Black Bear

Open Now

Now Closed

經開太古城，發現了一間新開的日式咖啡Cafe店，主打黑熊系列…黑熊係咩？正正就是最愛的咖啡系列！他們走日式清新木系路線，而且地方闊絡，空間感十足，真的可以好好享受美食的時光。班蘭拿鐵入口有陣班蘭的香甜味，又不失咖啡的濃郁口感，兩者融合，仍保持順滑，層次豐富。黑熊特飲他們先以苦澀回甘的黑咖啡作底，再送上濃郁的咖啡香的咖啡雪糕，完全結合了兩者的咖啡特質，飲起來口感濃厚滑順，愛食黑咖啡的必會愛上。煙三文魚牛油果沙律配日式胡麻醬色彩繽紛的煙三文魚牛油果沙律，除了沙律菜外，更有煙三文魚、牛油果、車厘茄，入口清新爽脆，再有日式胡麻醬汁，增添了豐富的芝麻風味，非常開胃。黑松露醬本菇螺絲粉濃郁的松露醬汁掛滿在螺絲粉上，而且還有嚼勁的本菇，咸香的芝士，食起來彈牙香濃，淡淡菇香，滋味十足。藍莓忌廉芝士牛角包窩夫即叫即製的牛角包窩夫外層酥脆，內裡鬆軟，旁邊再有酸甜奶油香的忌廉芝士，窩夫輕輕點沾上忌廉，再加入藍莓，增添甜感，確實不錯。香蕉香桃乳酪芭菲再來一道乳酪芭菲，底層先有粟米脆片，再有清爽酸甜的乳酪，再有香桃、香蕉、藍莓…層次豐富，輕盈零負擔。

Black bear 距離太古地鐵站只係1分鐘嘅時間，位置超級方便！店舖裝修好有特色，以黑白啡作為基調，再配襯唔同嘅綠色植物，感覺好舒服！酷愛鰻魚飯嘅老公睇到menu已經心心眼，呢個定食配以合桃魚仔作前菜，灑上少少芝麻帶出香氣。麵豉湯唔似坊間整到好鹹，幾好飲。另一個main dish係全素食嘅黑松露醬本菇螺絲粉，一放低已經比枱上嘅螺絲粉香氣吸引住。螺絲粉上面加咗芝士碎，黑松露嘅份量一啲都唔少，本菇吸收晒黑松露醬，令口感好Juicy！螺絲粉軟硬適中，吸收咗醬汁都唔會覺得好淋，煮得啱啱好。平時夜晚比較少飲咖啡，但見到佢signature 嘅黑熊特飲好似幾得意，所以我都嗌咗嚟試下！佢哋用特製形狀嘅冰放在齋啡內，再卷上一圈咖啡雪糕，增加左一絲甜味同埋口感。香桃乳酸梳打士多啤梨乳酪餡蜜有乳酪雪糕配上新鮮士多啤梨、jumbo藍莓、紅豆🫘、寒天、糯米丸子等等，材料同口感豐富！黑熊芭菲入邊有脆片同埋橙味蛋糕，中和咖啡雪糕&咖啡凍糕的甜味！食完甜品真係好滿足！我同老公都覺得好值得再嚟，服務好好，位置又方便！

Black Bear由飲品、主食到甜品均嚴選食材，食客可體會到Black Bear堅持的美味。Black Bear裝潢風格簡約輕鬆，舒適的環境會讓人想坐上一整天，當晚享用的餐點一吃讓人難以忘懷，令人讚不絕口。茄汁大蝦扁意粉收汁收得徹底，鮮味破表，麵條吸滿蕃茄和大蝦的精華，口口都很夠味，越吃越涮嘴。大蝦、扁意粉、車厘茄整齊排列，大蝦貼心地去除蝦殼，而且相當大尾，蝦肉咬感彈牙鮮嫩，大蝦吸收茄汁甜酸，非常加分。鰻魚飯定食一上桌，光是撲鼻而來的香氣，以及在燈光下晶亮油潤的紅褐色鰻魚，就讓朋友猛吞口水。入口先吃到鰻魚細緻鮮嫩的肉質，隨後舌尖上浮現鰻魚脂香與帶甜度的濃郁醬香堆疊的層次，好吃極了。搭配熱騰騰的日本米飯，實在有夠好吃，完全就是白飯殺手。這晚鰻魚飯定食搭配的日式配菜是合桃魚乾，合桃魚乾香脆可口，吃起來甜滋滋的，相當開胃。味噌湯以油揚、蔥花作點綴，嚐起來略帶鮮鹹，比較貼近日式家常的味道。士多啤梨乳酪芭菲可以說是一杯藝術品，零死角的美麗，上方是藍莓、士多啤梨、堅果、士多啤梨蓉，下方則有脆片和海綿蛋糕，層層疊出的冰涼感與酸甜味，風味十足，雪糕是乳酪口味，顯現清香典雅，每一口都是驚喜與滿足。我被

