老富昌餐廳 (Closed)

未試過食餐飯食到咁嬲!一定唔會有下次!!!以前經常係Soho區呢個集團Le Fauchon食lunch,食物又好味,Service又好!今日係海港城行街行到好攰,經過呢間老富昌餐廳,諗住提早坐底食飯,因為好累又想坐得舒服點,5:45pm入到去,發現仲有下午茶餐因為我們比較細食,所以決定叫個二人下午茶餐$130有湯有意粉有Pizza仲有兩杯飲品到6:45pm我自己杯飲品都未飲完,亦都未叫埋單,有個好無禮貌的女待應,突然衡過來講:唔該埋左張單!其實果一刻已經好唔滿意,但以為下午茶要埋數,要早d埋單,亦都唔想影響自己情緒同佢嘈,所以我地都埋左單~諗住傾多一陣,飲埋杯飲品先走,因為成間餐廳有一半吉位,出面亦都無人等位,過左五分鐘,我杯飲品仲未飲完,果位女待應又衡過來好無禮貌咁講:你張枱有人book左,如果你要坐,我換過第二張枱比你坐!!!態度十分惡劣我地坐的枱沒什麼特別,又不是卡位雅座,附近仲有幾張同類型的枱,出面亦沒有人等位,食餐飯要咁趕,仲要比人用惡劣態度對待,呢間餐廳我一定會black list ~

之前食過下午茶,而18:00前都可以食到tea set. 蒜蓉包$18 ~ 整個包長切,由頭到尾塗滿了蒜蓉,抵!牛仔肉紫蘇蕃茄長通粉 ~ 下午茶份量都唔會太細碟,又新鮮又夠熱.今次午餐叫了三個set;1. 西冷牛扒$79 ~ 不過不失,可讚的是那薯蓉很好味,不會太膩,不過想跟飯便要另加$18. 2. 牛脷意大利飯$68 ~ 飯很大粒,不知是意大利那地域的出產. 牛脷非常林,好味.3. 煙三文魚南瓜天使麵$78 ~ 南瓜切得都幾大片,不會細細碎碎. 煙三文魚都好香,紫蘇蕃茄亦是我的最愛之一.甜品Tirumusu$15 ~ 我在其中一個餐加了錢要甜品,不過不失啦.

同女朋友響老尖想揾個舒舒服服既地方嘆吓下午茶，海港城老富昌係不二之選～過去幾次既下午茶時段都唔係好多人，一 walk in 就有位～以佢地既格局，下午茶價錢唔係太貴，都係 50 蚊有找，而且最緊要係食物有質素～ 我地通常會叫以下兩樣： － 朱古力西多士配雲尼拿雪糕 － 朱古力布甸(即係心太軟)配雲尼拿雪糕朱古力西多：我最鍾意咁樣既西多 － 半煎炸，色澤金黃得嚟唔似出面好多其它地方咁炸到咁 D 蛋汁硬晒飛晒出嚟又多油，佢地煎得好靚賣相好企理～ 雖然入面有花生醬夾心唔係個個鍾意，但塊麵包本身都仍然保持到一定厚度，唔會俾花生醬搶晒個味～ 上面淋左 D 朱古力漿，其實理論上整體係偏甜，但因為又有舊雲尼拿雪糕，混埋西多嚟食，凍凍地又可以平衡番個味覺，天時暑熱食真係恰到好處～心太軟：哩個係我食過質素最高既心太軟之一！ 殼薄，汁多，質素穩定，次次都有一大攤朱古力漿流出嚟，好 rich 好好味～ 而且次次拎到出嚟都係熱辣辣，混埋雪糕一齊食，一凍一熱，朱古力味香濃，真係妙不可言～ 旁邊既雜果其實就麻麻，不過牡丹雖好，都叫做有少少綠葉扶持～連飲品每人平均都係 40 幾蚊，咁高質素，真係值得一再幫襯～

嘛,食評補完計劃7了,嗯今次食的是這間中價的法國餐廳,嗯,來這兒的原因好簡單,因為近我媽的公司,放工後又不知吃甚麼好,說著說著就來了這兒了這次叫的是個2人餐,價錢是多少就不要問我了,畢竟這已經是上年7月的事情了,不過沒有記錯的話他沒有加價的就是了首先來的是海鮮頭盤,嗯,不過因為我和我媽都不吃生蠔,所以特別叫他弄熟了,所以頭盤的頂位是空空的喔,我不是經常吃這些東西,好不好吃我就不太清楚,所以這個就太多說了差點忘了還有個沙律,不過都是些新鮮菜另加幾片煙三文魚再加些少沙律醬,沒有甚麼可說,唯一是菜滿新鮮的,嗯之後是湯,忌廉湯不是用粉開的實在太好了,不過連這個湯都煮不好又怎可以叫法國餐廳呢?媽叫的離菜湯都沒有甚麼可以說的,嗯嘛,來了來了,主菜了我的是西冷牛扒,媽的是小龍蝦茄汁意粉我的那個弄得剛剛好是七成,請原諒我不喜歡吃太生,所以叫了七成,吃下口有保留牛的肉汁,加上他的醬汁,未可說是完美,不過都有9成的分數了媽的那個就比較失色了,嘛,都是因為那個小龍蝦真是小得太過份了,都不知道應該怎樣吃的了,嗯,而且那個茄汁也太搶了,整個意粉的味道都只有茄汁,沒有了其他的味道了,其他甚麼都沒有了,嗯,幸好這是

