老富昌餐廳 (Closed)

9:00pm 先去到.... last order 係10:30 pm 入到餐廳好黑, 而且都唔係有好多人，所以侍應都比左張卡位我地。兩個人, 一人一個扒(其實係一個set o黎- 2個courses 好似要$118, 3 個courses 要$138, 4 個courses 要$158), 我地叫左兩個set:set 1: 忌廉焗草菇- ok, 但有d 水羊扒七成熟- okset 2:燒雞柳沙律- 好好食, out of expectation紐西蘭肉眼扒: 本人唔好生野, 所以要八成熟, 但係就勁多血本來餐廳要11:00 收, 但係我地講到唔知時間, 到11:30 先走, d 侍應都冇趕.... 可能因為仲有一間房未走

本人同朋友3人，上個禮拜經過老富昌餐廳被佢個名字吸引而嘗試。環境高貴舒服、服務員效率快、焗蟹蓋80分、洋蔥湯90分、羊扒85分、最值得一試必定係意粉啦，真係食得出好有口感汁料充足，但唯一令失望既就係杯燶燶既咖啡啦，改進吓啦！整體都有80分啦！仲有一提既就係個High Tea啦，加埋10%80蚊有找..好坐舒適值得一試呀！

果日放工同女友去到見到個半價招牌，於是入去試下，但原來只是指定套餐，但之前看到不少網友彈多過讚，於是沒有選擇它們。我們選了自選套餐的三文魚卷和牛排其實都並非想象咁差，食物都比預期中好味，至於侍應生方面，可能大部份侍應都換成男生，所以服務態度明顯比以前下降，幸好當天晚上招呼我們的女部長和一名男侍應都十分有禮貌。所以當晚我同女友都算食得十開心，如果下次來服務水準再提高的話，我會介紹給朋友。

唔信邪, 今日下午茶時段再來一次,結果失望而回,全部時段餐牌轉左, 價錢平左一大截,服務及食物質素亦都大插水,徹底失望, 唔知係唔係轉左手...

一行五人在這餐廳晚飯, 侍應竟高聲說"Section A 有五舊垃圾".至晚上約10:20 pm, 侍應再旁若無人地高聲說接近粗話趕客.$260 per head 的消費, 如此服務, 光顧與否, 請三思.

好難食架..佢d野~~我嗰晚叫咗個牛柳..我都唔知係把刀鈍定係件牛柳有問題我都砌唔到~~仲有呀..我叫埋知個二人set個蟹蓋爛既..都唔知佢地係唔係"環保主義者".......仲有呀..佢d Loster 好似怪怪地咁既...都唔似Loster~都唔夠口感...有d似"掛羊頭買狗肉"囉~~一句講晒"差差差差差"~~~~~~~

原本唔係諗住黎呢間既, 不過比門口大大隻"半價"兩個字吸引左, 原來係有兩款套餐做緊半價, 好似都幾抵, 於是就揀左呢間食晚飯.由於有朋友未到, 我地同門口個waiter留左位同電話之後, 就去行下街先. 過左無耐就收到佢地既電話, 原來門口位waiter頭先報錯料, 話比我知唔收開瓶費, 其實係要收既($100), 所以專登打番黎話我知. 好彩每人消費滿$200就免收, 否則我地可能轉場.人齊坐低落order, 我點左個自由組合既三道菜set dinner, 忌廉磨菇湯非常足料, 菇味濃郁, 岩我, 不過杰左d, 都幾飽肚. 朋友order既二人餐都係跟呢個湯, 但佢地果兩碗好似無咁杰既. 主菜揀左焗羊扒, 比想像中好喎, 有d羶味又肉質都算嫩, 雖未至於好出色, 但都收貨. 甜品係蘋果撻, 呢個就有少少失望, 事關其實係蘋果酥, 個酥皮仲極似超市果d急凍貨色, 好彩配埋個vanilla雪糕一齊食, 點都唔會難食既.有人揀左其中一個半價二人set dinner, 頭盤有煙三文魚沙律同焗釀蟹蓋, 兩款既賣相同味道都可以. 主菜係燒豬肋骨同大蝦天使麵, 意見係前者望落好乾, 但食落都算j

冇話可說, 好失望,我唔仲以為我去左茶餐廳, 環境好嘈, service 比以前差, 食物水準亦差左一大截,隔離台食客當左係茶餐廳, 將全部刀叉插左係水杯度洗???大家都睇到o晒咀....可能佢依家轉左menu 啦....得返一d 超平套餐

滿心歡喜約舊同學聚會,友人介紹,但食物水準很差,羊扒六成熟卻靭到切唔開,普通的一塊鱸魚,煮得實在太普通啦,侍應服務態度馬虎,只是好坐,是不能彌補我的失望!