星期日放假諗住出去食個早餐，所以就試下哩間新開嘅cafe.12:00坐低，店員就俾個QR code我落單。搵咗好耐都唔見有all day breakfast, 於是我就問佢係咪無all day breakfast. 店員話無。明明我記得佢門口menu有all day breakfast嘅相，於是我去openrice睇多次個menu, 原來個早餐係真係早餐，做到11:30咁算啦，係我自己睇漏。但一間cafe無all day breakfast我係有啲意外嘅一早起身唔想食意粉同飯，唯有叫個藍莓鬆餅同一杯iced americano.對個muffin其實都無期望，應該都係攞貨唔係自己整，只要唔難食我就覺得ok. 個鬆餅嚟到，我一食，凍嘅係又凍又硬又乾。我去starbxxxx叫個muffin佢都會幫我reheat啦就算一啲無得eat in嘅coffee shop都會reheat個muffin其實都唔高要求，唔洗要你好食啊，但起碼俾個熱嘅muffin我丫reheat一下咪無咁乾咁硬囉杯iced americano就不過不失

朋友係美國返嚟，當然要搵間餐廳食飯聚吓啦！上網搵下有冇新餐廳。見到有間Black Bear 位於太古城明宮閣，太古港鐵站一出對面就係，非常方便。而且食完仲可以搭巴士直達我地兩個各自屋企。所以就揀Black Bear。推門入去，環境非常舒適及寧靜。好適合食飯傾計。煙三文魚牛油果沙律配日式胡麻醬，牛油果新鮮好味，沙律菜新鮮爽脆，配上胡麻醬特別好食。茄汁虎蝦偏意粉，賣相已經夠吸引, 比一般意粉擺款很有心思, 有5隻大虎蝦，蝦肉非常爽，彈牙，偏意粉質地煮得剛好。配埋蕃茄仔夠香甜。香蕉朱古力牛角飽窩夫，其實係由牛角飽做成的窩夫，口感非常特別，淘上朱古力mousse醬更加好食，我超級鐘意食。士多啤梨乳酪芭菲，士多啤梨夠香甜，雲呢嗱雪糕香滑濃郁，加埋士多啤梨醬，食落清甜又有士多啤梨香味，有超甜士多啤梨和藍莓，杯底有脆麥片，將所有配料撈埋一齊食。好味。手打抹茶配蕨餅2件，味道超濃，我自己覺得有點兒苦。但直得一試。之後我加了有機洋金菊茶。原來味道都好夾。仲好好飲。蕨餅煙韌配上綠豆粉好香好味. 

早排試了這間新開日系cafe, 空間感十足、木系裝潢簡潔令人感覺舒服悠閒。平日中午過了peak hour特別寧靜舒適。午市提供多款西日料理、意粉、日式定食等。茄汁虎蝦扁意粉賣相精緻、意粉滑溜、鮮蝦大隻爽口、醬汁調味較得特出色鰻魚飯定食好足料、伴碟的小魚乾拼合桃漬物甜甜的十分美味甜品方面選擇也超多、croffle、芭菲全部也很吸引！我地叫了香蕉香桃乳酪芭菲、味道清爽酸甜、上面鋪滿新鮮水果、燕麥脆脆、沒有太甜太膩、反而口感好豐富、味道好有驚喜！Strawberry croffle口感煙煙韌韌製作了招牌黑熊的拉花，這杯鐵觀音拿鐵奶泡幼滑、喝出濃郁的茶香、比較少喝到呢。友人點的熱情果檸檬梳打也清爽怡人～

