首首.韓式小館 (Closed)

周末在灣仔利東街和家人行街，幾多特色店舖，有間韓式食店，外表幾有格調，內部寬敞舒適。我選擇了燒牛肉伴野菜沙套餐。跟餐有蛋花清湯，前菜是泡菜，蘿蔔和中華沙律海帶絲，清新可口。燒牛肉伴野菜沙律甚有特色，野菜很新鮮，有生菜，青瓜絲，甘荀絲，燒牛肉牛味濃而醬汁惹味，最啱送飯，或者用生菜包著食，爽脆惹味，又係另一番風味。甜品是 雲呢嗱雪糕琥珀合桃芝蔴脆片，配搭幾得意，芝蔴脆片和琥珀合桃香脆可口，為軟滑嘅雲呢嗱雪糕加添色彩。再來餐飲柚子凍飲，柚子香甜潤喉，清新怡神。

呢晚帶左個fd黎睇利東街個地球，順便食餐好。我地冇揀定邊間餐廳，不過見呢間韓國菜裝修幾靚就食下啦。入面環境暗暗地好有feel，同平時食開ge韓國菜好唔同，連menu都精緻過人。我地叫左一個飯一個小食一個炒粉絲。落單後餐廳送上前菜，泡菜幾好食，中間食唔出係咩，但唔辣幾爽口，右面應該係青瓜。粉絲彈牙，好多料，勁多蝦，仲有帶子同魷魚，辣辣地幾惹味，係油多左d。平時我唔多食雞皮，但呢個雞翼一定要連皮食，味道甜甜地，個皮仲要好脆身。上菜個陣唔覺得佢熱，但撈起個飯上黎都滋滋聲出哂煙。撈埋佢個韓式辣醬真係唔錯。

利東街，不再只是一條街道，現在已經成為一個小型歐陸露天商場，走進去，像去了小赤柱般，算是繁囂中的綠洲。綠洲都要有美食，才能吸引人駐足。今次就試試這韓式風味吧！走進餐廳，有種神秘的典雅，悄悄把人吸引住。看看餐牌，至五時都還有午市供應，適合週末很晚才起床的人享受一頓。看到牛腩蛋花粉絲辣湯，毫不猶豫便點了！餐湯是清清的蛋花湯，暖暖胃，再吃點泡菜，開開胃。上菜了！辣湯不負所望，韓國的湯十分惹味，配上白飯是一絕。還可以加錢配上雪糕了。這個下午，過得很悠閒！

利東街有好多好餐廳由街頭行到街尾短短一條街已經有唔同國家既美食而且都係裝修 食物有質素既店最近打得太多麻辣邊爐想轉下口味但又想食辛辣所以黎左首首食韓國餐叫左兩個主菜手工泡菜海鮮煎餅春川石板辣炒雞肉 伴年糕先黎前菜鐘意佢泡菜醃得好入味手工泡菜海鮮煎餅是兩大塊圓形的好足料 好多海鮮唔似有時食到成片都只係麵粉而且泡菜味岩岩好唔會太濃搶過海鮮味春川石板辣炒雞肉 伴年糕雞肉煮得好入味同時保持到好嫩滑辣得好惹味要一讚依到既酒類好多選擇cocktail有唔同款式好岩女士飲。又靚又易入口

今日黎到利東利街既首首韓式小館。前菜有海帶，泡菜，小白魚。先黎餐前小食， 香烤蒜粒醬油雞翼，大大隻既雞翼，以醬油烹調，色香味俱全，雞皮脆卜卜，肉質嫩滑，值得一提既係旁邊既蒜粒，非常香口！大邱香辣蒜粒炆牛肋骨，牛肋骨炆到恰到好處，淋得黎亦不失牛味，醬汁非常配合！韭菜煎蠔餅，大大份，韭菜既香味配搭蠔既鮮味，簡直係perfect match！口感香脆可口。人蔘雞湯，用上完隻雞，入面釀有糯米飯，做法非常正宗，人蔘湯味道濃郁！

