BLT Steak (Closed)

#Flashback 朋友住紅磡，由於佢要湊小朋友，所以就揀海港城，貪呢間有景嘅餐廳，又近佢試吓好唔好食先。先黎麵包：Popover ，佢個樣好似豬手，但係其實佢係一個包嚟嘅，佢個樣好似好大膽，但其實佢係空氣咁喎😆主菜：- 黑蒜烤牛肋骨 Black Garlic Charred Short Ribs : 呢個煮得好淋、食嗰陣係骨肉分離啊、佢咬落去好香口、牛味濃、黑蒜令到佢更加香👍🏻- 巴馬臣芝士薯條配松露蛋黃醬Parmesan fries, truffle aioli ： 呢個一定要嗌喎，因為有好多芝士係面，再配埋個松露醬，極之好味，食個不停- 小椰菜，珍珠洋蔥及煙肉Brussels Sprouts, Pearl Onions, Guanciale ：另外叫咗呢一個菜仔，第一次食，幾特別，啲小椰菜細細粒，一啖一個，味道都幾 Fresh甜品：- 唔記得佢叫咩名，但其實佢係西瓜嚟嘅，個西瓜都幾甜，幾好味、可以用黎打卡、加埋杯咖啡，再慢慢傾下計，咁又一日了～

BLT Steak 老實講見到網上評價好壞參半真係好驚伏到PK所以期望唔算好大Rib Eye Medium算好 但擺奈咗就變咗做Medium rare & well個人覺得走地雞比較出色個source酸酸地再俾埋成個檸檬超正重點係個雞真係好滑！Cocktail唔記得咗叫咗邊杯但好普通咁 勝在平Crepe Soufflé個樣真係好樣衰但好好食！！！唔會輸俾啲日本餐廳呢個比起牛更值得叫海景超靚 由6點坐到8點睇到唔同時段既景色香港真係好靚！Overall呢間唔錯 值得一試順帶一提因為佢隔離係公眾地方會有好多人食煙 所以唔想聞到煙味就唔好坐出面😂

海運大廈尼渡嘅食肆不嬲唔平尼閒又有景又無限時不失係個好地方！醫飽個肚先shopping 可選只食沙律吧，但要額外加$20先有餐飲！但如果你選食埋main course就會包埋

間餐廳由一入去，舉手時好幾次侍應生見到我都扮見不到直接轉彎走人，serve 既時候有幾次叫中同一個女侍應，我需要d咩佢聽完後直接吾出聲，拎完過黎放低之後直接走左去，當茶餐廳？個個態度好似吾願做甘，個receptionist淨系黑口黑面，問野又吾答（我中英文都講左），d食完既碟放哂系到d侍應們都直行直過吾黎收，食左2800蚊就食埋d差既垃圾服務，可一不可再，以後都吾會再黎食。我忍到最尾都算好好，成間餐廳既員工個鼻都生左系頭頂到？以為自己邊位？只不過是在高級餐廳做事的低級侍應。

點左八爪魚再加蟹餅+USD A 牛柳（3成熟)八爪魚冇味。。。蟹餅好食牛扒竟吾係係咪師父趕住收工😅仲衰過自己煮。。。另外在open rice book 左套餐$688去到先知原來係每位$688...但open rice 無寫到係每位計。。。不過算啦朋友仔食下飯，聚下吾會有下次😅

週末自助早午餐, 主要分1)自助餐早午餐跟主菜＆餐飲; 2)自助餐only.我們看完自助餐食物後, 決定只叫自助餐only, 因為眼見的食物好豐富, 覺得食完應該都好飽😅一張大長枱兩邊放滿各式各樣的沙律(華爾道夫沙律, 芥辣薯仔🥔沙律, 🥦🧅西蘭花紫洋蔥沙律, 🧀🍅芝士蕃茄沙律, 無花果豆角鴨胸沙律, 螺絲粉鴨胸沙律, 紅菜頭車厘茄沙律, 🥗凱撒沙律........) 還有前菜凍蝦🦐, 焗釀蕃茄🍅, 🧀芝士西葫蘆瓜🥒, 蟹子沙律餅乾, 芝士忌廉磨菇🍄, 🌽粟米忌廉湯等等沙律前菜食材都好新鮮, 多種沙律醬任君選擇👍凍蝦都ok蟹子沙律餅乾好味👍粟米忌廉湯味道普通另外還有凍肉冷盤, 🧀芝士拼盤🐂牛肋肉&🐑羊鞍肉目測肉質超乾, 完全不吸引. 席間有朋友食完, 食後感如我所料😅甜品&生果區🥥🍍椰子菠蘿慕斯杯, 忌廉泡芙, 🍓士多啤梨慕絲蛋糕, 意大利芝士餅🥧& 🍇🍈🍉🍍鮮什果切粒. 各種甜品味道可以, 餐後一點甜😚當我食完三碟食物, 一碗忌廉湯&甜品都非常飽😋 今次埋單朋友用商場優惠券, 每食滿$100扣減$50, 埋單每人只需$160/位, 超抵食🤭🤭