這間位於太古的Black Bear，走日式café路線，主食不算太多，有定食、意粉等，反而甜品才是重點，多款乳酪、雪糕、窩夫及芭菲等等，另外還有多款咖啡及茶，可以跟朋友chill一個下午。鰻魚飯定食以日式托盤盛載，鰻魚飯配麵豉湯及前菜；燒汁的鰻魚香配米飯。茄汁虎蝦扁意粉酸甜開胃的茄汁配爽口的扁意粉，虎蝦已去殼，十分彈牙。藍莓忌廉芝士牛角包窩夫窩夫是酥皮製成，十分鬆脆，配上忌廉芝士，更添風味。黑熊芭菲香濃幼滑的咖啡雪糕，加上蛋糕及粟米片墊底，十分滿足。手打抹茶配蕨餅抹茶濃郁，入口回甘，蕨餅正好中和苦澀感。黑熊特飲齋咖配咖啡雪糕，兩者配搭剛好，香濃幼滑。

住喺港島嘅吉蒂好多時都會去太古食飯貪選擇多想食咩菜色都總有一間係左近🤭而早前就約咗我嘅美肌密友去太古食飯Girls Date之餘順便了解下佢最近皮膚嘅改善進度如何😌呢間叫Black Bear嘅小型Cafe設計風格以木系色調為主入口處掛住一隻Black Bear🐻cute cute💕而我地當晚好好彩被安排坐喺餐廳最入嘅Sofa位置✌🏻舒服得黎又啱晒愛美之人打卡影相😆女生嘛，特別喜歡吃甜甜的所以我地簡單地點咗一碟巴瑪火腿香桃沙律🥗同茄汁大蝦意粉🍝其他全部都係甜點😋😋😋有follow開吉蒂嘅應該都知我唔太鍾意食甜嘢不過呢度嘅甜點全部都唔太甜好合我心意💯特別係甘筍蛋糕🍰 真係好耐無食喇～香港唔太多地方有得食架！至於黑熊芭菲初時以為係朱古力味原來係咖啡味令我地都好surprised，咖啡味仲喜歡😛士多啤梨🍓牛角包窩夫係阿Ta嘅選擇不過可能我哋影相影得太耐個croffle凍咗硬咗啲😂如果我地即時食應該會更好食🫣👏🏻👏🏻👏🏻太古又多一間可以比大家同閏密去chill一chill嘅地方～ 太好喇🥰

約咗朋友👱🏻‍♀️喺太古，佢喺呢頭返工，對呢區應該幾熟悉，我話想食簡單好味西餐🍽，佢諗咗2秒，就帶咗我嚟呢間西餐廳開餐😆$88「煙三文魚牛油果🥑沙律🥗配日式胡麻醬」：羅馬生菜🥬新鮮爽脆，牛油果🥑夠滑夠 creamy，又有鮮甜嘅小蕃茄🍅，加埋日式🇯🇵胡麻醬，清新好味😋$108「茄汁虎蝦扁意粉🍝」：小蕃茄🍅同埋虎蝦🍤排得整整齊齊，賣相靚靚🤩；虎蝦🍤新鮮肉質結實😋；扁意粉🍝煮得少少 al dente 啱我胃口，撈埋茄汁充滿 umami 😋$88「士多啤梨🍓牛角包窩夫🧇」：據說 Croffle 係由一位愛爾蘭糕點廚師喺 2017 年創造嘅，佢將普通嘅 Croissant dough 捲起嚟放入 Waffle 機中，製作出比傳統焗爐更脆的酥皮 Croffle 😆；呢度嘅 Croffle 熱熱哋、外皮少少脆，裏邊幾煙韌，配埋新鮮士多啤梨同埋士多啤梨忌廉，幾好味😆$88「士多啤梨🍓乳酪巴菲」：有士多啤梨、乳酪、蛋糕、脆片，唔係好甜，食得好開心🤩$68「手打抹茶配蕨餅」：抹茶好濃郁，夠滑，少少苦澀味，之後有回甘味😋；蕨餅煙煙韌韌🤩$38「有機洋甘菊茶」：清新好飲😋