今日行過利東街見到呢間裝修得幾別緻嘅韓國餐廳, 首首.韓式小館於是入去試試。餐廳裝修都幾西化唔知食物如何？打開餐牌, 雞牛豬、炸雞丶炒粉絲、伴飯丶石頭飯、冷麵丶人參雞湯丶泡菜煎餅, 大部分傳統韓國食物都有。今日想試下食D外面少食嘅, 叫咗三款廚師推介韓國山野菜拌飯、韭菜煎蠔餅同烤醬油豬柳沙律，再加個白飯同湯。首先黎個山野菜大酱伴飯, 外觀唔錯, 食材同飯分開上, 有翠玉瓜丶炒雜菌、紅蘿蔔絲...同埋特製大醬, 將所有菜撈埋，加入大醬混埋食, 但由於我鐘意食辣, 所以我再加咗辣醬, 素食者可選。韭菜煎蠔餅 - 大量韭菜混入麵粉同蠔煎成餅, 外面幾脆, 但如果裡面可以煮耐少少冇咁lim會好D。烤醬油豬柳沙律 - 一碟肉同一杯菜葉跟紅蘿蔔條分開上, 比我想像中嘅沙律有唔同, 豬柳肉質軟又甜👍🏻, 將肉包住菜食同食韓式燒肉一樣, 我仲叫咗個飯當餸食都唔錯。

利東街重建以後是一個美食的 好地方。作為一個偽韓妹， 經常都在找香港好吃的韓食。每人都配給一碟前菜。星期二餐廳有優惠更抵食。香烤蒜粒醬油雞翼 炸雞是韓國國民美食！！又入味，又夠香脆 還有一顆顆烤蒜 我就是一個蒜頭愛好者。大邱香辣蒜粒炆牛肋骨 友人很滿意，不敢吃辣的，可以跟餐廳點小辣一點牛肉炆得很軟韭菜煎蠔餅 每顆蠔即便不是很大，但鮮味十足 太大一盤，兩人實在吃不下人參雞湯 記得記得記得 一定要加鹽巴和黑胡椒 整體提升到另一層次 一流

The environment was decent without gorgeous decoration.Korean beef was very Delicious. The slice garlic and spring onion so matched with the Korean beef. I didn't need any sauce. However, i could not eat more. Many seafood was in the Tofu seafood soup whereas Tofu had two thin pieces. The stone of the stone pot rice wasn't hot enough. It couldn't dry the rice more. There were some choices of Korean Soju. Apart from that, limit wine choices. But the price seemed a little bit high. The service was

來到利東街這間韓國餐廳 一進門口裝潢十分雅治 坐下來令人覺得十分舒適 好像放下一天生活的重擔 食物叫了三款 水準都很好 有韓式的味道 但辣得十分適中第一款是傳統韓式石鍋飯 蔬菜伴以陣陣的麻油香味 十分好吃 一會兒就吃光了另一樣是烤醬油豬柳伴野菜沙律 這個份量不小 而且上桌是十分熱 豬肉稍稍煎過 十分香口 伴以蔬菜一起吃 有解油的效果最後是香烤蒜粒醬油雞翼 一邊傾計 很快就食完了 雞翼入味之餘 旁邊的蒜頭其實也可以吃！一餐豐富的晚餐就這樣完結了！

約了男朋友在囍帖街等，由於下大雨的關係，我們不想走太遠吃晚餐。經過這間店，看到門口的餐牌，發現原來這間店是吃韓國菜的，感覺還對胃口，便在這裡吃晚飯了。這裡坐位挺寬敞，放了袋子、雨傘和外套還有一點空位剩，不會坐得不舒服。我們點了炆牛腩絲蛋花粉絲湯、牛肉五色石鍋飯和春川石板辣炒雞肉。炆牛腩絲蛋花粉絲湯附送一個飯，湯是有點辣的那種，但又不會嗆喉，正好驅驅淋了雨的寒氣。春川石板辣炒雞肉有切碎的紫蘇葉晒在表面，吃的時候，把雞和紫蘇葉混在一起吃，又香又辣，又減去油膩感，值得一讚！另外，這個辣炒雞肉加了一些年糕在裡面，年糕是片裝的那種，很黏韌入味！牛肉五色石鍋飯附送一個清湯和韓式拌醬。很久沒吃韓國菜，差點忘了要把飯拌好才吃！牛肉份量很多，吃到最後一口，還是有牛肉的～飯有點點飯焦，但又不會過焦和過多。個人覺得拌醬可下可不下，石鍋飯巳有足夠調味～值得一提是這裡的待應們都很細心，除了會不停加茶外，還會主動問要不要提供碗給我們分來吃～

上星期同朋友路過利東街，行到攰攰哋，見到有間新式韓國菜就衝咗入去坐低。可能我哋五點幾入去，所以餐廳冇咩人，餐廳環境非常舒適。 朋友人有三急先去洗手間我就自己睇餐牌， 隔咗勁耐隊先返嚟， 原來去洗手間條路九曲十三彎，所以提提大家要去洗手間要預早一定時間😂。見到有個半價餐牌， 我估應該每日有唔同菜式半價出售，但因為朋友唔啱食所以冇叫到。一坐低，侍應就畀我哋一人一碟前菜， 辣辣地幾開胃。呢款炒韓國粉絲普普通通冇咩特別韓式甜辣炸脆雞塊味道唔錯但價錢有啲貴。最驚喜就係食呢個雪糕，係咪自家製就唔知，但雲呢拿配甜合桃，仲有啲芝麻脆片 非常好味，值得推介。