食物水準仍然保持，salad bar 、dessert bar 食品都有保證，服務員態度非常好，但最好先訂位，可以坐近海的窗口位，也可以確保有位，因為也有walk-in 冇位的情況

服務員態度極度惡劣，首先係receptionist 已經非常冇禮貌，之後到入面的waiter 更加差，簡直係服務0分。食物尚可。選擇未必係太多，但材料新鮮，refill 都好快，但係服務態度有待改善。

小弟又🎈生日🥳喇，感謝🙇🏻‍♂️朋友仔為我揀咗呢間餐廳慶祝生日🥰！餐廳入邊環境🙈昏暗，其實幾好氣氛☺️。其實係 full booking，不過😷疫情關係所以要隔枱。麵包🥖一般般，個樣好似好大，但其實中間大部份都係吉嘅😂。我本身好鍾意❤️食油金魚刺身，佢呢個刺身都幾新鮮，油金魚香味充足👍，配埋柚子汁同埋牛油果🥑好開胃🤤。佢呢個🦀蟹餅其實幾足料，有唔少蟹肉！但係佢上邊嗰啲炸🥔薯絲實在係太多啦😂，一齊食起上嚟雖然好🤩香口但係就掩蓋咗啲🦀蟹肉味🙈。呢個薯條🍟上邊有好多 Parmesan Cheese 🧀 ，再點埋個松露醬😍真係好味到停唔到口😋！🐂 Short Ribs 🤩 唔係好多餐廳有得食，佢煮得好𣺉滑同埋離晒骨👍，咬落去好夠油脂香同埋牛肉味都幾濃🤤，黑蒜味恰到好處唔太突出，十分美味😋！🐂牛柳都算唔錯，🤤肉味足，而且👍肉質好嫩滑，🥰牛柳比較少油脂😆食起上嚟唔會太膩。炸洋蔥🧅圈不過不失👌，洋蔥🧅幾肥厚多汁。疫情關係😷晚市九點要清場，所以啲嘢食都來得好快😂，個麵包我哋咬咗幾啖，眨吓眼就已經成枱都係嘢食😆！最後要祝我🎂生日快樂🎉！呢個其實係疏乎厘班戟🥞，上邊有一層好薄🤏嘅焦糖脆皮，下面係熱情果醬汁。🤤食

食物質素高 但是希望前台招待的同事素質也跟著提高 前台女同事 說英文的 眼睛長在額頭上呢 望跟進 前段時間去 沒有訂位 想著等位 然後前台女同事一臉不削的樣子也不想服務 這樣擺臉色給客戶看 做什麼服務行業呢

琴日係尼間店門口企好耐無人招呼，入到呆坐定好一陣都係無人招呼，落單時候講廣東話店員就有點扮唔知，嘲笑你噶感覺，總之服務極差食一肚氣，唔會再幫襯。另外，如你提及想外賣可否用coupon，個眼鏡經理會對住你翻白眼，嚎不耐煩話唔得。——————————————————————————————