今日同男友選擇呢度食late lunch...一入門口, 出奇多人...可能係星期日啦...不過環境不算嘈雜!!我地叫左墨魚汁海鮮意粉($35), 忌廉煙肉長通粉($35) & 薑汁梳乎里($48)墨魚汁海鮮意粉,d海鮮份量就比之前少左d~不過意粉依然好味彈牙!!忌廉煙肉長通粉都係...完全冇overcook 情況!!!!而薑汁梳乎里就係即焗既~~~伴雪糕同梳乎里汁一齊食...好正, 一熱一凍, 好得...^^

同女友晚上去食,環境唔錯,好靜,人客又少(少得奇怪),同女友先要了一個鴨胸、一個煎鵝肝,前者不錯,後者本人覺得有點油膩,但好此者該會滿意.後要了一個芒果煙三文卷,一般,蘋果撻卻值得一食.不過侍應好快就會收你碟,好似趕客咁,連麵包都問你收唔收得,咁多空位,何必呢?

收到invitation, 同老板呢度join個cocktail party, 應酬完之後就埋張飛睇戲. 個酒會有少少食, 有煙三文魚, 壽司, 蛋糕, 腸仔, 咖喱角, 春卷等, 覺得個迷你瑞士卷唔錯, 其他食物就好一般! 飲兩杯白酒, 幾飲! Anyway, 又飲又食又睇, 俾面都要一到啦! 不過呢度裝修幾老套!!

食物唔錯, 我地2個人, 叫咗2個3-cources, $199/人.頭盤我地叫芒果煙三文魚同鴨胸沙律, 但似乎個三文魚好d. 主菜食鴨胸黑加倫子汁+marsh南笟同燒三文魚+marsh南笟, 個魚就好好味, 火喉啱啱好, d肉好嫩.但鴨胸就好似有d\"鞋\". 甜品就食朱古力布甸同法式炖蛋, 布甸好甜, 好\"流\", 炖蛋就啱啱好, very good.環境好靜, 雖然係尖咀海港城, 不過係係商場盡頭, 唔洗驚撞到熟人, 係偷情既好地方.

端午節同朋友在這裡吃晚飯。自選晚餐分頭盆、湯、主菜及甜品四類，點選兩類為$158、三類為$188、四類全選為$218。除湯得三款選擇外，其餘三類每一類均有五至八種選擇。1) 前菜蘆薈蝦沙律: 蘆薈像椰果, 半透明的小丁方, 味道清甜但沒有蘆薈的味道。蝦應該是雪藏的, 有其型而沒其味。2) 雜菌忌簾湯: 很杰似麥皮多過似湯。3) 西冷扒(六成熟): 肉質嫩滑, 伴以紅酒汁, 不錯。4) 燒羊鞍(六成熟): 肉質較西冷「鞋」及有筋。5) Home-made芒果布甸: 很失望, 沒有鮮芒果味, 只有很強烈的芒果精油味道, 完全不似自家製。6) 法式燉蛋: 雖然蛋面有硬焦糖一塊, 但整杯燉蛋是凍的, 蛋的質地也很奇怪, 粉粉的介乎燉蛋與麵包布甸之間。7) 餐茶–凍檸樂: 大大話話一杯裡面有十幾粒冰, 可樂是糖漿可樂, 沒有氣也不好喝。8) 餐茶–熱奶茶: 茶包茶一壼, 淡奶是凍的但幾滑。 星期六晚六點幾, 一間餐廳得三枱人, 清清靜靜的, 坐卡位幾舒服。

今晚一璆|人去食飯,星期六晚人不算多,坐得好舒服,最抵食叫左個海鮮併盤,$199一個人,兩人起,四個人叫左兩個人份量,夠晒!每併盤有生蠔、蟹、迷你青口、有蝦子的蝦、螺,總之分量夠晒,兩個人分的話,食呢個海鮮併盤都夠晒唔使叫其他野食。跟住叫左個木瓜沙律、老富昌併盤(有鵝肝同鴨胸等等)、同埋一個海鮮墨汁意粉,四個人夠晒數。埋單$830,都幾抵食,好滿足。