尋日同朋友去咗灣仔睇展覽加行街街順便去埋利東街望下影下相兼揾食呢度有唔少特色餐廳朋友話想食韓國野老實說呢間韓國餐廳就咁睇面門仲以為係酒吧來好靚啊入到去環境都係靚靚幅牆好有心思用咗d韓式湯匙🥄做裝飾點菜之後侍應送上d餐前小食！三樣都係酸酸辣辣咁好開胃蒜香醬油雞翼個賣相好靚蒜粒好香、食落有口感d似薯仔個雞翼煮得好入味、充滿蒜香同醬油味而且仲甜甜地個皮好香脆五色牛肉飯充滿驚喜！牛肉同配菜份料都好足牛肉好嫩、d飯焦好香口！薯仔煎餅煎得好乾身香脆、裡面有d蔬菜絲同埋有個醋配埋一齊食一d都唔油膩最後叫咗個自家制香草雪糕配合桃芝麻脆雪糕好香滑加埋d合桃芝麻脆好香口呢餐飯完美嘅總結

有朋自遠方來，指定要去利東街食飯，咁唯有上網搵吓利東街有咩嘢食，見呢間韓國嘢好似幾好，一於試吓！頭盤每人都有一碟三式小食，同一般韓式餐廳有啲唔同，似西式嘅小食多啲。叫咗個手工海鮮泡菜煎餅，外脆內軟，好好食！仲有叫咗碟煎牛肉餅配年糕，呢個都幾特別，味道唔錯！可惜份量有啲少食韓國野當然唔少得石頭鍋飯啦，但係佢個賣相好似冇咁靚! 味道就不過不失啦！呢度地方都幾大，仲有2樓，如果一大班朋友夜晚嚟食，仲可以喺2樓包間房添。

今天相約閨蜜聚一聚，經過利東街看見這間韓式餐廳門面很西化，所以吸引了我們係試一試很幸運地被安排坐近靠窗的位置，可以看到利東街特色的裝飾，而且店內環境亦非常舒適我們點了菜之後，服務員很快便為我們上韓式餐廳必有的前菜前菜是每人一份的，有韓式泡菜，海藻及蓮藕。泡菜非常入味也非常醒胃，蓮藕亦非常爽口，很特别！韓式甜辣炸雞塊 - 酸酸甜甜的醬汁配上香脆的炸雞， 十分惹味！再配上西式的火箭菜，火箭菜沾上甜辣的醬汁，這個組合真的非常的匹配手工制牛肉餅配年糕 - 這個菜式我在別的餐廳沒有看過，有肉餅是混合了洋蔥冬菇香蔥而成的，令到整個牛肉餅口感非常豐富而年糕配上蜜糖醬汁，小小微甜配上清淡的年糕，剛好可以中和牛肉餅濃厚的味道！自家製雲呢拿雪糕配合桃及黑白芝麻脆片 - 這個甜品十分有驚喜！雪糕非常香滑及帶有濃郁的雲呢拿味，食得出不是一般貨色！再配上鬆脆的合桃及黑芝麻脆片，令我們吃這個甜品吃得十分滿足這間餐廳環境舒適，而且菜式也非常特別，味道也不錯，是和好朋友聚一聚的好地方！

每逢大時大節，利東街必然成為打卡的好地方！今天既然一場來到，於是就和朋友找好東西吃 。路過一間叫做Bistro Seoul的餐廳，餐廳的名字很熟悉，原來是早前朋友曾經向我推介過，所以和朋友便毫不猶豫走進這間餐廳。餐廳的環境很寛敞，是一間富有西方特色的韓國餐廳，坐得非常舒服。我們一坐下，服務員很快送上熱茶。每位客人都有一份前菜，認真開胃。小食挑選了韓式甜辣炸脆雞塊，因為始終也是食韓式料理，怎麼可能會沒有炸雞呢？！炸雞的火候恰到好處，雞肉多汁鮮嫩，甜甜酸酸的味道好醒胃！👍🏻主菜點了炒韓國粉絲（牛肉），牛肉很入味，而且很足料，感覺一點也不油膩，味道不錯。😋甜品點了自家製雲呢拿雪糕伴甜合桃及黑白芝麻脆片，雲呢拿雪糕有雲呢拿籽！合桃和芝麻脆片都很爽脆！總的來說，這個甜品是滿有驚喜，值得推介的！