餐上o黎~ 個set包括一個洋蔥湯、主菜同drinks，先試洋蔥湯唔好味，有少少後悔唔叫返好難整得難食o既忌廉湯~ 主菜龍利味道就好好，主要係因為橄欖油同香草夠香；暮蓉中有少量粟米粒，係個幾好o既配菜~ 不過，問題係份量真係好少…我飲熱咖啡，水準同之前冇分別，仍然係差~ 同場仲可以叫返之前o既套餐，個人認為其實係會抵d囉~ 服務其實都有d亂；不過依家環境靚左好多，所以都支持佢轉型~ ^^

吞拿魚pastry ($20)吞拿魚，小得可憐，味道一般。pastry，香脆in-un。完全不飽。

10 號餐\ ($27)<br />炒蛋，30%熟的炒蛋，生得可憐。<br />蘑菇片，十數片，大概三四粒，有小小菇臭味。<br />肉片，一小片小小的雪藏肉片，粢入了牙縫，試不出是雞是豬。<br />牛角包，得半個，夾炒蛋蘑菇，就跌到一碟都是，尚算香脆in-un。<br />薯絲，小小一塊，小得可憐，尚算可口。<br />凍咖啡，OK，奶太多數。

今日lunch都唔知食咩好,到到都咁多人,同d fd最後決定去左Delifrance到食,依間Delifrance都幾細間,好迫呀,我揀左2號餐,吞拿魚百吉包,要雜菜湯,真係好好味個包,不過個湯我就覺得一般了,lunch真係好鬼多人ja~~

It took us for more than 10 mins to get the breakfast today! And the forks were not cleaned well.Poor service!

delifrance o既法包／三文治都幾好食，不過甜品真係好唔得.. 以前跟餐o既蜜桃撻不嬲都冇乜好感，今次試左個新出o既綠茶Tiramisu，更加倒哂胃口... 好怪好苦，鍾意食怪味cake o既都可以try o既~ 不過佢新o既芝士焗薯批都唔錯，可以試o既~

大年初一度度都冇開一係就未開行過見呢間有開wow ~入去醫醫肚先~叫個9號set 蟹柳牛角包加個紅湯同coffee~個紅湯幾好雖然0的味怪怪地不過已經比我之前去有進步~

夜晚如果唔去cafe可能只有呢度可以坐低飲杯果汁~但0的野飲就認真ma ma~杯熱0 荼得7成滿仲要得0個兩小片lemon 0的檯仲要鬼死咁迫~ (間間Delifrance都係咁~~~)唔抵