　　相約舊同事食飯，星期五尖沙咀周圍都 BOOK 唔到位，唯獨呢間 BOOK 到位仲要坐唔爆。　　整體美味程度沒有什麼特別，最好食係個甜品－－芝士雪糕，而且賣相好靚，最大意係反而呢個甜品無影相。　　但係環境確實好適合朋友傾偈。　　所有食物賣相唔錯，之不過質責真係無咩特別。牛排食唔出有牛味。

年初四很想到尖沙嘴一帶逛逛，順理成章地走到海港城。時值下午茶時份，本想到Cova吃蛋糕甜點，不過看見有十來人在門口排隊就打退堂鼓。本身對UCC、Starbucks和LGB都沒有興趣，而看見一家叫Cadero Grill & Oyster Bar的，店內一個客人也沒有(當時商場內客人可謂川流不息)，所以為之卻步，只好到Bistrot Le Fauchon了。餐牌上的下午茶餐有十多款，價錢由$18-$46不等，不過餐茶卻要另加$6或以上。我的目標是甜點，所以要了一個焗朱古力布丁伴雲呢拿雪糕和熱檸蜜。當侍應端來甜點後，發現原來是心太軟(餐牌上沒有附圖)。哇!高興極了!急不及待以甜品匙弄穿朱古力布丁，此時內面的熱朱古力漿哇啦哇啦的湧出。先試朱古力漿，發現很滑又夠熱，不太甜有點像柯華田的味道。布丁焗得很香又熱，非常好味，不過那球雲呢拿雪糕相較之下就較為失色，起碼不如Häagen Dazs出品般美味。整個下午茶餐都覺得很好味，也算蠻抵食的!

我地一行四人到似餐廳食dinner,我覺得都好抵食,因為有三道菜or四道菜,我們當然要四道啦.個set包一個頭盤,一個湯,一個主菜,一個甜品,一個drink,我地order咗以下:頭盤:法式田螺兩客 三文魚他他汁 燒雞沙律湯:大家都係海龍皇湯,好咸 d包就好ok,可再加白酒煮青口好味主菜:大虾拼牛柳同肉眼扒甜品,一個香橙cheese cake 同加錢要咗心太軟除個湯唔得之外,所有食物都可以.d服務好好,上菜唔快,你食完一道先出第二道,可以慢慢食

朋友唔講, 我係tst做野咁耐都唔知有間法國茶餐廳係度. 裝修ok, 可能因係海港城入面, 所以門面都不能馬虎, 至於食品方面...其實同出面既set lunch無別...但價錢相算合理 所以不防一試. 因友人之前都有食過呢度既意粉餐都ok, 所以我地兩個每人都叫左一個...味道不錯, 由其是個白汁長通粉. 至於飯前餐湯就很ma ma, 直頭用個"差"字黎形容, 感覺就好似飲緊菜湯水加少少蕃茄味一樣...呢樣野真係仲有好多改進既空間呀吓! 本人推介 :lunch time又可多一個舒服環境(only)食飯選擇lu~

Me and my family have been frequent customer to this restaurant for over a year now, we often come here for their afternoon tea sets which we found were good value and quality. Recently, we saw a decline in both food quality, menu selection and most importantly, service standard. Last saturday, we went there again and ordered the "Deep fried basket" which contains a selection of deep fried items include Buffalo cheese, cheese broccoli, fish fingers and chips. Previously, we were able to excha

出街食飯就最憎受氣....尤其當間餐廳0的0野食又唔係算得上好好食....沙律, 湯一般....煙三文魚意粉,0的三文魚喊到食完飲兩杯水都仲係口渴....最差就係當食到尾聲趕住番工, 但杯餐飲等好耐都未有, 咁唯有問下個waiter , 點知個waiter叫完我0地等陣, 轉個頭係到話"好似追債"咁.... 我又唔係等無一陣就追你, 係真係等左一陣都未有我0地又趕時間先問下.....家下乜態度呀....之後餐飲上枱之後都仲要聽到佢係廚房同人講話我0地"追債".....經過今次之後應該都無下次嫁喇, 食飯食到咁受氣