拿…小朋友，北極熊就係白色，棕熊就係啡色，咁黑熊係咩色呀？黑色！錯！係日式！呢間熊熊主題「Black Bear」最近進駐港島東，以日式風格裝潢打造簡約、木系元素既café。而且食物質素絕對唔會比同區餐廳低，太古又多一個歇腳點。👇🏻📌主 食 -▪️ 鰻 魚 飯 定 食 - $108▪️ 黑 松 露 本 菇 螺 絲 粉 - $88▫️ 主食我揀左兩款，一款係「鰻魚飯定食」，鰻魚外層燒得均勻，外層帶少少焦香，肉質嫩滑，配搭麵豉湯，核桃粒，整個定食幾有和風味道；而「黑松露本菇螺絲粉」聽老闆講係最新推出，即刻嗌黎試下，芝士同truffle落足料，螺絲粉沾滿哂忌廉sauce，份量絕對係2人share，食哂都唔會好膩，正！📌飲 品 -▪️ 朱古 力 鮮 奶 咖 啡 - $48/凍▪️ 朱 古 力 拿 鐵 - $42/熱▪️ 咖 啡 湯 力 - $45/凍▫️ 飲品選擇超多，對於咖啡控我一定走唔甩，第一杯「朱古力鮮奶咖啡」咖啡同朱古力比例岩岩好；而「朱古力拿鐵」入口幼滑，最後「咖啡湯力」分層非常靚仔，打卡一流。📌甜 品 -▪️ 香 蕉 朱 古 力 牛 角 包 窩 夫 - $88▪️ 自 家 製 提 拉 米 蘇 卷 蛋

⁣住港島嘅我最近發現太古新開咗一間叫Black Bear 嘅cafe，Cafe走日式木系清新風格，空間感十足，座位不少，價錢亦相宜，適合同朋友聚會用餐😌～𝐈𝐧 𝐦𝐲 𝐭𝐮𝐦𝐦𝐲😋⠀⁣⁣⁣⁣1. 巴瑪火腿香桃沙律 ($88) ❤⁣⁣沙律大大碟🥗，巴瑪火腿都有多塊，配埋桃同車厘茄，一個人食都夠飽，而且係用黑醋汁，更加健康👍🏻！⁣2. 茄汁大蝦扁意粉 ($108) ❤⁣⁣依碟意粉就係驅使咗我去依間cafe嘅其中一個原因😍，擺盤好精緻而且好味！茄汁開胃扁意粉彈牙之餘，大蝦🍤隻隻都啖啖肉，同埋仲有車厘茄balance返😌！3. 桃味焙茶 & 鐵觀音拿鐵 ($41 & $45) ⁣⁣焙茶味配上淡淡桃味，口感清新，而鐵觀音拿鐵奶味較濃郁，個人都係比較愛茶😌🍵～⁣⁣4. 黑熊餡蜜 ($78) ⁣⁣ ❤⁣日式餡蜜係Black Bear嘅Signature dish之一，當然要叫同名產品黑熊餡蜜啦（其實係因為有蕨餅😛）！茶味雪糕配上白玉、黑白涼粉、紅豆同黃豆粉蕨餅，再淋上黑蜜醬，非常日式的感覺🎌！⁣⁣5. 黑熊芭菲 ($88) ⁣⁣❤️另外一款甜品都選擇咗黑熊系列🫢，面頭有Lotus焦糖餅乾，食落咖啡味雪糕