海港城有優惠，拎住張唔多唔少嘅coupon 唔知食乜好。經過見lunch 有semi buffet, 又即管試下!環境開揚枱與枱之間有適當距離 (隔枱坐) , 由於疫情, 入座時職員有提醒出去拎食物要戴口罩。閒日lunch hour 唔算多人，但buffet區食物無偷功減料。仍然有充足嘅沙律，前菜，cold cut 等。中途亦見職員不時refill , 好多酒店都因為客少咗，就做到核核突突寒孫咁。呢度反而做得好足。食完沙律同前菜都飽左一半，好後悔，早知要淨食salad bar 算....再嚟咗個安格欺漢堡，有甜洋蔥同煙肉，仲有薯條...見到已經知食唔落... 漢堡牛啲肉汁流晒出嚟，好期待!!但一食落口。。。。係我有問題定廚師有問題？？？竟然乜味都無....講緊係基本調味....完全啖口.... 但相對起BLT burger ,感覺呢個semi buffet都抵食甜品選擇唔算多，但都已經好飽，飲埋咖啡，滿足晒!!!扣埋張coupon 都唔洗$200, 都抵吖不過疫情下，食完都盡快戴返口罩喇。希望快啲過去，大家可以繼續出去飲飲食食啦！

第一次黎食buffet lunch，一行七個人淨係叫左幾個主菜都夠食，因為salad bar都算豐富🤤收費係$168淨salad bar，如果叫埋主菜就$198/ $258。Salad bar種類至少有七款，仲有其他小食例如焗蕃茄、焗忌廉蘑菇等等，同埋有三款pickles選擇，真係食菜都已經飽晒。而且亦有ham & cheese、甜品同水果提供，就算唔叫主菜一個女仔都夠食。因為覺得會食唔晒，所以只係叫左兩款主菜。🍔七味胡椒黑安枱斯牛肉漢堡（連薯條）Size普通但食埋沙律就覺得大份，牛肉漢堡扒既juicy又飽肚，肉質食落唔會韌，但芝士控覺得可以再加多d芝士，不過整體味道係唔錯，可以encore。🐟香煎挪威三文魚煎得岩岩好味道不過不失，但感覺無咩特別，下次可以試下其他。見到唔少食評話服務差，但我去個日（lunch time，樓面都full）侍應們都算友善，仲好勤收碟/換碟/加水，所以俾我既感覺都可以再去。如果對salad bar情有獨鍾嘅朋友可以一試。

2020.6.11 Thu Lunch 🌤天氣好好。維港景好靚🏝來食semi-buffet。 最估唔到到係沙律bar仲好食過主菜😆😋。淨係食沙律bar都夠飽😊沙律bar有10幾款沙律你揀:♡有紅菜頭沙律，煙鴨胸青豆沙律，長螺絲粉沙律，等等。。♡仲有火腿(係好食的)。。♡仲有我好鍾意嘅忌廉雜菇(超creamy)。。♡仲有南瓜湯(好好飲)♡甜品有3款cake，泡芙，水果(西瓜，蜜瓜好甜)主菜: 都有好多選擇。有牛扒，烤雞，三文魚，三文治等。。。(但我覺得安格斯牛扒burger，塊扒太乾，一啲都唔juicy。。。)※食扒有好多款特別醬汁可以揀

BLT steak 相信大部份鍾意食牛扒嘅人都識，首先佢嘅風景係對住維多利亞港，無論溝女或者係浪漫一下都相當適合，只可惜我今次係同個男仔朋友去😩😩😩餐包係主菜嚟之前好重要嘅角色，但係通常大部份人都係食少少就算因為費事浪費空間食唔到主菜。但係呢一個牛角餐包真係令人無法抗拒，我會嚟呢度食有一部份嘅原因都係因為依個包。首先佢嘅體積已經嚇你一跳，佢比一隻手掌還要大！ (午飯嘅時候有細版嘅牛角包）外皮非常鬆脆而入邊就非常之軟熟，加埋佢自家嘅牛油，簡直色香味俱全。Crap cake味道調節非常精準，香脆外層加埋足料嘅蟹肉，口感豐富，唯一可以彈嘅係凍得比較快，所以建議一上菜就盡快食咗佢。America new york strip - 紐約牛扒美國牛扒，分量很大，用鍋仔上顯得特別雅觀，我們點了medium rare (3成)，外面熟，裏面還嫩紅，火候和肉的前處理做得不錯，上面的牛油也幫助帶出了肉香。更加可以食到肉的原味。另外配有BBQ汁，沾汁可以食到更多風味。Wagyu flat iron steak - 和牛牛肩肉和牛比紐約牛扒相對脂肪比較多，食起嚟更加香，呢個牛扒我就叫咗Medium (5成)，