本人食了老富昌已經好多次, 再上一次食是上個月.基本上該店食物同SERVICE都OK的, 座位又坐得舒服, 地方唔嘈雜, 可以傾到計, 如果時間唔趕, 都好RELAX的.常常滿座, 如果無訂了位, 就要早小小去攞位喇.今日食了$78意粉SET LUNCH,選了是日餐湯-蟹肉西蘭花忌廉湯, 味道OK,不過份量比以前小了好多, 而意粉, 選了南瓜同磨菇天使麵, 蒜蓉檻欖油汁, 整個份量好多, 分了小小比同枱人食, 都剩了小小食唔晒, 味道就咸了小小.最後既餐飲選了我既至愛~熱咖啡, 該店既咖啡唔錯的.

係第一次試~店入面既裝修幾靚<3 有CAR位~ 所以坐得好舒服WAITER都好有禮貌 食物都好快到全部食物都夠熱$120 二人afternoon tea set:個MENU幾好~ 好夠食有PIZZA, PASTA, 餐湯同餐飲 //SOUP: 叫左蟹肉忌廉同蕃茄雜菜 -老實講個湯真係差geh.... 因為好希, 落太多水- //PASTA: 可以自由選擇兩款配料+ 麵條同意粉醬汁 (我揀左牛仔肉同三色椒, 意大利麵配Basil n Tomato醬)-好味,意粉軟硬度適中, 分量足夠>> 兩個人食都覺多... 因為又有PIZZA食既關係 hahha)//PIZZA:可以自由選擇兩款 toppings (我揀左smoked salmon同onion)- 好夠熱 + 新鮮~ 不過味道偏鹹 //BEVERAGE: Hot coffee-外表平平無奇, 但好好飲![[ $120(已加一) 食咁多野同有lee個質素既食物真係好化算 加上環境舒適 會再去 同推薦大家 ]]

1/7/2009 (星期三)今日係公眾假期，唔駛返工，下午去海港城食Lunch，然後去參觀忠僕號，忠僕號已有95年歷史，是現時最古老的船，亦是全球最大的流動書店。選了這家在Gateway的餐廳，因為見有下午茶餐，而且這兒的下午茶餐很flexible，可隨意自行配搭飲品、果汁或湯，我就叫咗墨西哥飽伴三文魚旦沙律，再加忌廉湯。墨西哥飽伴三文魚旦沙律：清清地啱晒我口味，而且份量啱啱好，唔會太多忌廉湯：很香很濃，絕對唔係金寶湯餐廳的環境唔錯，侍應的服務好好，下次都會再來。

呢間野早一兩年前間唔中都會去下....不過好似退步左喇...食物OK..不過D service就唔係好得....對上一次同幾個親戚去既時候落單o個陣個waiter仲勁唔耐煩既語氣..真係比法國人更囂張!!!!今日行過,是但搵左呢間食tea.....意粉還算ok,有得揀配料同sauce.....但當我食完野飲完野o個陣諗住坐陣抖下...我o個陣都未話要埋單...點知個waiter自作聰明咁拎張單埋黎問係咪埋單....我食完飲完唔代表要即刻走架喎....你話你出面有好多客等緊我冇野講...但當時係仲有超多位囉......總之個感覺就係好似想趕人走咁!!!!本來仲想叫個甜品食下,但俾個waiter咁對待.......即刻唔想食喇!!!!坐多陣埋單即走。一句講晒: 懶grand既裝修,價錢又唔算平,茶餐廳都不如既service!!!!

來過老富昌幾次,食物ok,但欠驚喜.以價錢計,來吃午餐或茶餐比較化算.兩次晚餐也有試肉眼扒,第一次要medium,發覺其實只是3至4成熟,加上肉質本身唔夠肥美,好難"0趙"得開. 第二次改叫7成,反而ok,肉味不算很濃,但尚算可以. 隻大蝦就有點失望,頂多可算是中蝦,蝦頭也沒有膏兼未熟透.頭盤食田螺,香草太多,朋友的芒果甜蝦沙律,甜蝦賣相不俗,當然不及新鮮蝦鮮味,但不可要求太多了,芒果略兼不夠,令整個沙律欠一點性格.但有一樣東西是我食完都要再食,就是那個軟心朱古力布甸,最喜歡用熱的朱古力汁溝凍雪糕一起吃,一冷一熱,令口感豐富,與朱古力的豐腴很配合.188元三個course,當然不可要求法式傳統的fine dinning,但論價錢,始終期望應高花園餐廳幾班,否則點解唔試下樓下平些的UCC,又或比多少少試下地下或樓上那幾檔高檔餐廳?