太古城咖啡店非常多，差唔多每一間都係集團式經營，不過今日俾我誤打誤撞搵到一間小店，Black Bear係一間日系咖啡店🐻，餐廳裝潢充滿開揚木系風格，所有傢俬一律係深啡色。場內用左落地玻璃，採光十足。地下既瓷磚充滿質感。- 豚肉生姜定食呢幾日天氣開始轉涼，微辣既生姜料理最適合不過。豚肉份量幾多，味道香甜，洋蔥煮得好軟身。另外仲有麵豉湯同合桃粒，合桃味道甜甜幾開胃。- 香蕉朱古力牛角包窩夫牛角包整成既窩夫外脆內軟，口感輕盈，而且食落好酥脆，最緊要係唔油膩。朱古力同香蕉一向係最佳組合，味道非常出色。- 黑熊特飲黑啡上面係咖啡味軟雪糕，雪糕非常軟滑，當中既咖啡味唔算好濃，帶有少少回甘。另外值得一提既係上菜速度快，老闆好親切，為太古帶來一點人情味🥰

這天跟朋友去逛街，然後一起吃晚餐。除了主食，我們還品嚐了以餐廳名命名的飲品及甜品！主食分別是豚肉生姜定食及香草醬煙三文魚長通粉。豚肉丼很不錯。丼飯中的醬汁味道及份量都很合適，肉片不少，而米飯亦是粒粒圓潤飽滿的。定食配搭麵豉湯及小菜-芝麻合桃，挺豐富的！長通粉的味道是非常經典的香草味道，醬汁濃稠度合適，所以每條通粉都能沾滿美味可口的香草醬！我們這天還品嚐了黑熊特飲、黑熊芭菲及黑熊餡蜜。餐廳的「黑熊」指的是咖啡。黑熊特飲是咖啡軟雪糕配搭凍齋啡。我覺得這個軟雪糕很綿滑，咖啡味道不重。這個咖啡不是很苦澀的，但我還是比較喜歡將軟雪糕混合著咖啡一併品嚐。芭菲及餡蜜中的黑色塊不是涼粉，而是咖啡凍！滿滿一杯好看的芭菲，品嚐起來真的很滿足！我覺得餡蜜配搭的雪糕球咖啡味道比較濃郁，加上豐富的配料，這個黑熊餡蜜是充滿驚喜的！最後，這是朋友的抹茶latte，朋友說飲品香甜可口，他很喜歡！

🐻可愛木系黑熊cafe🐻經過依間cafe就俾佢嘅木系簡約設計吸引住，空間感十足，擺設好有心思，好似去左村莊小屋咁，坐得舒服。Menu有好多款甜品，窩夫芭菲雪糕樣樣齊，今次就試左佢嘅主食，西式日式選擇都有✅—— 鰻魚飯定食 $108成條鰻魚開半好吸精，沾滿醬汁但有少少偏鹹，魚肉不過不失，配有湯同核桃魚仔小食，後者好味食到停唔到🤣—— 煙三文魚牛油果沙律 $88輕食之選👍🏻上碟擺得好靚好豐富，煙三文魚同牛油果份量好足，沙律菜口感清爽，加入小蕃茄洋蔥混合芝麻醬，想清清地嘅食依個沙律就啱哂😋🌟推薦指數：7/10▫️▫️▫️▫️▫️▫️▫️▫️▫️▫️▫️▫️▫️📍 Black Bear (#太古)太古太古城道22號明宮閣地下G406號舖

最近個市同呢間餐廳個名一樣…都係熊市🤣位於太古嘅黑熊blackbear餐廳係一間日系嘅文青咖啡室同朋友每人叫左個主食 包括有茄汁虎蝦扁意粉同鰻魚飯 扁意粉賣相非常吸引擺盤精美啲大蝦又夠新鮮 仲有好多細細的車厘茄加上茄汁酸酸甜甜 零舍開胃 而鰻魚飯就夠大碗 喺餐牌上面寫住係必點嘅推介 鰻魚好大件 肉質還可接受前菜仲有麵豉湯同埋合桃 份量適中 一個人食也很足夠食完嘢叫杯黑熊特飲 上面係雪糕 下面係齋啡 天衣無縫嘅配搭 一啖雪糕一啖咖啡仲有手打抹茶拼蕨餅 好有feel 抹茶係手打 好有日本地道感覺蕨餅口感煙煙韌韌 淡淡然的味道與抹茶很是匹配呢